#زوج_ماجور_البارات_ال22
رشيد كان هيتجنن لما سمعها بتقول ..قميص نوم ايه الي عايزني البسو يا شقي وانا جوزي هربان … على العموم بكره هجيلك والبساك الي تحبو بس دي اخر مره علشان متتعودش لان رشيد غير عمران روفان ورشيد بصو لبعض بزهول ولطمو هما الاتنين سوا وقالو بصوت واحد…احيه سمر قفلت معاه ورشيد كان مصر يدخل لها بس روفان منعتو وشدتو على اوضتهم بالعافيه روفان اول ما دخلتو الاوضه قفلت الباب بسرعه ورشيد قال بغضب وزعيق…ليه مسبتنيش ادخل لها…كان لازم اقـ,ــ,ـتلها باديا..الو،اطيه…مش كفايه الي بتعملو معايا انا..لا كمان الهانم طلعت فتحاها على البحري …هطلع عين الي خلفوها اوعي من وشي ياروفان
روفان قالت بسرعه..اششش اهدي بقى..هتخليها تسمعنا…مش تفكر بعقلك…انت سايب المهم وماسك في الفروع…احنا المفروص نسبها تقابلو..اكيد دليل برائة عمران عندهم..انت مسمعتهاش لما قالت ..كل حاجه ماشيه زي ما خططنالها رشيد قال بغضب…لا انا مسمعتش ولا همني كلامها لاني اصلا متأكد من برائة عمران..كل الي همني انها طلعت بتخونو..لا وكمان بتقول انو مش اخويا فاكره ان ممكن حد يصدقها ااوا،طيه..وضحك بسخريه وقال..مش اخويا قال..عمران مش اخويا اغبي حاجه سمعتها في حياتي روفان نزلت راسها وسكتت
رشيد بصلها باستغراب وقال…اوعي تكوني صدقتيها…لا يا روفان..لا دي كدابه..اوعي تصدقيها عمران…عمران اخويا …اخويا واكتر من اخ …دي واحده زباله مفتريه..بس بتستغل انو مش قادر يواجها دلوقتي ..بس انا هنا… تعالي معايا وانا هثبتلك انها كدابه ..يلا تعالي روفان اتنهدت وقالت..يا رشيد اهدى مش مهم تثبتلي انا اي حاجه…وصدقني مش فارقلي اصلا.. واتنهدت وقالت…اسمعني يا رشيد.. مش شرط عمران يكون اخوك بالدم علشان تحس تجاهو بالحب ده ..طبيعي تحبو كده لانو رباك وخد بالو منك…ومش مجرد كلام سمعتو يخليك تعمل في نفسك كده اهدى
رشيد قعد على السرير وقال بدموع..بس..بس عمران اخويا…اخويا والله…وانتي مصدقاني صح روفان زعلت جدا عليه كان الحزن في عنيه قعدت جمبو وقالت..مصدقاك..هو اخوك…انتو اخوات مستحيل حد يقدر يقول غير كده…ولو مجمعكمش ام واب..لاكن الي بيجمعكم قلب… ورابط القلوب اقوى بكتير رشيد بصلها بدموع وحضنها جامد وقال..لا لا يا روفان هو اخويا….دي امي وابويا كانو بيحبوه اكتر مني..مستحيل..مستحيل يكون كلامها صحيح..مستحيل روفان اتنهدت بحزن عليه بس في نفس الوقت ابتدت ترتاح ان عمران فعلا بريئ وكده تقدر تحل القضيه وتخلص
عند عمران كان قلقان لان روفان وافقت تساعدو وهو مش واثق فيها وخايف يخسر كل حاجه فرح قالت…انت قلقان من اختي مش كده عمران اتنهد وقال…الصراحه اه…مش هكدب عليكي مهما كانت دي بنت الشيمي الي طول عمرو مش بيطقنا بقلم….زهرة الربيع
فرح ضحكت وقالت..طب ما انا كمان بنت الشيمي…كمان مش واثق فيا عمران ابتسم وقال…انتي حاجه تانيه…حاجه مفيش منها اتنين..اجمل نسمه عدت على حياتي..والي هقوله ده جنان مني…بس بثق فيكي اكتر من نفسي فرح حست بسعادة الكون كلو وقالت…يبقى مدام واثق فيا ..اسمع كلامي..انا بقى بثق في روفان…وهيه هتساعدنا…ليه بقى..لانها فاكره انك مذنب وعايزه تثبت ده علشان تطلقني منك
عمران ابتسم وقعد جمبها وقال..اممم..بقيت زكي يا صغنن.. على العموم..انا همشي وراكي للاخر…يابقينا سوا…يا بقى بس فرح قاطعتو وقالت…بابقينا سوا..يا هنموت سوا…وعد مش هعيش من غيرك عمران اتصدم بالي قالتو وحضنها بقوه وقال…بعيد الشر هليكي…اوعي تقولي كده تاني…ربنا يخلصني من الموضوع ده واقدر اعوضك عن الي عملتو كلو عند روفان كانت بتقطم ضوافرها باسنانها من شدة الارتباك ورايحه جايه في الاوضه رشيد بصلها باستغراب وقال…فيه ايه..اوعي تقوليلي كل ده بسبب الي سمعتيه..لاني ممكن اصدق اي حاجه غير انك تزعلي علي عمران
