فصلت بتبص لعنيه بس اتنهدت بحزن وقالت… انت عايز ايه يا يونس يونس قربها عليه وقال..عايز احقق حلمي..عايز نفس طلب امبارح انا لسه مصر احنا كده كده متجوزين فايه المانع معاكي رضوى بصتلو بغـ,ـضب وقالت …انت ايه اللي انت بتقوله ده انت عايز تيجي وتقول انك مش معترف بجوازنا ده وان لو بعتبره جواز تطلقني بعد كده لمجرد ان الباشا عايزني اقولو تحت امرك انت شايف نفسك ايه حل عني احسن اقول لابوك وانت حر
يونس ضحك جامد وقال..هتشتكيني لبابا طب ايه رايك لو قلتيله هيطلع رايه من رايي .. على الاقل يمكن اسيب له حفيد قبل ما امشي رضوى اتنهدت بغضـ,ـب وقالت.. والله حابه اشتمك بس خساره فيك ودفعتو وجريت على تحت يونس فضل باصص لطيفها بابتسامه وقال..ايه اللي انا بعمله ده ايه اللي انا بعكه ده.. في ايه بس ليه مش عارف امسك نفسي قدامها بعد شويه رضوى كانت لابسه عبايتها وطرحتها و جاهزه وطالعه هي وعمها و يونس قال باستغراب على فين
ابوه قال.. رايحين المزرعه العمال النهارده اجازه وفيه كام حاجه لازم تتعمل هناك.. المواشي لازم تاكل بروح انا ورضوى يوم اجازتهم يونس قال بحماس.. ممكن اروح معاكم المزرعه رضوى قالت ..مش هتستحمل الشمس والتعب بعدين المكان بعيد جدا انت عارف انو في الجبل وبعيد من هنا يونس قال..والله معاكي حق بس ابوه قاطعو وقال لا لا لا ده راجل طبعا ما فيش حاجه تهزه ده كان صغير وكان يجي معايا يلا يلا حبيب بابا
يونس قال بلا مبالاه اوكي ماشي طب اصحي جوليا
ابوه قال بسرعه.. وتصحيها ليه البنت هناك بتنام متاخر سيبها ترتاح واحنا مش هنتاخر اصلا يونس طلع معاهم ومشيوا سوا وركبوا العربيه كان يونس سايق ورضوى جنبه وابوه من ورا يونس كان كل شويه يبص لها بطرف عينه وهي كانت منزله عينيها في الارض بكسوف منه عدى اكثر من ساعه وصلوا مكان في الجبل واسع جدا وفيه مزرعه مواشي وطيور كبيره وفيها بيت صغير والمكان كان فاضي ومفيش حواليه اي حد اول ما وصلو هناك بقم يمرو على الطيور والمواشي
يونس كان مبسوط جدا لانه بقالو فتره مجاش المكان بقى يجري يسابق الخيول زي ما كان يحب يعمل وهو صغير طبعا الخيل كان سابقه بكتير بس هو دي كانت هوايته المفضله رضوى كانت بتبصلو وبتضحك وبتقول بصوت عالي خلاص قربت فاصلك 10متر وتقربلو وبقت تضحك يونس اتغاظ ووقف وهو بينهج بس بقى يبص لضحكتها الجميله بابتسامه وبعد كده بقو يتكلموا ويهزرو بسعاده بس والد يونس استغل انشغالهم وطلع في العربيه ومشي بيها ومكانش فيه عربيه غيرها وسابهم لوحدهم في المكان من غير اي وسيلة مواصلات يرجعوا بيها ولا اي طريقه تساعدهم لانه مفيش حد في المكان كله
يونس خلص جري وقال بصي هدخل اخد دش عرقت جدا وهاجي اساعدك رضوى ابتسمتلو وهو دخل ياخد دش في بيت المزرعه رضوى بقت تكمل شغلها بس عنينها جات على مكان العربيه واتفاجأت انها مش موجوده استغربت جدا وبقت تنادي على عمها بس ما كانش موجود بقيت تدور عليه في المكان ملقتهوش ولا لقت العربيه واتصدمت لما لقيت مكان لاطارات العربيه راجعه من نفس طريق اللي جم بيه اتسعت عنيها بزهول وجريت بسرعه على بيت المزرعه اول ما دخلت بقت تنادي وتقول يونس الحقني يا يونس
