الفصل الحادي والعشرون……..غيوم الشمس. ليتني كل ماتذكرتك وخطرتي بالبال كان بامكاني ان اذهب اليكي واضمك بين احضاني واخفيكي بين ضلوعي كي لايراكى احد. ليتكي تشعري بحبي لكي الذي يسري في دمي. وروحي التي تهفو اليك لتسكن في روحك وتهيم فيها. ليتكي تشعري انكي انت ولااحد سواكي هو من اسر القلب والروح. __________♡♡♡♡♡_____________اطياف راحل. انا مش مصدق اللي بسمعه ياعمي هو ايه ايه اللي بيوحصل ده احنا فين ياعمي بلد زي بلدنا دي يوحصل فيها كل ده. اللي بيوحصل ده.!! دي المافيا نفسها مبتعملش اكده.
جابر // الموضوع ده ياوضاح ميعرفوش غيري انا وولادي وانا بعتبرك زييهم ونفس غلاوتهم كمان عندي عشان اكده انا جولتلك علي كل حاجه وكمان عشان اعرفك ان الموضوع مش سهل. وضاح // اطمن ياعمي ومتخافش اوعدك ان مفبش مخلوج عيعرف الموضوع ده وانا معاك في كل اللي تطلبه مني لحد مانخلصوا وكمان لازم نخلصوا مياده دي غلبانه ويتيمه وملهاش حد الزاي الناس دي بتفكر بالطريجه دي دا لو بلال عرف الموضوع ده عيهد الدنيا.
جابر // البت دي ياولدي فعلا غلبانه وملهاش اي ذنب في اللي بيوحصل منها لله امها اللي عملته بتها بتدفع تمنه ولساتها كمان عتدفع لما موضوع امها يتكشف وابوها كمان وسكته الشين اللي كان ماشي فيها يالا متجوزش عليه الا الرحمه. وضاح // وانت ياعمي عتعمل ايه. جابر // ععمل ايه في ايه. وضاح // قصدي يعني في موضوع عمي هيبه.
جابر //بص ياولدي عمك هيبه غلط. ومغلطش في حق نفسه بس غلط في حقنا كلنا مشي في سكه عوجه اللي يمشي فيها معيرحعش منيها اساء لينا كلنا معملش حساب لاي حد حتي مرته وولاده معملهمش حساب عشا اكده لازم ياخد جزاءه ولا انا ولا غيري نجدر ننجيه من اللي مستنيه.
وضاح // معرفش اجولك ايه ياععمي الله يكون في عونك ويجويك علي اللي انت فيه انت جبل ياعمي انا عارف كد ايه انت عتحب عمي هيبه ووانت اللي مربيه كان ابويا يجول اكده وانك بتعتبره ابنك مش اخوك وبتخاف عليه من الهوي الطاير وفي نفس الوجت مصلحه البلد عنديك اهم من اي حاجه ومترددتش لحظه واحده انك تساعد الحكومه. جابر // مكنش في ايدي حاجه اعملها غير اكده زي ماجلتلك هو اللي اختار الطريج العوج ومشي فيه وودرنا كلياتنا ومكنش في جدامي غير اكده ربنا يستر معرفينش لسا الموضوع عيرسي علي ايه واللي عمله هيبه واللي معاه عيوصلنا لفين.
وضاح // ان شاء الله خير ياعمي انت معملتش الا الخير ومش هتجني الا الخير باذن الله واني معاك واللي تامرني بيه انا عنفذه حضرتك متعرفش اني فخور بيك كد ايه والله العظيم ياعمي النهارده بس حسبت ان ابويا لساته عايش مامتش ربنا يبارك فيك ياعمي ويخليك لينا. جابر // ويبارك فيك وفي اخواتك ياولدي عارفك راجل وكد المسئوليه وشديد وتشيل وتسند وجت الشده عشان اكده انا جلتلك علي كل حاجه. وضاح// ربنا يجدرني ياعمي واكون جد الثجه دي.
جابر // جديها ان شاء الله ياولدي. ___________♕♕♕♕♕_____♕♕♕___اطياف راحله. يامرحب بالغالي البلد نورت تاني من جديد يا بوسراج لو كنت اعرف ان خطف بت عزام عيجيبك علي ملا وشك اكده كت خطفتها من زمان ربك والحج يابن عمي البت لهطه جشطه كيف امها تمام دا انا حايش عنيها الرجاله بالعافيه. هيبه // سرحااان اخلص وهات من ابو ناهيه انا مش فاضيلك وانت عارف زين ان وجودي في البلد خطر عليا انا جاي اخلص مهمه ورجع طوالي البت فين ياسعفان.
سعفان // في الحفظ والصون ياواد عمي متخافش اومال غاليه عنديك البت كيف امها عارف عشان اكده جبتك علي ملا وشك عشن تنقذها علي الرغم انك عارف ان وجودك في البلد في خطوره عليك. هيبه // متكترش في الكلام ياسعفان بجولك البت فين انت عارف زين اني مش فارج معايا اي حاجه واني هربان من جريمه جتل ومستعد اجتل تاني معنديش مشكله لما الحكومه عتمسكني معيعدمونيش مرتين يعني الموضوع مش فارج.
سعفان // طول بالك ياواد عمي اومال خلينا اجولك علي الحكايه دى ليله كبيره جوي بت ايه اللي انت جاي تدور عليها ومن ميته في شغلانتنا دي بنسيب جلوبنا تتحكم فينا دا خير بالجامدجوي وعيعم علينا كلنا مجبره من اللي انت بالك منيهم من المجابر الكبيره بتاعه الملوك محدش لمسها ولا جرب منيها ومليانه من خيرات ربنا واكيد انت شفت حاجات زي دي جبل اكده انا جبتك عشان نحط ايدينا في ايدين بعض ونغرجوا انا وانت في الخير ده اللي مالوش اول من اخر بدل محد غريب يدخل وياخد علي الجاهز.
هيبه واني موافج بس تجولي مياده فين واخدها وتروح وبعدين نتفج انا انا وياك علي كل حاجه وانا هساعدك اللي انا اعرفه ومفبش مخلوج يعرفه دي شغلتي من سنين وياما مرت عليا حاجات زي دي والمجبره دي انا سمعت عنها ودورت عليها بس كانت محميه بكل الطرج وعارف زين ان فيها خير مالوش اول من اخر البت ترجع ونتفجوا علي كل شي.
سعفان // بت مين اللي ترجع انا مصدجت لجيتها اجيب عروسه منين تاني هو اللي خلج رئيسه مخلجش غيرها النسوان الحلوه ماليه الدنيا واحلي من رئيسه الف مره من ميته انت بتركز مع واحده اكده. طول عمرك الواحده ديتها معاك سبوعين تلاته وبتجلب ولا كان حد بيفرج معاك اشمعني يعني الست رئيسه اللي مطوله وعايز تبوظ الشغل كله عشان خاطرها طيب دا انا كت عجولك اننا بعد منخلصوا اللبله دي عنخلصوا منيها هي كمان عشان متتكلمش ولا تفتح خشمها ونبجي اكده قطعنا عرج وسيحنا دمه بدل ماتعملنا وش.
مالك ياواد عمي اوعاك تكون حبيتها ما انت عارف شغلنتنا زين مفيهاش مكان للحب ولا الكلام الفاضي ده. هيبه // كلامك كله زين ومظبوط ومجدرش اجول فيه تلت التلاته وانا جاهز ومعاك في كل اللي عتجول عليه. بس مياده لا عنشوف حد تاني ندوها بتها وتروح لحال سبيلها ولا جتل ولا بلاوي جديده تحصل وندخلوا في سين وجيم تاني وانا ياعم كفيل اجيبلك واحده تانيه بدال منيها نفتحوا بيها المجبره وفضنا من رئيسه وبتها يروحوا لحال سبيلهم هما يعني لازم كلهم يموتوا عزام ومراته وبته سيبهم وانا عتصرف.
سعغان // صعبان عليك جوي ما انت السبب في موت عزام وهي كمان ساعدتك في جتله يا ابو عمو مره زي دي ملهاش امان متامنهاش علي نفسك المره اللي تخون جوزها وترمي نفسها في احضان واحد تاني ميتامنلهاش المره ان جرت في دمها الخيانه عتخون مره وتنين وعشره واوعي تامن لواحده كل اللي هي عايزاه السرير والفلوس لانها لو ملجتهمش معاك عتدور عليهم مع غير دي ميفرجش معاها تكون مع مين المهم تلاجي اللي هي عايزاه مع مين خدها قاعده امشي بيها في حياتك اوعي تامن لمره خاينه وبعدين بت ايه اللي اسيبها جاى وفاضل يوم علي تمام الجمر وبتجولي اسيبها
طيب ليه هو انا يبجي ابني في دراعي وادور عليه دا انا حتي اكده ابجي راجل مبفهمش مجدميش غير حل واحد ياواد عمي مالوش تاني ياتبجي معانا ياتبجي علينا اللي عايزه منيك انك تفكر زين ومضيعش نفسك وتضيعنا عشان خاطر مره النسوان ماليه الدنيا ودي عتغور عتلاجي الف غيرها واحسن منيها ميت مره بس المصلحه معجيش في العمر الا مره واحده وخيرها بالكوم عينسيك كل حاجه حتي لو بتحبها اسمع كلامي وبلاش نخسر بعض عشان حاجه متستهلش انا عسيبك لعشيه تفكر وترد عليا ردك النهائي وانا بناءا علي ردك ده عتصرف نورت ياصاحبي وانا عارف ان المصلحه عتغلب لان الفلوس عتعلي
صحابها وتخليهم فوج الناس انما اللي يعمل الحريم كاره ومذهبه يجعد جنبيهم ويندب حظه لان الحريم دول اعتاب واحده تعليك في السما وواحده تخسف بيك الارض وياعالم بجي ياصاحبي انت حظك جاي في انهي واحده من دول. ♕♕♕♕♕♕♕♕♕♕♕♕♕♕اطياف راحله. اهلا ياولدي اتفضل ادخل واجف عنديك ليه. وضاح // مسا الخير عليكي ياحنا. انا كنت مع ابويا جابره بره بس مردتش امشي اللي اما اجي واطل عليكي. كيفك ياحنا. وهيبه//اهلا بيك ياولدي سالت عليك العافيه كيفك انت وكيف اهل بيتك كلياتهم .
