وصل مراد إلى المخزن وبداخله غضب جحيمى يريد قتل ذلك الرجل الذي تجرأ واقترب من عشقه لينا سوف يقتله ليدلف الى المخزن ويتفاجئ بأدم امامه : انت بتعمل اى هنا ادم بغضب : انت ازاى متتصلش بيا لما تحصل حاجه زى دى مين اللى هيقف جمبك غيرى مراد بغضب : ابعد من قدامى ياادم….عشان انا
مش طايق اشوف حد……قدامى ادم بغضب : وانا حد ياحيوان ليظفر مراد بغضب : ااااااااادم ابعد من قداااامى
ليدفعه مراد بغضب ويتجه لذلك المرمى على الأرض ودمائه تغرق ملابسه ليسحبه إليه ويجعله يقف أمامه : بقااااا انت اللى اتجرأت وقربت لمراتى دا انا هشرب من دمك على اللى عملته ياحيوان يابن الكلب هقتلك ليلكمه مراد بغضب وجنون : مين اللى قالك تعمل كدا ياحيوان مين انطق حسن بآلم : اااه مش هقولك مين ليطالعه مراد بغضب ويلكمه بقوه جعله يسقط على الارض : انا هخليك تنطق ياحيوان المره الاولى ضربتك فى رجلك ياترى المره دى هتكون فين
حسن بخوف ورعب : انت متقدرش تعمل كدا مراد بضحك : لا والله انا لو قتلتك دلوقتي مش هاخد فيك ساعه سجن عشان دا حقى ليركض ادم تجاه صديقه ويحاول أن يأخذ منه السلاح : مراد سيب المسدس دا مش هتودى نفسك فى داهيه مراد بغضب : ابعد ياادم انت متعرفش الحيوان دا عمل اى متعرفش انا هقتله
ادم بهدوء : أهدى انت بس انا فهمت من كلامك معاه هو عمل اى بس دى اكيد مؤامره عليك وانت مش محتاج تسأله مين اللى عمل كدا عشان انا وانت عارفين مين اللى ممكن تعمل كدا نادين يامراد هى اكيد اللى عملت كدا لينظر له مراد بصدمه وتسود عينيه بغضب : ازاى مفكرتش فيها الوسخه الزباله هى جات ليا قبل ماتجوز لينا يوم فرحنا وقالتلى مش هتسيبنى وهتنتقم منى فيها
ادم بغضب واستحقار : انا مش عارف ليه بتعمل كدا واحده زباله ووسخه مش كفايه اللى عملته فيك زمان وجايه دلوقتي وعاوزه تبوظلك حياتك بعد مالاقيت سعادتك مع لينا
ليضيف ادم متساءل : مراد انت عملت حاجه للينا اوعى تكون اذيتها مراد بلهفه : لا طبعا لينا انا بثق فيها اكتر من اى حد فى الدنيا مستحيل اشك فيها ابدا ومستحيل ااذيها أو زعلها مستحيل الحمدلله انى ربنا نبهنى قبل مايحصل اللى حصل دا ادم بجهل : ازاى مش فاهم
مراد بحزن : قبل مايحصل اللى حصل النهارده من يومين كدا حلمت أن فى حد بعتلى رساله وان لينا بتخونى وانا روحت العنوان بسرعه ولقيتها مع واحد فعلا وضربت الراجل دا بالسلاح ليغمض عينيه بآلم وفضلت اضرب فى لينا مش عايز افتكر ياادم مش عايز ادم بحزن على حال صديقه : خلاص يامراد انسى اللى حصل والحيوان دا احنا نتصل بسليم أو سيف ويجوا ياخدوا الحيوان دا وسليم هيخليه يعترف غصب عنه مراد بغضب : مستحيل انسى اللى حصل ياادم
والحيوان دا انا هقتله واشرب من دمه
ادم بغضب : اسمع الكلام يازفت انت كدا هتموته مش شايف عامل ازاى قدامك أهدى كدا وهناخد حقك مراد بغضب : يعنى لو حد كان عمل كدا مع همس كنت هتسكت وتقول كدا لتسود عينيه بغضب جحيمى ويقوم بلكمه بقوه:
بحذرك يامراد لاخر مره همس ماتجيبش سيرتها انت ازاى تقول عليها كدا ازاااااااى اللى يفكر يقرب منهاااااا هقتله يامرااااااد انت فاااااهم انا دلوقتي بحاااااااول ابعد عنها وامثل عليها انى مش غيران عليها بس جوايا بموت وبتدبح وانا شايفها عاوزه تتجوز غيرى بس بعمل كل دا عشان ماتسبنيش تانى وتهرب منى
