نسخة جريئة زهرة الربيع

سراج اندهش من اللي قالته وبصلها شويه وركز في ملامحها الجميله
شمس تاهت جدا في عيونه وضعفت قوي وقربت منه بلاوعي وقالت بهمس..انت تتحب..تتحب قوي سراج اتخدر من همساتها قدام شفايفو وعنيها الي بتقـ,ـتلو وشمس باستو من شفايفه برقه شديده سراج  غمض عينيه واستسلم للحظه دي ولجمال قربها شدها عليه بقوه وباسها بوـ,ـسه قويه جدا وهي حاوطت رقبته بايديها واندمج سوا في لحظه جميله سرفت انفاسهم
قطعها صوت تليفونه فبعد عنها و دفعها بقوه ووقف بسرعه وهو بيبصلها بذهول منها ومن نفسه

وفال بغضب وارتباك…لا واضح بتحبيها.. انتي لو فارقه معاكي اختك كنتي خدتي بالك من الشبه الكبير اللي بينك وبينها وفهمتي ان اي حاجه انا بعملها ببقى قاصدها هيه وبيبقى اشتياق ليها مش اكتر.. كان المفروض انتي اللي تمنعيني لو ضعفت وقربتلك مش انتي اللي تبادري ..انا قلت لك الكلام ده انا كنت حاسس من اول يوم ان انتي قاصده  تلعبي على الوتر الحساس فاكره انك كده هتوقعيني في غرامك…انسي انا بحب  شهيره ومش هحب غيرهاوو

بس شمس  قاطعته وقالت بغضب شديد وانفعال بس بقى بس يا اخي خلي عندك دم وحس شويه انا من وقت ما جيت وانت عمال تهني ..اقولك على حاجه ايوه يا اسراج ايوه انا عايزه اوقعك  نفسي تحبني نفسي تحس بي…نفسي…بقت تبكي جامد وقالت نفسي تحبني زي ما انا بحبك او حتى نص حبي لبك سراج اتسعت عينيه بزهول شديد وقال..حب ايه ونيله ايه هو يوم واحد اللي شوفتيني فيه

قالت بدموع… فعلا هو يوم واحد بس انا بحبك من قبل كده بكثير ونزلت دماعها بغزاره وقالت مش قادره اقول لك اني بحبك وانت جوز اختي مش قادره اقولك اني خنتها بتفكيري 1000 مره مش قادره اقول لك قد ايه اتمنيت مكانها كل ما كانت تحكي لي عنك.. صعب عليا اقول حاجه زي كده صعب  احس نفسي قذره للدرجه دي ..بس عمري اقسم بالله عمري ما تمنيت يحصل كده حتى لو كان اللي حصل ده هيجمعنا بس ما اتمنيتش ان شهيره تحصل لها حاجه وانهارت بالبكا

سراج كان مصدوم جدا بلع ريقه بحزن عليها وقعد جنبها على السرير  وقال …احم…اهدي شويه انا حابب اسمهك انتي تقصدي ايه بكلامك ده شمس قالت ببكا… انا كنت اكلم شهيره كل يوم شات ومكانش معاها اي حاجه تحكي عنها غيرك ..في الاول كان الموضوع عادي ..بس بعد كده بقيت انا اللي بستناها تحكي عنك واسالها عليك كل يوم كنت ببقى مبسوطه جدا لما بتتكلم عنك..

قد ايه راجل بجد وقد ايه بتغير عليها وبتحبها…انا عمري ماحست بالمشاعر دي كنت مفتقده الحاجات دي جدا وعمري ما عرفت راجل زيك هناك كلهم واحد بي انت كنت غير عشت اتخيل واحد زيك في خيالي احبك من جوايا وادعي ربنا يديني واحد زيك بس ..بس وانهارت بالبكا ومكانتش قادره تكمل وقالت بالعافيه …بس اقسم بالله عمري ما اتمني انها تموـ,ـت

سراج كان بيسمعها باهتمام ودهشه وهيه قالت…بس هيه اخذت بالها انا ما كنتش فاهمه انها عيانه مره قالت لي لو في راجل زي سراج بالظبط بالملي تتجوزيه وانا بغبائي قلت لها اه اقبل جدا كمان ..فقالتلي طب هو انا لو في يوم احتاجتك تخلي بالك على ملاك هتوافقي
و برده بغبائي قلت لها اوافق وفي اي وقت.. بس ليه يعني بتقولي كده ..قالت عادي لو اضطريت اروح مشوار هطول فيه تقبلي تكوني معاها
..

