مأساة حورية ١

#مأساة_حورية #البارت_السادس #بقلم_فريدة_احمد حورية بزهول… يعني اللي بتخو،، ني معاها واحدة من هنا.من نفس البيت عايشة معانا هنا !!!.. بتخو،، ني مع مرات اخوك كانت بتكلم نفسها بزهول وهي الصدمة ملجماها حرفيا كملت وهي حاسه انها هتتجنن…. طب مين فيهم.. رشا ولا هنا.. ماهو مفيش غيرهم عايشين معانا في البيت قامت وهي بتلف حوالين نفسها وهي حاسة ان قلبها هيقف من الصدمة

قعدت وحطت ايدها علي دماغها وهي بتحاول تستوعب وبتقول في نفسها بجنون… ياتري مين فيهم…. مش معقول هنا. دي روحها في كريم من وهما صغيرين.. غير ان هنا ساكنة في الدور اللي فوق مننا.. يعني لو هي مش هتقولو هطلعلك هزت راسها برفض وهي بتستبعد هنا تماما لكن قالت بشك .. تبقي رشا. اكيد رشا الحرباية رجعت هزت راسها برفض تاني وهي مش قادرة تصدق وقالت… لا لا لا. مش معقول هو يخـ، ون اخوه.. وهي برغم وسا،، ختها مش هتوصل بيها تخو،، ن امجد

كملت بحيرة… طب هتكون مين جحظت عيونها بصدمة وقالت بهمس… رباب.. هي اكيد هي رباب مفيش غيرها. . بنت الكلب عينها منو من زمان. ودايما بتحاول تقرب منو ” ودي تبقي واحدة من جيرانهم متجوزة بس دايما حورية بتلاحظ انها عينها من محمد. وده بحكم طريقتها معاه اللي بتوضح كده. دايما بتحاول تقرب منو. نظراتها ليه. دايما بتتعمد توقف تتكلم معاه وهزاراهم مع بعض،،من الاخر عينها منو. وبالنسبة لحورية بعد ماشافت الرسايل علي تليفون جوزها كانت متأكدة بنسبة 99% انها هي. كل حاجه قدامها بتثبت انها هي ” رباب ” مفيش غيرها. هي اللي محمد بيخو،، نها معاها

كل ده كان بيدور في دماغ حورية وهي في دوامة وهي هتتجنن بمجرد ماشافت رسايله علي الفون اللي كانت من اكونت فيك،، واحدة متعرفش هويتها مفيش اي بيانات ليها علي الاكونت. بس كل الشات اللي مابينها هي وجوزها عبارة عن.. “هنيم الولاد واطلعلك” واخري ” بما ان مراتك مش موجودة هطلع اقضي الليلة معاك وادلعك ” ورسايل كتير كلها بتثبت ان الست اللي بيخو،، نها معاها واحدة قريبة جدا منهم وعارفة كل اللي بيحصل في البيت

وطبعا حورية شكها كلو اتحول نحية رباب … اما عند امجد اللي بعد ما مسك تليفون رشا وفصصو ملاقاش اي حاجة بتثبت انها علي علاقة باخوه ولا باي راجل من الاساس و ده لان رشا زكية جدا ودايما بتعمل حسابها ان فونها يوقع في ايد جوزها او اي حد ايا كان، كانت مأمنة نفسها واي مسدج كانت بتبعتها ل محمد من الاكونت الفيك كانت بتحذفها من عندها ومكانتش بتبين هويتها حتي في الرسايل اللي كانت بينهم. يعني بحيث ان اي حد يشوف الرسايل دي علي تليفون محمد مايعرفش ولا يشك انها رشا من الاساس

اما عن الاكونت الفيك كانت بعد كل شات بينهم بتحذفو اصلا من علي فونها ولما كانت بتحب تتراسل مع محمد تاني كانت بتفتحو بالرقم السري تبعت منو وترجع تحذفو من علي الفون وهكذا .. حورية وامجد كل واحد فيهم كان برج من عقله هيطير، كانو في حيرة، الشك دخل قلوبهم وسيطر عليهم حورية متاكدة ان جوزها بيخو،، نها في شقتها وعلي سريرها بس للاسف مش عارفة تتاكد مين هي الست دي امجد متاكد ان في حاجه بين مراته واخوه بس بردو للاسف مش عارف يمسك دليل واحد عليهم

عدي اليوم عليهم من غير مايغمض ليهم جفن هما الاتنين ونا،، ر الشك بتاكل فيهم ……………… تاني يوم نزل كريم من شقته وهو بيقول… فين هنا ياما وده يبقي اخوهم التالت واصغر واحد فيهم ردت قدرية بسخرية وقالت …. هتكون فين السنيورة. لازقة عند امها طبعا.. هي بتيجي من هناك. كريم… وفيها ايه هي عند حد غريب. قدرية بغضب… لا ياخويا. بس الحال المايل ده ميعجبنيش.. هما مجوزينها علشان تسيب بيتها وتفضل معاهم.. دي مبتجيش غير علي النوم يابني. هي دي عيشة

