انتي اي اللي. اخرك يااااا……
تسمر مكانه لحظه وقطع جملته ثم ترك الباب مفتوح وتوجه للداخل
دخلت هي…..وقالت بصوت مرتعش
انا جايه اسألك لما انت هتطلقني
عملت فيا كدا ليه
سليم…عملت اي
اللي عملته
سليم. بعد ان تنحنح…….غلطه كانت غلطه واتأسفت عليها
سيلا..وهي تردد كلمته…… غلطة
سليم وهو مازل يعطيها ظهره خوفا من ضعفه امامها
ايوة ماكنش ينفع يحصل دااا بس انتي عارفه وقتها اييه اللي حصل
سيلا ببكاء…. لاء مش عارفه ومابقتش عارفه اي حاجة
سليم….ممكن تهدي عشان ماتتعبش تاني
سيلا بسخريه….
همك تعبي اوي
سليم وهو يتظاهر بالبرود….. اكيد هتفضلي بنت عمي حتي لو مش مراتي او تربطنا ببعض اي علاقه
سيلا…….وانت كنت صونت بنت عمك بعد اللي عملته فيها
سليم بنفاذ صبر….انا ماعملتش حاجة غصب عنك كله كان برضاكي دا اولا
اما ثانيا والاهم انتي كنتي مراتي يعني لا عملت حاجة عيب ولا حرام
سيلا ببكاء بصوت يشوبه بعض الصراخ
لاء عملت وحرام كمان
لما تعمل اللي عملته وبعدها تطلقني يبقي حرام
لما تسيبني في الحاله اللي انا كنت فيها وماتسالش عليا يبقي حرام
لما تدبحني وتكلمني ببرود زي دلوقتي يبقي حرام
سليم بقلق يحاول ان يخفيه…..سيلا كفايه عشان
ماتتعبيش
سيلا. بانهيار. وهي خائره القوه وتجلس علي الارض ….يارتني امـ,ـوت وارتاح يارتني امـ,ـوت
سحبها سليم من يدها واوقفها وقال بصوت مختنق من الحزن…..
سيلا من فضلك ماتعصبهاش علينا
سيلا ساخره……هي كانت سهله عليك ي سليم
قلبك دااا قدر يعمل فيا كدااا
لييه عملت فيا كدااا ليييييه
سليم بصوت عالي نسبيا
قولتلك اناماعملتش حاجة انتي كنتي مراتي
وانا اخدت حقي
سيلا…..
وانت اخبار قلبك ايه مبسوط انه انتقم مني اخدت حقك وبزياده دمرتني ي ابن عمي
سليم بصوت جهوري.وبغضب …انتي كنتي دمرتيني قبلها
ولانسيتي عملتي ايه
بتقولي دبحتك وانتي هرستي قلبي بجزمتك
ولاكرمتها اللي بعترتيها ولاطوله لسانك
ولا اهانتك ل رجولتي داانتي وقفتي قدام الناس كلها وقولتي علي عاصم انه ارجل مني فاااكرة ولا نسيتي
اييه اتوجعتي انا اتوجعت اكتر منك اضعاف
قولتلي كام مرة طلقني يمكن تبقي راجل وتعلي في نظري ولا حتي ادتيني فرصه انك تسمعيني ولا اني ادافع عن نفسي…..+
انا نفذت اللي طلبتيه مني مش اكتر
سيلا ببكاء مرير……وانت من امتي بتنفذ اي كلام ولا اي قرار غلط
كنت عملت اي حاجة ولا انك تبعد عني وتطلقني
ثم قالت ببكاء بنبرة متوسله……
رودني ي سليم روديني…
سليم وهو يمسح علي وجهه….مش هقدر
انتي وانا مش هينفع نرجع لبعض بعد اللي حصل بينا
مسحت هي دموعها وتوجهت صوب الباب وهي منكسه راسها فقال
استني لما اجي اوصلك….
قالت…كتر خيرك انا جايه مع ادهم هو هيروحني
وهمت بالذهاب فقال
انا هبقي موجود جمبك في اي وقت لو احتاجتيني
قالت بصوت باكي …..اكيد ي ابن عمي اكيد
ثم غادرت المكان وهي تبكي بشهقات عاليه الفصل الثامن والعشرون من غفران قلب
الجزء الثاني من انتقام خاطئ
بقلمي نيڤين بكر
في تركيا….