روفان بصتلو وقالت…شوف يا رشيد انا مكنتش ناويه اقولك ابدا…بس بعد الي سمعتو لازم نتصرف…انا كنت عند اخوك وعملنا اتفاق سوا ..كنت فكراه مجرم و كان كل همي اخلص فرح منو …وكان الاتفاق اني اخليه يقابل فادي بكره..ونحاول ناخد اي دليل…دلوقتي المصيبه ان مراتو رايحه لفادي بكره يعني اخوك حتى لو كان بريئ بكره هيبقى قاتل…فلازم نتصرف رشيد بصلها بزهول وقال…انتي بتقولي ايه..هيقابل فادب ليه…يا نهار اسود… روفان قالت.. .المشكله اني معرفش اي طريقه توصلني بيه…انت لازم توصلو…وقلو ميروحش الخطه اتغيرت انا الي هروح لفادي
رشيد قال بغضب…نعم يا اختي..تروحي لمين يا حلوه…عايزه تروحي لفادي الي هيموت عليكي روفان بصتلو وقالت…وفيها ايه…ده علشان اخوك رشيد قال بغضب..لا اخويا ولا ابويا…مفيش مرواح عند الحيوا،ن ده فاهمه انتي متجوزه راجل واذا قال لا..يبقى لا…تمام روفان بصتلو بسخريه وقالت….كان نفسي اقواك حاضر يا سي السيد…بس للاسف مش هينفع…ده شغلي وهروح رشيد قرب عليها بغضب وقال…ده مش شغلك تمام…انتي شغلك الي تتكلفي بيه وبس روفان قالت بخبث..تمام ..يبقى اروح ابلغ عن الي حاصل كلو وهما يتصرفو وخلي اخوك بقى يشربها وانت حر
رشيد داس على اسنانو بغيظ منها وحاول يهدى علشان عمران و اتنهد بضيق وقال…طيب خديني معاكي روفان قالت بضيق وسخريه..للاسف الشنطه مفهاش مكان كنت اخدتك فيها رشيد مسكها من دراعها بغضب وقال..انتي بتعامليني كده ليه..ها..كل ده لاني حاولت اساعد اخويا.. روفان زقت ايده وقالت..لا..كل ده علشان مشيت طريقك لوحدك ونستني يا رشيد…بلاش نفتح في القديم …مش من مصلحتك رشيد اضايق جدا وراح ينام وهو متعصب وروفان كانت عايزه تكلمو بس مرضيتش ونامت هيه كمان
في صباح يوم جديد روفان ركبت العربيه ولسه هتطلع ورا سحر رشيد ركب في العربيه معاها
روفان اتنهدت وقالت….بزمتك يعني ينفع اروح اقولو اني عايزه اتفاهم معاه لاني هطلق منك وبكرهك واكون وخداك معايا..ايه…وخداك عند الزوم ….انزل يا رشيد وبلاش مشاكل على الصبح رشيد ابتسم وقال…انا مضطر اجي معاكي…معرفتش اوصل لعمران تليفونو مقفول…هاجي معاكي ونقف بالعربيه بعيد علشان اول ما اشوفه امنعو انو يدخل روفان مقتنعتش انو معرفش يوصلو بس اتنهدت بضيق لانها عرفاه عنيد وطلعت بالعربيه كان لازم تمشي ورا سمر بسرعه روفان كانت ساكته طول الطريق ورشيد كان بيحاول يعمل اي حركات علشان يكلمها بس من غير فايده بصلها بخنقه وقال…اقدر اعرف بتجيبي البرود ده منين..يعني اوقات الواحد بيحتاجو
روفان بصتلو بطرف عينها وقالت بلا مبالاه…لما تحتاجو قوي قولي وهجبلك معايا رشيد نفخ بغيظ وبصلها من فوق لتحت كانت انيقه جدا على غير العاده وحاطه برفن يجننن وشكلها حلو جدا قال بضيق…انتي هتقابليه كده..ملبستيش بدلة الشغل ليه روفان كانت مبسوطه بغيرتو وجنانو من مبارح بس مبينتش قالت..هو انا هروح اقبض عليه رشيد قال بغيظ…قريب ان شاء الله…او يمكن ربنا يقبضو ونرتاح روفان ابتسمت بسخريه ومردتش وفضلو ساكتين طول الطريق بعد شويه وصلو وقفو بعيد شويه واول ما سمر نزلت ابتدت روفان توصل اسلاك كده في تابلوه العربيه
رشيد استغرب وقال..انتي بتعملي ايه روفان قالت …اششش خلينا نسمعها رشيد ابتسم بفرحه وقال..انتي هتراقبيها من هنا ..طب ازاي
روفان قالت..الصبح خلتها دخلت تستحمى وحطيت لها سماعه في الشنطه واستنى بقى خلينا نسمع رشيد اتبسط جدا وقال…استاذه والله استاذه عند سمر دخلت لفادي واول ما قابلتو حضنتو وقالت..وحشتني يا فافي رشيد قال بقرف فافي..ايه فافي دي…بس عارفه معاها حق هو فافي قوي الصراحه روفان قالت بضيق…خلينا نسمع رشيد سكت وفادي رد وقال…وانتي كمان يا قلبي…تعالي ندخل جوه
سمر ضحكت وقالت خلينا الاول نتكلم في المهم وبعدين ندخل جوه براحتنا ..قولي بقى هتعمل ايه في قضية ابوك فادي اتنهد وقال…للاسف لازم يتحبس…علشان ادانتو هتدين عمران وده لمصلحتنا رشيد قال بسخريه..لا اصيل يا فادي..لا الصراحه هو عرف يربي روغان بصتلو بغضب وقالت…قولتلك خلينا نسمع رشيد ابتسم وقفل بقو زي ما بيقفل السوسته وقال..ولا حرف سمر قالت …ايه… بس ده فاكر انك هتطلعو …طيب وبالنسبه لعمران تفتكر فيه امل يخرج منها
بقلم..زهرة الربيع
