فيهم بهدوء والاستماع باين على ملامح وشه ولكن فجأة وقف أكل كإنه بيتأكد من حاجه
ثواني وكان واقف مكانه بيحسس حواليه بإيده كأنه بيدور على حاجة.
وشه بدأ يحمر وحركته بقت أسرع.
فرح كانت قاصدة تحطله شطة في الجبنة عشان تشوف هيغلط ولا لأ وهل بيمثل العمى ولا مش بيشوف فعلا بس لما شافته بيتخبط ووشه بيحمر قلبها ۏجعها.
قامت بسرعة خرجت من مكتبها وهي شايلة كوب مية ومدته له
اتفضل .
أخد المية وشرب وهي واقفة قدامه حاسة بندم كبير جواها إنها حتى فكرت تشك فيه.
نوح مسك الكوب بإيده شرب منه على مهل وبعدين حطه على المكتب.
مسح بقية المية اللي على شفايفه بمنديل ورفع راسه ناحيتها وقال بنبرة هادية بس وراها حاجة
غريبة الطعم ده مش جبنة قديمة بس في حاجة زيادة.
فرح قلبها دق ابتسمت محاولة تهزر
يمكن مش متعود تاكل جبنه تكون مشطشطة كده وكمان الفطير كان سخن قوي.
ضحك ضحكة قصيرة وقال
باين كده .
سكت لحظة وبعدين مال برقبته
كنت بتتفرجي عليا من ورا إزاز مكتبك مش كده
اتسمرت في مكانها حست إن صوتها اتلخبط
أنا كنت بتطمن إنك بتحب الفطير.
ابتسم وفي عينه لمعة رغم إنها ما بتشوفهاش
أنتي بتختبريني يا فرح
سكتت وبصت للأرض
مكنتش قصدي أأذيك بس كنت محتاجة أتأكد.. انا آسفه
وهربت من قصاده على مكتبها بدون أي كلام زيادة أما نوح فقعد على مكتبة وفي عنيه نظرة غريبه مش مفهومه .
اليوم عدى بهدوء من غير أحداث تذكر ولحسن حظ فرح مكنش فيه شغل محتاج ترجمة أو بمعنى أصح محتاج تعامل مباشر بينها وبين نوح.
فضل كل واحد منهم في حاله وهي من جواها فرحانة إن اليوم بيخلص من غير احتكاك.
مع آخر النهار فرح لمت حاجتها وقامت من مكتبها.
عشان مكتبها جوا مكتب نوح اضطرت تعدي عليه وقفت عند الباب وقالت بتوتر
أنا خلصت لو محتاج حاجة قبل ما أمشي.
نوح بدون ما يرفع وشه من اللابتوب قال ببرود
لا مش محتاج.
الشمس كانت بدأت تميل والشارع الجانبي جنب الشركة شبه فاضي إلا من شوية عربيات واقفة على الجنب.
فرح ماشية وبإيدها شنطتين صغيرين من السوبر ماركت ذهنها مشغول بيومها في الشركة.
وفجأة سمعت صوت كبح فرامل قوي قلبها دق وهي تبص في اتجاه الصوت.
ولد صغير يمكن 10 سنين كان بيجري وسط الشارع وعربية سوداء وقفت قبل ما تخبطه بلحظة.
الباب الأمامي اتفتح والسواق نزل وهو بيزعق
أنت أهبل يا واد ھتمو\ت نفسك!
الولد واقف مكانه ملامحه مرتبكة وخاېفة.
قبل ما السواق يكمل الباب الخلفي للعربية اتفتح ونزل منه نوح.
البدلة الغامقة الملامح الجادة والخطوات الواثقة لكن صوته كان هادي وحازم
خلاص يا عم حسين سيبه.
السواق اتنفس بحدة لكنه سكت ورجع ناحية العربية.
نوح قرب من الولد انحنى شوية لحد ما بقى في مستواه ومد إيده على شعره ومسح عليه بحنية وصوته ناعم بشكل غريب
إنت كويس يا بطل خدت بالك تمشي في الشارع إزاي المرة الجاية
الولد هز راسه بخجل ونوح ابتسم ابتسامة صغيرة نادرة الظهور.
مد إيده في جيبه وطلع ورقة فلوس حطها في يد الولد وقال
هات حاجة حلوة تاكلها وخلي بالك من نفسك.
