بقلم ح.بيبة الشاهد ٣

بدات تفوق تدريجياً فتحت عينيها بتعب بصيت حوليها لاقيت نفسها في مكان غريب بصيت لـ رعد بـ بربشه و همسيت : أنا فين و أنت مين رعد قام من جنبها وقف قدامها ، و اتكلم بجمود : حمدالله على سلامتك يا انسه مش انسه برضو اتعدلت أسمهان و بصتلهم بستغراب : اه انسه مين اللي جبني هنا انا عايزة اروح رعد حط ايديه في جيوبه ، و اتكلم ببرود : آدم اخويا الكبير لاقاقي مرمـ.. ـيه في الشارع مغمى عليكي جابك هنا و كان بيفوقك

مسكت راسها بألم.. مكان الخبطه : اه كنت على الحصان بتمشى شويه و هـ.. ـاج مره واحده و معرفتش اتحكم فيه و وقعت من عليه و مش فاكره حاجه تانيه شكرا على وقفتك جنبي و انك ساعدتني و مسبتنيش لوحدي في الشارع انا لازم امشي زمان الحصان رجع البيت و بابا قالب الدنيا كلها عليا رعد بهدوء : اتفضلي معايا هوصلك بعربيتي و هكلم سليمان بيه ابلغه أنك كويسه و في أمان

أسمهان خرجت معاه بخجل شديد و ركبت العربيه ، رعد طلع تلفونه من جيب البنطال و كلم سليمان عارفه اللي حصل و خله يكلمها و اطمن عليها و قفل أسمهان مدت ايديها بالتلفون بخجل : شكرا انا مش عارفه من غيرك كنت هعمل ايه رعد بصلها ، و اتكلم : متشكرنيش أنا لو هتشكري أشكري آدم اخويا هوا اللي شافك و ساعدك و نور اختك طلعت متجوزه نوح الجبالي من امتا اتوترت من سؤاله المفاجئ و بعدت وشها بصيت على الطريق بتوتر ، و اتكلمت

: ايه الكلام اللي بتقوله دا نور القمر اختي مش متجوزه لو تقصد فرحها امتا فـ هوا يوم الخميس و اكيد بابا هيعزمك في الفرح رعد رجع بص على الطريق بابتسامة : لا مقصدش امتا الفرح سؤالي واضح و صريح اختك متجوزه نوح الجبالي من امتا بصتله و اتكلمت بهدوء منافي خوفها و ارتباكها : دا تحقيق رسمي يا حضرت الظابط اذن حضرتك جيت و حققت مع بابا و سألته نفس السؤال و قالك ان مافيش حاجه من الكلام دا و انا برضو هاكدلك المعلومه و اقولك انها مش متجوزه

رعد بصلها بحدا : على العموم الحقيقه كلها هتظهر كلها شهرين و تولد لو حامل هاعرف اذا كنتي بتكدبي و لا لا يا بشمهندسه أسمهان بعد مرور اسبوع في افخم اوتيلات قنا كان معمول فرح اسطوري يليق على عائلة الجبالي و عيلة الحديدي دخلت نور و هي مسكه في ايد والدها و الفرحه مش سيعها ، رفعت وشها بصتله بدموع و هي مستنيه ياخدها بالحضن نور بصوت مهزوز : بابا مش هتقولي حاجه انا اسفه

سليمان بص للمعزيم ، و اتكلم بجمود : متقوليش يا بابا أنا متـ.. ـبري منك أنتي مبقتيش بنتي لو ينفع اروح اشيل اسمك من البطاقه و اتـ.. ـبره منك كنت عملت بصت في الارض و هي بتمنع دموعها تنزل و وصله لحد نوح ، وقف قدامه سليمان و اتكلم : تاخدها و متورنيش وشوكوا أنتوا الاتنين تاني فاهم سحب ايديه من بين ايديها و مشي من قدامهم ، نوح بصلها بحزن و هوا حاسس بمشاعرها رفع ايديها و قبلها بحب ، و اتكلم بابتسامة و فرحه متتوصفش

