غالب بص لمصطفي : علشان انت متجوز بقيت بتفعل انا بقا لسه هفعل بس الفكره هنا هما عرفو منين انك بتفعل مصطفي بفخر : يمكن علشان مراتي حامل وبعدين ليلي الله يصلح حالها كانت فضحاني في عيله الحبايبه برضو المهم يلااا المــ,,ـاتش هيبدء ” ومشي هو وغالب ” غالب بص لجده : غالي مش هتأخر عليك يا حبيبي مسافه المــ,,ـاتش وهكون عندك اتشااااااو ” ومشي ركب جنب مصطفي ” غالي : لو مجاليش مرض ومــ,,ـوتني همــ,,ـوت من غالب ابن ابني ” وقام وقف راح الدوار ”
” في الصاله ” ” اميمه وفــ,,ـاطمه وانصاف قعدين يسمعو المسلسل ” انصاف: الا احنا هنطبخ في خطوبة غالب يما ولا هنعمل ايه ؟ فاطمه : هنطبخ وهنعمل الحلو كله وكدا كدا الخطوبه تاني يوم العيد انصاف : طب هنعمل ايه الواحد مش عارف ومحتار ؟ فاطمه : في الدوار دكرين بط هندبحهم وهنجيب لحمه وهنعمل محاشي ورقاق ومكرونه بالبشامل ورز وبسله وشوربه اميمه بلوية بوز : جوز الرجاله اللي في الدار بدل ما يجيبو نسوان تشرح الصـ,,ـدر يجبين بنات دار الحبايبه ؟
فاطمه بصرامه :بنات دار الحبايبه برضو تشرح وتفرح الصـ,,ـدر يا اميمه ومش عوزين ننكد علي نفسنا كفااايه هم بقا انصاف : صلي علي النبي يما اميمه متقصدش اكيد اميمه بغضــ,,ـب : لاء اقصد يا انصاف ” وبصت لفاطمه ” ابنك دااايب في لمياااء الميته وفوق دا راح ابني جايبه بنتها وداب فيها بتعملو فيااا كدا ليه
فاطمه بغضــ,,ـب : انتي قليلة الادب يا اميمه وانتي تكرهي ان ابنك يحب مراته اللي هي شايله ابنه ولا بنته في بطنها هتفرحي لما يقطعو بعض عوزه حريــ,,ـقه يا اميمه بس لاء يا اميمه طول ما انا عايشه وفيا نفس مفيش ظلــ,,ـم ولا كره ولا مشاكل هتدخل داااري يا اميمه وان كان جوزك حب قبل كدا ومحصلش نصيب ايه اللي حصل هو انجوزك انتي وخلف منك انتي ولا انتي حطيتي الموال في دماغك وخلتيها حجه ليكي
” اميمه قامت بضيق فتحت الباب وطلعت علي شقتها ” انصاف : والله دا شيطان ودخل بينا معلش يما والله اميمه غلبانه بس حورات زمان وجعاها بس فاطمه : حورات زمان؟! هي فين حورات زمان يا انصاف البت الله يرحمها ميته واتفض الكلام من 30 سنه جايا تفتح في الكلام دا لما مرات مصطفي تسمعه وتحصل مشاكل بينهم واحنا بندادي الحياه علشان نعيش بلا قلة ادب وكلام فارغ ” وقامت وقفت وفتحت الباب اللي بيطلع علي شقتة ليلي ” انا طالعه اعد مع ليلي يا انصاف لو ابوكي غالي سأل عليا عرفيه
انصاف : حاضر يما هشطب المطبخ وهطلع اصحي كنزي نايمه من بعد الفطار ” ودخلت علي المطبخ وفــ,,ـاطمه طلعت لليلي ” ” في شقة مصطفي الجبراني “ ” ليلي نايمه علي رجل فاطمه وفــ,,ـاطمه بتلعب في شعرها قعدين قدام التلفزيون في الصاله ” ليلي : عرفه يا ماما فاطمه ان بحس معاكي براحه وامان عمري في حياتي محستهم غير مع مصطفي وانتي ؟
فاطمه ببتسامه : علشان انتي قلبك طيب يا ليلي مصطفي اول ما شافك قالي علطول انه معجب بيكي وقتها كنت خايفه علشان المشاكل اللي بينا وقولتله ملكش دعوه بيها يا مصطفي شوفلك غيرها قالي وحياتك يا بطوط ما حد هيتجوز بت العدو غيري ومن وقتها كل ما يجي واشوفه اقوله بت العدو عمله ايه يضحك ويقولي بطايه لحد ما شوفت صورتك حبيتك اكتر ويوم فرحكم كنت مبسوطه علشان شوفت الفرحه في عين مصطفي ليلي بضحك وفرحه : مصطفي اول حد في حياتي مخافش منه حبيته من حنيته وخوفه عليا
