سكر ناعم ثامن و تاسع اسما السيد

بهدوء ساعدها لترتديه..رغم اعتراضها
والتقت نظراتهم معا..هي بحرجها وهو بحزنه علي دموعها وندمها..
طالت النظره بينهم وشعرت ان اللحظه اصبحت دهرا..فتح ذراعيه لها..بلا مقدمات ولا خجل ارتمت بينهم..
وعادت كره البكاء معها مره اخري….
الي ان استسلمت لنومها..
back..
اغمضت عيونها وجذبته بيدها..اشتمت رائحته به، واخذت نفسا عميقا..
هاخدك معايا..عشان تبقي ذكري نكبتي وقله حيلتي..
ــــــــــــــــــــــــــــ
استني..
ابتلعت ريقها وهي تستمع لصوته..
ابتسمت بخبث وسارت مسرعا وكانها لم تسمعه..
بدر بحده..قولت استني..لو رحتي باطن الارض هجيبك..ملوش لازمه تهربي
بخوف تسمرت قدميها بالارض وانتظرت الي ان خرج الجميع واشارت لنيراج الواقف ينتظرها ان يخرج..

استدارت بعدما شجعت نفسها..انه لن يجرؤ..
ـ خير..
بدر بتهكم وهو ينظر لها..بغيره مكبوته..
خير..خير..
بس قوليلي عجبك شرحي..
جوان بصدمه..هااا..موقفني عشان كده..لا معجبنيش
بدر بسماجه..لا عشان اقولك ان الترنج هياكل من عليكي حته..مسترجله مسترجله يعني..
جوان بصدمه ابتلعت، ريقها وهو يمر من جانبها..حيوان اش فهمك انت في الانوثه..
استدار لها..وهمس باذنها..
سمعتك علي فكره وحسابك تقل..يا…
جوان حمدان الناظر،الشهيره بجوليا سيف الدين اشهر مدربه دلافين..مش كده..
اوعدك ..حسابنا لسه مخلصش..
مش بدرالدين..اللي واحده تمد ايدها عليه
لسه ماتخلقتش..
غمز لها وتركها منكمشه علي نفسها..

جوان بصدمه..ياوقعه مطينه..ياحوستي السوده ياانا ياامه..منك لله يابدر
ـــــــــــــــــــــــــــــــ
علي طاوله البيلياردو
كانا يتنافسان معا..
سهر بغيظ..مش هتقدر تكسبني ياعجوز..
كرم..بقهقه..كل مره بتكسبي بالخديعه ياقلب العجوز..
غمزت له وضغطت علي شفتيها باغراء..
حبك بقي..
كرم بخبث..بردو مش هستسلم..
قذفت الكره وهي تقذفه بقبله طائره من شفتيها..
كالعاده مد يده ليمسك قبلتها ونسي الكره..
كرم بقهقه، مسكتها..
سهر بمكر..دخلت قلبك..؟
كرم بهيام..دخلت قلبي ياقلب قلبي.
سهر بضحك..وانا كسبتك..هييه.
كرم بصدمه..هااا
مفيش فايده فيكي..خدي بقي..
صعدت مسرعه للاعلي وهو يجري خلفها..
قاطعهم صوت صراخ جوان..

اااه قاعدين تحبولي في بعض ومش دارين بالمصيبه اللي حصلت..
كرم بصدمه..يامنجي من المهالك يارب..نيلتي ايه تاني؟،ياجوان يا حبيبتي..مش كفايه عليا خالتك..
جوان بغيظ واستنكار…انا.؟
دانا ملاك برئ..هو انا بعمل حاجه ياعمو..
كرم بلويه فم مد يده لزوجته..
تعالي يا حبيبتي انزلي اما نشوف المصيبه دي عملت ايه؟
سهر بخوف..ربنا يستر..ايه ياجوان اللي حصل..؟
جوان بغل..ابن الرشيد ياخالتو..
سهر بصدمه..مين فيهم؟
جوان ببكاء..بدر اللي خبطه في نافوخه طلع دكتوري في الجامعه..عاااااا
جحظت عيونهم معا..والتفا لبعضهم..
نعم..
ـــــــــــــــــــــــــــــ
ياعاليا يا حبيبتي شوفي مين؟
عاليا بهدوء..حاضر يامراد رايحه اهو..