انا وقتها افتكرت انكم ممكن تسافروا ومكنتش فاهمه انها بتمـ,ـوت
سراج نزلت دموعه وقال..انا كمان قالتلي تقبل تتجوز واحده غيري ..يعني لو كانت شبهي بالملي هتفرق معاك بس انا كنت عارف انها مريضه وكنت فاهم انها تقصدك شمس قالت بدموع انا اسفه على اللي حصل من شويه سامحني حاول تسامحني وانا همشي من الاوضه دي اصلا انا عارفه اني بجرحك قوي بوجودي وبتصرفاتي انا اسفه مش هعمل كده تاني ممكن اكون انا بحبك  بس انا عارفه ان انت مش بتحب غير  شهيره… عن اذنك

شمس لسه هتمشي مسك ايدها وقال انا فعلا مش بحب غيرها  في الوقت الحالي وبحس بالذنب قوي بحس اني بخونها لما بتحصل اي حاجه بيني وبينك بس ..بس ممكن احاول علشانك يا شمس شمس بصتله بزهول وهو قال… ايوه احاول علشانك علشان انتي تستاهلي المحب.. انتي مغلطتيش في حاجه مش ذنبك ان قلبك اتمنى حد معين مش ذنبك ان العيشه اللي عشتيها في اوروبا وفي البلاد دي تخليكي تتمني راجل شرقي من هنا ده شيء طبيعي جدا وانا مقدر مشاعرك…و نزلت دموعه وقال بالم.. انا اصلا محتاج للمشاعر دي محتاج ارجع اعيش من تاني

شمس بصتلو بسعاده و بزهوله وحضانته بقوه وقالت انا مبسوطه قوي مش هتندم والله ممكن عامل اي حاجه علشانك سراج ابتسم على فرحتها ..ورفع ايده بتردد وحـ,ـضنها بالراحه بس اول ما حس بيها بين ايديه شدد من حـ,ـضنه ليها وضمها لقلبه جامد واتنهد وقال…هنحاول سوا اوعدك هحاول انا عايزك معايا محتاجلك اوي من بعد اليوم ده كان سراج صادق معاها جدا وفعلا ابتدى يحاول يقرب منها وهيه  كانت مهتمه بملاك جدا جدا وكانت اتعلقت بيها كانها بنتها وملاك نفس الموضوع وكانت فاكره انها امها

و كانت معاملة سراج ليها كل يوم ارق من اللي قبله كان بيجيب لها هدايا ويخرجها ويتكلمو ويهزرو حتى انها بقت تنام في حـ,ـضنو كل يوم من غير ما يعترض لحد في يوم سراج كان نايم وشاف حلم غريب جدا كان واقف وشاف شهيره قدامو ابتسم ولسه هيحـ,ـضنها اتفاجأ بيها  بتنـ,ـتحر قدامه وبتقول له خلاص انت مبقتش محتاجني سراج صرخ باسمها وقام بفزع شديد
شمس قامت بسرعه وقالت له ..مالك مالك يا سراج ومدت عليه شويه ميه تشربه بس دفع ايدها بغضب وقال ملكيش دعوه بيا ..اياكي تقربيلي تاني

قال كده ومشي بسرعه لبس قميصه وطلع بعربيته بسرعه غريبه من غير ما  يشرح لها اي حاجه شمس استغربت وفي  نفس الوقت حست بحزن شديد نامت على السرير وبقت تعيط عدت الساعات وهو اسه غايب  فضلت طول اليوم مستنياه بتحاول ترن له بس ما كانش يرد عليها…اول ما لقت الوقت اتأخر  نيمت ملاك وفضلت مستنياه لنص الليل بس برده ما جاش لحد ما حست بتعب شديد ونامت وهي مستنياه بعد فتره دخل سراج وكان بيتطوح وشكله سكران جدا مش قادر يقف على رجليه..ولقى شمس نايمه  قرب منها ومشى ايده على جسمها وهو بيبلع ريقه بالعافيه

شمس قامت مخضوضه بس اتنهدت لما شافتو وقالت..سراج انت كنت فين ..انا كنت قلقانه عليك قوي بس بصتلو باستغراب لما شافت حالته وقالت.. مالك ياسراج انت تعبان ولا ايه سراج قرب منها وحط ايده على خدودها وقال بسكر … جدا تعبان جدا ..انا محتاجلك قوي قوي وهجم على شفايفها بدون اي مقدمات وبقى يبـ,ـوسها بقوه شمس خدت بالها من شكلو ورائحه انفاسه وعرفت انو سكران بس ما قدرتش تمنعه ابدا من اللي بيعمله ودابت جدا بين ايديه ونيمها واعتلاها و بقى يبـ,ـوسها من شفايفها ورقبتها بعشقك قوي..وقال…وحشتيني يا شهيره ..بحبك قوي