فادي ضحك جامد وقال…ده في الاحلام يا حلوه…احنا دبسناه تدبيسه محترمه…بس عارفه يستاهل بقالنا خمس سنين يندخل البضاعه في مراكبو وهو ولا حاسس بحاجه..نقوله هنفك المراكب علشان نحط حافظ للاغذيه يقول فكو…نقولو هنأخر الطلبيه يقول اخرو…اي حاجه نقوله عليها معندوش مانع زي الأله يستاهل الي جرالو روفان ابتسمت بارتياح ورشيد كان هينفجر وقال… اه يا ابن الو،اطي
سمر ردت وقالت..معاك حف…هو كان عايش في اللالالاند ..انا كمان عايشه معاه وبقابلك وبحب اخوه وهو ولا في الدنيا قولتلو مش عايزه اخلف علشان جسمي والحورات دي وانا اصلا عندي مشاكل بس معترضش..ده حتى لسه لحد دلوقتي مقدرش يعرف هو من فين ولا ابن مين…وامو مخبيه عليه ورغم اني كنت مطلعه عينها لاكن كانت بتستحمل علشان هو ميعرفش وهو برضو يسأل ..هو ايه الي مضايق ماما منك..كان غبي قوي الصراحه ريبد نزلت دموعه بحزن وقال بغضب…يا زباله يا واوساخ وبيفتح باب العربيه عايز ينزل بس روفان مسكتو بالعافيه وقالت ..اهدي يا رشيد..اهدى متبوظش كل حاجه…اهدى لو فعلا بتعتبرو اخوك
رشيد سكت بالعافيه وقعد وهو هيتجنن من كلامهم والدموع في عيونه وسمر قالت يلا اهو غار…على العموم اليوم ده يومك تقدر تعتبره يوم الوداع شوف جبتلك ايه وطلعت حاجه من الشنطه قامت السماعه وقعت على الارض فادي مسك السماعه وقال بغضب وصدمه.. ايه السماعه دي روفان بصتت لرشيد بخوف وهو بصلها بزهول وقال…انتي حطيتي السماعه فين روفان قالت بتوتر…في القميص رشيد بلع ريقه وقال بارتباك…القميص…القميص الي هو الاحمر ده الي جايه تلبسهوله روفان قالت بخوف…اه
رشيد قال….ده الي هو احنا عارفين انها هتلبسو من امبارح… روفان قالت بخوف اكبر ….ااااه رشيد لطم وقال…وخليتي فيه السماعه روفان قالت بطريقه زي البكا…اااه رشيد قال بصراخ…جاكي اوه….اجري من هنا بسرعههههه ومكملش الكلمه وكانو رجالة فادي بيضـ,ـربو عليهم ناـ,ـر عند عمران كان قلقان جدا بعد ما جاتلو رساله من رشيد انو ميتحركش وميجيش عند فادي زي ما قالتلو روفان قال بغضب…شايفه اختك..وعدتني مش هتقول لحد ولا حتى رشيد واهو رشيد بيقول متروحش..طب انا اسمع كلام مين فيهم دلوقتي
فرح كانت بتتفرج في مجله وقالت بهدوء…عمران انا عايزه بيبي عمران بصلها بدهشه وقال..نعم عايزه ايه يا حلوه فرح قالت بابتسامه… بيبي يا عمران.. نفسب اجيب بيبي زي عليا عمران ضحك بخفه وقرب منها وقال…ياروحي نفسي في مره اتكلم في موضوع وتتكلمي معايا فيه..لاكن اكون بكلمك عن الشرق تكلميني عن الغرب…على العموم…للاسف مش هينفع اعملك طلبك ده فرح قالت …ليه..مش عايز انت كمان تكون اب عمران اتنهد وقال …نفسي اوي اكيد..انا من زمان نفسي…بس…بس سمر مكانتش عايزه وانا حسيت اني مينفعش اجبرها على حاجه زي دي..وسنه جرت سنه وادينا قاعدين
غرح قالت بحماس…بس انا عايزه..وهجبلك انا البيبي ايه رأيك عمران ضحك وقال..انتي عايزه اختك تقتـ,ــ,ـلني مش هترتاحي غير لما تعملها فرح ابتسمت وقالت… ليه بس احنا متجوزين وحقنا نجيب بيبي..ويطلع قمور زيك عمران ابتسم بسعاده بس حمحم وقال…بقولك ايه خليكي بعيد عن الموضوع ده احسن انا حايش نفسي عنك بالعافيه فرح قالت بعدم فهم…ليه يعني انا قولت ايه…طيب بص ايه رايك اول ما افك الجبس…بس على طول عمران اندهش من جرأتها وقال ….معنديش مانع..بس انتي..يعني..مستعده اكيد
فرح قالت بحماس…جدا..من دلوقتي عمران استغربها وضحك وقال…تمام…يبقى اول ما تفكي الجبس …وباذن الله تكون كل حاجه انحلت فرح قالت بحماس اكبر….ها بقى….قولي هنجيبه ازاي عمران اختفت ابتسامتو واتسعت عنيه بزهول وقال…هو ايه فرح قالت بلهفه…البيبي يا عمران هنجيبو ازاي يلا قولي عمران قال بزهول..انتي مش عارفه اصلا هنجيبو ازاي…متعرفيش خالص فرح نفضت اديها بمعني ولا اي معلومه عمران قعد وحط ايده على دماغو وقال ….ياااااا حلاوتك ووووووو#زوج_ماجور_البارات_ال23
فرح قالت بحماس وبرائه…البيبي يا عمران هنجيبو ازاي يلا قولي ازاي الناس بتجيب بيبي