وضاح // بخير طول ما انتي بخير يا حنا. وهيبه // ادخل ياولدي واجف عنديك علي الباب ليه. شمس // عايزه مني حاجه تاني ياحنه. وهيبه // علي فين ياشمس حضري لجوزك العشا وهاتيه اهنه. شمس // غايره في داهيه من اهنه. وهيبه // داهيه ايه يابتي بعيد الشر عليكي. وضاح//علي فين. شمس // اوعاك خليني افوت. وضاح // وان موعتش عتعملي ايه. خلي بالك انا دلعتك زياده عن اللازم وشكلك كده عتخليني اغير معاملتي معاكي ووريكي الوش التاني بس صدجيني معحبكيش تشوفي الوش التاني ده خالص معيجبكيش واصل.
شمس //طب اوعي اكده وسيب يدي عتكسرها. وضاح // وان مسبتش عتعملي ايه. شمس // جلتلك سيب يدي بدل معلي حسي وكلهم يسمعوا ووسع من علي الباب خليني اعدي. وبعد عني انت مجرب مني اكده ليه. وضاح // بهمس مقتربا من اذنهااتوحشتك جوي جوي وجلت اجرب منيكي عشان اشم ريحتك اللي بتجنني وتخليني في دنيا تانيه. شمس // بعد عني بجولك الا ويمين بالله اعلي حسي واجولهم علي كل اللي حوصل واخليهم كلهم يجلبو ا عليك.
وضاح // واهون عليكي بردك انك تخلي اهلك كلهم ياخدو فكره وحشه عن جوزك حبيك. شمس //مايخدوا وهما عيخدوا فكره غلط ماهي دي حجيجتك ولانسيت اللي عملته مع الهانم. وضاح // هوانتي لساتك فاكره جلبك اسود جوي دا نسيت كل حاجه. شمس // انا بجي منسيتش ولاعمري عنسي ودي اخر حاجه بيني وبينك وعتطلجني ياوضاح عشان كل حاجه بينا انتهت. وهيبه // ماتدخل ياولدي جوه الاوضه وتجعدوا بدل ما انتوا واجفين علي الباب اكده. وضاح // لا معلش ياحنا انا عجول لشمس كلمتين وامشي وعلطول.
وهيبه // طيب معلش ياولدي بعد اذنك عتوضي عشان العشا وجبت. وضاح // اتفضلي ياحنا اذنك معاكي ربنا يتقبل ان شاء الله. وهيبه // منا ومنكم ياولدي. شمس // انت عتعمل ايه عتجفل الباب ليه والله اصوت والم اللي في في الدار كلياتهم. وضاح // طيب سمعيني صواتك اكد ه. شمس // افتح الباب عجولك متفضحناش عيجولو جافلين الباب عليهم وبيعملوا ايه. وضاح // واحد ومرته وجافلين الباب عليهم عيعملوا ايه يعني.سمعيني بجي كنتي عتجولي ايه قبل حنا متطلع.
شمس // كنت عجولك طلج……. ابتلع وضاح اخر حروف كلمتها في قبله كلها شوق وعشق لها ووجع من مراره بعدها وفراقها لها حاولت مرات تبتعد عنه وتدفعه بعيدا عنها ولكن في النهايه اعلن قلبها وجسده الاستسلام طواعيه له فهي لاتحبه فقط بل تعشقه بجنون بالرغم من،كل تمردها معه وهاما معا في عالم لايوجد فيه سواهم ضمها اليه بكل مايملك من قوه كانه يمسك بشئ بكل قوته ويخاف ان يسلبه منه احد ذابا في عشقها وتلاشت هي ايضا بين يده في عالم من الحب والهيام لايوجد فيه سواهم.
لم يبتعد عنها الاعندما احس انها تطلب الهواء كي تتنفس فبتعد عنها واخذ يلملم خصلات شعره المتناثره علي وجهها وويملس علي وجهها وانفاسها تعلو وتعلو وهو مثلها. وضاح //بصوت مبحوح من الرغبه فيها اتوحشتك جوى جوي لوجلتلك من اهنه لبكره اتوحشتك كد ايه معتكفيش شوجي ليكي.. انتي مبتغبيش عن بالي لحظه واحده ليل ونهار بفكر فيكي. شمس // اوعاك اكده اومال زمان حنا جايه. وضاح// ماتيجي وايه ياعني واحد ومرته وفيها ايه دي. تعالى بس جربي عايز اجولك كلمه سر ياجوي استعنا علي الشجا بالله.
شمس // عتمل ايه يامجنون انت نزلنى يامجنون نزلني. وضاح // عنزلك متخافيش بس علي السرير. شمس // عتمل اوعاك كده بلاش فضايح. وضاح //فضايح ايه بس انتي مرتي. شمس // انا مش مرتك انت عطلجني. وضاح // لو سمعتك بتجولي اكده تاني معترفيش هعمل فيكي ايه. شمس // انت يامجنون انت عتعمل ايه. وضاح // مش بتجولي عايزه تطلجي وانا بجي عايز حجي الشرعي كل واحد حر في اللي يعوزه. صوت خبط علي الباب.
حنا نجاتك مني المره دي بس وغلاوتك ماعسيبك لازم احرمك تنطجي كلمه طلاج علي لسانك ياشمس وبيبوسها علي خدها وبيعدل هدومه يالا سلام ياشموسه المره الجايه لازم اعلمك زين تحترمي جوزك ومتعليش حسك عليه ولا تغلطي فيه بس المره الجايه في السرايا بتاعتنا وساعتها محدش عينجيكي مني. وفتح الباب معلش ياحنا شمس كانت تعبانه شويه ودايخه واريحت علي سريرك شويه. وهيبه // كيف ده مالها شمس. وضاح //متجلجيش اكده بجت زينه دلوكيت. وهيبه // اكيد ياولدي مادمت انت معاها لازم تبجي زينه.
وضاح // ماعيزاش حاجه ياحنا جبل مامشي. وهيبه // عايزه سلامتك ياولدي سلم علي الجماعه كلهم. وضاح // يوصل ياحنا السلام عليم. وهيبه // عليكم السلام وضاح بيخرج من البيت وبيركب العربيه وبيسند راسه علي الكرسي وبيتنهد والله يادليا لعملمك الادب وعلمك ازاي تلعبي بيا وتفرجي بيني وبين مرتي. فلاش باك. هدي // وضاح عايزاك في كلمتين ضروري. وضاح // ماشي ياهدي عند مشوار مهم لكا ارجع ان شاء الله. هدي // الموضوع ميتاجلش مش هعطلك.
وضاح //طيب تعالي ندخل الصالون هدي // ماشي. وضاح // خير ياهدي فيه ايه. هدي // الموضوع بخصوص شمس. وضاح // مالها شمس فيها ايه. هدي // شمس بخير متجلجش. وضاح // اومال فيه ايه. هدي // شمس مظلومه ياوضاح.داليا لعبت بيك وبيها. وضاح // عتجولي ايه كيف ده. هدي // داليا حطت ليك حبوب في القهوه تفقدك التركيز وتخليك مش وعيك وكانت عارف ان شمس طالعه كانت قايله لماما ترن عليه اول ماشمس توصل وتقول لشمس انك في الغيه وفعلا ده حصل واول ماحست بشمس فوق قربت منك ووو
وضاح // وايه انطجي.
هدي // وباستك وانت مش في وعيك ولما شمس شافت كل حاجه شممتك ماده فوقتك وكده تبقي شمس شافتكم مع بعض وهي بتبوسك وتفكر انك انت كمان تبوسها وفي نفس الوقت انت مش حاسس باي حاجه وفي الحاله دي شمس هتثور وتغضب وانتوا هتتخانقو ا وهتكدب شمس في كل اللي شافته بعينها وفعلا دا اللي حصل نجحت انها تخليكم تقعوا في بعض وشمس تسيب البيت وتطلب الطلاق وفعلا حصل كل اللي هي خططتله وبنجاح بس والله ياوضاح انا ماكنت اعرف حاجه هي وماما اللي خططوا لكل حاجه وانا سمعتهم وهما بيتكلموا قررت اني لازم اقولك وكمان اروح لشمس واقولها علي كل
حاجه انا عاىفه انكم بتحبوا بعض ميرضنيش انكم تطلقوا وبعدين ابنكوا ولا بتكوا اللي جاييم مالهونش اي ذنب انهم يتولدوا يلاقوكم منفصلين. وضاح // ليه ياهدي اختك وامكم يعملوا يفرقوا بيني وبين مراتي ويخربو بيتي انا كنتةعملت فيهم ايه عشان كل ده.
هدي // والله ياوضاح ياما جلتهله انها تبعد عن وعن حياتك وانك بتحب مراتك بس ماكنتش بتسمع كلامي ودايما تشتمني هي وماما لدرجه انهم ااخرمره ماما ضربتني وصمموا اني امشي واروح عند عمتي وانا فعلا ماشيه عند عمتي بس قلت قبل ما امشي لازم تعرف كل حاجه علشان ترجع لمراتك علشان هي طيبه وبتحبك قوي اوعي تسيب شمس ياوضاح.
وضاح // يتنهد تنهيده بحرقه متخافيش ياهدي عمري طبعا ما اسيب شمس بس اختك دي لا زم اعلمها الادب الشرعي واربيها علشان امك معرفتش تربيها وعلملتها الانانيه وانها دايكا تبص للحاجه اللي في ايد غيرها وتاخدها حتي لو بالعافيه وفرضنا ان الهانم اختك تعمل العمايل السوده دي ختلتي ليه تعوم علي عومها وتمشي ورها في الصح والغلط. هدي //والله ياوضاح غلبت معاها وقلتله حسبيها عليوالغلطات اللي بتعمله كانت تبهدلني وتزعقلي ولا كاني بقولها حاجه. وضاح// عارف ياهدي كل اللي عتجوليه انا عارفه بس وغلاوتك عند ي لازم اربيها وعلمها الادب.