(عاليا شقيقه عمران تزوجت من مراد ابن اخو زوج والدتها التقيا معا هنا..واحبها واحبته وتزوجا..ولم يعودا يوما منذ زواجهم انجبا عمار وميار)
عاليا بصدمه..عمران…
عمران بحزن…وحشتيني ياعاليه..
صمت، تام

بعد دقيقه..
ـ للدرجه دي زعلانه مني..
عاليه بدموع..عمران… ياااه، عارف بقالي سنين مستنيه زيارتك دي ازاي..وللاسف عمرك ماعملتها..
عمران بحزن..كنت خايف متقبليش تقابليني ياعاليه
عاليه بتهكم..وانا كنت مستنياك تجيني ياعمران..كل مره بعرف انك فيها هنا..اقول هيجيلك ياعاليه..وافضل مستنيه..واطبخلك المهلبيه بالمكسرات زي مابتحبها واقول هيجي واكلهالك..
بس مكنتش بتيجي ياعمران..
عمران بغصه..من سنين بطلت اجي ياعاليه..عشان قلبي مايتحرقش من قربك وبعدك ياعاليه..
عاليه بتهكم..ودلوقت جاي ليه؟
عمران بحزن..معنتش قادر يابنت امي وابويا..خصامنا طال..وخايف اقابل وجه كريم من غير مااشوفك..
عاليه بلهفه..بعد الشر..متقولش كدا..
عمران بشوق فتح لها ذراعه فارتمت بهم..

وحشتيني ياعاليه..
وانتي وحشتني ياعمران.
مراد بصدمه من خلفهم..في ايه؟
عاليا بضحك ابتعدت عن عمران..دا عمران يامراد اخويا..
مراد بصدمه ابتلع ريقه..ومد يده سلم عليه باحترام..
اتفضل يادكتور..نورتنا..
عمران بابتسامه..دا نورك..
ـــــــــــــــــــــــــــــــ
شرم..
بين يديه تجلس ويحاوطها بذراعيه..وبيديه هاتفه، تنظر لصور اطفالها وفيديوهاتهم معا..
دموعها لا تتوقف وشهقاتها تعلو وتعلو..
فراس بحزن…جميلتي متبكيش..عشان خاطري..
استدارت ودفنت وجهها بصدره..عاوزاهم ارجوك يافراس…
عاوزه اشوفهم..اسمع صوتهم بس..
ارجوك اتصلي عليها..
بحنان رفع رأسها..وحياه عيونك الجميله لاخليكي تشوفيهم وتسمعي صوتهم كمان..
بس اصبري شويه صغيرين..

جواز سفرك، يطلع واخدك ليهم بنفسي..
جميله بهمس ودموع…بجد.يافراس..؟
مسح دموعها..وقبل شفتيها المضمومه بحنان
بجد يااحلي صدفه في حياه فراس..
مدت يدها حاوطت عنقه..
ــــــ انت جميل اوي يافراس..
فراس بضحك..يعني مش نسونجي ياجميله…؟
جميله بضحك..انت زير نسا يافراس..مغيرتش رأيي لسه..
اه منك انت..
فراس بقهقه..طب فكري تاني..؟
جميله بضحك وهي تض*ربه بيدها الصغيره علي ظهره..فكرت..
استمعت لقرآن الفجر..
وعادت لتنظر له..يالا قوم نصلي الفجر..
فراس بلجلجه..قومي انتي وهاجي وراكي..
جميله بحنان..جذبت يده..وقبلتها طويلا….
يالا يافراس..هعلمك اللي نسيته..

فراس بخزي..من كتر ذنوبي نسيت ازاي الوضوء ياجميله؟اللي زي معقول ربنا يتوب عليه…
جميله بحناان..طبعا ويمكن احسن من العابدين الشاكرين طول حياتهم.
يالا بقي..
فراس بابتسامه وراحه لاول مره يشعر بها بعد معاشرته لاحداهن….يالا يااحلي جميله..
ــــــــــــــــــــــــــــ
بعد ساعتين..
شوفي مين اللي بيرن الجرس دا ياميار..
ميار بزهق..يووه هو مفيش غيري ياماما..؟
مراد بضحك..شايف خلفه اختك..
عمران بابتسامه..ربنا يحميهم..شهلي ياعاليه عاوز اكل المهلبيه قبل ماامشي..
مراد بسرعه، تمشي فين..انت بايت معانا انهارده..

بقوه انفتح الباب…
وبصدمه استدارو ليرو من فعل..؟
جحظت عيونه واستقام مسرعا..
سهر..
ـــــــــــــــــــــــــــــــ
تناقضات
وانقلابات..منذ التقينا واعيش الانقسامات
شطرا من روحي يعشقك..
وشطرا يكره لقياك.
كرهت فسقك وعشقت عنفك وقربك البراق
كرهت ضحكتك التي تخجلني
وعشقت همسك وتفننك بلغاك..
تشبعني قربا وتغمرني فأنسي بين يديك كل ذكراك.
يامن لااعلم  لما التقيته؟
،ومالمغزي من لقياه.؟
اعشقك عشقا جديدا، عشقا في القلب وضاء
لا تصدقني،حينما اثرثر بأني لا اعشقك..
اخبرني بعيني،كاذبه فانا والله ما تمنيت يوما
خيرا من لقياااك..

اصابك عشق ( سكر ناعم)
اسما السيد