عمران قال بزهول..انتي مش عارفه اصلا هنجيبو ازاي…متعرفيش خالص فرح نفضت اديها بمعني ولا اي معلومه عمران قعد وحط ايده على دماغو وقال ….ياااااا حلاوتك فرح اتنهدت وقالت…خلاص فهمت عمران قال باستغراب… فهمتي ايه فرح قالت ..فهمت ان انت كمان مش عارف ..طب مكسوف ليه قولي انك متعرفش انت كمان عادي عمران قال بسرعه…ايه ايه…ايه معرفش دي..لا طبعا اعرف..وبعدين انتي بتسألي اسأله اجابتها عملي مش تظري فرح قالت بعدم فهم..ازاي يعني عمران اتنهد وقال..فرح هو انتي مدرستيش اي حاجه في لمدرسه بخصوص الموضوع ده
فرح قالت ..لا ..انا كانت ماما تعملي ملخص عن الحاجات المهمه الي اذاكرها وتشرحهملي وفيه حاجات كانت تقولي مش ضروريه عمران قال..امم…مش ضروريه….هيه فعلا مش ضروريه…ربنا يرحمها حماتي قدرت تبقى حما وتنكد عليا حتى بعد ما اتوفت …طيب بصي يا فروحه…لو حظك طلع حلو واختك عرفت تثبت برائتي هفهمك واعلمك واحده واحده…بس لو اتسجنت بقى…واتنهد بحزن وقال …يبقى ملناش نصيب..كمان يمكن تتعلمي من حد تاني بقلم..زهرة الربيع
عمران حس بنغزه في قلبو لمجرد فكرة انها تكون لغيره ولسه هيمشي فرح مسكت ايده وقالت بابتسامه…حتى لو مقدرتش تثبت برائتك…هستناك العمر كلو…مش هخلي حد يعلمني غيرك..متقلقش
عمران ضحك وشدها لحضنه واخد نفس وقال…انا حبيتك…ولأسف حبيتك اوي فرح اتسعت عنيها بزهول وحضنتو جامد بفرحه وقالت..اخيرا قولتها…انا بمووووت فيك…حبيبي انت وعمري كلو عند روفان كانت بتسوق بسرعه وفادي ورجالتو وراها رشيد قال بغضب..ما شاء الله لو عقلك ده حبة بطاطس كان بقى مفيد اكتر من كده …بتحطي السماعه في القميص الي هتلبسو يا …هنعمل ايه دلوقتي يا عبقرية زمانك روفان قالت بغضب…اسكت بقى بقالك ساعه بتتكلم..عارفه اني غلطت..دخل احط الجهاز وكان القميص متطبق على السرير ولسه هدور على شنطتها سمعت باب الحمام بيتفتح اضطريت احطها فيه هعمل ايه ..على الاقل بقى معانا التسجيل
رشيد قال ..اه معانا التسجيل وهنموت من غير ما نقدمة…حاجه عظيمه الصراحه روفان وصلت عند مفترق طرق وقبل ما تدخل في اي واحد فيهم طلعت حاجه من التابلوه ضـ,ـربتها تحت عجل العربيات الي وراهم وعملت دخان شديد مقدروش يشوفو اي حاجه وكانت ريحتو وحشه فادي ورجالتو بقم يكحو جامد واول ما الدخان هدي بيبصو ملقوش روفان ورشيد..ولا عرفو دخلو من اي طريق فادي ضـ,ـرب على تابلوه العربيه بغضب وقال…هتروحي مني فين…انا وراكي والزمن طويل عند روفان دخلت في كذا شارع وبعد كده مشيت في منطقه صحراويه لحد ما وصلت للشاليه الي عمران فيه
رشيد كان اول مره يشوف المكان قال..ايه ده احنا فين جينا هنا ليه روفان نزلت وقالت..جينا علشان تقابل اخوك…يلا رشيد اندهش وفرح جدا ونزل بسرعه وخبطو على الشاليه عمران اتخض وطلع سلاحو وشاور لفرح انها متعملش صوت واول ما فتح الباب رفع السلاح بس اتنهد بهدوء لما شاف روفان ورشيد قدامو رشيد حضنو بقوه وقال..وحشتني وحشتني قوي..كده حتى انا متعرفنيش مكانك عمران حضنو وقال…كنت خايف عليك والله مش اكتر روفان دخلت بلا مبالاه وحضنت فرح وقالت..فروحه حببتي…بقيتي احسن دلوقتي
فرح ابتسمت وقالت…احسن والله..خلاص قربت افكو عمران دخل هو ورشيد وعمران قال…خير جيتو دلوقتي يعني روفان طلعت الفلاشه الي عليها التسجيل وقالت….برائتك في التسجيل ده…هقدمو بكره وبعد كده خلاص عمران اتسعت عنيه بزهول وهو مش مصدق وفرح صرخت بسعاده وحاولت تقوم تحضنو ونطت على رجل واحده وحضنتو جامد قدام روفان ورشيد وبقت تبكي من الفرحه وتقول..الحمد لله كنت متأكده كنت متاكده انا قولتلك قولتلك هتساعدك وبصت لروفان وقالت…قولتلك انتي كمان قولتلك اننو برئ صح رفان ابتسمت بسعاده على شكلها اول مره تشوفها مبسوطه قوي كده قالت…اكيد …كان معاكي حق
عمران ابتسم وقال..هيه ديما معاها حق….وبص لروفان وقال..بس ازاي..ايه الي حصل..ازاي خلتيه يتكلم روفان مكانتش عايزه تقولو على موضوع سمر قالت بتوتر…ابدا…جرجرتو في الكلام فتكلم…متشغلش بالك انت