هدي //ياريت ياوضاح. وضاح // عتشوفي ياهدي انا كيف عربيها. باااااااااااااك ماشي يادليا ورحمه ابويا لازم اخليكي تجولي حجي برجبتي _____________♕♕♕♕♕______اطياف راحله. السلام عليك. مدير الامن //عليكم السلام ياحاج جابر اتفضل ارتاح. جابر // خير ياباشا حضرتك بعتلي. مدير الامن // ايوه في موضوع مهم. جابر // خير معاليك. مدير الامن // هيبه وصل البلد ومعاه مرت عزام. جابر // ميته ده ياباشا. مدير الامن // لسه امبارح سعفان بيحاول يقنع هيبه انهم يضحوا بالبنت.
جابر// كيف ده وهو وافج. مدير الامن // لسه مردش عليه. جابر //معجول اللي بيوحصل ده. مدير الامن // متخافش ياجابر احنا مسيطرين علي الموقف لايمكن ده يحصل هما بيستعدوا علشان ينفذوا فتح القبره بكره في نص الشهر. جابر // دا كمان طلب مني العربيات عشان تتحمل حاجات وتطلعها بره البلد. مدير الامن // حاجات ايه. جابر // ماجلش حاجه. مدير الامن // بس انا عارف داسلاح كان متخزن في البلد ولازم يطلع علشان رايح سينا.
جابر // الاندال ماسبوش حاجه لما عملوها.ربنا يجويك عليهم سعادتك وتكون نهايتهم كلهم. مدير الامن // ربنا معانا ياجابر ان شاء الله. الفصل الثاني والعشرون…غيوم الشمس. اليك المنتهي مهما طال البعاد. مهما بعدت بيننا المسافات واتسعت فجوه غضب قلوبنا. حتما ساتي اليك بكل حنيني واشواقي ساتي اليك تاركه خلفي كل بقايا المي وحزني وكل الاوجاع التي لحقتني في بعدي عنك ساتي اليك وقد ايقنت تماما ان لاطاقه لي في البعد عنك لا حياه لي الا بقربك لاسكن لي ولاماوي الا بقلبك وروحك لا انا الابك وبدونك لاوجود لي.
_________♡♡♡♡♡____________اطياف راحله. كل تمام نفذت كل اللي جلتلك عليه؟ الرجل // كله تمام جنابك كل حاجه جاهزه جنابك وعلي التنفيذ علطول. سعفان // وانت ياعياد اخبارك ايه. عياد // الاخبار عند جنابك يانفذ الليله يانلغي وعليه العوض في كل اللي عملناه. سعفان // عنفذ ياعياد عنفذ واللي مش معانا عيبجي علينا. عياد // هو ده الكلام الزين جنابك. الرجل // طيب وهيبه جنابك عنعملوا معاه ايه. سعفان // هيبه هو اللي عيعمل مش احنا ياما يختارنا يا اما يختار المره وبتها.
عياد // بس احنا مقدمناش اختيارات كبير لازم ننفذ الليله ولو حاول يجف في وشنا عيبجي اخر يوم في عمره ونخلصوا من المره رئيسه كمان عشان نرتاحوا. سعفان // خلي بالك طويل ومتتسرعش انا عارف هيبه زين مش ممكن يضحي بكل ده عشان خاطر واحده وعارف كويس جوي ايه اللي بيدور في دماغه دلوكيت وعارف انه هو اللي عيجي وعيجولي انه موافج علي كل اللي احنا عايزينه. عياد //وان مجاش وخيب ظنك. سعفان // يبجي ذنبه علي جنبه وهو اللي اختار. اجهز بكل حاجه واستني مني مرسال ابعتهولك يا اما عكون عنديك بنفسي.
عياد //ماشي بس متعوجش عليانت عارف لحاجات دي مفيها تاخير.. _______♕♕♕♕____♕♕♕_____اطياف راحله. ايه عتجول ايه جنابك. مدير الامن // زي مابوقلك ياجابر خلاص حددوا ميعاد التنفيذ النهارده يعني مقدمناش وقت لازم نقبض عليهم النهارده. جابر // العربيات راحت حداه وفيها اجهزه التتبع اللي جنابك امرت رجالتك يحطوها. مدير الامن // موضوع العربيات احنا مسيطرين عليه ومش هيفلتوا مننا لوعملوا ايه متشغلش بالك بالعربيات.
اهم حاجه عندي اني اقبض عليهم متلبسين النهارده هما والناس اللي جايين معاهم عشان فتح المقبره دول من اخطر المهربين في العالم وفي نفس التوقيت هيتقبض علي الزفت الدكتور اللي بيصنع السموم دي ويبعها للناس في البلد والبلاد اللي حواليها. جابر// ربنا ينصركوا عليهم بس اسمحلي جنابك اني اكون مع الجوه اللي عتهاجمهم انا عارف كل الاماكن وعارف مداخلها مخارجها وعساعدهم يوصلوا ليها. مدير الامن // انا عارف كويس انت عايز تروح ليه ياجابر انا معنديش مانع اللي هيقوم بالهجوم المقدم مجدي علوان هينسق معاك كل حاجه عشان ومش عايز ولا غلطه
جابر // ان شاء الله معيكونش فيه اي غلطات وربنا عينصرنا عليهم. مدير الامن // ان شاء الله. ♡♡♡♡♡♡♡♡♡♡♡♡♡♡♡ كتي فين؟ رئيسه // كت في مشوار عشتري حاجه. هيبه // عتسبيني نايم وتروحي مشواير فكراني عزام ولا ايه هو ديل الكلب معيتعدلش واصل.
رئيسه // جلتلك كت عشتري حاجه ومتغلطش عزام ده كت عسيبه واجيلك اجابلك عشان حبيتك وعشجتك ومحبيتش في حياتي غيرك ومن يوم ده ماحوصل اتحولت عيشتي مع عزام لجحيم لابجيت اطيج اشوفه ولا ابص في وشه وداكله بسببك دلوكيت اللي عملته علشانك بجيت تعايرني بيه مبجتش تفتكرلي غير ان خاينه خنت جوزي كل ده كان عشانك مشيت في الحرام بسببك وبسبب حبي ليك الي دفعت تمنه غالي جوي وعفضل ادفع تمنه طول حياتي. هيبه // ههههههه عارفه تنفعي تمثلي في السيما وكمان يدوكي جوايز شاطره جوي في التمثيل ومالكيش حل
صفعه علي وجهها القت بها في الارض.
جابلتي الظابط وجولتيله علي كل حاجه فاكره الظابط عيجيبلك بتك طيب انتي مش بلغتي يعني انا دلوكيت في خطر عارفه انا ممكن اعمل ايه انا ممكن اسيب البلد دلوكيت واسيبك لسعفان يجطعك حتت ويرميك لديابه الجبل زي ماعيوحصل مع بتك ولا يتهز مني شعره واروح اتجوز ست ستك واعيش حياتي واهو تبجي غورتي وارتحت منيكي عشان انتي خاينه ومالكيش امان وكله حذرني منك بس انا مسمعتش كلامهم وكنت بجول لنفسي يمكن هي ذنبها كبير انها خانت جوزها بس كنت بجول هي معرفتش حد غير ي ولا حبت حد غيري كت ببررلك كل افعالك عشان بعشجك ومقدرش اعيش من غيرك واول مجاتلي
الفرصه وخلصنا من عزام وعدتك اكتب عليكي وجلت هنعيش في مكان بعيد لحد يعرفني فيه ولا حد يعرفك عشان ندفنوا الماضي ومنفتكرهوش تاني ونبداوا حياه جديده انا وانتي بسللاسف اللي فيه طبع معيغيروش الخيانه بتجري في دمك معتفرجوش بين الايد اللي بيطبطب والايد اللي بتضره جاحده وجله الاصل ملياكي رايحه تبعيني وانتي عارفه انتي خاطرت بحياتي ونزلت معاكي البلد عشان خاطر بتك وكت مستعد اضحي بنفسي عشان انقذها ومتروحش منك طلعت غبي كان لازم نعرف ان اللي يخون مره يخون الف مره انتي عارفه ان سعفان عرض عليا ملايين عشان اصرف نظر عن موضوع بتك وانا اوهمته اني بفكر عشان اكسب
وجت واعرف انقذها بس انتب بجي استعجلتي وخنتيزي مانتي متعودهبس خلاص. من دلوكيت انتي من سكه واني من سكه واياك اشوف وشك تاني انا ساعتها اللي عجتلك بايديا دول مش عجتلك وبس دا انا عجطعك وارميكي للديابه.
رئيسه // احب علي يدك ياهيبه اوعاك تسيبني انا ماليش في الدنيا غيرك لو سبتني اموت انا والله مابلغت عنك انت انا جلت علي اللي عمله سعفان ولما الظابط سالني عليك جلت اني معرفش عنك حاجه وغلاوتك عندي عمري مجول عليك بس الظابط معاه الفيديو وفيه كل حاجه لما سالني عنيك وجولت معرفش عنك حاجه واجهني.بالفيديو وهددني انو عيحبسني عشان اكده اعترفتله بكل حاجه والله هما عارفين كل حاجه من غير انا ماجول.
هيبه // صفعه اخري علي وجهها بس انتي يابت الكلب اللي روحتيلهم برجليكي واعترافك اللي اكدكل حاجه علي العموم انتي اللي اتغبيتي واتصرفتي من دماغك استحملي بجي نتيجه عمايلك انا عسيب البلد دلوكيت وروحي بجي انقذي بتك ولا خلي الظابط ينقذهالك واياكي علي الله اشوف وشك تاني. رئيسه // احب علي يدك وعلي رجلك اوعاك تسيبني انا عارفه اني عمري مااهون عليك تسيبني عتسيب رئيسه حبيبتك ياهيبه اللي باعت الدنيا كلها عشانك ومشيت وراك اللي ضحت بالغالي والرخيص عشانك .