كملت بستهزاء وقالت…. بس هقول ايه ماهو لو ابني حاكمها وشاكمها كانت هتبقي عامله حسابه وتفضل في شقتها وتبطل تنطيط. بس انت مش عارف تحكمها كريم بغضب… اماااااا. انتي عارفة ان ابنك راجل ف بلاش الكلام ده. . و عارفة انها بتحترمني واوي كمان وعمرها ماك\سرتلي كلمة…ف طلعي هنا من دماغك قرب قعد بضيق وهو بيطلع سيجارة بس ملاقاش الولاعة في جيبه بص ل سمر اخته اللي قاعدة مشغولة في فونها وقال… قومي يابت هاتيلي الولاعة

سمر بضيق قامت وهي بتقول… اوووف كريم…. لو قومتلك هخلي وشك والارض واحد مشيت وهي بتمتم في سرها وبتقول…اتشطر علي مراتك ياخويا رشا اللي قاعدة بتنقي في الرز بصتله وقالت بضيق… طب وبالنسبة انها مابتحطش ايدها في شغل البيت. ده ايه. هي مش احسن مننا ياكريم كملت بحقد… مش تبقي متستتة واحنا اللي نطبخ ونشيل الطين كريم…. هنا لسه بتدرس وعندها مذاكرتها، دا غير انها حامل. عايزينها تعملكم ايه سمر جابت الولاعة وقالت بضيق وهي بتديهالو… خد اهي

كريم… افردي وشك ياروح امك وقام يولع السيجارة ويشربها بره … في بيت عمه : خلي بالك ياروح امك. قدرية دي حيزبونة ومش هترتاح غير لما تقلب جوزك عليكي هنا… ياماما انا اكتر واحدة عارفة سمها. بس كريم بيحبني ومهما تحاول تسخنو من نحيتي مش بتعرف لانو مابيسمعلهاش اصلا اختها الكبيرة… خلي بالك وخلاص ياختي انتي مش انصح منها. دي وليه قادرة.. انتي مبتشوفيش بتعمل ايه مع حورية.. دي كل يوم والتاني تتسببلها في علقة من جوزها

هنا.. ياجماعة هي بتعمل كده مع حورية علشان مش بتخلف امها بتمني…. ربنا يديها يارب ويراضيها دي تستاهل كل خير هنا وسهي امنو علي دعائها وهنا كملت وقالت… دا غير بقا ان محمد غير كريم خالص. محمد بيسمع لامه وغير كمان انه طبعه وحش وعصبي. مبيعرفش يتكلم غير بإيده سهي قالت بسخرية … علي اساس ان كريم اللي غلبان اوي ياختي..اللي يسمعك ميقولش انو مربيلك الرعب كملت بضحك… دانتي لما بتبقي عاملة عاملة وخايفة منو بتبقي هتعمليها علي روحك وبتقفي قدامو زي الفار المبلول

هنا بغيظ… منك لله. بوظتيلي هيبتي خالص سها بضحك… طب مش كده ياماما نڤين امهم بضحك… حصل. والرعشة بتمسكها. اللي عاملة فيها سبع رجالة في بعض دي هنا بصتلهم بغيظ وقالت….هو انتو هتحفلو عليا ولا ايه.. وبعدين انا مبخافش من حد. كل الحكاية اني بحترمه بس في اللحظة دي اتنفضت مرة واحدة لما سمعت صوت كريم بينادي عليها من بره بغضب لما قال….ياهنااااا. انتي ياااابت بلعت ريقها برعب وهي بتقول بزهول… احييييييه.احيييه عليا ربنا يستر

كملت بخوف .. هو مالو بينادي عليا بزعبيبو ليه وابتدي جسمها يترعش كعادتها لما تخاف وهي بتقول برعب… هو هيعمل فيا ايه. ولا انا عملت ايه. يارب نجيني يارب دا انا غلبانة وهي بتاخد تليفونها بسرعة علشان تخرج له لاحظت سها اللي عمالة تضحك علي منظرها وهي بتقول واضح انك مش بتخافي خااالص هنا بغيظ… مش عيب يعني لما اخاف من جوزي وجريت علي بره بسرعة لما سمعت كريم تاني وهي بتقول…. ن نعم ج جاية ا اهو

خرجت لاقيته واقف والغضب باين عليه وقبل م\اتتكلم قالها…. بتعملي ايه عندك ياروح امك هنا بخوف… ف في ايه ي يا كريم. ك كنت قاعدة مع ماما شوية وسها. سها جات النهاردة جيت اسلم عليها كريم خدها ودخل البيت وهو بيقول … طب خفي شوية ياروح امك واتكني في شقتك. مش كل ماهرجع من بره ملاقيش امك في البيت كمل بتحذير…متتكررش تاني علشان لو رجعت في يوم وملاقكيش في الشقة ه هنا قاطعته بسرعه … حاضر والله حاضر.. بس هو انا يعني عملت ايه ل ده كله. وفيها ايه هو انا بروح عند حد غريب انا بكون عند ماما

