في صباح اليوم التالى.. _ يارب اديني القوه
قالتها أسماء وهي تقف أمام منزل مروه
طرقت أسماء باب المنزل ثم فتح زياد وتأفف عندما قابلها مردفا : هو انتي مش بتزهقي
ثم أغلق الباب بوجهاها ولكن سرعان ما امسكت اسماء الباب لكي تمنعه من غلقه قائلة بجديه : لازم اكلمك في موضوع ضروري
زياد باستهزأ : موضوع وضروري ومعايا ليه الدنيا حصل فيها ايه
دخلت أسماء المنزل دون أن يسمح لها زياد وقالت : ادخل نادي امك لازم تحضر الكلام علشان تصدق كل الى هقولهولك
_ بصي انا اصلا مش طايق اشوفك فانجزي كده علشان ايه…. _ بطل رغي وادخل نادي مروه _ اسمها ام زياد او مدام مروه يا اسماء ماشي
تلاشت أسماء ما قاله : مــــــروه *****************
في بيت ياسمين كانت سيدرا وهي تجلس في الغرفه تغني بصوتها العذب : لسه هتحلى والله بكره مسيرها تروق
وسيباك انت كله هيتعدل وتفوق
بنتعلم من غلطتنا مدام عايشين
مفيش كدبه في الدنيا دي تعيش لسنين
هتيجي كده تيجي كده يعني فيها سين
وجيم وبصراحه بقا كده كل ده جو قديم ربنا سترها ياما امشي دغري في السليم كفايه كفايه كده كتير……
_ الله صوتك حلو اوي
كان هذا صوت ليلي من خلفها لتفزع سيدرا : بسم الله الرحمن الرحيم هما بيطلعو امتي _ دلوقتي…. ايه الصوت الجامد ده
سيدرا : مغسي انتي واقفه من امتي
ليلي : من أول الاغنيه وعينك الى بتلمع من امبارح بس علشان كنتي تعبانه مردتش اسالك ايه الى حصل امبارح
سيدرا بتوتر : ايه الى حصل اشتغلت وجيت وبعدين يلا بقا علشان عايزه اتفرج على المسلسل طنط هتتفرج وتسيبني
ثم تركتها وخرجت من الغرفة لتقول ليلي : البنت دي مش مظبوطه في حاجه ولازم اعرف مبقاش ليلي لو معرفتش
ياسمين بإبتسامه صافية : صباح الخير يا سو
سيدرا : صباح الخير يا طنط
ياسمين : ايه رأيك اعمل ايه على الغدا انهارده
سيدرا : الى يعجبك يا طنط
ياسمين : ياربي على الأدب اومال انا معرفتش اربي بنتي ليه
جائت ليلي من الخلف وهي توضع يديها في خصرها قائله : انا بتشتم صح
سيدرا : لاء خالص طنط بتشكر فيكي جدا
ذهبت ليلي وضمت امها قائله : الغلط عليكي يا ماما ما انتي لو كنتي عرفتي تربيني مكنتش طلعت مش متربيه
ضربتها ياسمين برفق على يديها : انتي مش محترمه والله وفعلا الغلط عليه
سيدرا : ايه الرقه دي يا طنط في حد بيضرب بنته بالرقه دي المفروض تضربها بالشبب بوكس كده ايه حاجه من بتاعه الامهات دي
جزت ليلي على أسنانها قائلة : ماشي يا سيدرا الكلب
ياسمين : اصل الرفق بالحيوان واجب برضه يا سو
سيدرا : أخ في منتصف الجبهه
ليلي وقد نظرت لهم نظره جامده : دا بجد وانا بقا بقيت التريقه بتاعتكوا
سيدرا : هو حد يقدر يقول عليكي كده يا روحي دا انتي البسكوته بتاعت البيت ده ****************
في الصباح في غرفه اسر يتجهز لأول مره لكي يذهب إلى الشركه كان يرتدي بدله باللون الاسود وقميص ابيض ورابطه عنق باللون الاسود وساعه باهضة الثمن من cucci ووضع القليل من البرفان لكن تفوح رائحته الجميله من قوة تاثير البرفان…
ركب اسر عربيته وذهب إلى الشركه وكان الجميع في انتظار المدير الجديد. هند «سكرتيره الخاصه بآسر» : مريانا هو اتأخر كده ليه
مريانا «مهندسه برمجيات» : زمانه جاي وأهدي بقا وترتيني على الفاضي
_ هو لسه فاكرك؟؟
مريانا بكبر : اكيد يا بنتي هو انا اتنسي برده