هيبه // عسيبك يارئيسهوعسيبك وحديكي عشان تعرفي ازاي تحترمينني واما اجولك كلمه تنفذيها من النهارده معيزسش اشوف وشك نهائى. رئيسه // ياجهرتك يارئيسه يادي المرار اللي انتي فيه معدش ليكي حد حتي انت ياهيبه سبتي بعد مابعت الدنيا واللي فيها عشانك بس لا دلوقت عليا وعلي اعدائى لازم انقذ بتي الاول وبعدين كل حاجه تنجدر بعد اكده انا مغلطش اني بلغت الظابط بكل حاجه انا ام بردك وميونش عليا بتي اما انت ياهيبه عترجع عترجع هو انت ليك مين غير رئيسه وحضن رئيسه عتلف عتلف وترجع تاني عتروح فين خلاص ملناش غير بعض.
_______♡♡♡___♡♡♡___♡♡♡__اطياف راحله. خير ياولدي روحت لابوك جابر وجلتله. وضاح // اه ياعمه اطمني وهو جال انه هيتصرف وعيكلم مدير الامن وان شاء الله عتكون اهنه بكره بالكتير طمني جلبك ياعمه ومتجلجيش. عزيزه // يارب ياولدي بسمع منك ربنا والله ياولدي جلبي واكلني علي البنيه وخايفه يكون جرالها حاجه. ناديه // طمنا ياوضاح لقيتوا مياده ياابني. وضاح // متشغليش بالك انتي خليكي انتي وبتك في الخطط بتاعتكوا وخططوا ونفذوا زي ما انتوا عايزين. ناديه // خطط ايه يابني ومين اللي بيخطط.
داليا // استني انتي ياماما لما اشوف فيه ايه احنا شبعنا اهانه من الكبير والصغير من يوم ما جينا البيت ده احنا خلاص معدش لينا قعاد اهنه بعد النهارده. وضاح //صفعه مدويه علي وجهها كادت ان تسقطها ارضا لولا امسكت يديه الثانيه بشعرها ولفه علي يده جاذباراسها للخلف متجاهلا كل تاوهتها هو انتي لساكي شفتي حاجه اقسم بالله لامسح بيكي الارض واعرفك الزاي تعملي معايا اني اكده اني تلعبي معايا اللعبه القذره دي. داليا // سيب شعري شعري هيطلع في ايدك حرام هليك انا عملت ايه لكل ده و لعبه ايه اللي انت بتتكلم عنها انا مش فاهمه حاجه.
ناديه // جرا ايه ياوضاح سيب شعرها انت بتعمل فيها كده ليه هي عملت ايه اوعي كده شعرها اتقطع في ايدك. عزيزه //فيه ايه ياوضاح خبريه ياولدي ايه اللي حصل لده كله ومن ميته عتمد يدك علي الحريم وتضربهم. وضاح // الحريم اللي عايزه تتربي بس هي اللي عمد يدي عليهاياعمه واعيد تربيتها من اول وجديد. ناديه // لا ياوضاح لحد كده وكفايه احنا اتبهدلنا بما فيه الكفايه من كل واحد في البيت ده شويه. كل شويه قله قيمه لحد كده وكفايه احنا ملناش قعاد هنا يالا يادليا لمي حاجتنا وحضري الشنط.
وضاح // علي فين ياخالتي. ناديه // احنا مش قاعدين هنا دقيقه واحده. وضاح // ودي تيجي برده والمفجاه اللي انا محضرها لبتك. ناديه // مفجاه ايه سيب بنتي في حالها كفايه اللي انت عملته فيها. وضاح // وهو انا لسه عملت حاجه. عزيزه // ايه ياوضاح ايه اللي حوصل وعتضربها ليه. وضاح // عحكيلك علي كل حاجه ياعمه بس مش دلوكيت المهم عايزك تجهزي المضيفه في ضيوف مهمين جايين من مصر. عزيزه // حاضر من عنيه عخلي البنات يجهزوها. وكمان حاجه الغندوره دي متخطيش بره عتبه السريا عشان ان محضرلها مفجاه عتعجبها جوي.
ناديه // الكلام ده مالوش لازمه ياوضا ح انا هاخد بناتي وامشي وبيتك ده معدش ادخله تاني طول ما انا عايشه. وضاح // وممشتيش من الاول ليه ياخالتي ولا كنتي مستنيه لما تسمعي كلام بتك وتخططوا انتي وهيه وتخربوا بيتي وتوجعوا بيني وبين مرتي. ناديه // احنا معملناش حاجه مين اللي قالك كده. وضاح // اللي قالي قالي بقي مدوربش.المهم ان مفيش خروج من البيت اللي ما انا اجول عشان زي مجلت لك انا محضر لها مفجاه.
♡♡♡♡♡♡♡_________♡♡♡♡♡♡♡ اطياف راحله. برده معيزاش تردي عليا طيب لو جلتلك ان دي ممكن تكون اخر مره تشوفيني فيها ويمكن مرجعش تاني اهنه واصل. دلال // روح ياهيبه لحل سبيلك الله يسهلك ترجع ولا مترجعش معدتش فارجه معايا انا خلاص رميت طوبتك. هيبه // انا عارف يادلال اني غلطت في حجك وفي حج ولادنا كتير جوي وظلمتكم بس اوعدكم لوعرفت اطلع من الموضوع اللي انا فيه وعدا علي خير هعوضكم عن كل اللي عملته معاكم.
دلال //خلاص ياهيبه فات الاوان انا اللي بجلهالك لوخرجت من الموضوع ده بخير وسلام عترجع وتلاجي عيالك مستنينك بس انا لا ياهيبه انا خلاص ولولا انهم يجولو الوليه دي اتخبلت علي كبر كدت سبت البيت ومشيت. هيبه // بجي اكده برده يادلال يهون عليكي ولادك تسبيهم وتمشي بلاش اني. دلال // طيب ماهم هانوا عليك وانت سبتهم وسبتني انا كمان. هيبه // انا عارف اني مهما عملت معتنسيش اللي عملته ولا عتسامحيني بس اللي انا عايزه منك اني لو حرالي حاجه تسامحيني وتبجي تدعيلي انتي وولادي.
داال // متخافش ياهيبه معيجرالكش حاجه انت زي الجطط بسبع ترواح روح ياهيبه وسيبنا في حالنا ومتجلبش عليا المواجع اني مانبش ناجصه وجع جلب. هيبه // انا ماشي يادلال بس زي مجلتلك ابجي ادعيلي وجولي لامي تدعيلي وتسامحني وخلي بالك من نفسك ومن العيال. دلال مع الف سلامه ياهيبه. جاد // عمي هيبه انت جيت ميته. هيبه // ابوك فينه مش لجيه جلبت عليه السرايا ومش لجيه. جاد // معرفش فين. هيبه // انطح ياجاد اناعارف ان ابوك معيخبيش عليم حاجه.
جاد// اصل ياعمي. هيبه // متنطج ابوك فين. جاد // ابويا راح مع الحكومه. هيبه // دا اللي كت خايف منيه اني يلو دراعي بيك ياجابر. جاد // علي فين ياعمي. هيبه // رايح لابوك. ♕♕♕♕♕♕♕♕___♕♕♕♕♕♕♕__اطياف راحله تعالي هنا دا انا همسح بيكي الارض دا نتي يومك اسود النهارده بتقوليلي لوضاح علي اللي احنا عملناه كله . هدي // ايوع قلتله علي كل حاجه عمري ماكنت هسيبك تخربي بيته وتفرقي بينه وبين مراته علشان خاطر طموحاتك المريضه.
داليا // وانتي مالك انتي انا اعمل اللي انا عايزاه هو انتي كنتي واصيه عليه. هدي// لا مش واصيه عليكي بس مش هسيبك تدمري نفسك وتدمري اللي حواليكي. داليا // الله يخربيتك بوظتي كل اللي عملته انا خلاص كد وصلت للي انا عايزاه. هدي // حرام عليكى مفكرتيش لحظه فيه وفي مراته اللي انتي فرقتي بينهم مفكرتيش في ابنهم ولا بنتهم اللي جاي وانتي بتحرميه انه يعيش مع ابوه وامه. داليا // انتي هتعمليلي فيها مصلحه اجتماعيه وانتيمالك انتي اصلا.
ناديه // يالا لمي كل حاجتنا عشان نمشي من هنا قبل مايمسحوا بينا الارض اكتر من كده. داليا // معدش ينفع خلاص وضاح نبه علي كل اللي في السرايا ان مفيش حد فينا يخرج من السرايا معرفش هو ايه اللي في دماغه وناوي يعمل ايه. انامش مطمنه ياماما وخايفه من وضاح. ناديه // وانا كمان مش مطمنه ربنا يستر. ________’________ جومي بسرعه يالا علشان عنمشي من اهنه. مياده // عمي هيبه انت جيت ميته. هيبه // اخلصي مش وجته الكلام دلوقت تعالي وريا بسرعه.
مياده // طيب انا مين جابني اهنع وعايزين مني ايه. هيبه // ماعيزش لت كتير بسرعه جبل ماحد ياجي. كت متاكد ان الشهامه عتاخدك وتاجي تنقذها وانا كت مستنيك. هيبه // وتستناني ليه وتتعب نفسك انا كده كده هعمل اللي انا عايزه سواء تسنناني ولا متستننيش مياده عخدها واللي عيجف في وشي عجتله. سعفان // طيب طول بالك شوي خليك عاجل اكده في حد يخس صحابه وحبايبه عشان حتت عيله فوج اومال. هيبه //خلص الكلام مياده عخرج بيها وياريت محدش يجف وشي.