كريم… انتي اتجوزتي ياماما وبقيتي مسؤلة عن بيت. اكبري بقا. مش كل شوية هجيبك من عند امك هنا حاولت تجر ناعم وتهديه قبل مايدخلو ورشا وقدرية يشمتو فيها وقفت في مدخل البيت قبل مايدخلو شقة امه و قالت بدلع… طب وهو انا يعني كنت قصرت معاك ياكيكو كريم… ااه. مقصرة واوي كمان هنا قربت باسته وقالت… علشان بس الحمل ما انت عارف بعدت وقالت بعد مامدت ايدها وبدأت تحركها باغراء من فتحة قميصه وميلت وباسته في المكان ده وبعدين قالت… الفترة دي بس تخلص والدلع هيرجع تاني. واقوي من الاول كمان

وقربت باسته تاني بقلم فريدة احمد كريم بعد مابلع ريقة برغبة لكن اتمالك حاله و رجع رسم الجمود علي وشه وقال… بت انتي. دلع امك ده مش هياكل معايا.. تترزعي في البيت هنا وتبطلي تنطيط كل شوية عند امك. مش كل شوية هجيبك من عندهم هنا… وهو انا يعني بسافر دا الحيطة في الحيطة. كريم… بردو تترزعي في شقتك هنا بدلع…. امرك ياحبيبي عض علي شفته بغيظ وقال وهو بيشاور لها علي جوا .. طب قدامي ياروح امك

دخلو وبمجرد ماشافتهم قدرية قالت بسخرية…. ابقي خلينا نشوفك ياهنا. دا نتي بتوحشينا برغم انك قاعدة معانا في نفس البيت هنا برغم انها عارفة انها بتتمسخر عليها قالت ببتسامة مستفزة …. والله يامرات عمي مش اكتر مني انتي كمان بتوحشيني مووت. بس انتي عارفة الجامعة والمذاكرة واخدين كل وقتي قدرية…. وهي الجامعة والمذاكرة اتنقلو عند امك ياروح امك هنا…. لا بس انتي عارفة مش بعرف اذاكر غير عند ماما. علشان الجو عندهم هادي وبعرف اركز اكتر

قدرية…. وهو حد هنا بيقلق سيادتك اتجاهلتها هنا و بصت لرشا وحورية اللي قاعدين بيعملو محشي رشا بتقور بتنجان وحورية بتحشي ورق عنب ف قالت…. ايه ده الله انتو بتعملو محشي وجهت كلامها لحورية وقالت…. طب ابقي زودي ورق عنب ياحور. انتي عارفة انا وكريم بنحبو. وحطي بقا دبس رمان كتيييير حورية بصتلها بضيق وغيظ لكن متكلمتش و هي كريم خدها وطلعو علي شقتهم وهو بيقولها اطلعي قدامي قبل ما يولعو فيكي الله يخربيتك رشا بصت لقدرية وقالت…. البت دي علت ضغطي ياخالتي

قدرية…. ومين سمعك. دي هتجلطني ……. في بيت اهل حورية : مالك ياعليا قالتها نورا مرات عماد اخو حورية باستغراب ل علياء سلفتها اللي كانت قاعدة سرحانة علياء بصتلها وقالت…. انا متضايقة اوي علشان حورية حاسة انها مش كويسة. هتلاقي حم\اتها ممرمطاها وجوزها. ربنا يسامحك ياطارق انت وعماد.. انا قلبي واجعني اوي علي البت نورا بضيق…. وهي كانت من بقيت اهلك ياختي. م\اتولع حورية.. محسساني انها اختك مش اخت جوزك بصتلها علياء وقالت…. بس انا بعتبرها اختي. انا مشوفتش منها حاجة وحشة. هكرها ليه.

كملت بغضب…. انا اللي مش عارفة هي عملالك ايه.بتكرهيها ليه. طلعيها من دماغك بقا. وبطلي تغلي وتحقدي عليها. دانتي من كتر ما بتغلي منها بقيتي تكرهي نفسك. اوعي تبلعي ريقك يانورا لاتتسمي نورا….حيلك حيلك. انا لابكرها ياختي ولابحبها. وبعدين حورية مين دي العيلة اللي هحطها في دماغي علياء… اديكي قولتي عيله. دا الفرق بينكم يجي عشر سنين نورا…. لا ياختي 8 بس. علياء… وهي فرقت يعني نورا…. اه ياختي انا لسه صغيرة علياء…. طيب يا نغة. ياريت تبطلي تقسي جوزك عليها. البت مش ناقصة. كفاية اللي جوزها واهله بيعملوه فيها. مش هيبقي اهلها كمان

نورا… وانا مالي ياختي انا مبتدخلش بينو وبين اخته علياء بسخرية…. والله ……………. عند حورية طلعت شقتها بتعب شالت الطرحة من علي راسها وقربت قعدت علي الكنبة وهي بتقول بقرف… ربنا يتوب عليا في اللحظة دي رن تليفونها اللي اول مابصت فيه قالت باستغراب… بيري وردت عليها والتانية اللي اول ماجالها صوتها قالت بحب… حور. وحشتيني اوووي حورية…. انتي كمان. انتي رجعتي امتا ” دي بيري صاحبة مامت حورية ست جميلة وناجحة جدا في شغلها. في الثلاثينات من عمرها يعني اكبر من حورية بسنين بس بيربطهم صداقة جامدة اوي لانها بتعتبرها اختها الصغيرة ”