عمران استغرب كلامها وقال بشك…لا والله جرجرتيه فتجرجر …فيه ايه…هو فيه خاجه مش عايزه تقوليها روفان ورشيد بقو يبصو لبعض وروفان قالت بسرعه..اه…عايزه اقولك اني كنت ظلماك فمتزعلش على كل الي كنت بقولهولك بس كده عمران ضحك وقعد على الكرسي وقال..لا والله انتي كده بتقنعيني ولا بتشككيني اكترر..ما تقولو فيه .. اتكلم انت طيب يا رشيد
رشيد حاول يهدى وقال بمرح…يا عم انت رغاي ليه..انت مش ربنا كرمك…خلاص بكره هنقدم التسجيل للوا وتتسهل٠ عمران كان متأكد ان فيه حاجه مش عايزينو يشوفها فقال بحزم…انا لازم اسمع قال ايه…واعرف عملو معايا كده ازاي يلا …هاتي الفلاشه ياروفان روفان ضمت ايدها عليها وقالت بارتباك..هو انت اخوك عنيد كده ليه يا رشيد شكلنا غلطنا لما جينا نبشره يلا نمشي عن اذنكم روفان قالت كده ولسه هتطلع عمران وقف قدامها ومد ايده وقال..هاتي الفلاشه روفان بلعت ريقها بارتباك وبصت لرشيد ورشيد اتنهد وقال…الي فيها مش هيعجبك يا عمران…صدقني الاحسن متسمعهاش…ارجوك
عمران قلق جدا واستغرب واخد الفلاشه و شغلها وكان فيها التسجيل الصوتي بس واول ما سمع منها شويه اتسعت عنيه يزهول وقال…دي…دي سمر…سمر مراتي صح…هيه…هيه عندو بتعمل ايه رشيد اتنهد وقال..سمر شريكه معاه في كل الي حصلك يا عمران كانت عارفه كل حاجه من الاول….ارجوك كفايه كده اديك عرفت كل حاجه بس عمران كان بيسمع بانتباه شديد وغضب وصدمه حقيقيه رشيد مكانش عايزو يعرف ان سمر بتخونو وكان بيحاول هو ورفان علشان يقفل التسجيل بس لااسف كملو للنهايه وسمع سمر لما قالت…المهم انهارده اليله ليلتك..جيت اديلك لليله الوداع علشان بعد كده هكون مع حبيبي رشيد…شوف جيبتلك القميص الي بتحبو
ولهنا التسجيل اتقطع وعمران عاد الجمله الاخيره بصدمه وزهول وهو مش مصدق ابدا الي بيسمعو نزلت دموعه وهو بيكررها لاكتر من مره بس رشيد فصل التسجيل وشدو لحضنه بدموع وقال….واحده رخيصه ميتبكيش عليها يا عمران…ارجوك اهدى عمران بصلو بزهول وقال..انت…قالت…قالت اكون مع رشيد…صح…تكون معاك ازاي و بس روفان قاطعتو وقالت… اخوك ملوش اي دخل هيه حاولت معاه من مده كبيره…بس انت طبعا عارف رشيد عمران بصلو بدموع وقال….امي…امي تعرف …صح تعرف رشيد نزل عيونه في الارض وقال….مره سمعتها بتقولي كلام من كلامها الزباله وكنت بطردها من الاوضه…بس حتى مجابتليش سيره
عمران قال بغصب رهيب ودموع …انا…انا تعمل فيا كده انا…بنت الكلب دي…وطلع سلاحوقال..هقـ,ــ,ـتلها…هشرب من د،مها رشيد وروفان حاولو يمنعوه ورشيد وقف قدامو وقال ..اهدي يا عمران متوديش نفسك في داهيه…بس كلامو مجابش نتيجه..عمران كان زي البركان الثاير فرح كمان كانت بتنادي عليه وهيه بتبكي من الخوف بس مش راضي يسمع لاي حد زق رشيد من قدامو وكان هيطلع بس وقف على صوت فرح لما حاولت تجري عليه وقعت علي الارض وبقت تبكي جامد روفان قالت بخضه…فرح
وعمران التفت لها وجري عليها شالها بسرعه حطها على السرير وقال…فرح…انتي كويسه يا حببتي بس فرح حضنتو من وسطو وقالت ببكا…وانبي ما تسبني يا عمران..انا مصدقت انك هتكون معايا…ارجوك يا عمران خلينا نعيش سوا متقـ,ــ,ـتلهاش وتروح مني وانبي يا عمران انا مش هقدر اعيش من غيرك عمران نزلت دموعه بحزن علبها كانت بتترعش من الخوف وماسكه في زي الطفل الصغير باس دماغها وخبا السلاح في جيبه وقال..اهدي انا معاكي…عمري ما هبعد عنك يا فرح…علشان خاطري اهدي
الوضع بعد شويه ابتدى يبقى اهدى بس عمران كانت نار بتحرق في قلبو ومش قادر يصدق ان كل الي عاشوه كدبه …مكانش يبخل عليها باي حاجه…حتى الأولاد استغنى عنهم علشانها وهي عندها مشاكل ومقالتلوش كل حاجه طلعت كدب كان قاعد ساكت ودموعه بتنزل بحسره…روفان بصتلو وصعب عليها جدا بصت لرشيد بمعني يكلمو ورشيد قرب منو وقال بدموع…عمران انت..انت كويس عمران بصلو بضيق وقال…جدا روفان بصتلو بغيظ وهمستلو وقالت…ده سؤال دلوقتي رشيد قعد جمبو وقال..انا….انا اسف…كان لازم اقولك من زمان…بس كل حاجه باظت مره واحده… سامحمي بس والله اقسم بالله انا عمري ما..