فاطمه : ربنا يخليكم لبعض ويكملك علي خير يا بنتي انتي الحما عامل معاكي ايه ؟ ليلي : انا كويسه يعني لسه مش حاسه بأي حاجه غير الفرحه يارب افضل طول الحمل كدا استني لما اقوم اجيب بسكوت وشاي علي لبن وناكل فاطمه : قوومي يا كبدي بس هاتي بيا قناة الاولي مبعرفش اقلب في الشاشه دي انا اعرف في التلفزيون بتاعنا لكن دي لاء ” ليلي ضحكت وجابت القناه وراحت علي المطبخ ” فاطمه بهمس وهي باصه عليها : الصلاة علي النبي لاء من حقك برضو يا مصطفي تحبها البت ملبن يحميها لشبابها يارب
” ليلي عملت شاي علي لبن وجابت العلبه بتاعت البسكوت واخد الصنيه وطلعت عن فاطمه وفضلو يكلو بنبساط ” فاطمه : بصي يا ليلي لتكوني بتزعلي من اميمه او من كلامها خدي بالك هي معانا كلنا كدا مش معاكي بس والله ليلي ببتسامه : حتي لو معايا بس يا ماما فاطمه هي زي امي ومفيش بنت بتزعل من امها وواجب عليا احترمها وبعدين دا كفايه ام مصطفي يا بطوط فاطمه ابتسمت علي عقلها : تسلم عيون مصطفي انها اختارتك وخدتك من بين بنات الدنيا هو يستاهلك وانتي تستهليه هتبقي حتت ام منجايه كدا
ليلي ضحكت : انتي اللي عيونك قمر يا بطوط فاطمه : يوه الساعه دخلت علي 12 والواد دا فين لدلوقتي ؟ ليلي : مين اللي يجي دلوقتي مصطفي ” ولوت بوزها ” دا يتحسد يا ماما فاطمه وقولت ليه اكتر من مره خليك اعد معايا يقولي واسيب غالب لمين فاطمه بضحك : هما الاتنين اتربو سوا اميمه ولدت وقعدت 3 شهور وبعدها انصاف ولدت غالب طفولتهم كانت سوا ودرستهم وكليتهم ولحد اللحظه اللي احنا فيها دي مع بعض
ليلي ببتسامه : بحب علاقتهم ببعض اوي والله ” وفضلو يتكلمو مع بعض لحد ما الباب بتاع الشقه اتفتح ودخل مصطفي ” مصطفي ببتسامه : وانا بقول السلم والشقه منوره ليه اتاري بطوط بجلالة قدرها عندنا دا ايه البركه دي كلهااا فاطمه ببتسامه : يباركلك ربنا في عمرك يا مصطفي يابن قلبي الساعه بقت واحده وانا فضلت قعده مع ليلي لحد ما جيت انزل انا بقا انام ساعه قبل السحور مصطفي :عليا الطلاق من البت القمر اللي قدامك دي ما انتي نزله انتي ادخلي نامي جوا الساعه دي علي ما ليلي تجهز سحور لينا هنا ونتسحر النهارده هنا
فاطمه : اخص عليك يا مصطفي بتحلف بطلاق ليه بس ليلي : انتي مش عوزه تدوقي اكلي بقا يا بطوط ولا ايه دا انا هعملك اكل تكلي صوابعك وراه فاطمه بستسلام : وانا اطول اكل من ايدك خلاص هدخل انام انا ساعه علي ما تخلصي هصحيني ” ودخلت علي اوضة الاطفال ” ليلي بصت لمصطفي : كنت فين يا حبيبي مصطفي وهو بيفك زاير قميصه بيقلعه : هكون فين يا ليلي كنت في القهوه مع غالب المهم خدي القميص دا اغسليه علي ايدك وقع عليه قهوه بس حولي تطلعيها علشان القميص دا اول هديه منك بالله حولي تطلعيها
ليلي اخدت منه القميص : وقوع القهوه خير حاضر هغسلها بس استني بعد ما اعمل السحور تعالي بقا اعمل السلطه علشان بحب السلطه بتاعتك ” وراحت علي المطبخ ” ” مصطفي راح وراها وطلع الخيار والطماطم والفلفل وجهز طلبات السلطه وفضل يقطع وليلي بتقشر البطاطس والبتنجان ” مصطفي وهو بيقرصها من جنبها وليلي اتخضت وبصتله : بتغيري يا بطه ؟ ليلي : انت هتقلع جنبي يا مصطفي وتقولي بتغيري وبعدين البس تيشيرت هتاخد برد ؟!