بيري…. رجعت من يومين حورية…. متعرفيش انتي وحشاني قد ايه بيري…. يعني كنتي سألتي عليا يا جزمة.. المهم عاوزة اشوفك.. م\اتيجي تقعدي معايا يومين حورية… لا طبعا يومين ايه. هجيلك اسلم عليكي وارجع علطول. فريدة احمد بيري بإصرار…. مش هتنازل عن اسبوع تيجي تقضيه معايا. انتي وحشاني عاوزين نعقد نحكي مع بعض بقيلي سنة مشوفتكيس كملت وقالت… علي فكرة كنت هجيلك بس بصراحة محبتش اقابل الحربوقة قدرية… المهم قولتي ايه. هتيجي ماشي حورية…. مش هينفع يا بيري محمد مش هيوافق

بيري…. جربي يمكن يوافق. ادلعي عليه كده وان شاء الله يخليكي تيجي.. الا قوليلي عاملين ايه مع بعض دلوقتي. حورية الحزن ظهر علي وشها لكن قالت … احنا تمام بيري…. بجد ولا بتقولي كده.. اصلي عارفاه هو امه. طمنيني عليكي ياحورية حورية بهدوء… اطمني يا بيري انا كويسه بيري…. مع اني حاسة انك حزينة. بس هعمل نفسي مصداقاكي لحد ما اشوفك. المهم حاولي تيجي تقضي يومين عندي زي ماقولتلك حتي تغيري جو وترتاحي من وش قدرية شوية

حورية ابتسمت غصب عنها لكن قالت…صدقيني مش هينفع. بس بكرة هحاول اجيلك اسلم عليكي وارجع علطول … فات يومين امجد سافر يشوف شغله بس قبل مايسافر قرر يراقب رشا وحطلها كاميرا قدام شقة اخوه بحيث لو طلعت له الشقة يعرف حورية هي كمان قررت تكشف جوزها ومن غير مايحس لانها محبتش تحسسه انها عارفة بخيا،، نته اصلا ادتله الامان علي الاخر بس قررت تراقبه من غير مايحس ولانها بتفهم في الهكر

اخدت تليفونه وهو نايم وفتحته وقدرت تهكره يعتبر نقلت تليفونه كلو بكل مواقع التواصل الاجتماعي تبعو عندها علي فونها يعني اي رسالة هتجيلو علي فونه من اي ايميل هتظهر عندها دا غير كمان مكتفتش بكده جابت هي كمان كاميرا وحطتها في اوضة النوم بحيث تعرف مين اللي بتجيلو ولانها متاكده انها لو غابت عن البيت يومين بس اكيد هتجيلو فريدة احمد وساعتها هتعرف هي مين وتكشفه ف خطرت في بالها فكرة انها تروح تقضي يومين عند بيري زي ماطلبت منها علشان الجو يخلي لجوزها وعشيقته وقررت تحاول معاه يخليها تروح عند صاحبتها

.. كانت حورية في المطبخ بتحضر اكل لجوزها كانت بتحاول تشجع نفسها تقوله علي موضوع مرواحها عند بيري جابت الاكل وحطته قدامه محمد…. اقعدي قعدت بس مكانتش بتاكل محمد….. مش بتاكلي ليه حورية…… كلت من شوية كملت بتردد وقالت… هو انا ممكن اطلب منك طلب محمد بصلها… عاوزة ايه بلعت ريقها وقالت بعد ماشجعت نفسها…. ک كنت عاوزة اروح لبيري محمد… روحي حورية….بس انا عاوزة اقضي معاها يومين محمد بصلها وقبل مايرفض قالت هي علطول…. انا زهقانة وبقالي كتير مش بخرج. عاوزة افك عن نفسي شوية. وكمان هي كانت مسافرة بقالي اكتر من سنه مشوفتهاش

كملت بترجي…. وافق علشان خاطري محمد… ابقي روحي. بس هما يومين حورية هزت راسها بالموافقة … حاضر وقامت وهي بتقول بفرحة… هروح اجهز بقا … بعد وقت كانت وصلت عند بيري اللي اول مافتحت ليها الباب ابتسمت وقربت حض\نتها وبيري حض\نتها بحب واشتياق وهي بتقول…. وحشتيني ياصغنن بيري خدتها ودخلت وهي بتقول…. محضرالك خروجة هتعجبك اوي بس الاول هناكل واسيبك ترتاحي شوية وبعدين بقا نخرج نصيع زي ما احنا عاوزين حورية ابتسمت عليها وقالت… لسه زي ماانتي يابيري

بيري… اللي ليه حاجة عندنا ييجي ياخدها … في اخر الليل محمد رجع من برا وطلع علي شقته كانت رشا منتظراه في البلكونة بعد ماعرفت ان حورية هتغيب عن البيت كام يوم وكانت مبسوطة جدا خصوصا ان امجد كمان سافر وبمجرد ما شافت محمد داخل علي البيت دخلت من البلكونة بسرعة ومسكت تليفونها وفتحت الاكونت وبعتتلو كلمة واحدة فقط ” هطلعلك ” وفضلت منتظرة يرد عليها محمد فتح الفون وشاف الرسالة وهو بيدخل شقته رمي الفون علي السرير وبقي يغير هدومه وهو مش مهتم ونام علي السرير بتعب من غير ما يرد علي رسالتها

