٣١___٤٠ اخير الحلقة الحادية والثلاثون تمارا وانا بحبك ياعمر انت اخويا الكبير.. عمر عشان كده حابب اتكلم معاكي بحاجه مهمه.. تمارا حاجة ايه.. عمر في حد من صحابي شافك في الفرح وحابب يتقدملك.. تمارا لا. عمر لا ليه.. تمارا بارتباك عشان عشان مش عايزه اتجوز عمر الراجل ده مبيترفضش..الا لو في حد بحياتك تمار بحرج انت شكلك مصدق كلام امي..عشان كده عايزني اتجوز..وترتاح.. عمر كلام ايه.. تمارا اني بحبك وكنت عايزاك.. عمر بابتسامه لاطبعا ..لينظر حوله ولاحظ شروق التي تحاول الاختباء ليبتسم بهدوء..ويكمل حديثه..انا عارف انك مش ممكن تحبيني زي الحب اللي عمتي فاكراه.انتي شايفاني زي اخوكي الكبير .
تمارا براحه طب الحمد لله ..يبقى كلامك ده والعريس اللي جايبهولي مالهمش داعي.. عمر بس انتي مش هتفضلي كده دايما..ومصيرك تتجوزي ..وانا شايف ان صاحبي ده مناسب ليكي جدا.. تمارا انا مرتاحه كده ومش عايزه ارتبط دلوقتي…. عمر بس امك مش مرتاحه..وشايله همك تمار بضيق امي عايزه تجوزني وخلاص مبتفكرش بيا وانا حاسه بأيه..او عايزه ايه عمر وانتي عايزه ايه وحاسه بأيه.. تمارا …… على فكره انتي مش هتعرفي تخبي عليا.. نظرت اليه باستغراب.. عمر عنيكي فضحاكي..
تمارا مش فاهمه.. عمر حسام. تمارا…بتوتر حححسام ماله.. عمر على فكره مش عبيط انا علشان ماشوفش حبك ليه.. تمارا حب ايه يا عمر حسام زي اخويا.. عمر هتستني لحد امتى .. تمارا بعد اذنك انا هتأخر.. عمر تمارااا.. وقفت دون النظر اليه ليمشي نحوها. بخطوات هادئه اقترب منها وهمس لها اظن دلوقتي حسام محتاجلك اكتر من اي وقت تاني ولو اتخليتي عنه هتخسريه تاني.. تمارا بغصه هو انا امتى كسبته عشان اخسره.. عمر حسام بالوقت ده تايه عايز اللي يرشده..
تمارا كفايه انت جمبه.. عمر انا مش كفايه هو عايز حد.يحبه حد يحتويه ..حد يكون معاها بالوقت الصعب ده . تمارا هيعديه ويرجع مراته ويرجع زي الاول.. عمر حسام عمره ماهيرجع ندا.. كلماته اثلجت صدرها لكنها لم تكن واثقة منها.. عمر على فكره بجد في حد عايز يتقدملك بس انا عارف جوابك سلف.. تمارا بضحكه ساخره لدرجادي فاهم دماغي.. عمر لدرجادي شايف صدق مشاعرك لحسام.. تمارا شكل الكل شايف وملاحظ الا هو وامي.. عمر عشان محاولتيش تظهري الحب ده دايما خايفه ومداريه حبك..بس لحد امتى هتفضلي كده..
تمارا بعد اذنك ياعمر.. عمر فكري دي فرصتكم الوحيدة عشان تداوو جروح بعض. تمارا بعد اذنك .. عمر مكنتش فاكرك ضعيفه للدرجادي متعرفيش تدافعي عن حقك.. تمارا من امتى بقى ليا حق بحسام .. عمر من ساعة مافاق لنفسه وساب العقربه مراته..على كلن انا هستنى رجوعك قريب جدا متخيبيش ضني لازم تحاربي عشان مكانك لو مكنش لاحظك زمان عشان انتي محاولتيش اتمنى المره دي متضيعييش فرصتكم الوحيده..… مشت وهي تستمع لكلماته وأصبحت مشتته جدا. ***********◇◇◇◇◇◇◇***********
رحاب بدموع انت ازاي كده ازاي جايبها معانا شهر العسل..بتروحلها وانا نايمه والا ايه انطق اتكلم ليه ليه تعمل كده اتجوزتني ليه ان كنت بتحبها .. زين هي مين دي. ايه العبط ده.. رحاب بقهر شفتكم بعيني وهي حضــ,,ـناك لتخرج هاتفها والصور دي ..الصور دي يعني ايه …. بتحبها يازين بتحبها ..ربنا مش هيسامحك على كسرت قلبي وانا مش هسامحك يازين مش هسامحك.. نظر الى الهاتف بصدمه ليجد.صور قديمه له مع سهى.