يونس كان في الاوضه طالع من الحمام ومكملش لبس رضوى شهقت بحرج وبصت بعيد وقالت .. انا انا اسفه.. اسفه دخلت كده اسفه يا لهوي على الكسوف اللي انا فيه يونس ضحك وقرب منها وقال.. في واحده تتكسف من جوزها رضوى اتجمدت مكانها من قربه وهو قال ليه كنت خايفه كده رضوى بصت في عيونه ونسيت هي كانت جايه ليه اصلا وقالت.. انا.. انا ابتسم وقرب وقال.. انتي ايه رضوى قالت بارتباك.. انا جيت علشان.. كنت.. ممكن تبعد شويه عشان اعرف اتكلم
يونس ضحك وقرب عليها اكتر وضمها وقال ..حابب اعترف لك بحاجه.. انا عارفه ان اللي بعملو معاكي غلط بس مش قادره ابطل افكر فيكي الموضوع زايد عن حده قوي اللحظه اللي احنا فيها دي انا هموت عليها من امبارح انا مرتاح قوي وانتي بين ايديا رضوى كانت مبسوطه جدا بكلامه و ابتسمت بدموع وقالت يونس عايزه اقولك حاجه بس كان في دنيا تانيه و قال هو مغمض عينيه بهدوء…اممم قولي كل حاجه.. قولي كل اللي في قلبك.. انا حاسس ان في قلبك حاجات كتير من ساعه ما شوفت نظراتك ليا اول يوم كان نفسي اسالك بتحسي بايه تجاهي اتكلمي متتكسفيش
رضوى قالت بارتباك شديد.. يونس عمي خد العربيه معاه ومشي شكله مش ناوي يرجع يونساتسعت عنيه بزهول وبعدها عنه بسرعه وقال انتي بتقولي ايه انت بتهزري صح رضوى هزت راسها بالرفض وقالت للاسف لا بقول لك مشي وسابنا حتى العربيه اخدها احنا هنرجع ازاي يونس جذب شعره لورا وقال..وبعدين في الراجل ده..ابه الحركات دي طيب انا هحاول ارن له ده اذا كان في شبكه هنا رضوى اتنهدت وقعدت وقالت متحاولش مفيش شبكه خالص هنا احنا بنيجي هنا على طول
يونس غمض عنيه وفتحهم بغـ,ـضب وقال مش طبيعي حركاتنا احنا المصريين تفرس رضوى بصتلو بضيق وقالت ومالهم المصريين مش احسن من ناس مش من طينطتك ولا تعرف عنهم حاجه يونس قال…الناس اللي مش من طنتي مش بيعملوا الحركات النص كم دي واصلا الدنيا بسيطه ومش مستاهله العك ده… واحد زائد واحد يساوي اثنين المفروض كل واحد يقول هو عايز ايه بالظبط من غير لف ودوران يعني عندك مثلا جوليا ..هيه الي جات قالتلي انها بتحبني
رضوى بصتلو بزهول وقالت..وانت تحب ان البنت هي اللي تقول لك انها بتحبك يونس قال بسرعه انا احب ان اي حد عندو مشاعر يعترف بيها ولد بنت مش هتفرق .. اولا لان المشاعر ما بتتخباش اصلا ثانيا بقى عشان لو في حاجه ممكن تتلحق يلحقوها فهمتي قصدي رضوى قالت بضيق…انا بقى بافضل ان الواحده مترخصش نفسها واذا فيه حد حبتو وحست انو مش بيبادلها نفس المشاعر..فالافضل متقلوش حاجه لان المشاعر مبتطلبش وتصون كرامتها ولو راح واحد يجي عشره
يونس ابتسم وقال..انا بتكلم عن الحب.. الحب اللي هو الانسان اللي راح ما يعوضوش كنوز الدنيا رضوى لمعت عنيها بالدموع وقالت.. لو الواحده عندها واحد زي كده ولو راح ما تعوضوش كنوز الدنيا بس هو مش عايزها ما تتعبش نفسها معاه.. وتجرب تلاقي شخص تاني حتى لو مش هتحبو بنفس الطريقه بس هيقدرها ويحترمها كده احسن ما تظلم نفسها مع واحد مهما حبيته هتفضل مشاعره لحد ثاني يونس قرب ومسك ايدها وقال.. مين قالك ان في مشاعر لحد تاني مش يمكن يكون بيرتبط لمجرد الارتباط وبس او لقا بني ادم مناسبه والسلام