بس عمران قاطعو وقال ..انت هتقول ايه يا اهبل..انا عمري ما كنت هشك فيك لو شوفت بعيوني….انا بس كل الي قاهرني اني كنت اتمنى اشرب من د،مها دلوقتي روفان قالت …انت حاليا وضعك ميسمحش باي لبش انت متهم وهربان..ولسه لما نقدم الفلاشه حتى هيتقفل المحضر الاول لو عملت مصيبه دلوقتي محدش هيصدقك…ويمكن تلبس القضيتين…فاهدى كده وبلاش تهور عمران لسه هيرد تليفون رشيد رن ورد وقال..الو جالو صوت فادي بيقول …رشييييد…حزر فزر انا مع مين دلوقتي
رشيد وقف بغضب وفادي قال باستهزاء…شوف كده مين عايز يكلمك رشيد لسه هيرد سمع صوت امه بتقول بخوف..رشيد هو فيه ايه يا ابني مين دول بقلم..وهرة الربيع رشيد قال بصدمه..ماما عمران وروفان بصولو بخوف وقالولو يفتح السماعه رشيد فتح السماعه وفادي رد وقال..الست الوالده واختك والي في بطنها في الحفظ والصون لحد ما تجيبو الفلاشه…ماشي يا سكر انت والقطه الي معاك…هبعتلك العنوان…تجبلي روفان والفلاشه..تاخد امك واختك فادي قفل ورشيد قال بخوف…هنعمل ايه دلوقتي عمران طلع سلاحو وقال…خلاص كده حكمت…هما الي جنو على نفسهم
رشيد لسه هيرد فادي بعت العنوان وطلعو كلهم على هناك ماعدا فرح حطوها في مستشفى قريبه بعد شويه وصلو المكان ونزلو وكان مخزن قديم وكانو رجالة فادي بالسلاح حواليه وفتشو روفان ورشيد وعمران واخدو منهم السلاح حتى سمحولهم بالدخول اول ما دخلو عمران بص لفادي بغضب شديد وفادي اترعب لما شافو وسمر كانت هتقع من طولها من الرعب معنى انو مع روفان ورشيد يبقى عرف كل حاجه…استخبت ورا فادي وهيه مرعوبه عمران بصلها بغضب نظرات هتحرق الكون ولسه هيتقدم عليهم رشيد مسكو عايز يمنعو وفادي حط سلاحو على نجوى وقال بخوف…خليك مكانك…هات الفلاشه..يلا هاتها
عمران بصلو بحقد شديد وقال…اوعي تفتكر انك هتفلت من ايدي سواء انت او الحقيره دي..اخرتكم على ايدي عليا كانت مرعوبه ونجوى كمان رشيد بصلهم وقال..اهدى يا عمران علشان امك واختك عمران قال بغضب..ويقدرو يعملو ايه يعني خليه يلمس حد فيهم واندمو فوق عمره عمرين سمر كانت بتترعش من الخوف وعمران بصلها وابتسم ابتسامه مخيفه وقال..وانتي يا حرمي المصون…مش هسألك قصرت معاكي في ايه..لاني متاكد اني مقصرتش وان الوساخه طبعك مش اكتر..بس حابب اسألك…كنتي بتحسي بأيه لما كنتي تنامي في حضن الوسخ ده وترجعي لحضني…كنتي بتشوفي نفسك ازاي وقتها
سمر بصتلو بغضب وقالت…كنت بشوف نفسي ذكيه..واحده بتأمن مستقبلها عادي ولا عايزني اضيع عمري معا واحد اخرتو الشوارع رشيد قاطعها بغضب وزعيق وقال…سمر. .اخرسي متذوديش رصيدك معايا عمران مكانش فاهم حاجه وسمر ضحكت وقالت…ايه هو انتو مش عايزينو يعرف ولا ايه عمران قال باستغراب..اعرف..اعرف ايه سمر وقفت جمب نجوى الي كانت خايفه ودموعها على خدها وقالت..اسأل نجوى هانم..وهيه تقولك قصدي ايه…ها يا نوجه هتقوليلو قصدي ولا أقول انا ووووووو#زوج_ماجور_الاخيره
بتحسي بأيه لما كنتي تنامي في حضن الوسخ ده وترجعي لحضني…كنتي بتشوفي نفسك ازاي وقتها
سمر بصتلو بغضب وقالت…كنت بشوف نفسي ذكيه..واحده بتأمن مستقبلها عادي ولا عايزني اضيع عمري مع واحد اخرتو الشوارع رشيد قاطعها بغضب وزعيق وقال…سمر. .اخرسي
عمران مكانش فاهم حاجه وسمر ضحكت وقالت…ايه هو انتو مش عايزينو يعرف ولا ايه عمران قاا باستغراب..اعرف..اعرف ايه سمر وقفت جمب نجوى الي كانت خايفه ودموعها على خدها وقالت..اسأل نجوى هانم..وهيه تقولك قصدي ايه عمران بص لامه باستغراب كانت دموعها على خدودها وحالتها صعبه…رشيد كمان كان زيها خايف لعمران يعرف انو مش ابنهم وهو مش ناقص صدمات
روفان حبت تنقذ الموقف وقالت بسرعه..بلاش كلام فاضي وخلونا نخلص ..الفلاشه معانا..سيب عليا وطنط وخد الفلاشه فادي قال…لا…كده الاتفاق ناقص
اسيب عليا وطنط اخد الفلاشه…وروفه حبيبة قلبي. رشيد الغضب بان في عيونه وبصلو بحقد ولسه هيتكلم روفان قالت بسرعه
…وانا موافقه…سبهم…وانا اهو عندك رشيد بصلها بزهول وقال…انتي بتقولي ايه روفان بصتلو بطرف عينها وقالت…ده الي المفروض يحصل…انت ضحكت عليا واخترت اخوك…وانا كده كده عايزه اطلق…فاستفاد وخد عيلتك وامشي رشيد كان مصدوم وعمران مش فاهم يعني ايه اختار اخوه وفادي كان هيطير من الفرحه