الولد خد الفلوس وجري ولسه ابتسامة صغيرة على وشه.
نوح وقف مكانه لحظة وبعدين رجع يركب العربية بهدوء كأنه ولا حاجة حصلت.
أما فرح فكانت واقفة على بعد أمتار نصها مصډوم ونصها منبهر.
ده مش نوح اللي بتشوفه كل يوم في الشركة
حتي لو بيعاملها كويس لكن مع الباقي بيكون صارم لكن دلوقتي هو دافي حنون وكأن جواه سر كبير هي أول مرة تلمسه.
تاني يوم فرح دخلت الشركة بدري عن المعتاد بس وهي في طريقها لمكتبها عينها راحت على نوح اللي كان قاعد بيشرب قهوته بهدوء كأن مفيش حاجة حصلت امبارح.
وقفت لحظة بتتردد إذا تفتح الموضوع ولا تسكت لكن فضولها كان أقوى.
دخلت مكتبها وبصت له من ورا الإزاز وبعدين خرجت بخطوتين سريعتين لمكتبه.
أنا شفتك امبارح.
نوح رفع حاجبه باهتمام
شفتيني فين
في الشارع الجانبي جنب الشركة كنت مع الولد الصغير.
ابتسم ابتسامة خفيفة وهو بيقلب ورق على مكتبه
آه هو ده اللي عاملك قلق
مش قلق بس استغربت. أنت دايما جاد و فجأة شوفتك بطريقة مختلفة.
نوح ساب الورق وبص ناحيتها صوته بقى أهدى وأعمق
مش كل حاجة بنحب نوريها للناس يا فرح. في حاجات بنحتفظ بيها لينا.
وقفت قدامه حاسة إنها مش عارفة ترد لكن جواها إحساس غريب خليط بين احترام وإعجاب ويمكن شوية فضول أكتر.
نوح رجع يشتغل وكأنه قفل الموضوع لكن هي عرفت إن فيه جانب من شخصيته قررت إنها هتكتشفه واحدة واحدة.
المكتب كان هادي جدا والليل دخل والشركة شبه فاضية.
فرح قاعدة قدام اللابتوب بتكتب إيميل والنور الأصفر الخاڤت مدي إحساس غريب بالهدوء.
فجأة الباب اتفتح پعـ,ـنف لدرجة خلتها تنتفض مكانها.
دخل راجل طويل ملامحه حادة وعينيه مليانة ڠضب خطوته تقيلة كأنه جاي شايل جبل.
فين نوح
صوته كان خشن وهجومي خلى فرح تبص له بقلق
حضرتك مين
ابتسم ابتسامة كلها مرارة
أنا مالك نص الشركه وأخو الشخص اللي البيه كان السبب في إنهاء حياته.
جملة تقيلة سقطت في الجو.
من جوه أوضه في المكتب الباب اتفتح وخرج بخطوات هادية لكنها مش خالية من التوتر.
مالكش حق تدخل هنا بالطريقة دي.
الراجل ضحك ضحكة قصيرة ساخرة
حق انت آخر واحد في الدنيا يتكلم عن الحق.
فرح بصت بينهم عينيها رايحة جاية ومش فاهمة لكن كلمة إنهاء حياته كانت بتدور في دماغها زي جرس إنذار.
نوح شد نفسه وقال بنبرة قاطعة
اطلع بره قبل ما أخلي الأمن يطلعك.
الراجل مشي ببطء ناحية الباب لكنه وقف لحظة وبص لفرح بعينين فيها غموض
اسأليه هو عمل إيه من سنة.
خرج والباب اتقفل وراه لكن الجو المليان توتر فضل معلق.
فرح حست إن فيه حاجة أكبر بكتير من مجرد خلاف شغل.
بعد ساعات في مكان مختلف
شارع جانبي بعيد عن الشركة ظلامه مكسور بنور عمود واحد.
الراجل واقف مستني جنب عربيته السودا بيده سېجارة بيولعها وصوته واطي وهو بيكلم شخص على الموبايل
أنا لسه خارج من عنده آه شوفته ولسه زي ما هو فاكر نفسه فوق الكل.
وقف لحظة دخن نفس طويل من السېجارة وبص للفراغ قدامه
بس أوعدك المرة دي هعرف أحر ق قلبه زي ما هو عمل.