سعفان // يبجي انت اللي اخترت يا ابوعمو بس مش عتخرج بيها الا علي جتتي. . الفصل الثالث والعشرون…. غيوم الشمس. الي من نحب. زرعتم في القلب كل ورود الشوق والحب فاسقيناها بالوفاء والبقاء علي العهد. الي من نحب. لكم منا سلام من الروح والقلب وحنين واشواق ستبقي الي اخر العمر. _____________________________اطياف راحله. سيب البت ياهيبه الا جسما بالله اخرجك من اهنه جثه وتبجي لا طولت سما ولاارض لاخر لحظه بجولك ارجع عن اللي في دماغك ونحط ايدينا في ايدينا بعض وساعتها مفيش حد عيقجدر يجف في وشنا.
هيبه // موافج ومستعد انفذ اللي عتجول عليه عليه بس مياده تمشي تروح لامها واتاكد انها وصلت وساعتها نرجع زي الاول واحسن وليك عليا في ظرف سبوع واحد المجبره دي عتكون انفتحت. سعفان // كله الا كده المجبره عتتفتح النهارده ومش عتتفتح الا بالعروسه الحلوه دي علشان الناس اللي جايه دلوكيت متعرفش ممكن يعملوا فينا ايه لو جلتلهم اني جبتكم علا ملا وشكم بس معلش والله هيبه معايزسش يفتح المجبره عشان خاطر رئيسه وبتها دول معيهزروش دول ممكن يخلصوا علينا كلنا واحد واحد.
هيبه // عشان غشيم ومتعرفش حاجه الناس دي هم احرص حد علي حياتك طول مانت اللي معاك السر وتجدر تفتح وتطلع اللي جوا المجبره الناس دي انا اشتغلت معاه جبل اكده واعرفهم زبن واعرف هما بيفكروا الزاي. سعفان // ممنهوش فايده الكلام هات البت مفيش وجت الليل بيسرجنا لاخر مره بكلمك بالعجل البت لابتك ولاتجربلك مضيعيش كل اللي عملناه. الرجل //سعفان بيه الجماعه وصلو جنابك ومستنينك بره. سعفان //حاوط المكان كله بالرجاله وممنوع حد يدخل ولا يطلع من اهنه وانت ياهيبه معتحيلش عليك يامه.
هيبه // لوجربت خطوه عفرغ في دماغك الخزنه دي لو عايز انت تضرب البت جدامي اهيه اضرب فيها. الرجل //سعفان بيه كلم الجماعه عايزينك ضروري بره. سعفان //غور في داهيه جلهم دجيجه وجاي.. عتتحامي في البت عشان عارف ومتاكد اني مش عجدر اضرب فيها بس لا ياهيبه مش عجف عاجز جدامك انا عشوف الجماعه وارجعلك تاني وخلي بالك لواتحركت خطوه بره كل اارجاله معاه امر بالضرب ودول بجي معيفرجوش لابينك ولا بين البت. مياده // عمي هيبه انا خايفه جوي انا مش عارفه هما جبوني اهنه ليه عايزبن مني ايه انا معملتش حاجه والله.
هيبه // متخافبش يامياده لو اخر حاجه هعملها في حياتي اني انقذك هعملها وبطيب خاطر عشان انتي ملكيش ذنب في حاجه انا كل مبص في وشك مشفش غير وش هند بتي كانها هي اللي جدامي وكان ربنا بيعمل اكده عشان اكفر عن اللي عملته في حياتي ان شاء الله عقدر انقذك حتي لو دفعت عمري تمن لكده. _______♕♕♕♕♕____♕♕♕♕♕__ خليك يا وضاح معينفعش تيجي معايا الخطر محاوطنا من كل جهه. وضاح // معسيبكش ياعمي لو اخر يوم في عمري واللي ربنا كاتبه عنشوفه معنهربش من جدرنا.
جابر // انا خلاص يابني حتي لو جرالي حاجه كبرت عيالي وجوزتهم وبيعتمدوا علي نفسهم يعني ماعدوش محتاجلي انما انت لسه في عز شبابك ومرتك واخواتك محتاجينك. وضاح // انا مش عسيبك ياعمي لو عيكون ده اخر يوم في عمري يالا بينا ياعمي ومتضيعش وجت عايزين نلحجوا البت الغلبانه جبل مايعملوا فيها حاجه وساعتها معرفش ابص لبلال ولا احط عيني في عينه. جابر // ماشي ياوضاح رجالتك جاهزه ومعاهم سلاحهم. وضاح // كله تمام ياعمي.
جابر // ربنا معانا يالا بينا ربنا عمره ماعيخذلنا ان شاء الله _________♕♕♕♕♕♕____________اطياف راحله. الحق ياسعفان بيه العربيات اللي محمله السلاح اتمسكت واتقبض علي الرجاله بتوعنا. سعفان // ميته ده حوص والزاي في حاجه غلط اكيد في حد بلغ او فيه وسطينا حد خاين. الرجل // معرفش يابيه الرجاله اللي كانوا متابعين العربيات هما اللي بلغوني باللي حوصل والعربيات اتصادرت وكمان الرجاله اتقبض عليهم. سعفان //ايه الاخبار المغفلجه اللي زي بعضيها دي انا علاحجيها منين ولا منين هات الرجاله وحصلني علي المبني اللي فيه البت بسرعه.
الرجل // حاضر جنابك يالا يارجاله كله وريا علي المبني اللي وررا. سعفان // انا عايز تحوطوا البيت كله مش عايز مخلوج لايخرج ولا يدخل. الرجل // امرك يابيه مفيش مخلوج هيعدي منينا. سعفان // علشان العشره والعيش والملح اللي بينا لاخر مره بجولهالك حط ايدك في في ايدي. هيبه // موافج بس بردك بعيد عن مياده البت تروح لامها وانا معاك عبجي دهرك وحمايتك واديني فرصه يومين تلاته وعجيبلك بدالها عروسه تانيه عشان تفتح المجبره
سعفان // ياخساره ياهيبه ياالف خساره يابني عمي العشج جاب جاعك وضحيت بكل حاجه عشان خاطر مره سامحني ياابن عمي مجدميش اختيار تاني. نزل السلاح اللي في ايدك المكان كله محاصر . اشتباكات بالاسلحه بين رجال سعفان والشرطه وحاله من الهلع انتابت الجميع علي اثرها تحول المكان الي ساحه لمعركه داميه..
خد البت واطلع بيها من الباب الوراني واوعي يمسها اي اذي.قالها هيبه لاحد رجاله الذي هرول لتنفيذ ماقاله هيبه ولكن جابر كان الاسرع متقدما نحو مياده وسحبها ليخرج بها من الباب الامامي للمنزل حيث وجود باقي القوه مماثار غضب رجال سعفان فحاول احدهم توجيه طلقاته الناريه لجابر وبالفعل خرجت الطلقات من فوه البندقيه اتصيب هدفها وبالفعل اصابت ولكنها اخطات الهدف المنشود فقد فقد هيبه صوابه عندما راي الرجل ويوجه سلاحه تجاه جابر فجري باقصي سرعته في اتجاع جابر ودفعه جانبا وتلقي الضربه. ضربه اودت به قتيلا يصارع الموت يتلفظ انفاسه الاخيره محاولا جاهدا ان يتكلم يستند براسه علي ذراع جابر.
جابر//ليه كده ياهيبه ليه عملت كده ليه ليه خدت الطلجه بدالي. هيبه //سامحني ياجابر سامحني ياخوي سامحني علي كل اللي عملته طول حياتي النهارده بس يمكن اكون جدرت اردلك جزء من جمايلك عليا سامحني يا جابر وخليهم كلهم يسامحوني. جابر // متتكلمش كتير اسكت عشان متنزفش انا مسامحك انت اخويا واد امي وابويا اللي مليش غيرك في الدنيا. هيبه // خلاص ياجابر دي النهايه بس الحمد لله اني جدرت اعمل حاجه كويسه جبل ماموت عيالي امانه في رجبتك ياجابر خلي بالك منيهم وجول لامي تسامحني.
جابر // هيبه هيبه اخووووي. الظابط // كله يسلم نفسه المكان كله محاصر كله يرمي سلاحه. العسكري // الحق ياباشا سعفان هرب من الباب اللي ورا. الظابط خد كل اللي هنا يالا وانتوا تعالو وريا مش لازم حد يهرب. وضاح // والله لو عيكون اخر يوم في عمري ماعسيبك تهرب انت سبب كل البلاوي اللي احنا فيها.
سعفان // انت جاي وريا ليه انت عتفضلوا طول عمركم انت واهلك تجفوا في طريجي ابوك وحماك زمان وانت دلوكيت بس لا دا اخر امل في النجاه معخليش حد يجف في وشي لو حتي هو مين. تعالالي بجي اللي مجدرتش اعمله مع ابوك وحماك هعمله معاك دلوكيت واطلق من مسدسه طلقات تجاه وضاح واحدي الطلقات اخطات الهدف ولكن انطلقت الاخري اصابت هدفها بكل جداره وقبل ان يطلق رصاصه اخري كانت رصاصه الظابط الاسرع في اختراق راسه فاودت به قتيلا وتم القبض علي من كانونوا يتبعونه.
تم القبض علي جميع المجرمين بما فيهم الدكتور وتمت مصادره جميع المخدرات الموجوده والاسلحه الموجوده بالسيارات الخاصه بجابر وانتهت قصه المافيا في القريه والقري المجاوره وفي المركز باكمله قصه دفع ثمنها اشخاص منهم من قدم حياته تمنا لهذه القصه ومنهم من بدات حياته من جديد. ♕♕♕♕♕______♕♕♕♕♕_____اطياف راحله.