مراد بغضب وصراخ : ودا اللى انا حاسس بيه لما شوفت الحيوان دا قريب منها عارف ياادم يعنى اى واحد يشوف جسم مراتك عارف ولا مش عارف انا جوايا بموت جوايا بركان من الغيره والغضب عاوز اقتل الحيوان دا لتلين نبرته ويردف بهدوء : مراد أنا حاسس
بيك وفاهمك بس لما نتصل بسليم وياخده فى السجن حقك هيجيلك وهيعرف يجيب الزباله نادين انا هتصل بيه دلوقتي ★*******************************************************★
كان سيف يجلس فى غرفته حزينا شاردا فيما فعله وماحدث بينهم ليغمض عينيه بآلم ووجع : وحشتينى اوى يانورى وحشتينى اوى انا اسف ياحبيبتي اسف والله العظيم مش عارف قولتها ازاى بس انا لازم اروحلك دلوقتي كفايه كدا مش قادر استحمل اكتر من كدا بعد وقت كان يقف أمام منزلها بتوتر ليرن جرس المنزل….. لتفتح له سهام : سيف….. سيف : ايوا ممكن ادخل سهام : اه طبعا اتفضل يابنى اتفضل ليدلف سيف إلى الداخل ويبحث عنها بعينيه ولكنه لايجدها لتنظر له سهام : نور فى اوضتها مش هنا ياسيف
سيف بحرج : اه…. طب هى كويسه سهام بحزن : من ساعت ماجات وهى بتعيط….
وقاعده على طول لوحدها فى الاوضه محمد دخلها الاوضه اول امبارح وكانت مصممه انها تروحلك وتمشى من هنا ليغمض عينيه بآلم ويلعن حاله لانه سبب حزنها وتعبها ليخرج محمد من غرفته ويرى سيف يجلس فى الصالون ليتقدم منه : اهلا ياسيف ليقف سيف من مقعده : عامل اى ياعمى محمد : الحمدلله ممكن اعرف انت جاى ليه دلوقتي مش خلاص طلقت نور
سيف بحزن وخذلان : عمى انا عارف انك زعلان منى واستاهل اللى تعمله فيا بس بلاش تبعد نور عنى محمد بغضب : انت اللى بعدتها عنك مش انا انت اللى طلقتها وكأنها واحده من الشارع وملهاش أهل تعملهم اى اعتبار لينظر له سيف بحزن : كل دا كان غصب عنى بس انت عارف انا بحب نور ازاى ومقدرش اعيش من غيرها
محمد بحزن : سيف انت عارف ان انا بحبك زى ابنى واكتر بس لما نور جاتلى انت ماشوفتش حالتها كانت عامله اى كنت اول مره اشوف نور كدا انا زعلان منك ياسيف وزعلان منك بقا دى الامانه اللى انا امنتك عليها افرض ان انا وامها كنا مايتين كنت سبتها كدا نور ملهاش غيرك بعدنا ياسيف وانت لازم تعرف وهى زى اى واحده نفسها تخلف وتبقى ام
سيف : انا جاى عشان اتأسفلك واتأسف لنور عشان تسامحينى انا مستحملش أنها ماتكونش على ذمتى يوم لما طلقتها رديتها فى يومها على طول عارف انى غلطان وكنت المفروض اجيلك قبل مااعمل كدا بس ماستحملتش أنها ماتكونش على ذمتى محمد بابتسامه : انا هرجعلك نور ياسيف عشان متأكد انها مش هتكون مبسوطه غير معاك لتعتلى شفتيه ابتسامه حب : طب انا هدخلها بقا محمد بضحك : ادخل ياسيف
كانت تجلس على فراشها وتضم صورته إلى قلبها وتبكى بآلم : كدا ياسيف هونت عليك ياحبيبى مابقيتش عايزنى خلاص وقدرت تعيش من غير نورك طب انا اسفه مش هزعلك تانى والله بس انت ارجعلى بقا انا تعبت اوى من غيرك سيف بحب : عمرك ماتهونى ابدا يانور لتشهق نور بصدمه وتفاجئ وهى تراه يقف أمامها لتظل محدقه به بعدم تصديق : سيف سيف بعشق : اه سيف ياقلب سيف لتركض نور إليه وتتشبث به بقوه دافنه وجهها بعنقه : وحشتينى اوى ياسيف اوى