دخل اسر الشركه والجميع كان بانتظاره على أحر من الجمر كان جميع من في الشركه يقف فهم لا يعرفون طباع المدير الجديد ذهب اسر من وسط جميع العاملين بالشركه ووقف أولهم وقال : اسمي آسر الجراحي هنتعرف على بعض من خلال العمل واهم حاجه عندي الانضباط في الشغل و 7 الصبح كل العاملين يكونو هنا 7 ودقيقه مفيش حد هيدخل الشركه كلامي خلص تقدور تروحو على شغلكم
وتابع بنبرة رسميه : هند تعالى ورايا
هند بصدمه : انا
نظر اسر لها نظره جامده عجزت عن نطق حرف واحد
ثم دخل اسر غرفة مكتبه وكانت هند خلفه مرعوبه من نظرته
تحدث وهو يجلس على مكتبه : عايز كل ورق الشركه يكون هنا ومدير العلاقات العامه يكون عندي بعد نص ساعه تقديري تمشي
هند بتوتر : عن اذنك يا باشا
شاور اسر لهند اتجاه الباب بمعني ان تخرج
هند وهي تذهب لمكتبها : اعوذ بالله مز اه بس صعب اوي ايه ده
جلست على مكتبها وهي وتاخد نفس عميق : اخ يارب ايه ده جماله ملهوش وصف
جائت ماريانا وهو تقول بإنفعال من حديثها : مين الى جماله ملهوش وصف يا بقره انتي
هند وهي تقف بصدمه : ااااا آسر يا مريانا ربنا يحميه
مريانا بعصبيه : معدش اسمعك بتجيبي سيرته يا حيوانه انتي فاهمه
هند بتوتر ليس منها ولكن لنقل حديثها : اه اه عن اذنك هجهز الورق الى طالبه مني
تحدثت ميريانا بآمر : هاتي الورق لما ادخله له
هند : بس هو قالي ادخلهوله
مريانا بتعصب : انا قولت انا الى هدخله هاتي الورق خلصي
ثم اخذت الورق واتجهت إلى مكتب اسر وطرقت الباب واذن لها بالدخول.
مريانا : ازيك يا آسر بيه
نظر لها آسر نظره ساخطه فهو يعلم انها تريد أن تتقرب منه لتقول مريانا بتوتر من نظرته : انا انا جبتلك الورق الي طلبته
آسر ببرود : هو انا طلبته منك؟!
مريانا بتوتر : لاء بس قولت…
قاطع اسر كلامها بإزدراء : اتفضلي بره وابعلتي هند
خرجت مريانا وهي غاضبه جدا وذهبت إلى هند وهبدت الورق على مكتبها وهي تقول بغضب : آسر بيه عايزك
توتر جدا ولكن فرحت كثيرا فقد علمت من ملامحها انه تعصب عليها
اخذت هند الورق ومشت وراسها مرفوع لكي تغيظها : عن اذنك يااااا مريانا
وجرت هند مسرعه فقد علمت أن اسر غاضب طرقت الباب ثم انتظرت حتي اذن لها بالدخول
هند : حضرتك عايزني
اسر بجديه : انا طلبت من مين يجيب الورق
هند بتوتر : مني
اسر بجديه شديده : وليه الانسه التانيه الي جابتلى الروق
هند : والله يا اسر بيه هي الى طلبت انها تجبهولك
اسر بجديه شديده : انا مليش دعوه بيها انا قولتلك انتي المره دي مش هعاقبك علشان ده اول يوم ليا في الشغل بس المره الجايه هيكون في كلام تاني
هند بتوتر من كلامه : اسفه يا باشا واوعدك انو ده مش هيحصل تاني
اسر : انتي هتبقي السكرتيره بتاعتي فهشوفك كتير انا مش بحب الكلام الكتير وشاور لها بيده تجاه الباب فهمت مسرعه لكي تخرج
اسر بجد وهو يشير بيده تجاه الورق : الورق يا انسه
فركت مؤخرة رأسها بتوتر : اسفه يا باشا
ووضعت الورق على المكتب : عن اذنك يا باشا
ثم خرجت وكاد الخوف ان **
حمحم آسر فور خروجها : ايه الغباء ده
*************** خرجت مروة من غرفتها وهي تقول : نعم يا اسماء لسه عايزه مننا ايه
اسماء : جايه احكيله كل حاجه
ضربت كف على آخر وهي تقول بضيق : يا شيخه حرام عليكي مش كفايه الى عملتيه فيا وفيه وفبنتك وفنفسك انتي عايزه ايه بالضبط بتعملى كده ليه الله ياخد اليوم الى عرفتك فيه يا شيخه كان زماني عايشه مبسوطه ليه ربنا يهديكي يا شيخه مش هقولك اكتر من كده واتفضلي بره يلا إبتسمت أسماء ببرود ثم قالت : انا مش طالعه قبل ما اقول على كل حاجه…..