الحزن يخيم علي بيت جابر بعد وفاه هيبه بالرغم من مرور يومين علي الوفاه حتي جابر في حله يرثي لها والذي زاد الطين بله تدهور حاله ولدته بعد الوفاء وكذلك حاله الحزن المسيطره علي زوجه هيبه واولاده وجميع من في المنزل وكذلك ايضا شمس الذي اقترب ميعاد ولادتها وهي ايضا بين نارين حزنها علي حاله والدها وعقلها وقلبها مع وضاح الذي اصيب بطلقات ناريه وهو حاليا يرقد في المستشفي ولم تسطيع حتي ان تذهب اليه لتراه وتطمئن عليه تتنعد شمس بحرقه ياتري كيفك ياوضاح عامل ايه اناعموت واطمن عليك زمانك فكرت ان ي رافضه اجي واطمن عليك .
اينعم اني زعلانه منيك من اللي انت عملته ومكنتش ناويه اكلمك ولا ارجعلك تاني بس والله العظيم عتجنن عشان اشوفك . ياشمس شمس. شمس // ايوه يامه بتنادي عليا ليه. كامله // تعالي كلمي هدي مستنياكي في المندره. شمس //هدي ودي ايه اللي جابها. كامله // يمكن جايه تعزيكي يابتي وتطمن عليكي. شمس // اما اروح اشوفها. اهلا وسهلا ياهدي اخبارك ايه. هدي // ازيك ياشمس البقيه في حياتك. شمس //حياتك الباجيه محدش يعزيكي. هدي // انا كان نفسي اجيلك من زمان بس خفت مترديش تقابليني.
شمس //ومش عجبلك ليه يعني انتي ملكيش ذنب في حاجه انا عارفه كويس انك مش زي داليا انا برده ليا نظره في الناس هدي // شمس والله العظيم وضاح برئ وملهوش ذنب في اي حاجه ظاليا اختي السبب في كل حاجه هي اللي خططت ونفذت هي وماما علشان يوقعوا بينك وبين وضاح حطت له حبوب مخدره في القهوه وخلاته فاقد التوازن ومش داري باي حاجه واول ماحست بيكي طالعه علي السلم فوقته علشان يبان قدامك انه كل ده كان بارادته.
شمس // عتجولي ايه ياهدي . هدي واللهي العظيم ياشمس هو ده اللي حصل. شمس // عشان كده وضاح كان متاكد انه معملش حاجه انا كده فهمت ليه ضربني وانه مكنش بيكدب لما قالي انه معملش حاجه. هدي // والله فعلا مكنش حاسس باي حاجه ومكنش في وعيه انا سمعتها هي وماما وهما بيتفقوا علي كل حاجه. شمس // طيب وانتي ايه اللي خلاكي تيجي تجوليلي علي كل حاجه.
هدي // انامن قبلك قلت لوضاح علي كل حاجه وجيت علشان اقولك علشان عارفه انكم بتحبوا بعض ومتقدروش تعيشوا بعيد عن بعض.وكمان وضاح ليه افضال كتير عليا ياما وقف جنبي وساعدني وانا ميخلصنيش يعيش تعيس بعيد عنكعلشان كده قلت لازم اقولكم علي الحقيقه. مش علشان داليا اختي ابقي عارفه كل حاجه واسكت اسيب بيت وضاح يتخرب. شمس // مش عارفه اقولك ايه مش متخيله ان فبه حد ممكن يكون فيه كميه الحقد والغباء دي احنا عملنا فيها ايع علشان تعمل معانا كل ده منها لله مقدرش اقول غير كده.
هدي // مالك ياشمس فيكي انتي كنتي كويسه دلوقت. شمس // اه مش قادره الم في بطني وضهري هيكوتني الحقيني ياهدي ناديلي امي. هدي //حاضر حاضر اسندي علي. ______♡♡♡♡♡____♡♡♡♡♡___اطياف راحله. كيفك النهارده ياحبيبي عامل ايه. وضاح // بخير ياعمه الحمد لله نحمدوا ربنا علي شيء. عزيزه // مالك ياولي فيك ايه. وضاح // سلامتك ياعمه انا زين مفياش حاجه. عزيزه // اومال بس ايه اللي مزعلك ومخليك متكدر اكده. وضاح // وانتي شايفه ايه يفرح ياعمه بعد كل اللي حصل ده فيه حاجه تفرح.
عزيزه // انتي زعلان من اللي ولازعلان من شمس عشان مجتش تطل عليك. وضاح // وهي دي حاجه متزعلش ياعمه بجي تعرف اني اتصبت ومتفكرش حتي تاجي تشوفني وتطمن عليا مهما يكون حصل بينا كان لازم تاجي. عزيزه // ياولدي ماهما بردك عندهم ظروف موت عمها دا برجل الدنيا وكمان الحمل وتعبه وهي من اول الحمل تعبانه ومكنتش بتقدر تتحرك. وضاح // مدفعيش عنيها ياعمه لوكانت عايزه تشوفيني مفيش حاجه كانت عتحوشها عني هيه زعلانه مني علي حاجه معملتهاش اصلا.
عزيزه //منيها لله بت ناديه هي السبب في ده كله هي اللي وجعت بينك وبينها ربنا ينتجم منها. وضاح // دليا ورحمه ابويا لربيها وعرفها ان الله حج بس بردك شمس عنيده ودماغها ناشفه ياعمن كان لازم تسمع كلامي وتصدجني. عزيزه // معلش ياولدي المهم انت عرفت الحجيجه يومين تلاته وتكون بجيت كويس وتروح تجيبها عشان معاد ولادتها جرب ومتسبهاش تولد بعيظ عنك وعن بيتها. وضاح // ان شاء الله ياعمه سيبيها علي الله ربنا يجدم اللي فيه الخير.
♕♕♕♕♕♕ خير يا امه ايه الاخبار. كامله//ربنا يستر ياولدي لساتها داخله العمليات ولاده جيصريه برده. ادهم //ربنا يستر. عزيزه // السلام عليك. كامله // اهلا ياحاجه اتفضلي. عزيزه //صالحه اتصلت بيا وجالتلي مردتش اجول لادهم لساته تعبان ياحبيبي وخفت يصمم انه ياجي معايا ويتعب بزياده ادهم // خير ماعملتي ياعمه انا كنت عنديه امبارح لساته تعبان بس الدكتور كتبله علي خروج وروح البيت. عزيزه // هيه ربنا يكرمها وتولد ان شاء الله ونروحوها علي بيتها علطول كفاياها جاعده هناك بجي.
كامله // ماهو بيتها بردك ياحجه. عزيزه // سايجه عليكي النبي ياشيخه مترجعيني في حاجه وتسبيها تروح بيتها. كامله // هو انا مش عايزاها تروح ياحجه ماانتي عارفاها هي اللي دماغها زي الصخر . عزيزه // عارفه ياخيتي عارفه والله بس سليهالي وانا كفيله اجنعها وخليها تروح معايا بس ربنا يجومها بالسلامه. كامله //يارب ان شاء الله تجوم بالسلامه ونستاذن من ابوها وتروح معاكي. في اللحظه دي خرجت الممرضه ووجهها يعلوه الفرحه الف مبروك ياجماعه ربنا كرمها ببنت وولا زي الجمر.
عزيزه // ياماشاء الله توام اه منيكي ياشمس ولا جابت سيره انها حامل في توام . كامله // والله ياخيتي زيي زيك ما اعرف الا دلوكيت. ادهم // واعيه جوي شمس اختي دي لو صالحه مرتي كان زمان البلد كلها عارفه. صالحه // ايوه اتريج اتريج اما تجوم بس وانا هعرفها ازاي متجوليش علي حاجه زي دي. عزيزه // المهم انها جامت بالسلامه نبجوا نعتبوا عليها بعدين. وضاح!!!!!!!!ا ايه اللي جابك يانضري لساتك تعبان. الفصل الرابع والعشرون والاخير…….غيوم الشمس.
ساظل دائما احبك وابقي علي الود بينا ساظل دائما اوفي الناس بالنسبه لك وستظلين انت تسكنين قلبي بل انت نبضه شئتي ام ابيتي تعانقين الروح. قربك حياه وبعدك نهايتي ووجودك اختياري الوحيد بل امر املاه القلب وصدقه العقل وعانقته الروح. ______♕♕♕♕______♕♕♕♕___اطياف راحله. الله حصل ده ياجابر انجاز عظيم القبض علي شبكه زي دي انتصار علي قوي الشر اللي حواطتنا الفتره اللي فاتت انا دلوقت لو سبت البلد دي مش هبقي قلقان انا عملت اللي عليا واللي هيجي بعدي هيكمل المسيره دي بس علي نضافه.
جابر // ربنا يوفقك بس احنا هنه منجدروش نستغنوا عنيك دي عشره عمر بينا وبينك. مدير الامن ما انت عارف ياجابر ان محدش فينا بيفضل في مكانه ولازم نتنقل في المحافظات كلها. جابر // ربنا يوفج جنابك خضرتك تشرف اي مكان تكون فيه. انا جايلك االنهارده وليا رجاء عند جنابك واتمني جنابك متكسفنيش. مدير الامن // انت تامر ياجابر انت عارف اني بحترمك وبقدرك قد ايه. جابر // وده العشم برده جنابك. هو الموضوع بخصوص هيبه اخوي الله يرحمه.
مدير الامن // عارف انت هتقول ايه ياجابر ومن غير ما انت تجول الفيديو عيختفي ومش هيظهر نهائي اما بالنسبه لرئيسه هيا فعلا مش مشتركه في الجريمه هيبه هو اللي عمل كل حاجه ودا داعي من الدواعي اللي مخلتنيش اتهمها باي حاجه علشان كده القضيه دي اتقفلت خلاص ومعدش تتفتح تاني. جابر // انا مش عارف اشكرحضرتك الزاي ان جاي وبطلب منك الطلب ده وخجلان من حضرتك اني اطلب منيك الطلب بس كرم حضرتك فاج كل التوقعات انا فعلا مش عارف اشكر حضرتك الزاي علي كل اللي عملته معانا.