لكن مرة واحدة قام وهو حاسس بزهق لانه معرفش ينام ومسك تليفونه ورد عليها ” اطلعي” كل ده وحورية متابعة علي تليفونها وهي فاتحة الكاميرا وهي مستنية تشوف مين دي اللي هتطلع له وهي قلبها حرفيا بيدق بعنف .. عند رشا اول ما محمد رد عليها قامت بسرعة لبست احلي قميـ ص نو، م عندها وبعد ماظبطت نفسها علي الاخر كعادتها سحبت عباية سمرا مفتوحة من قدام ولبستها فوق قميـ ص النوم وفتحت باب شقتها بهدوء و

يتبع…. #مأساة_حورية #البارت_السابع #بقلم_فريدة_احمد اظن مفيش بارت اطول من كده.. حبيت اعوضكو عن التاخير لبست احلي قميـ ص نو،، م عندها وظبطت نفسها علي الاخر كعادتها،، وبعد ما سحبت عباية سمرا مفتوحة من قدام ولبستها فوق القمـ يص خرجت من اوضتها ناوية الذهاب لاخو جوزها اللي مستنيها في شقته علشان تقضي معاه الليلة في الرذ، يلة فتحت باب الشقه ولسه هتخرج لكن قاطعها المسدج اللي بعتها ليها واللي خلاها جن جنونها لما لاقيته بعتلها “متطلعيش خليكي عندك”

“ليه!! ايه اللي حصل” ودي كانت رسالتها اللي ردت عليه بيها وهي مستغربة رد عليها الرد اللي خلاها في قمة عصبيتها لدرجة حدفت الفون في الحطية من شدة عصبيتها “مليش مزاج ليكي” فضلت تتحرك في الشقة وهي بتتنفس بعنف وهي بتقول بغضب… يعني ايه. مبقتش عاوزني خلاص!!.. شافلو شوفه تانية ولا الهانم وحشته وهي حرفيا هتتجنن .. اما هو قام لبس واخد تليفونه ومفاتيحه ونزل خد عربيته وخرج كانت بتبص عليه من الشباك بغـ ل وهي متيقنه انو رايحلها وهي بتقول… معقول مش قادر تستغني عنها

كملت بحقد وتوعد … ورحمة امي ما هخليك تتهنا معاها بنت الكلب دي وهي بتقول في نفسها بغل… بقالك كام يوم متغير معايا وشيفاك بتعاملها كويس… ايه رجعت تحبها تاني!!!!! كملت بجنون وهي بتقول بحقد … لااا علي ج\ثتي. وديني لاخليك تطلقها وقريب اووي وهي حرفيا هتتجنن من الغيرة طبعا كل دي كانت اوهام في دماغ رشا لان البيه كان رايح لوحدة تانية خالص اقصد تالتة … وعند حورية بعد ماشافت الرسايل بينهم وبعدها شافته من خلال الكاميرا بيلبس وبيخرج تاني

قفلت تليفونها بيأس وهي من جواها ابتسمت بسخرية لانها كانت متيقنة ان السهرة اللي متوفقتش في الشقة هتتم بره عادي مع اي واحدة من الزبا،، لة اللي بيعرفهم اتنهدت بتعب وحزن وحاولت تنام لكن معرفتش لان الحزن اللي كان جواها كان كفيل انه يخليها مايغمضلهاش جفن من التفكير والشك .. تاني يوم في الصباح بيري دخلت الاوضة وهي بتقول…. حوور اصحي ياقلبي وقربت قعدت علي السرير جمبها وميلت باستها وقالت… اصحي ياروحي فتحت حورية عينها وقامت اتعدلت وقالت… صباح الخير

بيري… صباح الفل.. يلا قومي علشان تفطري وقامت اتحركت ناحية الشباك شدت الستارة وفتحت الشباك وهي بتقول… يلا ياحورية بس حورية كانت سرحانة و واضح جدا علي ملامحها الحزن قربت بيري عليها وقالت…. مالك ياعمري حورية بصتلها وقالت بهدوء… مفيش وقامت وهي بتقول.. هروح اخد دش ………. عند هنا نزلت من علي السلم باستعجال وهي بتنادي علي سمر علشان يروحو الجامعة خرجت سمر من اوضتها وهي بتقول…. خلاص خلصت اهو. هنا… طب يلا ياماما علشان اتاخرنا اصلا

وبعدين كريم مستنينا بره من بدري في العربية وعمال يزعق. سمر بضيق…. ان مكانش يعمل الازعرينا بتعتو دي علي الصبح ما يرتاحش وخرجو الاتنين وكان كريم واقف ساند علي العربية وهو في قمة غضبه لكن غضبه زاد لما شاف سمر واللبس اللي لابساه اللي كان عبارة عن بنطلون جينز ضيق جدا وبلوزة كات كريم… ايه ده يابت سمر بلعت ريقها وقالت بتوتر…. ايه. في ايه كريم بغضب…. خشي غيري المسخرة دي قبل ما اكـ سر دماغك. يلااا

