سمر ابتسمت بخبث وقالت..الحقني يا رشيد شوف اخوك الخاين…ظبطتو مع الهانم بيبوسو بعض مش قادره اتخيل…وبقت تبكي باصتناع روفان بصت لفرح بزهول ورجعت بصت لعمران بغضب وقالت..الي قالتو ده صحيح عمران لسه هيتكلم جلال قال ..فيه ايه انتي وهيه…ايه الأفورة دي دول متجوزين هو انتي ظبطتيهم في المقطم روفان قالت بحده..متقولش متجوزين …وبصت لعمران بغضب وقالت..ده واحد مترباش علشان هو عارف ظروفها كويس و بس فرح قاطعتها وقالت ببرائه …هو ملوش دعوه يا روفه والله انا الي بوستو غصب عنو
حالة زهول كانت على وش الجميع جلال قال بدهشه غصب عنو …وانفجر بضحكات من قلبو لحد ما قعد على الأرض نجوى بقت تضحك وتحاول تكتم ضحكاتها اما عمران رغم انو اتغاظ من الجمله لاكن كانت مضحكاه وخصوصا شكل جلال الي كان هيموت من الضحك روفان شدت فرح بغيظ وقالت…تعالي معايا…يلا اطلعي قدامي هتشليني واخدتها ومشيت بيها وعمران شد سمر من ايدها وقال…يلا يا سمر انتي كمان اهدي وانا هفهمك كل حاجه يلا… واخدها بالعافيه ودخل بيها اوضتهم
جلال بص لنجوى وهو لسه على الارض وحاول يبطل ضحك وقال ..بعيدا عن المسخره دي بس دول الاتنين هيكملو سوا نجوى قعدت جمبو على الارض وقالت بلهفه..قصدك مين عمران وفرح…هو قلك انو عايزها هيخليها معاه يعني ولا علشان اختها جلال قال..لا هو مقالش بس انا احساسي عمرو ما نزل الارض البنت دي هتوقعو بكره تقولي جلجل قال نجوى قالت بفرحه..يا ريت يا ابني حقه لو ساب الي الحرباية الي اسمها سمر دي و…بس بصتلو باستغراب وقالت….جلجل مين
عند عمران دخل هو وسمر الاوضه وقال بضيق…عاجبك الفضايح دي مش تهدي وتسمعيني الاول و بس سمر قاطعتو وقالت بزعيق..واسمع ليه ما انا شوفت …والهانم عيني عينك بتقول انها باستك كمان..انت بتستهبل عليا يا عمران انت مش قولتلي انها مجرد خدامه وان كل قصدك تضايق اختها عمران اتنهد وقال..وده الي بيحصل يعني اكيد مش هحب عيله زي دي كبري مخك سمر قالت بسرعه وخبث..يبقى تثبتلي عمران قال بارتباك ..مش هينفع اطلقها دلوقتي و بس سمر قاطعتو وقالت بلؤم..ومين قال اني عيزاك تطلقها…بالعكس انا عيزاك تقرب منها أكتر
عمران بصلها باستغراب… وقال قصدك ايه سمر قالت ..قصدي ان البنت دي هيه نقطه ضعف روفان الوحيده ولو انت قربتلها اكتر وكمان ياسلام لوبقت حامل …تقدر تضغط على أختها وكمان تقدر تخليها تطلق من أخوك بسهوله عمران قال …فكره هبله…لان فرح مراتي يعني مش هستفيد حاجه وهما يقدرو يثبتو نسب الطفل بسهوله سمر قالت بخبث…ده لو مع اي حد لكن معاك انت الموضوع صعب جدا..خصوصا اننا متجوزين من ٧ سنين ومعندناش اولاد عمران بصلها بضيق وقال..احنا معندناش اولاد لان انتي رافضه..وخايفه جسمك يبوظ…متفكرنيش بالحكايه دي لانك عارفه انها بتضايقني
سمر قالت بسرعه..اسمعني بس..انا وانت عارفين اننا مجبناش اولاد لاني انا رافضه بس مين تاني يعرف ..يعني انت تفدر تجيب اكتر من تقرير يثبت اتك مستحيل تخلف وكلو بتمنو و عمران بصلها بغضب وقاطعها وقال..انتي اتجننتي انتي ازاي تفكري كده…وبصلها باستغراب وقال..وبعدين هو انتي معندكيش مانع اني اخلف منها
سمر قالت..يا حبيبي اهدى اكيد طبعا انا غيرانه عليك وهزعل وكل حاجه بس دي مصلحه فكر فيها..اخوك لو فضل مع البنت دي هتحرضو عليك دي عايزه تهد البيت على دماغنا وانت عارف انها بتكرهك وبتقرب من اخوك علشان بتكرهنا واهي حملت منو لنفس الهدف ..فايه المانع انك تعمل كده في اختها لنفس السبب انت بترد عليها مش اكتر عمران اتنهد وبقى يفكر في كلامها وقال…تمام…كل الي قولتيه صح بس مش لدرجة اني ادمر البنت واخليها تحمل مني واسبها هيه وابني مش للدرجه دي انا هحسبها صح..وفي الاخر برضو مش هخلي رشيد يفضل معاها ده على جثتي
عمران قال كده وطلع من الاوضه وسمر ابتسمت وقالت…هو ده المهم عندي يا عمران اهم حاجه رشيد يطلقها..ده اليوم الي بتمناه ساعتها هفاجأك اما جلال كان في موقف لايحسد عليه لما نجوى قالت مين جلجل ده يا رشيد جلال قال بتوتر..ها…جلجل..انا قولت جلجل نجوى قالت ..ايوه..قولت بكره تقولي جلجل قال جلال قال بسرعه..اااه..جلجل..جلجل ده واحد صاحبي..بس كل حاجه بيقولها بتطلع صح في الاخر نجوى ضحكت وقالت..وجلجل صاحبك يعرف فرح وعمران منين بقى علشان يقولك انهم هيكـ,ـملو سوا
جلال قال..لا هو ..هو بيقولي اي حد فاقد الاهتمام من الي حواليه بيتعلق باي حد يهتم بيه وعمران كده وانا متأكد ان البنت دي هتكمل معاه بس كده نجوى اتنهدت وقالت..يا رب يا رشيد..يطلق الي اسمها سمر دي..ده يوم المنا