: اخيرا بقيتي ملـ.. ـكي قدام العالم كلوا كان نفسي اشوفك بالاربيض و أخيراً شوفتك بيه طالعه زي الحوريات نور بابتسامة باهته : أنا اتمنيتك من ربنا كتير و جه الوقت اللي حققلي في أمنيتي مش بحبك بس يا نوح انا بعشقك بس بابا نوح حضن وشها بين كفوفه بحنيه ، و اتكلم بحنان : هيصلحك هوا زعلان منك دلوقتي سيبيه فتره و هجيبك قنا تصلحيه مافيش أب بيزعل من بنته اضحكي كدا و افرحي المعازيم واخده بالها يقوله مغصـ.. ـوبه على الجواز

في وسط الاغاني و الفرح كانت نور بترقص معاه بسعاده و قلبها بيرقص من الفرحة و مش مصدقها أنها خلاص بقيت مراته في العلن قدام الناس كان في قنـ.. ـاص فوق سطح الفندق مصوب السـ.. ـلاح اتجاهم و هما بيرقصه و في وسط فرحتهم ضـ.. ـرب طلـ.. ـقه استقرت في جسد نور حطيت ايديها على بطنها مكان الطـ.. ـلقه بألم و بصيت على سليمان اللي بيجري اتجاهه و بيصرخ بأسمها وسط ضجيج الاغاني.. رجعت خطوه للخلف و وقعت في حضن نوح و هي بتطلع انفسها الاخيره

يتبع….. #الكاتبة_حبيبه_الشاهد #الفصل_الخامس_عشر وقعت بين ايديه بتلتقط أنفسها الاخيره.. و هوا بصصلها بذهول و مش مصدق عنيه سليمان جري عليها و وقع على الارض جنبها ، و حط ايديه على بطنها اللي بتنـ.. ـزف و اتكلم : نور القمر.. رودي عليا يا حبيبت ابوكي مش هتعملي فيا كدا و تسبيني رفعت وشها بصتله و هي بتتنفس بصعوبة ، و اتكلمت بالعافيه : بابا أنت مسمحني مش كدا انا اسفه على كل اللي عملته عايزه امـ.. ـوت و أنت راضي عني

سليمان دموعه نزلت غصبن عنه بصلها ، و اتكلم بحنان ممذوج برعب : مسمحك اهدي و متفكريش في حاجه هتبقي كويسه مش هتسبيني يا حتى من قلبي حركت عينيها بصيت لـ نوح و اتكلمت بالعافيه : نوح ربنا مش رايد نكون مع بعض وديني المستشفى الحق ابني مش مهم انا بس خليهم يلحقه نوح بص على الفستان الابيض اللي بقا احمر ، و اتكلم من وسط صدمته : هتعيشي استحملي لحد ما نروح المستشفى سليمان بصله بعصبيه ، و اتكلم بزعيق

: أنت بتتفرج عليها شالها معايا نوديها المستشفى فاق من صدمته على كلام سليمان شالها و خرج من القاعه و وراه العالتين.. حطها في العربيه و ركب جنبها و سليمان أنطلق بسرعة البرقش سليمان بصله في المرايا و خلع التلفيحه اللي على رقبته و مد ايديه بيها : خد التلفيحه حطها مكان الـ.. ـدم و اضغط عليه جامد عقبال ما نروح المستشفى هتكون اتصفت مننا كان بصصلها بصدمه كبيره و ذهول و هوا كاتم بالشال بتاع سليمان النـ.. ـزيف

فتحت عينيها بضعف بصتله ، و همسيت بالعافيه : ابني يا نوح نوح بدموع و صدمه كبيره : أنتوا الاتنين هتبقوا كويسين متخافيش فوقي معايا عشان خاطري و متقفليش عينيكي مش هستحمل يجرالك حاجه يا نور وصل المستشفى في رقم قياسي من سرعته العاليه ، شالها نوح و اول ما دخل خدوها منهم و دخله غرفة العمليات بعديها بفتره وصل العالتين و هما في حاله من الخوف و الرعب على نور و على التـ.. ـار الجديد اللي ظهرلهم فاجأه

سليمان كان في حاله لا يحسد عليها ، كان واقف قدام غرفة العمليات و قلبه وجعه.. على بنته حتى من روحه بص على ذبيده اللي منهاره من البكاء و جنبها والده اللي بيعافر ميبينش ضعفه و لا حزنه بناته واقفين جنب بعض و صوت بكائهم عالي منهارين على اختهم لف وشه بص الاتجاه التاني كان نوح واقف قدام الباب و على اعصابه و والده و والدته بيحاوله يهده فهيمه حطيت ايديها على كتفه ، و اتكلمت بدموع