سمر برغم خوفها لكن قالت بقوة وعند…. لا طبعا مش هغير. انا شايفة انو كويس كريم قرب عليها بغضب بس هنا علطول وقفت قدامه وهي بتقول…. كريم اهدي وبصت ل سمر وقالت وهي بتحاول تهدي الدنيا … ادخلي ياسمر البسي حاجه واسعة ومقفولة يلا اسمعي الكلام سمر بعند… انا شايفة ان لبسي كويس و قاطعها كريم لما بعد هنا وقرب مسكها من شعرها بغضب وقال… اقسم بالله لو مادخلتي لبستي حاجة كويسة لحبسك وماهتخرجي من البيت. سامعة ياروح امك

كمل بزعيق…. قولت م*ي*** ام اللبس الضيق والعر، يان دا مايتلبسش تاني. مبتسمعيش الكلااام لييييه كمل وهو بيشدد علي شعرها جامد وقالها… بس انتي مصممة تخليني اعيد تربيتك من اول وجديد.. وانا معنديش مشكلة. هفضالك سمر بوجع من مسكته قالت…. حاضر. حاضر هدخل اغيره والله. بس سيب شعري. زقها علي جوه وقال…. اخلصي سمر دخلت تغير وهو وقف يشرب سيجارة بغضب وهو بيقول…. ابو حر\قت ال،دم علي الصبح هنا قربت منو وقالت… خلاص روق بقا ياكيكو

بصلها وقال بغضب …ما تدخلي شعر امك من الطرحة انتي كمان هنا بخوف… حاضر. حاضر و بقت تدخل شعرها من الطرحة وسمر خرجت من جوا وهي مش طايقة نفسها بعد ماغيرت لابسها للبس واسع شوية وركبت العربية بضيق …………………… عند حورية كانت واقفة في البلكونة بشرود بيري جات من ورها وقالت …. مش هتقوليلي بردو مالك حورية لفت ليها… وسكتت بيري…ايه اللي حصل ياحبيبتي. مالك ياحورية حورية بدموع…. تعباانة اووي يابيري اوي. مش قادرة اتحمل.

بصت قدامها وقالت.. فاض بيا خلاص رجعت بصتلها وقالت بيأس… انا نفسي امو،، ت بيري… بعد الشر عليكي. متقوليش كده حورية بدموع…. ماهو اللي انا فيه ده كتير. كتيير عليا اوي يابيري. مش قادرة اتحمل والله ماقادرة بيري قربت حض\نتها بحزن عليها وقالت… متيأسيش. ان بعد العسر يسر وفضلت تلمس علي شعرها بحنان خرجتها من حض\نها وقالت بتفكير… اتطلقي ياحورية حورية…. ولما اتطلق هروح فين.. انا ماليش مكان اروحه يابيري… اخواتي اتخلو عني.. لا دول طردوني من بيت ابويا. قالولي مالكيش شبر فيه.

ابتسمت بوجع وكملت وهي بتمسح دموعها…. حتي امي اللي المفروض تبقا احن حد عليا. لما روحتلها اتخلت عني.. هي طول عمرها اصلا بتتخلي عني بصتلها وقالت… عارفة اللي واجعني ايه. لما روحتلها محسيتش انها حاسة بيا حتي. انا دايما مش فارقة معاها تخيلي بتقولي انتي مابتخلفيش يبقي احسلك عيشي واستحملي وانتي ساكته بقلم فريدة احمد

اتجمعت الدموع في عيونها تاني وقالت… هو انا ذنبي ايه يابيري اني مش بخلف. هو مش كفاية اني اتحرمت من اني اكون ام. ليه الناس مصرين يد،، بحوني بكلامهم. ليه. ليه بيعايروني بحاجة انا ماليش ذنب فيها. دا نصيبي..هعمل ايه.. وانا والله راضية بيه ومش معترضة. بس ليه اتعاير. ومن مين.. من اقرب الناس ليا.اهلي!!!.. متعرفيش انا موجوعة ازاي منهم. وجعي منهم اكبر بكتير من وجعني من جوزي واهله. لان دول اهلي. انتي فاهمة يعني ايه اهلي. اللي المفروض سندي وحمايتي من الدنيا هما اللي بيعملو كده فيا

وفضلت تبكي اوي بوجع بيري… انا حاسة بيكي والله وحض\نتها بحزن عليها …………….. دخل محمد من بره لقي رشا قاعدة علي الكنبة اول ماشافته قامت قربت ليه وقفت قدامه وهي بتقول بشراسة …اهلاا محمد بصلها بحاجب مرفوع وقال بتعجب …نعم رشا… روحت فين امبارح.. كملت بعصبية… سهرت مع مين. هاا محمد… وانتي مالك. وبعدين ابعدي حد يشوفنا وراح يطلع علي فوق لكن رشا قالت… مفيش حد هنا وقربت ليه جامد لحد ماجسـ مها التصق بجسمه واخيرا رقت نبرتها وقالت .. هونت عليك امبارح. بتكرفلي

مدت ايدها تحركها علي وشه بدلع وهي بتقول… وانت عارف اني بمو، ت فيك وبع\شقك.. هونت عليك تسيبني كده وانت واحشني..طب انا بحبك بجنون. اعمل ايه. محمد بعد مابلع ريقه برغبه بص حواليه وقال… هو مفيش حد هنا فعلا رشا بدلع… تؤ.. امك خرجت وسمر و هنا في الجامعة والعيال في الحضانة بقلم فريدة احمد وبمجرد ما عرفته ان الدنيا امان زقها علي الحيط وقرب علي شفا،، يفها وبقي يبو،، سها بر،، غبة وعنـ، ف وهي كانت مبسوطة جدا من جنونه ده وهي بتقربو ليها اكتر وبتتفاعل معاه