.
.
هل ستحكي له الحقيقه….
ما هي الحقيقه…. الفصل السابع “سبحان الله وبحمده سبحان الله العظيم” _ بردو مش هسيبك الا لما تحكيلي في حاجات كتير عايزه اعرفها.. انتي غامضه اوي يا سو
نطقتها ليلي بحنق فجاوب سيدرا : غامضه ايه يا بنتي _ ماشي يا سيدرا _ ليلي متتقمصيش ليلي بدراما : انتي مش معتبرني صحبتك وانا اوعدك يا ستي معتش هتكلم معاكي إلي في الحدود _ دا انتي الى في القلب يا هبله
_ عن اذنك هكمل شغلى _ بت أنتي فوقي كده في الاستراحه هبقي احكيلك
ليلي متابعه إصطناعها بالحزن والأسف : براحتك يا ستي
سيدرا بضحك : ايه البوظ ده اعوذ بالله بطلى بقا هحكيلك في البريك يلا كله على الشغل علشان متعصبش
ضحكت ليلي بقوة قائلة : تحت امرك يا آنسه سيدرا الملاك الشرس 🍒
زينب فراج zeinab farag 🍒 في منزل نور….
احمد والد نور : ايه يا نور هتفضلي كده
_ كده ازاى يا بابا
_ انزلى كلى بره اعملى اي حاجه متقعديش كده
حجبت مقلتيها سحابة شفافه وهي تقول : أخرج مع مين يعني يابابا ما سيدرا سافرت وسبتني
ضمها والدها الى صدره بحنان فهي إبنته الوحيده يحبها كثيرا وما ذاد حبه لها شبها لوالدتها المرحومه : وانا رحت فين يا نور دا انتي النور الى بشوف بيه.. قومي يلا البسي هخرجك انهارده طول اليوم وهنروح ناكل كريب وبيتزا ايه رايك
نور بتعب : مش عايزه اخرج يا بابا
هز والدها رأسه بحزن مصطنع قائلا : وانا الى كنت هشوف سيدرا قاعده فين واوديكي عندها بس خلاص بقا
إبتسمت بقوة مردفا : بجد يا بابا
_ بجد يا حبيبه بابا بس بشرط تقومي يلا علشان نتفسح عايز اخرج بره البيت المنتن ده _ تصدق عندك حق هو منتن فعلا …. ثم أضافة بفرحه : هقوم ألبس يا أبو حميد
ضحك الأب على طفلته وتمني من قلبه أن تظل سعيده طوال حياتها _________________ تحدثت نادين بصدمه آثر الكلمات التي قصتها لها صديقتها : انتي بتقولى ايه اسر اشتغل في الشركه
دعاء (صديقه نادين) : ايوه يا بنتي مشوفتيش الجرايد ولا ايه دا الدنيا كلها مقلوبه اسر الجراحي يمسك اداره اكبر شركه مقاولات في مصر والشرق الأوسط
_ ازاى وانا معرفش _ آسر بقا حاجه كبيره اوي ومكنز _ اقفلي يا دعاء علشان عندي حاجه مهمه
أنتهت نادين مع دعاء واتصلت على جدها وبعد فتره من السلام قالت بعتاب داهيه : لسه فاكر يا جدو يعني متتصلش إلا لما اتصل هو انا مش حفيدك زي آسر ولا هو بقا واخد الحب كله
