قدمهالي ..مسكتها ورفعتها بين ايدي ،كانت دهب منقوش عليهارسومات ترمز الي اللغه الهيروغليفيه ،وفي نصها حجرين زمرد باللون الازرق اللامع -تلك التميمه ملك لمولاي الاله انوبيس تسمي تميمه دوات وهو العالم السفلي ،هذه التيميه تحفظك وتحفظ كنوزك حتي البعث مره اخره رديت بشموخ وكبرياء نوبيه:اخبر مولاك اني قبلتها. مشي وانا فضلت بلف في التميمه بين ايدي لفتره من الوقت -صاحبه الشرف اتلفت لقيتها بنت في سن ال 15 سنه رافعه شعرها كله ولابسه نقبه بيضا قصيره ..وبتمدلي ايدها بحاجه تشبهه المرايه
خدتها من ايدها كانت تشبهه المرايه لكن مشوشه بدات اركز في ملامحي كويس بشره بلون القمح وشعر اسود بلون الليل طويل ملامحه دقيقه ومنحوته عيون بلون العسل وكحل مرسوم علي الجفون باحترافيه ،شفاه منحوته بلون الوردي ..بدات ابص لنفسي وشهقت بصدمه وانا حاسه برجفه جوايا شديده وجسمي بدأ يرتعش وبدات اسمع صوت تشويش في عقلي واسامي بتتنادي -ااامل يااامل ….نوبيه تعلمين مقدار حبي لكِ…نوبيه تعني الكنوز الذهبيه وهي تملك اغلي الكنوز الذهبيه زيك بالظبط…اامل انتي سمعاني
فضلت الاصوات دي بتدور في بالي اسامي مختلفه واصوات مختلفه لحد ما صرخت بصوت عالي.. #يتبع.. #أنوبيس_ونوبيه🖤 #امل_احمدبارت 2 -امل انتي كويسه فتحت عيني كنت في الفندق ونور جانبي وندي صاحبتنا اللي معانا في الجناح واقفين باين ع وشهم التوتر وانا بتنفس بسرعه وبنهج وكأني كنت في صراع نور:امل انتي كويسه كنتي بتصرخي ليه امل:ن..نو.نوبيه..نوبيه يانور نوبيه لاقتها قربت جنبي وفضلت تطبط عليا نور:اهدي اهدي دا مجرد حلم متخافيش مفيش حاجه قومت بسرعه من ع السرير وقفت قصاد المرايا وبقيت المس ملامحي …هي نفس ملامح نوبيه اللي شوفتها في الحلم
شهقت بصدمه وفضلت ارجع خطوات لورا من الخوف وصدمه قعدت ع الارض مكاني وبحارل افسر اللي حصل واللي شوفته…افتكرت جمله زين”تملك اغلي الكنوز زيك بالظبط..تشبهك بالظبط..” الجملتين دول مفارقوش بالي.. نور:رايحه فين يامجنونه انتي امل :رايحه لـ زين ندي بنوم:انا هنام انتوا شويه مجنانين فضلت اصرخ باسمها زي المجنونه حاسه وكأن روحي بتبدل احساس اشبهه بالغرق في المحيط ،مسكت دماغي من متر الصداع والاصوات اللي بتتضارب فيها روحت بسرعه خدت التليفون ونزلت ادور ع زين،بقيت ماشيه بدور عليه زي المجنونه في الفندق خصوصا واني عرفت انه صاحب الفندق
نور:انتي مجنونه ! امل:زين يانور زين انا عايزه زين نور:يابنتي الساعه 3 الفجر اصبري للصبح مينفعش كدا روحت قعدت ع كوسي في الريسبشن بهدوء وانا ماسكه دماغي اللي هتنفجر من كتر الاصوات رغم هدوء المكان حواليا.. لاقيت نور قعدت ع الكرسي حاولت تقنعني نطلع الجناح فوق لحد ماانا رفضت لاقيت قعدت ع الكرسي اللي حنبي وبعد شويه نامت..