ليضمها سيف بقوه ويرفعها له هامسا بجوار أذنها : مش قدى انتى متعرفيش اليومين دول كانوا عاملين ازاى من غيرك نور ببكاء : بس انت سيبتنى ياسيف وطلقتنى انا زعلانه منك اوى ياسيف بس بحبك اوى ليبتسم سيف بحب ويبعدها عن حضنه ويكور وجهها بين يديه ويقترب منها يمحى دموعها بحنان ورقه : اسف يانور اسف ياحبيبتي عارف انى غلطت فى حقك بس مش عايزك تزعلى منى يانور نور بحب : مش زعلانه وبعدين انت وحشتينى اوى اوى اوى
سيف بشوق : طب يالااا بينا بقا عشان انتى وحشتينى بجنون نور بشهقه : ارجع معاك اى احنا مطلقين ياسيف انت بتقول اى سيف بابتسامه : ماانا رديتك فى ساعتها على طول مااقدرتش اتحمل لتقوس شفتيها بحزن وتبتعد عنه ليجزبها له بلهفه وعشق : مالك يا روحى انتى زعلتى تانى ليه انا اسف اسف والله كان غصب عنى يانور لتشهق نور ببكاء وتطالعه بحزن : طب ليه عملت كدا من الاول ليه طلقتنى ياسيف ايوا انا قولتلك طلقنى بس ماكنتش متوقعه منك تقولها ياسيف كنت متوقعه غير كدا ماكنتش اعرف انى رخيصه عندك كدا
ليكور وجهها بين يديه ومحى دموعها بلهفه : متقوليش كدا يانور عمرك ماتكونى رخيصه ياروحى انتى اغلى حاجه فى حياتى والله العظيم غصب عنى يانور عشان خاطرى سامحينى يانور لتضع يدها على يده ناظرا فى عينيه بعشق : قولتلك مش زعلانه منك خلاص ياحبيبى يالااا بينا بقا انتى وحشتينى اوى اوى اوى اوى اوى ليبتسم سيف بعشق مقبل جبينها بحنان يضمها له بقوه لتبادله عناقه بابتسامه عاشقه ★********************************************************★
كانت تجلس شارده تشعر بقلبها يعتصر آلما على ماقالته له شعرت بوجعه فى حديثه لكنه هو من فعل بهم كل شئ من البدايه ولن تسامحه أبدا على مافعله معها لقد وعدت مازن أنها لن تتركه ابدا مهما كان السبب لانه وقف بجوارها بااكثر وقت كانت بحاجته لن تتخلى عنه ابدا لكن قلبها لايعشق سوى ادم عرفت الحب والحنان على يده ايام طفولتهم لم تنساها ابدا لم تنسا حنانه ابدا كان سندها وكل شئ لها لكنه دمر كل شئ ليقطع وصله شرودها دلوف ريهام إلى غرفتها بهدوء وملامح الندم واضحه على وجهها لتقف همس بغضب وهى تتذكر أن ادم سوف يتزوجها :
انتى بتعملى اى هنا اطلعى برا لتنظر لها ريهام بندم وتردف برجاء : همس عشان خاطرى اسمعينى بلاش عشان خاطرى عشان خاطر ادم ياهمس همس بغضب : لا انتى ولا هو ليكو خاطر عندى ريهام بندم : همس أهدى بس انتى كل حاجه تعرفيها كدبه والله دى مش الحقيقه لتنظر لها بعدم : قصدك اى انا مش فاهمه ريهام بندم ودموعها بدأت بالهطول : انا وكوثر عملنا كل دا عشان نفرق بينك انتى وادم لما كنا مسافرين فى اسكندريه واحنا فى الاجتماع
لتزداد دموعها بالهطول ندما على مافعلته وهمس تستمع لها باهتمام : انا حطيت لادم حبايه منوم وبقا ساعتها دايخ وبعد شويه روحت ليه الاوضه و….. و….. همس بغضب : و اى انطقى ليقطع حديثها……….. ★***********************************************************************★