_ انا برده يا بكاشه انا سايبك براحتك علشان تخرجي وتتفسحي انتي لسه طالبه لما تتخرجي هتشوفي انا هعملك ايه
نادين بحزن مطصنع : كده يا جدو آسر يمسك اداره الشركه من غير معرف هو انا غريبه
خالد : كل حاجه حصلت بسرعه يا حبيبتي.. هو انتي هترجعي امتي يا نادين _ على بكره كده يا جدو علشان اجي ابارك لآسر بقا على الشغل الجديد _ تيجي بالسلامه يا حبيبت جدو قلبت عينها بملل وقالت بحب ظاهري : الله يسلمك يا احلى جدو
___________________ في مكان عملهم كانت ليلي تجلس أمام سيدرا فقالت : يلا احكي مين زياد وايه حكايتك كل حاجه من الألف للياء
سيدرا : بصي يا ستي بابا مات وانا صغيره وعشت حياتي كلها مع ام قاسيه انا عارفه انها بتحبيني بس نفسي اعرف هي كانت بتعملني كده ليه عقدت ليلي حاجبها مستفسره : هي كانت بتعملك ازاى
سيدرا بانكسار : شويه تضربني وبتعملني وحش وساعات كنت بنام بره البيت اخره مره طنط مروه خادتني وعشت معاهم
_ مين طنط مروه؟! سيدرا : طنط مروه دي بحسها امي التانيه وتبقي ام زياد قبل ما تسالى مين زياد … زياد ده انا كبرت وكان هو السند بتاعي بصراحه بحبه من وانا صغيره هو ونور اغلى ناس في حياتي هما كل حياتي نور تبقي صديقه عمري هي وزياد يبقو ولاد خاله وهما الى كانو مصبرني على حياتي لما امي كانت بتطردني من البيت هما الى كانو بيقفو جنبي ولما ماما كانت عايزه تجوزني ليلي بصدمه : ايه تجوزك؟!
اجهشت سيدرا بالبكاء وهي تقول بوجع : كان في واحد غني كنت بشتغل عندهم مربيه لحفيدته عايز يتجوزني بس انا رفضت فطبعا يومها بت برا البيت وبعدين المشاكل بدأت تكتر بسبب قله الفلوس فقالتلى معتيش داخله البيت إلا لما تيجيبي فلوس وطنط مروه خادتني وعشت معاهم لحد ما خلصت امتحانات ويوم ما كنت جايه زياد علشان يخليني مبسوطه جبلي ماما علشان تودعني بس هي بطريقتها خلتني كرهة حياتي فمشيت من غير الموبايل الى زياد كان جيبهولى علشان يطمن عليا منه بس دلوقتي هو ميعرفش انا فين و انا شايفه انو كدا احسن علشان ينساني هو يستاهل واحده احسن مني
بعد جملتها الاخيره بدأت بالبكاء بشده ووقفت ليلي وضمتها بحنان بعدما كانت ممسكه يدها : أن شاء الله كل حاجه هتتحسن وبعدين انا جانبك وهفضل معاكي على طول بطلى عياط بقا يا سو
لم تكن سيدرا بالفتاه الضعيفه يوماً من الخارج لكنها من الداخل دوما هشه بسبب العوامل المحيطه بها.. لم تجد أب ولا حتي أم تحنو في قسوة أيامها.. حتي الأخ لم تجده..