رضوى بصتلو باستغراب.. وقالت انت قصدك ايه يونس اتنهد وقال ابدا كلام عن العامه يعني
يلا خلينا نطلع نلف شويه يمكن نلاقي حد قريب ولا حاجه يساعدنا رضوى قالت.. بص متتعبش نفسك خالص هنا ما فيش اي حد هو لو عارف ان احنا هنعرف نرجع ما كانش عمل كده من الاساس ..هنبات الليله وخلاص بقى بكره الخدم كده كده جايين وبيجوا بعربيات وتوصلنا يونس ابتسم بخبث وقال انا وانتي هنبات هنا لوحدنا لحد بكره رضوى قالت بسرعه و براءه.. اه بقى الليله بس وبكره هيجوا الخدم و…
بس قطت كلامها وقالت بارتباك شديد انت معك حق مش هينفع نبات هنا لوحدنا خالص ولسه هتطلع بس قاطعها لما منعها وقال دي فرصتنا علشان نتكلم انا وانتي في حاجات مهمه لازم نتكلم فيها رضوى بصت له قالت حاجه ايه يعني مفيش ما بيني وما بينك اي حاجه تتقال ولسه هتطلع شدها عليه و بص لعيونها وقال ممكن تباتي جنبي هنا..هنام بس انا ببقى مرتاح وانتي معايا رضوى بصتلو بدموع وقالت.. انت عايز مني ايه حرام عليك و نزلت دموعها اللي مش قادره تحبسها اكتر من كده
يونس ابتسم بسعاده من جواه ومسح دموعها وقال ..انتي بتحبيني يا رضوى..صح..انا حسيت بيكي من اول يوم متكدبيش عليا وعلى قلبك رضوى نزلت دموعها اكتر وقالت ..طيب وافرض ايه الفايده انت فاضل يومين وتمشي… انت هتتجوز وانا مضطره اوافق على اول عريس يتقدملي يونس اتسعت عنيه بدهشه وقال.. تتجوزي ..تتجوزي ليه
رضوى ابتسمت بالم وسخريه وقالت هو ايه اللي ليه هفضل كده لامتى لازم في الاخر هضطر اوافق على اي عريس
يونس بص لعيونها وقال انا مش هسيبك يا رضوى انا الحقيقه مش عارف ..مش عارف انا عايز منك ايه ومش عارفه انا مهتم بيكي كده ليه..و مشدودلك قوي كده ليه ..بس اللي اعرفه اني بقضي معاكي اسعد ايام حياتي وقلبي بيبقى مرتاح قوي وانتي معايا رضوى قالت بدموع..طب وجوليا يونس ابتسم وقال..هيه حاجه وانتي حاجه تانيه خالص..انتي غير اي واحده عرفتها بقت تبص لعيونه جامد بابتسامه هو قرب وقال..انا محتاجلك يا رضوى.. من ساعه ما شوفتك وانا مهوس بيكي
رضوى ابتسمت وحست بسعاده الدنيا كلها بصت لعيونه وقالت …يعني يعني بتحبني يونس مكانش متأكد ايه المشاعر دي و حس بتوتر شويه بس قبل ما يفكر قال ..شكلي كده انا حابب قربك قوي.. قوي عايزك يا رضوى عايزك قوي رضوى نزلت دموعها بسعاده وقالت…و انا كمان بحبك قوي.. قوي يا ابن عمي بحبك يا يونس وما حبتش غيرك في حياتي يونس ابتسم بسعاده من العشق الواضح اللي في عيونها واتردد شويه بس مقدرش يفكر في اي حاجه في الوقت ده قرب منها بشوق شديد كانها اخر مره يقرب لست في حياته
رضوى كانت مبسوطه جدا بين اديه وممنعتهوش ابدا وغابو سوا في لحظات جميله جمعتهم في صباح يوم جديد صحي يونس لقاها بين اديه وافتكر كلامه ليها وحبها الي كان واصح في عيونها حس بحزن شديد من نفسه