بعد فترة بعد عنها وقالها… ابقي اطلعيلي بليل ……… مساءا عند امجد اللي اول ما وصل مكان شغله وفتح مكتبه ودخل شافته اللي كانت خارجة من مكتبها وتلقائي ابتسمت بحب وراحت دخلت وراه علطول قفلت الباب بهدوء ولفت ليه وقربت عليه بلهفة وقالت بعيون بتلمع بحبه… وحشتني. وحشتني اووي قربت حض\نته وهي بتقول… متعرفش لما بتبعد عني ببقي عاملة ازاي ….. عند محمد قام فجأة بعد من جمبها وقعد علي السرير وهو بياخد سجايرو وبيسحب سيجارة وبيولعها رشا قامت اتعدلت وهي بتحاوط رقبته وقالت.. في ايه. بعدت ليه

خد نفس من السيجارة نفخه وبعدين قال بهدوء… انزلي شقتك يارشا. يلا .. عند حورية اللي فتحت فونها بالصدفة وبمجرد شافت الفيديو اللي اتصور اتصدمت من اللي شافته وقالت بهمس وهي مصدومة… رشا يتبع….. #مأساة_حورية #البارت_الثامن #بقلم_فريدة_احمد كانت معاه في السر،، ير لكن فجأة بعد عنها وقال : قومي انزلي شقتك يارشا. يلا وهو بيسحب سيجارة وبيولعها،، كان حاسس بضيق مش عارف ايه سببه قامت رشا اتعدلت وهي بتداري جسمها بالملاية وقالت باستغراب .. بعدت ليه. ايه اللي حصل. ما احنا كنا مبسوطين

: اللي بيحصل بينا ده غلط.. انتي مرات اخويا. فاهمة يعني ايه قالها بضيق وهو بيطفي سجارته اللي ماخدش منها غير نفس واحد لترد رشا بسخرية بعد ماضحكت بشدة وقالت… مرات اخوك.. انت مصدق نفسك. ايه افتكرت فجاة اني مرات اخوك. قام وقف بعد مالبس بنطلونه وبعد ما اداها ضهره قال بعصبية…. انزلي يارشاا قولت قامت من علي السرير ليظهر قميص نو،، مها القصير وقربت ليه وقفت قدامه وقالت بشك…. في ايه.. كملت بسخرية…. ما هو مش معقول ضميرك صحي فجأة من ناحية اخوك. دا انت بقيلك اكتر من سنتين بتنا،، م معايا. ايه فجأة ضميرك صحي دلوقتي

رجعت لشكها تاني وقالت… الموضوع مش اخوك خالص لانك مبتكرهش في حياتك قدو وعمر ضميرك ما وجعك من ناحيته بصتله وقالت… قول كلام غير ده وانا اصدقك.. قول مثلا ان الست حورية وحشتك..ااو انك لايف علي واحدة غيري اليومين دول . زي مثلا اللي كنت عندها امبارح. قولي كده وانا اصدقك محمد… وافرض وانتي مراتي مثلا رشا… لا بس بحبك كملت بثقة وقالت…. وانت ما تقدرش تستغني عني مهما يكون.. ومهما بتلف وتعك بترجع لحضـ ني تاني

حركت ايديها علي صدره العا، ري وقربت باسته و بصتله وقالت… انا عارفة انك مبتحبنيش وقربك مني ر،، غبة. انت بتحب جسـ مي بس . بس اللي متاكدة منو انك مش بتتمع وبتتبسط غير معايا .. وانا زيك. بصتله بع\شق وقالت… بس الفرق بيني وبينك. اني بع\شقك.. وعمري ما هعرف ابعد عنك ابدا وفقط قربت اخدت العباية بتاعتها ولبستها وخرجت من عندو ……….. عند حورية بيري دخلت عليها اتفجأت بيها قاعدة علي السرير حاطة ايديها علي وشها ومنهارة من العياط

اتخضت جدا وقربت عليها وهي بتقول… حورية مالك ياقلبي بس حورية كانت بتبكي اووي ومش بترد حض\نتها بيري وهي بتقول بقلق… مالك ياحبيبتي. ايه اللي حصل بس …………………. عند امجد اللي بمجرد ماوصل مكان شغله ودخل مكتبه دخلت وراه بنت جميلة جداً في العشرينات واللي كانت بمجرد ماشافته ابتسمت بحب قفلت الباب بهدوء ولفت ليه وقربت عليه بلهفة وقالت بعيون بتلمع بحبه… وحشتني. وحشتني اووي قربت حض\نته وهي بتقول… متعرفش لما بتبعد عني ببقي عاملة ازاي