_ هما وحشوني اوي وماما كمان هي مش وحشه لما كانت بتتضربني مكنتش بتنام الى لما تيجي تبوسني وتحـ,ـضني وهي مفكره انو انا مش عرفه بس كنت بفضل صاحيه لحد ما تيجيلي نفسي اعرف هي ليه بتعمل كده ليه مش عيزاني انا وزياد مع بعض بحسها بتعاقبني
صبرتها ليلي بالإيمان : ربنا مش بينسي حد واكيد هتعرفي كل حاجه ولو زياد بيحبك بجد هيفضل مستنيكي يا سيدرا ونور وطنط مروه وانا وماما كلنا جنبك يا حبيبتي
_________________ دلف يزن إلي مكتب آسر وهو يقول بهدوء : قالولى ان حضرتك عايزني يا آسر
اسر : اتفضل يا باشمهندس
جلس يزن على الكرسي قائلا بهدوء : خير حضرتك
آسر : انا عايز اعرف كل حاجه مطلوبه مني في المشروع ده كل التفاصيل يعني _ معلش يا اسر هو انت بتلحق تتحول امتي اديني بس المعاد
_ باش مهندس كلمه زياده وهتبقي مرفوض رسمي يزن : خلاص يا عم الامور اهدي كده اسر بجديه شديده : اسمي اسر بيه او هعمل حساب انو لوالدك 15% من أسهم الشركه تقدر تقولى اسر مع مرعاه الحدود رفع يزن حاجبه قائلا بإستنكار : كتر خيرك بصراحه _ انا مكنتش اعرف انك كده انا اسمع عنك انك جد يا يزن بيه يزن وهو يضع يده على فمه لمنع ضحكته الباردة : سوري سوري انت عايز مني ايه صاحبي اللى عمري ما اتكلمت معاه كلمتين جد يبقي مديري في ساعه مش فاهمك والله
_________________ _ انا لازم ارجع القاهره بسرعه
قالتها نادين وهي تلملم حقائبها للعوده الى القاهره خرجت من غرفه الفندق بعدما جهزت حقائبها ولكن كان هناك شخصا على الباب مستند بديه اليسرى على طرف الباب ويده الاخري في جيبه فقال ببرود : القمر رايح فين
ضربته نادين ببرود على صدره : وسع يا اشرف من خلقتي لازم ارجع القاهره أشرف ببسمه لعوبة : اوبا القاهره مره واحده يا دودو
ثم مسك بعض من خصيلات شعرها يرامقها من أعلى لأسفل فقالت بغيظ : عديني يا زفت أتأخرت
مسكها اشرف من يديها بقوه وادخلها الغرفه ومن ثم اوقعها على السرير وكان فوقها : ازاى يا روح الزفت انتي مفكره ان انا هسيبك كده بالسهل
ثم قال بغضب : لاء يا ماما يبقي انتي ما تعرفنيش حاولت ان تهدأ من روعته فهو عصبي جدا ولا داعي للمشاكل الأن : هو انا اقدر برده يا روحي انا بس كنت راحه علشان الحق الفلوس قبل ما آسر يحوش عليهم تحدث أشرف مستفسرا : هو الموضوع ده حقيقي
_ اه حقيقي شوفت بقا اني خايفه على مصلحتنا _ مصلحتنا برده مش مصلحتك لوحدك _ انا برده يا بيبي _ مش هترجعي انهارده يا روحي لما نتسلي ابقي ارجعي يلا قومي كده غيري واعملى اي حاجه
تحدث بإزدراء لأفعاله التي تضيع وقتها دون رغبة منها : ازاى يا اشرف الفلوس هضيع مننا
اشرف بضيق : انا مبحبش الكلام الكتير قومي اعملى الى قولتلك عليه
تأفأفت وقالت : حاضر
ذهبت نادين لكي تبدل ملابسها وتفعل ما يرده منها….