مدير الامن // انا اللي بشكرك ياجابر فعلا زي مابيقولو معرفه الناس كنوز وانت من ارجل واجدع الناس اللي عرفتها ربنا يديم المعروف بنا. جابر //يارب. معرفه معاليك شرف لاي حد جنابك ووجودك وسطينا اغلي امنيه بنتمناها. مدير الامن // ربنا يقدرني واكون عند حسن ظنكم. ••••••••••••••••••••••••♡♡♡•••••••••اطياف راحله. متخافيش انا كويس ياعمه. عزيزه // الدكتورجال انك متتحركش ياولدي الحركه خطر عليك. وضاح // مجدرتش جلجان جوي علي شمس. عزيزه // متخافش عليها ياحبيبي الحمد لله ولدت وربناكرمك بتوام ولد وبنت زي الجمر الف مبروك يتربوا في عزك ياولدي.
وضاح // الله يبارك فيكي ياعمه صحيح توام شمس جابت توام. ادهم //عتجول ايه انت كمان مكنتش تعرف انها حامل في توام والله شمس اختي دي غريبه جوي متعرفش حد واصل انها حامل في توام حتيجوزها. وضاح // مالكش فيه ياعم انت اطلع منيها انا راضي. ادهم // انت حر ياسيدي انا كنت بهدي النفوس بس. كامله // وبعدين معاك ياادهم ماتسكت اومال يعني هو انت تايه عن اختك بتخاف من الحسد. ادهم // عارف والله انتي هتجوليلي عليها دي كانت ماليه الدار حرز ازرق وكل يوم بخور وكلام ده علشان الحسد.
عزيزه //والله عنديها حج كل حاجه بتتحسد وفيه ناس مبتسميش ولاتصلي علي النبي. وضاح // احنا عنجفوا نتكلموا كتير مش عندخلوا نطمنوا عليها. كامله // عندك حج ياولدي يالا ندخل نطمن عليها. عزيزه // يالف نهار ابيض والف مبروك ياغاليه يامرت الغالي الف حمد الله السلامه وبركه ياحبيبتي انك جمتي لينا بالسلامه. شمس // بوهن الله يسلمك ياعمه. ادهم // بجي كتي عارفه ان عتجيبي نوام ومتجليش لحد واصل دا حتي جوزك مجلتلهوش واعيه من يومك.
شمس // مكنتش متاكده وبعدين انت مالك اني حره هو انا كنت سالتكوا هتجيبوا ايه. ادهم // من غير متسالينا الحمد لله صالحه مخلتش حد الا وجالتله عنجيب ولد. كامله // ههههههه وانت بجي فرحان ان مبيستخباش عنديكوا حاجه. ادهم // ايوه طبعا فرحان ونخبوا ليه يعني. عزيزه // بس بجي يا ادهم هيا حره المره الجايه لما مرتك تبجي حامل متجلش لحد واصل. ادهم // عندك حج ياعمه دا اللي عيحصل. هي تبحث عن ضالتها المفقوده في كل الحضور حتي وقعت عينيها عليه تبدو ملامح ااحزن والاسي مرسومه علي وجهه ولا يشارك الموجودين في الكلام.
وهو يختلس النظر اليها من بعيد ويود ان يتجاهل كل الموجودين وياخذها في احضانه ليروي ظماه منها ويعبر لها عن فرحتها بها وباولاده ولكن تتلاشي هذه الفكره عندما يتذكر انها حتي لم تسال عنه بعد اصابته ثم يعود ويلتمس لها الف عذر. لاحظت عزيزه كل هذا الا رتباك والتوتر بينهم فهمت واقفه تدعو كل من في الغرفه بالخروج لكي يدعوها تستريح هذا ما اظهرته ولكن باطنها كان يامل ان تعطيهم فرصه لتصفيه مابينهم. خرج الجميع من الغرفه ولم بتبقي سواهم.
عندما تاملته ونظرت اليه لم تسطيع كبح دموعها. بادلها النظرات وارتسمت علي محياه ابتسامه هادئه. ابتسامه عاشق قد تناسي كل ماحدث ولم يتذكر الان الا انه خارت قواه وضعف اما تلك العينين الجميلتين الذي يدوب فيهما عشقا اقترب منها بعدما كان يجليس بعيدا وامسك بيدها وطبع قبله عليها وقبل جبينها الف حمد الله علي سلامتك. زادت في البكاء وكانها تريد ان تجلب عطفه وحنانه اكثر عليها وبالفعل نجحت في ذلك. اقترب منها اكثر وضمها الي حضنه مملسا بحنان علي ظهرها ليه البكا عاد محبش اشوفك بتبكي مبجدرش اشوف دموعك واصل.
شمس // انا اسفه علي كل اللي حوصل انا ظلمتك. وضاح //هشش متتكلميش عشان الجرح. شمس // هدي جالت لي علي كل حاجه اناكنت عاميه مش شايفه جدامي. ووضاح // يعني انتي صدجتي كلام هدي مايمكن هدي كانت بتكدب ولا انا اللي بعتها تجول الكلام ده. شمس // انا زعلانه جوي من نفسي وزعلي اكتر علشان مجتش اطمن عليك بعد ما اتصابت بس والله العظيم كت تعبانه جوي ومبجدر اتحرك ظروف ميته عمي. وضاح // بس انا مش زعلان منيكي ومجدر كل ده وصدجيني عمري مزعل مهما حصل واهم حاجه دلوكيت انك جمتيلي بالسلامه وجبتيلي الجمرات دول.
شمس // يعني دول هما اللي غيروا كتير في الموضوع وخلوك تسامحني. وضاح // طبعا هما دول غاليين عندي بس انتي الاغلي طبعا انتي الاصل وهما بيستمدوا غلاوتهم منك عندي والله العظيم ياشمس انتي غلاوتك ماليها حدود في جلبي وصلتي لدرجه مفيش مخلوج جدر يوصلها وعمر ولادك لاكانوا ولا عيكونوا انهم يزودوا غلاوتك عندي بالعكس غلاوتك انت غالتهم علي جلبي لانهم حته منيكي واللي لازم تعرفيه كويس امي عحبك ومحبتش ولا عحب حد غيرك واصل مهما حوصل.
شمس // ربنا يخليك ليا وميحرمنيش منك واصل.بس مجلتليش بجي عتسميهم ايه. وضاح // انتي عايزه تسميهم ايه. شمس // طيب خلاص كل واح فينا يسمي اسم كده عدل ربنا. وضاح // يبجي انتي سمي الولد وانا عسمي البت. شمس // عسميه مالك انا عحب الاسم ده جوي. وضاح // مالك اسم حلو علي اسم خازن النار وان شاء الله يبجي جوي وشديد.شمس. شمس // نعم. وضاح // ههههههه معناديش عليكي ياجلبي اقصد عسمي بنتي شمس ☀.
شمس // معجوله باوضاح. وضاح // ومش معجوله ليه بتي وانا حر فيها وبصراحه معنديش اغلي من الاسم ده. شمس // البت وامها نفس الاسم. وضاح // وايه يعني بس ادعي البت تكون حلوه زي امها متخدش الاسم وبس. شمس // ربنا يخليك ليا وميحركنيش منك يا اغلي حاجه في دنيتي كلها. وضاح //ولايحرمني منك ياجلبي ويخليكي ليا تنوري حياتي ياشمس. انا مضطر امشي علشان بلال مستنيني وارجعلك المغربيه اخدك نروح بينا ولا لسه نفسك في الجعده في بيت ابوكي.
شمس// ههههههه انت عايز عمتي عزيزه تهدا المستشفي علي دماغي لو جلتلها عروح بيت ابويا. وضاح // يعني عشان عمتك عزيزه بس ماشي اما اشوف اخرتخها معاكي يابت جابر شكلك عتجنيني. ♡•♡•♡•♡•♡•♡•♡•♡•♡•♡•♡ ماتهدي بقي بوظتي اعصابي بقالك ساعه رايحه جايه خيلتيني. داليا // هموت واعرف ايه المفجاه اللي هو قال محضرهلنا مش كنا استغلينا الفرصه وهو تعبان وخدنا بهعضنا ومشينا ولا منشاف ولا من دري قبل مانتفاجئ بمصيبه حاله علي دماغنا.
ناديه // وكنا هنخرج الزاي يافالحه منبه علي كل اللي غي البيت اننا منخرجش اصبري ياخبر بفلوس بكره يبقي ببلاش هو راك للغندوره المستشفي وزمانه جاي انا هقعد معاه واكلمه واقوله اننا عايزين نمشي يمكن الفرحه تكون لاهياه وتنسيه اللي حصل واللي احنا عملناه ويسيبنا نمشي. داليا // وهنمشي نروح فين حضرتك بقي نروح للديانه اللي مستنينا هناك ولا اروح لسي زفت حسام اللي كل مايشوف وشي بيبتزني وعايز فلوس علشان الصور والفيديوهات اللي معاه اروح فين واجي منين كل السكك متقفله في وشي.
ناديه // انتي السبب في اللي احنا فيه ده. داليا // انا السبب ولا بنتك مقصوفه الرقبه كان زمان كل حاجه ماشيه تمام لولا انها اعترفت لوضاح بكل حاجه. ناديه // انا بختي مايل فيكوا انتوا الاتنين واحده هبله وهطله زي ابوها والتانيه ماشيه علي حل شعرها وملهاش حاكم.
داليا // والتانبه زيك نسخه بالكربون منك في كل حاجه والله هدي طلعت طيبه لبابا بس انا ورثت منك كل حاجه طمعك وحبك انكي تاخدي الحاجه اللي في ايد غيرك والاسوء بقي اني زيك في مشياني علي حل شعري وانا صغيره كنت دايما بشوفك بتكلمي ده وتضحكي مع ده وكنت بشوف كل تجاوزاتك مع الرجاله من ورا بابا لحد مكبرت وبقيت بقلدك في كل اللي بتعمليه وفي الاخر بقيت صوره طبق الاصل منك في كل حاجه.
