ريان: لاني عرفك علي اي، عارف انك بتخدي فترتك وبترجعي احسن من الاول وديما بتثبتيلي اني صح قال الكلمتين دول وانا لزقت وشي في الارض وحمريت زي الطماطم فخد بالو وضحك وقام ولسه هيتحرك قال ريان: فرحت اني طمنت عليكي، تصبحي علي خير ناردين: ريان ريان: امم لف وبصلي وايده في جيبه بقميصه الاسود القمااار ده فسكت سيكا كده وبعدها ركزت اني مفروض ارد ورديت الحمد لله ناردين: احم شكرا علي وقفتك جمبي الفتره الي فاتت دي
ابتسم ورد بثقته المعتاده ريان: العفو يا ستي ناردين: ريان ريان: نعم ناردين:هو… انت مجبتش اكل انهارده صح؟ جعانه؟ ضحك فقلبي ضحك معاه وبعدها شاور بصباعه وهو بتكلم ريان: الاكل علي السفره ناردين باحراج: شكرا ريان: ههه عايزه حاجه تانى ناردين: “تحرك راسها بسلب” ريان: بس انا عايز اقول حاجه؟ ناردين بفضول: ؟.. ريان بغمزه : الاحمر لايق عليك يا عسل ناردين:!! ريان: ههه انا داخل انام، سلااام هو قال اي معلش! لاء ثانيه واي الغمزه القمر دي! احم حر! الحو حرر.
قررت افوق! تعبت من الذكريات، تعبت من وجوده حوليا في كل مكان، لازم اتحرر منه ومن زكرياته ومن مامته ومن الفتره الصعبه الي عدت عليا بقالها شهور وكنت سكته ومستحمله وفي الاخر انا الي اتخان! ناردين: راجح انا تعبت منك ومن تصرفاتك معايا انت بتعمل معايا كده لي؟ راجح: موال كل يوم، مزهقتيش نكد! ناردين: بس انا مبنكدش وانت عارف انك بقالك فتره كبيره متغير، وانت عارف من وقت اي صح؟ راجح صرحني بالله ولو عايز نبعد انا….
راجح: يا حبيبتي بتقولي اي بس، استهدي بالله كده فرحنا بعد يومين ادخلي نامي وان شاء الله بكره كلو يتغير ناردين: مفيش حاجه بتتغير يا راجح انا تعبت من اني اعتبك او اكلمك، وكلو فعلا هيتغير لما انت ترجح زي الاول وتفوق كده راجح: يوووه بقي علي الزن، ناردين اقفلي عشان مصدع تصبحي علي خير ناردين: لدرجادي مش مستحمل كلمه مني! راجح: اه وسلام دلوقتي عشان مشغول ناردين: طيب تعالي نتكلم بالعق…. “يقفل الخط” ناردين:!!!
خلاص! خلاص يا راجح معدش في زل ول شوق ول حتي خوف هقوم وهتخطاك ومهما عدا وقت ومهما وقعت ومهما حسيت اني مش بخير هعيط وانهار واطلع سمومك وحبك من جسمي وحياتي وهثبتلك اني مش ضعيفه، واني انتهي بسهوله دي الحياه مش واقفه عليك ول واقفه علي حد، وطول ما انا جمبي ربنا اولا وناس بحبوني وبدعموني فبوعدهم وبوعد نفسي اني هرجع كويسه عشاني وعشانهم وبوعدك انت كمان اني هنساك. اليوم التالي….. 6 صباحا… “يخرج ريان بهدوء من الغرفه المجاوره حتي لا يحدث صوت في المنزل، ويرتدي الحذاء بخفوت ويبدا في تحرك تخرج ناردين لرؤيته بسرعه”
ناردين: ريان ريان ريان! ريان : نعم نعم نعم! ناردين: ههه خد جيب دول معاك ريان: اي ده؟ ناردين: طلبات يا خويا بالمطبخ الي مفهوش كوبايه شاي ده؟ ريان: اعملك اي مبكلش هنا انا نارين: بعد كده هتاكل ان شاء الله ويلا اتكل علي الله ريان: سلام يختي ناردين: هتيجي امتى استني؟ ريان: علي العصر كده ناردين: قول انك بتهزر! ريان بضحك: خلاص هصرف وابعتهملك بدرى ناردين: شالله يخليك يا رب ريان: عايزه حاجه
ناردين: اه الطلبات دي ونقي الطماطم كويس متجبهاش طريه كده او بيضه اه والبطاطس نقى المتوسطه متجبش الكبيره الي بتكون دلعه دي اه و خيار عشان اعمل ماسك لوشي بي ريان: امم تحبي اجبلك جزرتين هديه عليهم ناردين: ياريت و لو طازج هيكون حلو اوي اوي بس هتلقي ده في السوبر مركت؟ ريان: لاء انا هلقي فاظه لخبطك فيها علي دماغك، حاجه في رنج ده كده ناردين: عنيف اوي علفكره ريان: لاء واضح اني عنيف؟ وبعدين تعالي هنا بطاطس اي الي دلعه هي برقوق
ناردين: انا بدوقها وبعرف مسكره ول لاء اش فهمك انت في الطبخ و متقارنيش البطاطس بالخضار لو سمحت، البرقوق خضار معروفه! ريان بمسك راسه: البرقوق خضار! انا واحد مهزق اني بتكلم معاكي اصلا، اقفلي الباب ده يلا ناردين: ههه استني يا عم هنتفاهم ريان: ياستي بلا عم بلا خال ابعدي عني هش نزل وانا كنت مسخسخه ضحك عليه، بعدها قلعت السدال عشان كنت بصلي وبصيت للبيت الي متروقش من اسبوع ده او من اخر مره عملته لانه انسان مهمل اساسا وشغل اغاني علي تلفوني الي مقفول بقالو 4 ايام ده اما خلل و بدات اروق…
الايام الصعبه ما بتبقي صدقني بتفل ورح يجينا ونرجع اقوي من قبل الاوقات الي منا خفنا هي وحدا ح توقفنا تنغني باعلي صوتك تى را را تي را را ……. بعد فتره ترن ترن ترن