لكن امجد علطول بعدها بهدوء وقال…. احنا قولنا ايه يا من\ار من\ار… بس انت وحشتني. وانا اصلا في الطبيعي كل ما بشوفك ببقي عاوزة اجري عليك واحض\نك ف مابال بقا وانت بقالك كام يوم بعيد عني. قربت تاني ليه و بتلقائية رفعت ايدها تلمس وشه برمانسية وقالت بع\شق ظاهر في عيونها…. انا بشتاق ليك في كل وقت. لما بتبعد عني بحس ان مش قادرة اتنفس. بحبك يا امجد. لا انا بع\شقك مش بحبك بس. امجد وهو بيتحرك باتجاه كرسي مكتبه وبعد ماخلع الجاكيت قال…. روحي شوفي شغلك يا من\ار. فوقي وسيبك من الهبل ده.. انا مش عاوز ازعلك

من\ار… هبل. بتقول علي حبي ليك هبل!! وقربت ليه وقالت…. انت ليه مش حاسس بيا امجد وهو بيحاول مايتعصبش عليها قال بهدوء مصطنع…. احس بايه. انتي مالك كده يابت ايه اللي جرالك..اتهبلتي.انتي اختي من\ار… اختك منين بقا. انا مش اختك وبطل كل شوية تقولي الكلمة دي

اتنهد امجد وقالها…. افهمي واقتنعي يا من\ار غير انك وصية ابوكي اللي سايبك امانة في رقبتي ولازم احافظ عليكي لحد ما اجوزك للي يستاهلك ان اللي في دماغك دي اوهام. انتي لسه صغيرة. و علشان متعلقة بيا ف تهيألك انك بتحبيني.انتي مش عارفة تحددي مشاعرك.. دا غير انو مينفعش لازم تطلعي الهبل دا من دماغك. انا متجوز وبعتبرك اختي الصغيرة. فاهمة من\ار بعصبية… متقولش اختك.انا مش اختك ومش صغيرة. انا عندي 23 سنه. و كمان متاكده من مشاعري ليك 100%

بصتله بحب وقالت… انا مبشوفش غيرك. امجد…. من\اررر من\ار بسرعة .. قلبها و قربت ليه جامد وقالت وهي بتبص في عيونه بع\شق.. انا مش حابة خالص اكون اختك. انا عاوزة اكون حبيبتك و بس كملت وهي مغيبة…. انا بحبك يا امجد. بحبك اوي. بع\شقك وقربت بتوهان وابتدت تبو،، سه بلهفة وحب واشتياق رفعت عيونها لعيونه بعد ما بعدت قالت… بحبـ… مكملتش الكلمة وكان كف قوي نزل علي وشها حطت ايدها علي وشها بصدمة وقالت… بتضر،، بني علشان بحبك

امجد بغضب… و لو نطقتيها تاني هك\سر عضمك كمل بحدة… شوفي شغلك يلا.. يلاااا بصتله بدموع وقهر وخرجت بسرعة (ظل\متي الراجل ياللي تنشكي انتي وهي اهو طلع برئ) بقلم فريدة احمد ………………. تاني يوم حورية قاعدة علي الكنبة وبتبص من الشباك علي الخارج بشرود جات بيري قعدت قدامها وقالت… احسن دلوقتي بصت حورية ليها وهزت راسها بهدوء بعدين اتنهدت و قالت… انا بفكر اشتغل يابيري بيري… صح كده. انا كنت هقترح عليكي الاقتراح ده. كملت وقالت… مش هتقوليلي بردو كان مالك امبارح وكنتي منهارة ليه كده. طمنيني عليكي يا حبيبتي

مسكت ايدها وقالت… ايه اللي حصل خلاكي كده. حورية بدموع … اللي حصل ميتحكيش بيري… متقلقنيش عليكي.. فضفضيلي ياحورية يمكن ترتاحي. انتي من وقت ماجيتي وانتي حزينة و مش عاوزة تتكلمي. ايه مبقتيش عاوزة تترمي في حض\ني وتحكيلي زي زمان حورية بدموع…. محمد بيخو،، ني بيري متفجأتش لانها عارفة انه بيخو، نها اصلا وعارفة ان حورية عارفة وساكته فقالت… طب ماانتي عارفة ياحورية من زمان انو بيخو، نك وانتي بتسكتي. حورية… بس كان بيخو، ني برا البيت.

كملت بوجع شديد وقالت… وصلت بيه يخو، ني في بيتي بصتلها وقالت… تخيلي مع مين بيري… مين حورية… رشا. بيري… رشا مين. وبرقت بصدمة… اوعي يكون اللي في بالي حورية هزت راسها بتاكيد وقالت…هي. مرات امجد وسلفتي. ومرات اخوه. ابتسمت بقهر وقالت… انتي متخيلة بيري بصدمة… ينهااار اسود. هو في كده حورية… تخيلي بقا في كده.. بيري…بس انتي عرفتي ازاي حورية حكتلها علي كل اللي حصل من يوم ماشافت هدوم رشا الداخليه اللي نسيتها في الحمام لحد ماحتطله الكاميرا في الاوضة علشان تراقبه

بيري… طب وانتي هتعملي ايه. انتي لازم تطلقي فورا حورية مسحت دموعها و قد استعادت قوتها قالت … اكيد هتطلق انا مش هعيش مع واحد وسـ،،خ زي ده. كملت بغل…. بس لازم اخد حقي الاول واندمه بقلم فريدة احمد