رشيد بصلها بزهول وقال..لا..لا انتي اكيد بتهزري مستحيل تعلي فيا كده انا..انا مقدرش اعيش من غيرك انتي عارفه فكري يا روفان علشان خاطري روفان قالت بجمود..انا خدت قراري رشيد لسه هيتكلم سمر قالت بسرعه…سبها يا رشيد دي متستاهلش واحد زيك..انا الي بحبك من زمان وصدقني هخليك اسعد واحد في الدنيا رشيد بصلها بحده وعمران ضحك جامد بزهول وقال…كمان الهانم بتخطب قدامي..وهيه لسه على زمتي…. وهجم عليها قدام الكل وعايز بخنقها فادي رفع عليه السلاح بخوف وسمر بقت تصرخ ورشيد كان ماسك عمران بالعافيه
سمر قالت وهيه بتترعش…انت فاكر نفسك مين انت لو تعرف حققتك متعملش كده…انت حتت واحد…. بس قبل ما تخلص الجمله كانت يمر واخده رصاصه في دماغها ووقعت ميته على الارض تحت زهول الجميع الكل بص مكان الرصاصه ما انضـ,ـربت واتفاجأو بروفان معاها سلاح صغير ديما بتخبيه في الشراب وهيه الي قـ,ــ,ـتلت سمر رشيد ونجوى بصولها بابتسامه امتنان لانها لحقتها قبل ما تتكلم انما عمران كان متفاجا وهيموت ويعرف كانت عايزه تقول ايه فادي اتصدم بموت سمر ودخلو رجالتو على صوت النار بس اتفاجأو برائف ومعاه قوات الشرطه ورفع السلاح وقال…كلو ينزل سلاحو بهدوء كده علشان منتعورش يا حلوين
روفان قالت بغضب…ساعه بتلف حوالين المكان مدخلتش ليه رائف قال بضحك كان عاجبني شكل رشيد وهو مصدوم فيكي روفات بصتلو بغيظ ورشيد اتقدم عليها وقال بدموع…ده تمثيل يعني .كنتي عارفه انو هنا…وحضنها جامد قدام الكل وهو بيقول بضحك وفرحه رهيبه..كنت عارف كنت متأكد روفان ضحكت وقالت..اه طبعا واضح البوليس اخد غادي ورجالتو وعمران قال بغضب..انا عايز افهم ايه كل الي بيحصل ده وانت عرفت مكانا ازاي رائف كان بيطمن على عليا ومش سامعو اصلا عمران اتنرفز وقال…مش هتطير هيه.. انا بكلمك وصلت هنا ازاي
رائف قال بارتباك..اه انا..معلش مخدتش بالي..ابدا يا سيدي من الساعه الي في ايد عليا دي..انا ادتهالها للامان فيها جهاز تعقب علشان اعرف مكانها ومن ساعتين عرفت انها اتحركت من البيت بقيت اتصل عليها مبتردش انتو كمان كلكم مبتردوش فمشيت ورا الاشاره واول ما شوفت فادي خاطفها هيه وطنط نجوى طلبت القوه على طول عمران اتنهد وقال …احم..رغم كل الي حاصل قبل كده ورغم اني مش طايقك بردو بس انت انقذتنا انهارده وطبعا شكرا و…وانا مبقاش عندي مانع من وجودك مع عليا ولا جوازكم
رائف وعليا بصو لبعض بفرحه كبيره ورائف قال بحماس..شكرا والله يا عمران مش هتندم بكره تقول انت زي رشيد يا رائف عمران بصلو بطرف عنيه بسخريه …ورائف اتحرج وقال..ذودتها انا شويه رشيد هز راسو بمعني… اه عمران ابتسم بيأس وقال..كل شيئ جايز..وبص لروفان وقال…بعد الي روفان عملتو معايا انا بقيت متأكد ان اي حاجه وارد تحصل..انتي انقذتيني واثبتي برائتي..وكلمه شكرا قليله روفان ابتسمت وقالت…انا كمان كنت ظلماك كتير…كان لازم اصدق رشيد من الاول مكناش هنوصل لهنا..على العموم حصل خير
عمران اتحولت ملامحو لغضب وقال..لا محصلش خير..ده موضوع.. وموت سمر موضوع تاتي.. قتـ,ــ,ـلتيها ليه قبل ما تتكلم…كانت عايزه تقول ايه..وبصلهم بشك وقال..انتو مخبين عني ايه كلكم روفان قالت بسرعه…اه نسيت..احنا سبنا فرح في المستشفى لوحدها لازم الحقها قبل ما يجي دورها رشيد قال بسرعه….خديني معاكي يا روفه ..وبص لعمران وقال مينفعش اسبها طبعا عمران بقى يبصلهم بزهول جريو من قدامو بسرعه البرق بص لامه باستغراب وهيه قالت..وانبي يا رائف يا ابني تودينا احنا كمان المستشفي اهو نطمن على فرح وعلى عليا لانها تعبت قوي انهارده
رائف قال ..يلا بينا واخدهم ومشي بسرعه عمران وقف وهو متغاظ منهم ومشي راح يشوف فرح هو كمان بعد ساعه كانو مع فرح.. فكت الجبس وبتنط على رجلها بحماس الدكتور قال بتعب..انا عمري ما فكيت لحد الجبس وتعبني كده قولولها تهدي بقى لاحسن تكسرها تاني روفان كانت مبسوطه ورشيد قرب منها وهمسلها وقال…احنا…احم…احنا اتصافينا مش كده روفان قالت بابتسامه…اممم اتصافينا..لولا ان كلامك طلع صح واخوك فعلا طلع برئ مكنتش سامحتك على الكأئن الي بليتني بيه شهر بحالو
رشيد ضحك وقال..مين جلجل..وانبي جلجل ده عسل روفان قالت بضيق..اممم عسل فعلا..الحمد لله ان مفيش بني ادم بالاخلاق دي …وضحكت وقالت..يخربيتك ازاي كنت عامل في نفسك كده بجد كل ما افتكر ببقى مش قادره ابطل ضحك رشيد ضحك وقال…كنت مسخره صح
