عند سمر كانت راجعه اوضتها بس وقغت على صوت نجوى بتقول…استني يا سمر سمر ابتسمت باستهزاء وبصت لها وقالت..يا نعمين يا حماتي نجوى قربت منها وقالت بهدوء وحزم…تاخدي كام وتبعدي عن اولادي وتسبيهم في حالهم سمر اندهشت وقالت..ايه ده يا حماتي ماشاء الله عليكي بقيتي تتكلمي من غير لف ودوران نجوى قالت بغضب..انا عارفه كل حاجه..ولو قولت لجوزك هيصدقني وعيقطعك مليون حته ويرميكي لكلاب السكك
سمر ضحكت بقوه وقالت..ما انا عارفه ..عارفه انك عندك علم بكل حاجه..ومتاكده انك سمعتي كلامنا انا ورشيد قبل ما يعمل الحادث ومن يومها وانتي قالبه خلقتك فيا مش محتاجه يا حماتي انك تهدديني ودارت حواليها وقالت…بس ياتري ..انتي ساكته ليه يا حلوه نجوى لسه هتتكلم سمر قالت بخبث..انا اقولك ساكته ليه لاني انا كمان اعرف عنك الي يهدلك بيتك ده من ساسو لراسو…واقدر اتكلم وزي ما انا هترمي لكلاب السكك انتي كمان هتخسري…بس خسارتك اكبر انتي هتخسري واحد في اولادك يا حماتي..نتكلم احنا الاتنين..ولا نسكت احنا الاتنين
نجوى اتجمعت الدموع في عيونها وقالت…حرام عليكي دول اخوات..اخوات ليه عايزه تكرهيهم في بعض..ليه عايزاهم يقتـ,ــ,ـلو بعض سمر قالت بمنتهى البرود ابدا مش عايزه كده انا بس عايزه اعيش ..وحاطه حاجه في دماغي …والي بحطو في دماغي ولا الف زيك يقدرو يبعدوني عنو ماشي يا انطي ..وضحكت بسخريه ودخلت على اوضتها نجوى بقت تبكي وقالت..يا رب..يارب ساعدني عند جلال كان سايق وروفان جمبو وعنيها متبشرش بالخير طلعت السلاح وبقت تعمرو وهيه مضايقه جدا جلال بلع ريقه بخوف وقال..انتي..انتي بتعملي ايه…اكبد يعني مش هتودي نفسك في داهيه..اختك مراتو و
بس روفان بصتلو وقالت بغضب..متقولش مراتو…سامع ورفعت السلاح عليه جلال وقف العربيه وبصلها وقال..طيب…اتفضلي اضـ,ـربي عليا..وقفتي ليه..مع اول جوله معاه لغيتي عقلك…بس انا عارف ايه الي لاغي عقلك..مش عمران ولا فرح اختك..انتي مضايقه من الي سمعتيه…مش كده…خايفه..شاكه..ويمكن متأكده كمان روفان بصتلو وقالت بغضب وبدموع..انا عمري ما هشك في رشيد..متاكده ان البنت دي بتكدب وبتستعل ان رشيد مش فاكر حاجه وعايزه تحط افكار من دماغها جلال قال..وليه ميكونش هو الي بيكدب عليكي روفان قالت بسرعه..مستحيل..رشيد مستحيل يخدعني مستحيل اصلا يطلع منو تصرف قذر كده…انا واثقه فيه اكتر من نفسي
جلال ابتسم ابتسامه جميله وبقى يبصلها جاند ويتأمل ملامحها روفان بصتلو باستغراب وقالت…انت بتبصلي كده ليه جلال قال بابتسامه جميله…بتمني
روفان استغربت وقالت..بتتمني …بتتمنى ايه جلال قال بابتسامه…بتمني الاقي الي تحبني نفس حبك لرشيد..انا معجب قوي بعلاقتكم حقيقي مش سهل على اي واحده تقول الكلام ده بعد الي سمعتيه روفان اتنهدت وقالت..الي قالتو مخلانيش اشك فيه لحظه واحده كل الحكايه اني حسيت بغضب من جوايا اتمنيت لو فضيت السلاح في دماغها علشان تستغلك كده وتحط الافكار الزباله بتاعتها دي في دماغك
جلال ابتسم وقال..يا ستي اهي عندك تقدري تعاقبيها واحده واحده من غيرما حد يحس وبصلها بخبث وقال…وانا معرفش اي حاجه روفان ابتسمت وقالت..ده الي هيحصل اصلا جلال قال بحماس…اهو ده الكلام..والي جاي ضـ,ـرب تحت الحـ,ـزام
روفان ضحكت على كلامو وهزت راسها بيأس من جنانو عند عليا كانت في أوضتها بتبكي جامد منظر رائف كان مش رايح من بالها كان يقدر يقلب الطاوله بكلمتين اتنين خصوصا ان عليا حامل لاكن متكلمش الحسره الي كانت في عيونه متتنسيش
عليا كانت بتحاول تكلمو بس مش بيرد وقلقت جدا عليه حطت مخده مكانها وغطتها كويس ونزلت تتسحب واستغلت ان القصر فاضي.. عمران وروفان وجلال بره…وامها في اوضتها وسمر كمان.. طلعت بسهوله من القصر وركبت عربيتها وطلعت تطمن عليه بقلم…زهرة الربيع
عند عمران كان قاعد في البلكون وجات فرح وقالت بتوتر…ممكن نتكلم