هنا شمس التسعت عينيها بقوه وقالت بدموع… شهيره يرلج فضل مكمل وهو بيقول.. بمـ,ـوت فيك يا شهيره بحبك قوي انا مش قادره انساكي اوعي تسيبيني تاني اوعي شمس بقت تبكي جامد بوجع شديد وقالت..انا مش شهيره با سراج حاول تفوق ارجوك بس ما كانش سامعها اصلا ولسه بيناديها باسم شهيره للاسف ما قدرتش تقاوموا ابدا من ضعفها وحزنها الشديد اللي تملك قلبها لحد ما تمكن منها وبقت اخيرا مراته قولا وفعلا

في صباح يوم جديد قام من النوموحاسس بصداع رهيب.. بص حواليه ملقيهاش جنبه على السرير قام بتعب ..بس  اتجمد مكانو بصدمه  لما لما افتكر اللي حصل وكل حاجه حصلت بنهم  اتسعت عنيه بزهول وبص لقى نفسه مش  لابس حاجه ومتغطي بس بالملايه اتصدم جدا واخد هدوم وجري على الحمام استحمى بسرعه ولبس هدومو عايز ينزل يعتزر لها عن كل الي قالو والي حصل..بقى يفتكر دموعها وهو بيقواها با شهيره وهبه بتبكي قال بدموع…غبي..غبي يخربيتك خلص لبس وجري ناحبة الباب بس لفت نظره ورقه فوق الكومود مسكها وكانت محتواها كالاتي

صباح الخير يا سراج لما هتلاقي الورقه دي هكون انا في المطار او يمكن ركبت الطياره …انا راجعه المانيه اسفه مش هقدر اكمل..مش هقدر سراج نزلت دموعه بصدمه وكمل المكتوب
بالنسبه لملاك انا صحيتها قبل ما امشي قلت لها اني ابقى خالتها و قلت لها اني هزورها على طول ومش هسيبها وده هيحصل فعلا هبقى اجي واشوفها..كان نفسي اودعك بس مقدرتش انا تفكيري كان غلط من الاول …بس مش ندمانه على اي حاجه حصلت بينا …خد بالك من ملاك وخد بالك من نفسك مع السلامه يا سراج مع السلامه يا قلب شمس

سراج نزات دموعه اكتر وكان هيتجنن من الي قراه وجري بسرعه علشان يلحقها وطلع على المطار اول ما وصل بقى يدور  في كل مكان زي المجنون على الطياره اللي رايحه المانيا اذا طلعت او لا بيبص في مكان  يمكن يلاقيها…بي اتفاجأ لما  سمع النداء الاخير للطياره
رجع جري عايز يدخل بس الامن ما رضيوش يدخلوه قالوا له ان خلاص الطياره هتقلع كان هيتجنن وبقى يتخانق مع الامن وقال لو سمحت مراتي جوه خليني الحقها ارجوك

بس الامن كان رافض يدخلو بقى هبتجنن وهو بيفتكر كل لحظه بينهم حس انها بتبعد وانو بيخسرها بيخسر قلبو للمره التانيه …بقى يزعق ويزقهم  بغضب ويقول بصوت عالي… شمس…شمس ردي عليا…بالله عليكي ما تمشي شمس شمس كانت هتطلع على سلم الطياره وسمعت صوتو واتفاجأت بصت وراها لقتو بيتخانق مع الامن وبيحاول يدخل بالعافيه..جريت عليه بسرعه وقالت..لو سمحتو ده جوزي لو سمحتو سيبوه الامن قالو الطياره هتطلع حضرتك و بس سراج شدها من ايدهاا بقوه طلعها من عند الامن وقال…هيه مش هتسافر اعتبر الطياره فاتتها

شمس كانت مستغرباه وهو شدها من ايدها وطلع بيها من المكان كلو وهو في قمة الغضب اول ما بعدو شويه بصلها وقال بغضب..انتي مجنونه..افرض معرفتش الحقك دلوقتي..انا حتى تليفونك مش معايا بصتلو بدموع وقالت..وايه المشكله..افرض مشيت ده هيفرق معاك فيه ايه..انا يمكن حتى لو مت مفرقش معاك يا سراج

حس بوجع في قلبو لما قالت كده وشدها بقوه لحـ,ـضنه وقال..اششش اوعي نقولي الكلمه دي تاني..اوعي تنطقيها مش هقدر استحمل مش هقدر استحمل وجع تاني …انا مش هعرف اعيش من غيرك يا شمس
شمس كانت مصدومه من الي بيقوله واستغربتو وهو طلعها من حـ,ـضنو وبص لعيونها الي كانو مليانين دموع وقال..انا…انا معرفش احساسي ليكي ايه…بس صدقيني انا محتاجلك اوي..بتمنى تفضلي معايا … استحمليني شويه ارجوكي يا شمس لو ليا خاطر عندك  متسبنيش انتي كمان بصتلو بدموع وقالت..انا ممكن استحملك العمر كلو بس انا خايفه .. شهيره هتفضل بنا يا سراج حاسه انك مستحيل تحبني ابدا