اتنهد وقام بضيق شديد رضوى فتحت عنيها لما قام وقالت بابتسامه صباح الخير يونس بصلها وابتسم بتردد وقال صباح النور نمتي كويس
رضوى ابتسمت بكسوف وقال اه..نمت حلو يونس وقال.. ده انت اللي حلو وقمر وطعم قوي رضوى ضحكت بكسوف وقالت ..بس بقى.. الخدم زمانهم على وصول هروح استحمى ونجهز علشان نمشي
يونس كان حاسس بتوتر رهيب وكان عايز يتكلم معاها وقال رضوى.. انتي بنت عمي و..وغاليه قوي عندي ومش عايز ازعلك..انا مكانش في نيتي اعمل كده ابدا بس مقدرتش امسك نفسي من ساعه ما شوفتك وانا مسيطره علي رغبه قويه اني اكون معاكي…بس مش بالطريقه دي..كنت عايز نعمل كده من غير ما اجرح مشاعرك واقولك اني بحبك رضوى بصتلو بزهول ودموع وقالت يعني ايه.. انت اللي قولتهولي ده كدب علشان
يونس وقال كل حاجه قولتها لك كانت من قلبي انا لا عشت ولا هعيش اجمل من الوقت الي كنتي فيه بين اديا ..و مبسوط قوي باللي حصل بنا ونفسي يتكرر مره واتنين وعشره …بس كل الحكايه اني مش هقدر اسيب جوليا انا ما حكيتلكيش عن كل اللي بينا جوليا شركتي بنسبه 50% من كل البيزنس اللي عملته طول السنين الي فاتت..وبنا عقود ومشاريع كبيره الموضوع كبير بجد يخسرني كثير قوي من اللي عملته فانا حابب يعني زي ما قلتلك قبل كده هسافر معاها ..وهاجي على طول علشانك انا مش حابب اطلقك مش حابب انك تكوني مع اي حد غيري قولتي ايه
يا رضوى رضوى نزلت دموعها بغزاره وضحكت بياس وحسره وقالت.. انت مغلطتش يا يونس كل حاجه واضحه ..اناالي غبيه..وقلبي سرح بيا زياده ونفضت ايده بغضـ,ـب ومشيت على الحمام يونس قعد على السرير وحط ايـ,ـده على راسه ودموعه بتلمع في عينيه وهو بيفتكرها.. كانت بتبتسم له بسعاده الدنيا كلها وهي بتعترفلو انها بتحبه وبتسلم نفسها بكل ارادتها جذب شعره لورا وهو بيلعن نفسو بعد شويه خرجت بعد ما استحمت ولبست هدومها وباين على وشها انها بكت كتير قالت بدموع اتفضل استنى الخدم بره حابه اقعد لوحدي
يونس قال بحزن …رضوى احسبيها بالعقل..وانتي اكيد ميرضيكيش اني اخسر كل ده ..انا والله مش عايز اخسرك الموضوع مش مجرد رغبه فيكي وانتهت لا انا محتاج لك قوي جنبي عايزك تفضلي معايا.. كبري عقلك شويه وانا هاجي على طول علشانك رضوى بصتلو بغـ,ـضب شديد وقالت..انت هتطلقني وتغور في 60 داهيه بعد كده انا مش حابه اعرفك تاني يا يونس مش عايزه قالت كده بغضـ,ـب شديد وطلعت بتشم هوا
يونس اتنهد ودخل خد دش ولبس هدومه طلع
لسه هيكلمها وصلت عربيات الخدم ورضوى وقفت واحد من السواقين وقالت..عم ادريس ما تنزلش..هتروحنا انا ويونس باشا مروحين يونس بصلها بحزن وركبو العربيه اللي طلعت بيهم على البيت وكانو طول الطريق ساكتين رصوى كانت دموعها بتنزل ومش مصدقه اللي عملته في نفسها مش مصدقه غبائها اول ما وصلو البيت رضوى دخلت على اوضتها وقفلت عليها الباب يونس طلع وراها جري وهو بيخبط على الباب وبيقول رضوى رضوى اعقلي شويه وخلينا نتكلم رضوى كانت سانده ضهرها على الباب وهي بتبكي جامد