روفان قالت …رمه الصراحه تتقال
رشيد قال بضيق…بس دي وقاحه مش صراحه يا بيومي روفان قالت..لو سمعت كلمه بيومي دي تاني هشقك انسي الايام الي فاتت دي كلها انسى كل الي حصل رشيد مسك ايدها وغمز لها وقال…مقدرش انسى الي حصل يا احلى من قرع العسل
روفان قالت بزهول..قرع
رشيد قال …شوفي علشان تعرفي انك نكديه بقى سايبه العسل وماسكه في القرع روفان لسه هترد جات نجوى وقالت لروفان…شكرا يا بنتي..الحمد لله انك خلصتنا من شرها قبل ما تقولو روفان ابتسمت وقالت..اطمني يا طنط انتي ام عمران وانا حتى مش عايزه اعرف هو ازاي مش ابنك واوعدك مش هيعرف حاجه نجوى حضنتها بحب شديد وروفان كمان ورشيد كان بيبصلهم وبيبتسم بس بعدو عن بعض بخضه لما سمعو عليا بتصرخ جريو بسرعه لقوها بتقول بدموع…تؤم يا ماما انا حامل في تؤم… اااااه ..وحضنت رائف بفرحه
رائف قال بسعاده..بجد يا دكتورومتاكد طب دور يمكن فيه تاني الدكتور ضحك والكل ضحك عليهم ورشيد همس لروفان وقال..قريب هتكوني على الجهاز ده روفان نزلت راسها بكسوف وفرح جريت على عليا حطت ايدها على بطنها وقالت بفرحه..عندها اتنين يا عمران…انت فكيت الجبس اهوه يبقى هنجيب بيبي احنا كمان انت وعدتني الكل بصولهم بزهول وبقم يضحكو وعمران اتنهد بيأس منها وقال..احم…فرح…تعالي يا حببتي علشان ترتاحي رجلك وجعاكي وهنا كلهم بقم يضحكو الا روفان قالت بغضب…بيبي ايه الي وعدتها بيه دي ليه صغيره
عمران قال بغضب..والله انا حر في مراتي ومتعليش صوتك روفان قالت بغضب وصوت اعلى..انا اعلى صوتي زي ما انا عايزه و بس قبل ما تكمل اتفاجأت برشيد شالها ومشي بيها وهو بيقول…انا هاخد البنزين وانت خلص وجيب الكبريت يا رائف رائف ضحك وكلهم ضحكو رشيد شالها وطلع بيها ولسه بتزعق لعمران وبتقولو ملهوش دعوه باختها بعد مرورسنه كانت روفان بتولد في المستشفى والكل قلقان عليها ورشيد رايح جاي بقلق عمران قال..يا ابني اهدي دي مش هتحصل لها حاجه متقلقش..انت بس خاف على الدكتور يا رب يطلع حي
بعد شويه خرج الدكتور وطمنهم انها جابت ولد زي القمر وقال..الحمد لله المدام كانت متعبه جدا حتى البنج أثر فيها بالعافيه..بس تمام مبروك عليكم عمران ضحك وقال..مش قولتلك فرج اتقدمت على عمران وكانت بطنها كبيره وماشيه بالعافيه وقالت..خليني اشوف النونو والنبي واشوف روفان كمان عمران ابتسم وقال..كمان شويه وتفوق ونشوفها بعد ما فاقت روفان كانو كلهم عندها وكانت عليا ومعاها بنتين واحده مع رائف وواحده مع نجوى ومبسوطين جدا كلهم فرح قالت …بصو عندي فكره حلوه قوي
الكل بصلها باستغراب وفرح قالت… ايه رائيك يا روفه مدام كلنا موجودين هنا اروح انا كمان اولد البيبي الي في بطني مش احسن كده عمران ضـ,ـرب على وشو بيأس ونجوى شهقت وروفان قالت بعد الشر يا روحي تنزليه ازاي دلوقتي بس انتي في السادس..لا استني كمان شويه معلش وكلنا هنجي ناني رائف ضحك وقال..اه هو احنا ورانا ايه من شهرين كنا مع عليا ودلوقتي روفان وكمان شهرين وحضرتك تولدي عادي تاخدي دورك عمران ضحك وقال..احنا لو لينا نسبه في المستشفى دي مش هنزورها كل ده… الكل ضحك وخرجو وسابو روفان مع جوزها وابنهم
برهوكان رائف جمب عليا وشايلين بناتهم ومبسوطين شدها لحضنه وبقم يبصو لبناتهم بابتسامه جميله عمران قعد فرح جمبو وبقى يشربها عصير ويديها اكل وفرح كان وزنها زايد شويه وكانت كتكوته قالت..تخنت انا…بعدين ابقى وحشه ومعجبكش عمران ضحك وقال..مين قلك الكلام ده… لا طبعا حتى لو بقيتي دبدوبه هتبقي دبدوبة قلبي يا فرحة قلبي انتي فرح ضحكت وباستو من خدو في المستشفى عادي جدا وطبعا هيه كل حاجه عندها عادي …عمران ضحك بيأس وقال بس لو تبطلي جنان
عند روفان كانت ماسكه البيبي وبتبوسه ومبسوطه قالت..شوف حلو ازاي شبهك قوي. رشيد قال بفرحه..لا لا..ده شبهك انتي..نفس العيون روفان ابتسمت وقالت..هتسميه ايه بقى رشيد فكر وقال..امممم…سميه انتي
روفان ابتسمت وقالت…هنسميه على عمه…عمران رشيد العامري رشيد ابتسم بفرحه وباس جبينها وقال..ربنا يخليكي ليا يا ام عمران..ان شاء الله ربنا يقدرني وافضل جمبك واقدملك سعاده الكون كلو ………………..تمت بحمد الله ………………….. كنتم مع رواية زوج مأجور بقلم زهرة الربيع…اتمنى تكونو حبيتوها ودخلت قلوبكم الجميله زهرتكم تحييكم ودمتم في امان الله مع من تحبون