نعم فهذه حياة نادين وايضا اشرف لا يخافون الله لا يضعون الأخره ضمن حسابتهم
*************** زياد بضيق : قولي الى عندك وخلصينا
تحدثت اسماء ببرود : زياد انت
قاطعة مروه حديثها فهي تعلم ما سيسببه حديثها من مشاكل : اسماء اطلعي بره بيتي _ مش هطلع قبل ما اقول على كل حاجه _ في ايه يا ماما سبيها تقول
إبتسمت أسماء ببرود قائلة : انا اصلا لازم اقول تنهدت مروه وهي تقول بجمود لعلها تستفيق قبل أن تقص له ما جاءة لأجله : انتي الى هتخصري وهتخصري كتير
نظرت لها اسماء بتنهد…
★★★ وقف يزن أمام المطار في إنتظار شقيقته وعندما رأها تقدم منها وضمها له قائلا بشوق : وحشاني اوي يا لولو لارا : انت اكتر بجد وحشني ومصر وحشاني… ثم ابتعدت عن حضنه قائله : انا رجعتلك يا مصر قاهره قلوب العالم رجعت ورجعت بقوه هز يزن رأسه بيأس قائلا : هو انتي مش بتعقلي يا ماما
نظرت له مستنكره وقالت : أعوذ بالله ايه الكلام العيب ده يا زونه
جذبها يزن من خصلات شعرها وقال بغيظ : زونه ايه يا جموسه
أحكمت لارا على يداه التي تشد خصلات شعرها : براحه يا يزن بتوجع والله
ترك هو خصلات شعرها وقال : يلا يا اخر صبري
لارا : يلا عايزه ارتاح عايزه اصيع في مصر ام الدنيا
هز رأسه بضيق قائلا بنفاذ صبر منها قبل الجلوس عشر دقائق : إمشي يا لارا علشان مزعلقيش لنعود لبيت مروه حيث كانت أسماء تخرج صوتها وتنهال على مسامع زياد ما لم يتوقعه يوماً : انت وسيدرا تبقو اخوات…!!
…………………. البااارت لسه مخلص متتصدموش🤭😂.. حبيت اقولكم بس متنسوش تصوتو للروايه..
يلا نرجع ……………………..
رفع شفتيه في أستنكار قائلاً : انتي اتهبلتي يا وليه انتي
هزت رأسها بالنفي وأضافت : زي ما بقولك بالضبط انت وسيدرا تبقو أخوات من أب
نفي حديثها بإقتناع تام : ازاى يعني هي اسمها سيدرا حسن و انا زياد عبدالله
بدأت أسماء بالقص له ما حدث منذ سنوات ليست بقليلة : زمان انا وامك كنا اصحاب اوي زي الاخوات يعني وبعدين لما شوفت ابوك هو غواني وانا طوعته بعدين كنا مقضينها بس انا عمري ما فكرت فعواقب الموضوع ده بعد سنه إكتشفت أني حامل في سيدرا وهو قالى لازم تنزليها بس انا طبعا موفقتش وهو رفض حتي انو يكتب عليه روحت قولت لمامتك وهي رفضت انها تعيش معاه وانا والله كنت ندمانه مكنتش احب اغدر في صاحبه عمري هو سابني ومشي بعد لما امك طلبت الطلاق وسجلت سيدرا باسم والدي
مازال لم يعي الموقف فقال : وانتي جايه تقوليلي ليه دلوقتي !!
جاوبته ببرود وكأنها لم تصدمه بما لم يأتي بخاطره برهة : علشان علاقتك مع سيدرا تلزم حدها حكم زياد على كتفها وهو يقول بنبرة مختنقه من حبس الدموع : قوليلي انك بتكذبي انت مش عيزاني اتجوزها صح !!
ثم اكمل ببكاء : بس انا مش اخوها … انا مش اخوها أبعدته والدته عن أسماء وهي تقول : خلاص يا زياد اهدي يا حبيبي
تبدل صراخه لوالدته وقال : اهدي ازاى واحده جايه تقولي انو البنت الوحيده الى حبيتها تبقي اختي المفروض اعمل ايه اقولها الله والله بجد تصدقي فرحت
ضمته مروه الى صدرها بحنان أموي تعلم كم يحبها زياد وهي أيضا تبادلة نفس الشعور : خلاص يا حبيبي دفعها زياد عنه وقال بغضب : ابعدي عني انتي ازاى تسيبيني احب اختي انتو واعين للي انتو عملتوه انتو سبتوني أحب أختي منكم لله
تحدثت مروه بصدق : والله يا بني مكنت اعرف انا لسه عارفه من قريب ومكنتش عارفه اقولك ازاى
نظر لوالدته بغضب قائلا : انا معتش عايز اشوفك
ليخرج من المنزل وهو لا يري أمامه من كثر البكاء لتقول مروه بضيق : ارتحتي يا اسماء يارتني ما شوفتك يارتني مدخلتك بيتي اطلعي بره
خرجت اسماء وكانت حزينه جدا من حال زياد وتتخيل حال ابنتها عندما تعلم الحقيقه فهذه الحقيقه سوف تكسرها…