ناديه // اخرسي ياقليله الادب انتي فعلا متربتبش انا اللي عملت فيكي كده. داليا // ههههههه انتي بتضربيني ياخساره متاخر قوي قلمك ده لوكان جه بدري شويه مع اول غلطه عملتها وانتي سكتي عليها كان غير كتير قوي يمكن مكنتش عملت اللغلطه اللي بعدها ولا اللي بعدها. ناديه // اسكتي خالص مش عايزه اسمع حسك اسكتي. داليا // هسكت حاضر بس نرجع مصر انتي من سكه وانا من سكه خلاص كل واحد يعيش حياته زي ماهو عايز ويريح ويستريح.
♕•♕•♕•♕•♕♕•♕•♕•♕•♕•♕•اطياف راحله. بعد كل اللي عرفته برده مصمم تكمل. بلال // انا بني ادم ياصاحبي ومفيش بني ادم من حجه يحاسب بني ادم زيه لان مفيش حد فينا معصوم من الغلط كلنا بنغلط. وبعدين اني بحبها وروحي فيها عستفيد ايه لما اسيبها هعذب نفسي وخلاص وبعدين هي زنبها ايه في كل اللي حوصل مش زنبها ان امها مش كويسه مفيش حدا فينا بيختار ابوه وامه هي الله يسهلها عتروح عند اختها وانا هعيش انا ومرتي اهنه وتبجي تيجي تزورها كل فتره مش همنعها طبعا بس مرتي عمرها ما عتروح عنديها.
وضاح// كنت عارف ان ده عيكون رايك ياصاحبي وانك معتتخلاش عنيها من يومك راجل ياصاحبي والنهارده كبرت في نظري جوى جوى ياصاحبي انا كنت بختبرك ولو جلتلي حاجه غير اللي جولته ديي كانت عتبجي النهايه بيني وبينك طلعت راجل ياصاحبي وسيد الرجاله كمان. بلال // مجدرش اعمل اي حاجه غير اكده ان بعشجها من يوم معرفتها ومقدرش ابعد عنها مها حوصل. »»»»»»»»»»»«««««««««««««««««««« مين دول ياولدي. ضيوف ياعمه جايين في مهمه وعيمشوا علطول. عزيزه طيب مش كنت تنبهني ياولدي ماانت عارف ان احنا مش فاضين وبنجهزوا للسبوع.
وضاح // دول هيتغدوا بس وكلها كام ساعه وماشيين ياعمه متشغليش بالك. المهم ابعتي حدا ينادي لخالتي وبناتها ولا اجولك بلاش انا عطلعلهم انا. عزيزه // هما دول جريبينهم اللي من سوهاج.. وضاح // ايوه ياعمه. ♕♕♕♕♕♕♕♕♕ ايه يا وضاح عمامي ايه اللي جابهم هنا مهما كان اللي حصل بينا ياوضاح مدخلش عمامي انت عارف انهم مبيتفهموش. وضاح // اللي اعرفه انهم رجاله جوي وبيغيرو ا علي عرضهم وشرفهم.
اولا دي الصور الصور الحاجات بتاعتك اللي كانت عند الحيوان اللي انتي كنتي ماشيه معاه ودا عقد جواز بتاريخ سابج مضي عليه علشا ن نجدمه لعمامك انك كنتي متجوزه الحيوان ده علشان لما تجوزي ابن عمك ميجولش عليكي انك خاطيه وكنتي ماشيه علي حل شعرك ومضيته علي وصلات امانه عتفضل معايا لو حاول يلعب بديله ولا يعمل اي حاجه اجيبه وعلجه. داليا // بتقول ايه اتجوز ابن عمي مين انتوا اتجننتوا ولا ايه انا مش هتجوز في الصعيد ولا هعيش في الصعيد.
وضاح // ماله الصعيد بجي وحش دلوكيت اومال كنتي عايزه تخربي بيتي وكنتي عايزه تجوزيني ليه ما انتي كنتي عتعيشي في الصعيده برده. داليا // لا طبعا هنا غير هناك. ناديه // لا ياوضاح مش ممكن تتجوز وتعيش هناك. وضاح // هو انا مجلتكيش ياخالتي ما انتي كمان عتعيشي معاها ماهيدي المفاجاه التانيه عمي وهدان عيتجوزك وجتلي ان ده كان لازم يوحصل من زمان من يوم اخوه مامات كان لازم يلموا لحمهم. ناديه // انت بتقول ياوضاح دا لايمكن يحصل.
وضاح // انا جلت اللي عندي ياخالتي خمس دجايج وتكونوا تحت علشان الماذون مستني وجدامكم سفر طويل.بعد ازنكم داليا // ايه ياماما ايه اللي بيحصل ده انتي هتسبيهم يببعوا يشتروا فينا كده هو احناملناش راي ولا ايه. ناديه // انتي متعرفيهمش احنا لو منفذناش اليي هما عايزينه قولي علينا يارحمان يارحيم. داليا // يعني ايه. ناديه // يعني احنا جينا لقضانا برجلينا. ♡♡♡♡♡♡♡♡♡♡♡♡♡♡♡♡♡♡♡♡ والله مامصدجه اللي حوصل ده ناديه تتجوز هي وبتها عند اهل جوزها دي كانت تتعزي وهي طالعه ولا داليا مجدراش انسي شكلها.
متاخذنيش ياهدي يابتي انتي غيرهم ومعزتك عندي كبيره بس امك واختك ماكانش ينفع معاهم غير اكده. هدي // لا ياطنط براحتك ماما واختي هو ده الحل الوحيد لهم انا مش عارفه اشكر وضاح الزاي علي كل اللي عمله انا حكيتله كل حاجه وكنت عارفه اني محدش هيساعدني غيره. وضاح// عيب ياهدي متجوليش اكده دا انتي اختي الصغيره وان شاء الله انتي كمان عريسك ينزل من السفر وياجي اهنه تكتبوا الكتاب وياخدك ويسافر انا اتفجت مع عمك علي اكده.
هدي // ربنا يخليك ايا ياوضاح ومايحرمنيش منك انت اخويا فعلا. وضاح // وانتي عندي زي صالحه وكفايه اللي انتي عملتيه معايا وبينتيلي الحجيجه كلها. ♡♡♡♡♡♡♡♡♡♡♡♡♡♡♡♡♡اطياف راحله. عيب جوي ياولدي لو عملنا اي حاجه الناس تاكل وشنا عم مرتك لسه متوفي ونعملوا سبوع معينفعش ياولدي. وضاح // انا بسالك بس ياعمه مكنتش هعمل حاجه من غير رايك وكمان خفت شمس تزعل علشان مش عنعملوا سبوع. شمس // وهزعل من ايه ياوضاح لا طبعا دا عمي بجا اعمل سبوع وهيصه وعمي ميت عمر ده مايحصل دا كان ابويا يزعل جوي وانا مجدرش علي زعله.
وضاح // تتعوص المره الجايه ياجلبي واعملك احلي سبوع انا عدبح كام عجل وافرجهم علي الغلابه وبعدين نبجوا نعمللهم عقيقه بس مش دلوكيت خالص. شمس // اللي تشوفه اعمله انا موافجه علي اي حاجه تجول عليها. عزيزه// ربنا يبارك فيك ياولدي وتخويهم وتكبرهم وتجوزهم وتشيل ولادهم وولاد ولادهم النهارده بالذات انا شفت فيك ابوك باللي عملته مع ناديه وبتها كان يسكت يسكت ويطلع بالفكره تخلي اللي جدامه يلف حوالين نفسه انت برده عملت اكده سبتهم يعملوا اللي هما عايزينه وبعدين ربيته صوح وعملت اللي لاكان علي البال ولا علي الخاطر.
شمس // ههههههه والله صدقتي ياعمه محدش كان يتوقع اللي حوصل ده. وضاح // تعيشي وتفتكري ياعمه الله يرحمه ويحسن اليه. ♡♡♡♡♡♡♡♕♕♕♕♕♕♕. وبعد مرور اربع سنوات. لا انا مش بحبك انا بحب بابا انتي وابنك وحشين. ابنك بيضربني وانتي مش تعمليله حاجه. وضاح // ليه كده شموستي في حدا بيجول علي ماما الحلوه دي وحشه دي ماما زي الجمر. شمس // لا يا بابا انا احلي منها وهي بتحب مالك اكتر مني. وانت لازم تقولي دلوقت انت بتحبني انا ولا هيا اكتر.
وضاح // تعالي بس اجولك علي سر بصي كده شوفي زعلت مننا الزاي ولازم نصالحوها. شمس // لا روح صالحها انت مش بصالح حد. وضاح // دماغك صخر عارف وعارف كمان طالعه لمين يالا يابت روحي العبي وانا هروح اصالح الجمر بتاعي. شمس // طيب يابابا مش كلمك تاني خليها تنفعك انا ماشيه. وضاح // يابوووي هو انا كنت جادر علي شمس واحده لما تجيلي التانيه. شمس // عتجول حاجه ياجلبي.
وضاح // عجول انك وحشتيني جوي جوي ومن يوم العيال دول ماكبرو كده وانا مش عارف اتلم عليك ولسه لما البيه اللي جاي في السكه يشرف مش عتفتكريني خالص فانا عايز استغل الفرصه دلوكيت واخطفك ونطلع فوج علشان لوده محصلصش انا مش ضامن انا ممكن اعمل ايه. شمس //ههههههه متعجل اومال عمتك جاعده وهتفهمها وهي طايره . وضاح // عمتي ياريت الدنيا كلها زي عمتي تحبي اجولها دلوكيت ان شمس مهملاني ومش واخده بالها مني واستلجي وعدك منيها.
شمس // لالا عارفه مش تايهه عنيها. وضاح // ههههههه الخوف حلو برده ربنا يخليكي ليا وميحرمنيش منيكي انتي وولادنا ياشمس حياتي كلها ونورها كمان با اغلي حاجه في دنيتي. تعالت ضحكات شمس لتملا البيت وعادت لتشرق الشمس من جديد تملا حياه من حولها بالدفئ والسعاده بعد ان تلاشت كل الغيوم لتشع سعاده وفرحه علي كل من حولها. تمت بحمد الله. شاركوني برايكم في الروايه