قفل الموبايل ورمى السېجارة على الأرض وركب عربيته وهو ملامحه متحجرة كأن اللي جاي مش هيكون بسيط.
اليوم التالي
فرح كانت طول الليل مش قادرة تشيل كلام الراجل من دماغها.
اسأليه هو عمل إيه من سنة.
الجملة دي كانت بتتكرر في ودانها وهي قاعدة في مكتبها.
مع نهاية اليوم لما معظم الموظفين مشوا وقفت قدام مكتب نوح بتتردد.
ممكن أسألك سؤال
نوح كان بيكتب حاجة رفع راسه وقال ببرود
اتفضلي.
الراجل اللي جه امبارح كان يقصد إيه لما قال إنك أنهيت حياة أخوه
وش نوح اتغير للحظة بس رجع يخفي ملامحه بسرعة
مش موضوعك يا فرح.
يمكن مش موضوعي بس أنا شغالة معاك ومش بحب أشتغل مع حد مش فاهمة قصته.
مش كل
— القصص لازم تتقال.
سكتت لحظة وبعدين قالت بإصرار
حتى لو القصة دي ممكن تغير كل حاجة
نوح قام من مكتبه وراح يقف عند الشباك كأنه بيحاول يهرب من السؤال
فرح في حاجات لو عرفتيها مش هتقدري تنسيها.
أنا مش خاېفة أعرف.
فضل واقف ساكت صوت تنفسه بس هو اللي بيملى الجو.
وأخيرا قال بصوت واطي فيه مرارة
كان لي صاحب اسمه عدي. كنا أقرب من إخوات.
في يوم كنا راكبين عربية سوا هو كان بيسوق بتهور وأنا كنت جنبه.
صوت ضحكنا كلن عالي كأن الدنيا كلها ملكنا لحد ما فجأة العربية اتقلبت.
صوته اتق\طع لحظة كأنه بيجمع شجاعته يكمل
عدي ماټ وأنا لما فوقت كنت في المستشفى والدنيا كلها ظلام. عيني خلاص مش بتشوف.
فرح اتسمرت مكانها مش عارفة تقول إيه.
نوح رجع يقعد على مكتبه وبص للأرض
دي القصة اللي ما بحبش أحكيها واللي خليتني الشخص اللي إنت شايفاه قدامك دلوقتي.
السكوت سيطر على الأوضة لكن جوا فرح إحساس تقيل من الحزن ومن الفهم الجديد لشخصية نوح.
الفصل الثالث
اعملي حسابك إننا كمان يومين هنسافر الجونة عشان هنستقبل وفد جاي من فرنسا ومحتاجك عشان تترجمي كلامي معاهم.
فتحت عيونها بذهول ممزوج بفرحة
هنسافر الجونة عند الأستاذ أبو ويسرا
ضم حواجبه باستغراب
أبو ويسرا مين
إزاي متعرفهمش دول بتوع تلات دقات.
وبعدين بدأت تغني بصوت نشاز
لما شوفتها قلبي دق تلات دقات والطبلة دخلت عملت جوا دماغي حاجات
لما الرق دخل رق وحنين طب أعمل إيه قمت أنا حنيت.
وكملت باندماج مش واخدة بالها من نوح اللي غمض عينه بازعاج من صوتها
إمتااااااا الحب طاااال قلبي ولا في الخيال
قاطعها نوح وهو حاطط راسه بين إيديه
أبو\س إيديكي كفاية خلاص افتكرتها.
بعد يومين جه معاد السفرية. فرح وصلت المطار بدري وشافت نوح جاي من بعيد. المره دي كان ماسك عصاية إرشاد للمشي. فرح وقفت مصډومة لحظة لأنها أول مرة تشوفه خارج حدود المكتب وأول مرة تلاحظ إنه فعلا بيعتمد عليها.
بعد ما خلصوا كل ورق السفر ركبوا الطيارة المتجهة للجونة.
أول ما الطيارة بدأت تتحرك فرح مسكت الكرسي جامد وقالت بصوت واطي
يا ساتر… دي بترج ليه كده إحنا طايرين ولا بننط على ترمبولين
نوح ضحك وقال بهدوء
إهدي يا ست… إحنا لسه على الأرض… ده الطيار بيجرب المطبات كده عشان ما نزهقش.
فرح بصت له بقلق
بتتكلم جد
لا طبعا أنا بهزر… ركزي في النفس وسيبي الكرسي في حاله قبل ما يرفع علينا قضية تحر ش!