فضلت بحاول اوصل لرقم زين بـأي طريقه ،مش فاهمه مالي مجرد حلم شقلب كياني وحالي كدا ،لكن لا مش حلم انا كنت حاسه كأني حقيقه بجد كأن كنت انا هي عيشت لحظات شعورها بالشموخ والكبرياء،نظرتها وهي بتبص نفسها في المرايا كنت حاسه ان انا ببص لنفسي بالظبط وصلت لـ رقم زين عن طريق استاذ شريف كان باعت رقمه علي الجروب عشان لو حد احتاجه.. كانت الساعه وصلت لـ سته..رنيت عليه اول مره مردش رجعت رنيت تاني
سمعت صوته بيتكلم وباين اثر النوم علي صوته جدا زين:كنت مستني مكالمتك بس متوقعتش تكون في الوقت دا وبالسرعه دي امل:كنت عارفه ان الاجابه عندك انت زين:هقابلك كمان نص ساعه قصاد الباب الخلفي للفندق وطبعا مش محتااجه اقولك ان يفضل تكوني لوحدك عشان تفهمي غير كدا ملكيش عندي اجابه.. قفلت معاه بصيت علي نور اللي نايمه جنبي بهدوء قومت من جنبها براحه عشان متحسش وروحت وقفت استناه،لحد مالمحته جاي من بعيد لابس تشيرت اسود وبنطلون اسود وكاب اسود وانا واقفه جسمي كله بيترجف
زين:يلا العربيه واقفه.. امل:هنروح ع فين زين:هتعرفي متستعجليش مشيت وراه روحنا علي عربيه جيب اسود ركب وانا ركبت ورا …رجعت سالته للمره التانيه وانا صوتي بيترجف من الخوف امل:هنروح علي فين زين:ابيدوس امل:اشمعنا ابيدوس زين:هناك هتفهمي كل حاجه حسيت بخوف اكبر،واضح ان الموضوع اكبر منها مجرد واحده شبهي شوفتها في الحلم ..كنت عايزه افهم ليه شبهي اوي كدا وكأنها انا واي علاقه بـ انوبيس وليه اهداها تميميه وليه الاجابه عند زين اشمعنا هو…فضلت الاسئله تدور في بالي وانا بفرك في ايدي من التوتر لحد ماوصلنا
ابـيـــدوس.. نزلت وانا بتلفت حواليا من الخوف.. زين:هتفهمي كل حاجه ياامل هزيت راسي بتفهم لقصده،الموقف ميتحملش اي نقاش مني ،كل اللي حاساه الخوف،والخوف من زين بشده.. كل خطوه بقربها من المعبد بحس بصداع اكبر والاصوات في بالي بتدور اكتر صوت نوبيه من بالي مبيفارقنيش طريقه نطقها للهيروغيليفه ونبرتها وكأن الكلام بيطلع من لساني انا ..
وقفت علي عتبه المعبد وانا بنهج وزين سابقني بخطوتين..لاقيت واحد جه وقرب عليه لكنه لابس لبس صعيدي تقليدي وهو المعروف الجلابيه..واقف يتكلم مع زين ..حسيت بالتراجع واني عايزه ارجع خلاص في حاجه اخطر مني بكتير انا حاسه بكدا ،فتحت التليفون وبعت رساله لـ يحيي”لو اتاخرت اوصل لـ زين احنا عند معبد ابيدوس” اختصرت الرساله اختصار واسع ومش عارفه اشمعنا يحيي بالذات كانت عايزه احس احساس الامان وان ليا امان اتحامي فيه -امل لاقيت زين بيقرب عليا هو واللي معاه..
زين:دا سالم ابتسمت ابتسامه بجاهد اطلعها كان واقف متنحلي لدرجه ان اتحرجت من نظرته ليا لاقيته فجاه صوت عربيه وقف بصوت عالي ونزلت منها واحده ست لابسه بنطلون جينز وفوق تيشرت ابيض ورافعه شعرها كله لفوق ،لاقيتها قربت علينا وانا واقفه منكمشه علي نفسي كل ماتقرب الاقيها متنحه ليا اكتر واكتر زين:شفق.. رددت حروف اسمها كذا مره كان غريب بالنسبالي زين:يلا عشان نفهمها كله مبقاش في وقت دخلنا المعبد كانوا سابقني بخطوه وانا ماشيه بترجف لحد مادخلوا غرفه ،محطوط فيها حاجه تشبه الكراسي وع جدرانها منحوت رسومات كتير لـ نوبيه
قعدت وانا خايفه من زين واللي معاه واللي بيدور حواليا زين:دي لعنه طايلالكي ياامل اترجفت وانا قاعده امل:لعنه طايلاني انا ليه واشمعنا انا!!! كان بيتكلم بهدوء واللي معاه ساكتين وبيبصولي بس زين:انتي الوحيده اللي لمست تمثال نوبيه وهو ملعون من انوبيس اتنفضت مكاني بسرعه امل:لا التمثال كان هنا في المعبد واكيد الكل لمسه وشافه واكيد في ناس قبلنا شفق:مش يمكن التمثال اتحط قصادك انتي بس عشان انتي بالذات اللي تشوفيه وتلمسيه بصتلها باستغراب ورجعت قعدت مكاني تاني
امل:يعني اي تقصدي اي زين:شفق تقصد ،ان انا حطيت قصادك التمثال عشان انتي تلمسيه وبعدها شيلته من غير ما حد تاني يشوفه امل:كدااب…لا يستحيل ،طب انت لمسته اشمعنا مطالتكش اللعنه دي وكمان وكمان كانت شبهه نحته ملامحها شبههي بالظبط زين:ماهي دي اللعنه ان تفكري انها شبههك انكشمت ع نفسي وحسيت ان خلاص دموعي هتنزل دخلت دايره ملهاش نهايه ،وملهاش طريق امن كلها طرقها مؤذيه وتخوف زين:بس في حل بسيط لـ فك اللعنه دي بصتله بسرعه زي الغريق اللي اتعلق في طوق نجاه ..هو شاف نظرتي كمل كلامه علطول
زين:في تميمه الاله انوبيس اهداها لـ نوبيه مطلوب منك تجيبيها ونرجع لـ انوبيس واللعنه تنحل بسبطه جدا امل:طب…طب التميمه دي اجيبها منين شفق:من مقبره نوبيه اتخضيت وشهقت بصدمه وخوف زين:متخافيش دي حاجه بسيطه هتحصل في ظرف نص ساعه -ااامل