في مكتب وعد كان احد رجال الاعمال السوريين
يتكلم معها بخصوص مشروع ما وبعد ماانتهوا
قال ب لباقه….. مبسوط كتير بالشغل معك مدام وعد واتمني ماتكون الاخيرة
ووعد بابتسامه رقيقه….بأذن الله مستر سامي
مستر سامي……ممكن تقبلي عزومتي علي الغذاا النهاردة
جاءتها فكرة فقالت….اوك مفيش مانع
سامي…..
هبعتلك السياره بالشوفير
وعد …..اوك مستر سامي
مد يده فمدت يدها للسلام فرفعها وقبلها
فسحبت يدها بخجل
فابتسم سامي وقال …..بتركك هلاء
غادر سامي فاتي اليها اكرم واخبرته بانها ستغادر حتي تستعد للغداء وقالت له عل اسم المطعم
ذهب اكرم ليخبر عز ولكنه كان في اجتماع مغلق
انتظره ساعتان حتي انتهي
عز وهو يجلس عل مقعد مكتبه بارهاق. ويفتح زر الجاكيت ..
ها ي اكرم عملت اي مع العميل السوري
اكرم …….كله تمام مدام وعد قابلته وتمت معاه الصفقه
عز….تمام انا هروح دلوقت عاوز مني حاجة
اكرم بعد ان تنحنح…….. لا ابدا
شكلك عاوز تقول حاجة
اه لا
عز وهو يضيق بين حاجبيه
…..هو ايه ال اه لاء ماتتكلم
اكرم ….اصل مدام وعد روحت
عز …روحت !!!
اكرم ….احم ايوة قالتلي هروح عشان …
عز ….عشان اي
اكرم ….عشان مستر سامي عزمها علي الغداا النهاردة
تحولت ملامح عز الي الغضب وقال
عا اايه عزمها علي الغداا
ثم توجه للخارج في غضب واكرم يسرع خلفه
ثم استدار له وقال ماتعرفش اسم المطعم ومكانه
اكرم احم …ايوه عارفه قالتلي عليه قبل ما تنزل
فقال له عز …..طب تعالي معايا
ذهب مسرعا وركب سيارته ودخل المطعم
فوجد مستر سامي جالسا بمفرده
فقال ل اكرم تعالي نقعد هنا
وقال من بين اسنانه ليلتك سودة ي وعد
وصلت وعد مع
السائق ودخلت المطعم
اول ما رأها سامي هب واقفا
فمد يده بالسلام ومدت يدها فرفعها ايضا وقبلها
فعدل لها كرسيها وجلست عليه
كل هذا تحت انظار عز الغاضبه …هم ليقف ولكن اوقفه اكرم وقال
انت هتعمل فضيحة ممكن تحكم عقلك شويه
نفض عز عن يده واسرع علي المائده التي يجلسون امامها
وقف بهيئه غاضبه امامهم
سامي عندما راه وقف ومد يده بالسلام
اهلا مستر عز اتفضل معنا
لم يعيره عز اي اهتمام وتوجه بالكلام ل وعد
عز …بتعملي ايه هنا ؟؟
قالت بتوتر رغم انها جاهدت علي اخفاءه ….
مستر سامي عازمني علي الغدا اتفضل معانا
عز …لاء يلا قومي في حاجة مهمة ف الشركه ومحتاجك هناك
سامي …اتفضل اتغدي معانا وبعدين روح علي الشغل
عز دون اهتمام .له……لاء مش فاضييين ثم سحب وعد من ذراعها
ولم يهتم لضيقها او احراجها امام الجميع
فتح السياره واجلسها ثم التفت للجانب الاخر
وركب هو في الجهه المقابله لها
وعد وهي تفرك في ذراعها مكان قبضه يده
اييه اللي انت عملته دااا
عز وهو يحاول الا يثور عليها فداخله نار تشتعل كلما تذكر تقبيله ليدها
انتي اللي بتعملي ايه انتي جايه عشان تشتغلي
ولا عشان تتعزمي
وعد بعند …..الراجل عزمني بلباقه وانا قبلت عزومته
فيها اي دي
عز . فيها كتير ياهانم اولا ازاي ما عرفتنيش انك نازله
وثانيا انتي امانه هنا ابوكي مستأمني عليكي
وعد وهي تعاند معه
اولا انا حرة انزل واروح واجي زي ماانا عاوزة
ثانيا انا مش صغيرة واخر مرة تدخل في حياتي او تحرجني بالطريقه دي
قالت كلمتها وهمت بفتح الباب فشدها بعـ,ـنف وقال بصوت جهوري
وعد اتعدلي انا مايتقاليش الكلام دااا واللي قسما بالله ما هعدهولك