” مصطفي ساب السكيــ,,ـنه وراح وحاوطها بينه وبين رخامة المطبخ ” مصطفي وهو بيلف خصله من شعرها علي ايده : ليكون مش عاجبك يابر انتي ؟ ليلي بتوتر : عاجبني والله بس شوف جدتك نايمه جوا يعني عيب نحترم نفسنا مصطفي برفع حاجب : اممم دا بطوط بتفرح اووي لما تلاقينا جمدين مع نسوانا ليلي بخجل : انتو عيله سفله كلكم اصلا مصطفي بهمس : عيله محدش فيها اتربي ولا شاف ربع ساعه ادب واخلاق انتي عوزه ايه بقا ؟
ليلي بسرعه : مش عوزه حاجه والله العظيم عوزاك بس تبعد وتخليني اعمل السحور علشان ناكل في امان الله ولا انت ايه رأيك ؟ مصطفي قرب عليها اووي : انا ك مصطفي رأيي مش هيعجبك غلشان انا عاوز كتير ” وبص عليها من فوق لتحت ” بس مينفعش ليلي شمت برفانه اللي هي متعوده عليه اصلا بس عجبها بغباااء شدته تشم رقابته بتمعن : يااااربي ايه الريحه القمر دي مصطفي بتعجب : ريحه حلوه جري ايه يااابت في ايه مالك ؟ ” وقال بمرح ” ابعدي كدا الواحد متوضي هتلقطي وضوئي
ليلي وهي بتشم رقابته ومعجبه اووي بريحه : عارف ريحتك بتفكرني بحاجه حلوه ريحتك جميله اوووي مصطفي ادرك ببتسامه انها هرمونات حمل : طب ايييه اجيبلك ازازة البرفان تشمي فيها ليلي برفض : لاااء عوزه اشم ريحتك انت ريحة جلدك شبه المخــ,,ـدرات مصطفي بضحك : نخلص السحور واخدك في حضـ,,ـني تشمي فيا زي ما انتي عوزه والله ليلي بعدت بضيق : وعد ؟! مصطفي : وحياة ليلي ” وباس خدها ” ………………………. ” في اوضة غالب ”
غالب : يابت انتي خطيبتي وبكرا هتبقي مراتي يعني ليا عندك حقوق ؟! بسمله بضحك : حقوق ايه اللي في الخطوبه دي يا غالب ؟ غالب : البوـ,,ــــسه يا متعلمه يا بتاعت المدارس والحضـ,,ـن لاء الحضـ,,ـن انا جربته عوزين نغير علشان انا بحب التجديد يبقي البوـ,,ــــسه هاخدها امتي بقا ؟ بسمله : لما نتجوز ويتقفل علينا باب واحد ابقي خدها ؟ غالب : لاء لما يتقفل علينا باب واحد هاخد حجات تانيه بس هسيبها مفاجأه دلوقتي انا لازم اجرب البوـ,,ــــسه مصطفي احسن مني في ايه يعني
بسمله : هنقضي المكالمه في البوـ,,ــــسه يا غالب غالب : انتي عندك حق ندخل علي اللي بعد البوـ,,ــــسه الهمسه والمسه بسمله : غالب يا حبيبي في حجات غير قلة الادب نتكلم فيها والله يعني مثلا الشقه بتاعتنا هنرتبها ازاي ؟ غالب : هي مترتبه محتاجه بس تتكنس وتتفرش في اي غير كدا ؟ بسمله : تعالي مثلا نفكر في فستان فرحي وبدلتك فكر معايا في فرحنا مثلا في رقصتنا فكر كدا ؟ غالب : بسبوـ,,ــــسه انا اخر همي الفستان والبدله انا بفكر في اللي بعد الفرح علطول انا بفكر في طريقه انجاب الطفل فهمه