الرحلة عدت وسط هزار ومحاولات نوح إنه يطمنها. وبعد كام ساعة وصلوا الفندق.
نوح راح على الريسبشن عشان يحجز غرفتين جنب بعض لكن الموظف قال له بابتسامة آسفة
آسف يا فندم مفيش غير جناح واحد فاضي كل الغرف محجوزة عشان المعرض الكبير اللي بيبدأ النهاردة.
نوح بضيق طيب وبعدين ايه الحل .
الموظف بتفكير حضراتكم ممكن تحلوا المشكلة بإنكوا تقسموا الجناح احنا عندنا في الفندق مساحة الجناح بتكون كبيرة جدا .
فرح فتحت عينها پصدمهلا طبعا انت بتقول ايه
الموظف بأسف للأسف ده الحل الوحيد وعشان تروحوا فندق تاني هيكون بعيد جدا عن هنا
نوح بعد تفكير
بصي… نقسم الجناح نصين.
كل واحد يقعد في نصه وكده كده إحنا أغلب الوقت برا. ثلاث أيام وهنكون نايمين بس.
فرح فكرت… وبصراحة حست إن نوح مش بيشوف فالموضوع أمان. قالت وهي مترددة
ماشي… بس بالنص يعني بالنص!
الجناح طلع كبير أوي وفيه حمامين. نوح أخد شاور وغير هدومه وكمان فرح عملت نفس الشيء. التعب غلبهم فناموا لحد العصر.
صحوا واتجهزوا. فرح لبست فستان صيفي أبيض مع خمار لونه لافندر ونوح لبس تيشيرت زيتي مع بنطلون جينز أبيض وشعره الكثيف مسرحه لورا.
نوح قال وهو بيشد بطنه
أنا جعان من الصبح لو إنتي مش جعانة… أنا جعان بالنيابة عنك.
نزلوا وأكلوا وبعدين قابلوا الوفد. الجو كان رسمي لكن بوجود فرح الجو بقي مليان مرح وبهجة خصوصا بسبب ترجمتها.
وأثناء الاجتماع واحد من الوفد الفرنسي قال بجدية
Limportation doit respecter les normes internationales.
فرح بثقة مفرطة ترجمتها
بيقولك الاستيراد لازم يبقى على مقاس الناس الكبيرة مش أي حد يستورد وخلاص!
القعدة وقفت لحظة نوح كتم ضحكته بالعافيةوهز راسه باستسلام.
نوح همس لها
يا فرح هو بيقول لازم الاستيراد يلتزم بالمعايير الدولية
فرح همستله بثقة
ما انا عارفه أنا بس بختبرك انت بتفهم فرنساوي ولا لا .
رد بثقه مماثله انا قولتلك أنا مش قد كده فيه بس مش معناه إني مش بفهمه خالص
اليوم خلص ورجعوا الفندق. نوح كان شكله تعبان أوي وظاهر عليه علام\ات سخونيه وبرد لكنه حاول يكابر.
لكن في نص الليل فرح صحيت عشان تشرب شوية مية. وهي ماشية سمعت همسات طالعة من الجزء اللي قاعد فيه نوح. قلبها دق وقربت بخطوات حذرة تحاول تلتقط الكلم\ات.
ولما عدت الفاصل اللي في نص الجناح اتجمدت.
نوح كان جسمه متشنج قطرات العرق مغطياه إيده ماسكة أطراف السرير بقوة
فرح وقفت كام ثانية مش مصدقة المنظر قلبها بيخبط في صدرها.
مدت إيديها بتردد وقربت منه خطوة خطوة لحد ما وقفت قدامه.
بهدوء وحذر لمست جبينه
اټصدمت. حرارته مولعة كأنه ڼار. سحبت إيدها بسرعة وبصت له بقلق
نوح إنت سامعني
هو ما ردش نفسه كان متق\طع وبيهمس بكلم\ات مش مفهومه
فرح بعد ما شافت حالته اتصلت بالريسبشن وهي بتهمس
لو سمحتوا ممكن تبعت خافض للحرارة ودوا برد بسرعة أيوه جناح 305 شكرا
فرح بدأت تعمله كمادات وتمسح جبينه ورقبته. كانت إيديها بتهتز من القلق وهو لسه جسمه متشنج وكلامه متق\طع.