: ادعيلها يابني هي بين ايدين ربنا دلوقتي و محتاجه كل دعه نوح بصلها باعين حمراء كان بيحاول دموعه متنزلش بس خننه دمعه و نزلت بضعف ، اتكلم بتوهان : يارب.. يارب صالح بحنيه شديدة : اجمد كدا و انشف مافيش راجل بيبكي ادعلها تقوم بالسلامه و احنا كلنا بندعيلها ضـ.. ـرب بايديه على باب الغرفة و هوا مستنيهم يخرجه ، اعصاب رجله خنته و سابت سند بضهره على الباب و نزل قعد على الارض و هوا ساند بضهره و الدموع متجمعه في عينيه

عز الدين وقف قدام صالح بجبروت : وعزت و جلال الله لو ليك يد باللي حصل لـ حفيدتي لا هيكون اخر يوم في حياة عيلة الجبالي و همحيها من على وشه الارض رجاله بحريم صالح بصله بجدية ، و اتكلم بهدوء : انا عارف و مقدر مشاعرك الضنا غالي برضو بس انا مليش يد بالحكايه دي و التـ.. ـار مش فرقبتك انت و بس الموضوع بقى يخصنا اكتر منكم بعد ما اتكتبت على اسم ابني و حق مرات ابني مش هيروح هدر و هعرف مين اللي وراها و هجيبه

لو في نيتي الغـ.. ـدر مكنتش خليت ابني يشيل كفـ.. ـنه و يجلكم لحد عندكم و انا مش عارف هتقبله و لا لا اهدى يا خال و انسى اللي حصل زمان و متخلهوش قدامك على طول اللي عامل كدا عايز يوقع بين العالتين و تحصل مجـ.. ـزه و احنا مش هنديله الفرصه انه يعمل كدا عز الدين : حق د.. م حفيدتي مش هسيبه و هجيبه حتى لو من ابوها نفسه في الرعايه الممرضين سمعه صوت انذار.. جريه بسرعه دخله الرعايه ، و كان جهاز القلب صفر و اعلان اشاره وقوفه

الممرضه جابت جهاز الكهـ.. ـرباء و عملت لـ القلب صدمات كهربـ.. ـائيّة بس للأسف كانت روحه صعدت للي خلقها و قابل وجه كريم الدكتور دخل و هو بيجري ، و بدا يكشف عليه تحت نظرات القلق و التوتر من الممرضين حط الملايه على وشه ، و بصلهم و اتكلم بحزن شديد : حالة الوفاءه الساعه 11.36 دقيقه الممرضه بصيتله و اتخيلت ابنها اللي في عمره فيه و عينيها دمعت : لا حول ولاقوة الابالله العلي العظيم ربنا يرحمه يا حـ.. ـرقت قلب امه عليه ربنا يصبرها

الدكتور بص لـ الممرضه ، و اتكلم : تحت في الاداره رقم حد من اهاله نتواصل معاهم الممرضه : لا مش موجود البيانات اللي تحت بتاعت دكتور فراس لانه دخله على مسؤوليته الدكتور : دكتور فراس تحت جاي مع حالة أصابه بلغيه هوا اكيد معاه على الاقل رقم والدة الطفل في الأسفل دخلت فاطمه و هي و والدها و هي منهاره من البكاء ، جريت على سليمان و اتكلمت بنفعال : بنتي مالها عملته فيها ايه

انا قولتلك بلاش ابن الجبالي انت اللي صممت شوفت عمله فيها ايه قتـ.. ـله بنتي سليمان بصلها بغضب و عصبيه : على اساس انك مكنتيش عايزه تقـ.. ـتليها من هنا لحد اما فراس يخرج من عندها مش عايز كلام كتير فاهمه فاطمه هزت راسها و بدات في الصـ.. ـريخ و الندب اتكلم سليمان بصوت افزعها هي و والدها : خد بنتك و امشوا من هنا مش عايز اشوف حد فيكم والدها خاف منه بص لـ بنته ، و اتكلم بتوتر

: خلاص يابنتي اهدي و ادعيلها و هي هتبقي كويسه معلش يا سليمان بيه هي برضو أم و قلبها و كلها على ضناها غفران حسيت ان قلبها اتقبض و وجعها مره واحده ، حطيت ايديها على قلبها و هي بتتنفس بصعوبة راحت عندها فهيمه و اتكلمت بقلق و خوف : مالك يا غفران وشك اتخطف مره واحده غفران بصتلها و هي بتاخد نفسها و بتتحسس مكان قلبها بألم.. و اتكلمت بدموع : قلبي وجعني فاجأه مش عارفه مالي

فهيمه بقلق : اقعدي و ارتاحي أنتي بس مخضوضه من اللي حصل مكنش هين برضو جيب العواقب سليمه يارب الممرضه قربت عليهم و فتحت باب الغرفه قام بسرعه نوح و وقفها قبل ما تقفل الباب ، و اتكلم بلهفه و خوف شديد : مراتي طمنيني عليها عامله ايه الممرضه بصيتله و بصيت لـ العيله اللي اتجمعت حوليها ، و اتكلمت : انا لسه دخله ليهم متقلقش هتبقي كويسه باذن الله خلصت كلامها و قفلت و دخلت الغرفه ، نوح قعد مكانه على الارض و كل واحد فيهم رجع وقف مكانه

بعد ساعه تقريباً بين انهيارهم و الحاله الرعب اللي هما فيها ، خرج فراس من غرفة العمليات و هوا باين عليه التعب جري عليه نوح و بقيت العيله ، اتكلم نوح بلهفه و خوف مفرط ممذوجه بدموع : طمني على مراتي كويسه سليمان بتوتر و خوف شديد : ايه نور عامله ايه طمني عليها و ريح قلبي فراس بتعب شديد و ارهاق : الحمدلله كويسه و هتتنقل اوضة عديه و هتفوق بعد ساعه من البنـ.. ـج اللي هي واخده

اتنفس نوح النفس اللي راح منه و الدموع في عينيه : الحمدلله يارب انها كويسه الحمدلله سليمان حط ايده على قلبه ، و اتكلم بتعب : هتخرج امتا مخرجتش لحد دلوقتي ليه فراس بارهاق : خارجه دلوقتي الحمدلله انها كويسه و الرصـ.. ـاصه مأثرتش عليها دور عليها بعيونه لاقها واقفه بعيد عنهم و مسمعتش اللي قاله مشي من قدامهم راح عند غفران وقف قدامها سالم بصله باعين نـ.. ـاريه و قرب منهم وقف جنبها و هوا عايز يسمع فراس هيقولها ايه

فراس اتكلم بنبرة صوت حزينه : البقاء لله وحده شدي حيلك غفران دموعها نزلت من عينيها بوجع كبيره ، بصيت على اخوها بحزن على كسـ.. ـرته و اتكلمت بمرره : حياتك الباقيه عزي نوح هوا جوزها فهيمه بدموع و حزن شديد : إنا لله وإنا إليه راجعون ربنا يرحمها يا وجع قلبك يابني ملحقتش تتهنى بعروستك البقاء لله يا دكتور روح اقف جنب اخوك هوا محتاجك جنبه فراس كمل كلامه و هوا بصصلها في عيونها ، و الكلام طالع منه بالعافيه

: البقاء لله في يوسف ابنك حسيت ان الزمن وقف بيها في اللحظة دي ، دموعها نزلت و هزت دماغها بدون وعي و اتكلمت بلا وعي : أنت بتقول ايه البقاء لله في مين ابني انا.. أنت تقصد يوسف ابني انا فراس بحزن شديد : لسه الخبر جيلي و انا في اوضة العمليات اتـ.. ـوفه من ساعه اتكلمت بنهيار و صوت مرتفع أنتبه عليه كل الموجودين : أنت كداب ابني عايش دا الدكتور جاي بكرا و هيعمل العمليه انت اكيد غلطان انا هطلع اشوفه عشان اعرفك انك كداب

جت تتحرك من قدامه مسكت دماغها فاجأه و سقطت مغشيّا عليها على الارض جري عليها سالم و نزل على الارض و مسك وشها بين ايديه بصدمه كبيره فراس نزل لمستواها و شال ايد سالم من على وشها و حط ايديه على رقبتها يقيس النبض : مافيش قلق هي اغم عليها من الخبر بعد فتره كانت نايمه على سرير المستشفى متوصله بالمحاليل و كل نساء العيله جنبها و هما مصدومين من خبر مـ.. ـوت ابنها بدات تفوق تدريجياً فتحت عينيها بتعب