…………………. عند محمد اللي كان في مكان شغله واللي هو معرض كبير للاخشاب كان متعصب جدا وعمال بيزعق في العمال من غير سبب كريم دخل وهو بيقول… في ايه مالك محمد بغضب…. كنت فين انت كمان كريم…. كنت بتفق مع المعلم عاطف علي الطلبية محمد…. طب شوف شغلك ااخلص ودخل مكتبه وهو بيحاول يتصل علي حورية اللي كانت مش بترد وده اللي كان معصبه …………….. عند حورية بعد مابيري قامت عملت اتنين نسكافيه رجعت ليها تاني ومعاها تليفون حورية اللي لاقيته بيرن وهي معدية بالصدفة من قدام الاوضة
بيري حطت النسكافية علي الترابيزة وادت الفون لحورية وهي بتقولها …. تليفونك مش مبطل رن خدته حورية منها بس كانت المكالمة فصلت مفيش ثواني ولاقيته بيرن تاني بقلم فريدة احمد ردت عليه وقبل م\اتتكلم لاقيته بيزعق وبيقول… لما بتصل علي اهلك مبترديش ليه يااابت حورية بهدوء…. مسمعتش الفون محمد بغضب…. انتي ايه اللي مقعدك عندك لحد دلوقتي مرجعتيش ليه حورية…. ماانا قيلالك هفضل يومين عند بيري محمد… ترجعي البيت النهاردة سامعة حورية لسه هتتكلم قالها…. سمعتي. ساعة وهتصل بيكي الاقيكي في البيت
حورية بهدوء … حاضر وقفلت بيري…. في ايه حورية وهي بتقوم … لازم ارجع ودخلت لبست وجهزت خرجت سلمت علي شيري اللي قالتلها…. هتعملي ايه. ناوية علي ايه ياحورية حورية بصت قدامها بشرود وقالت…. هاخد حقي زي ماقولتلك رجعت بصت ليها وكانت بيري بتبصلها بقلق فقالت… متقلقيش ومتخافيش عليا. لاني مش هكون ضعيفة تاني. الزمن اللي احنا في ده الضعيف فيه بيداس بالجز، م. وانا مش هسمح اني اتداس تاني يابيري. كفاية بقا. لازم اخد حقي من كل اللي جم عليا وظل\موني
بقلم فريدة احمد … بعد وقت كانت رجعت البيت دخلت ولسه هتطلع شقتها وقفها صوت قدرية اللي قالت… واخيرا شرفتي لفت ليها وقالت ببرود… في حاجة ياطنط بصتلها قدرية بسخرية وقالت… لا اصلك وحشتينا ياقلب طنط بصتلها بيأس وطلعت علي شقتها بدون ولا كلمة … مساءا دخل محمد الشقة كانت قاعده هي علي الكنبة وساندة ظهرها و بتتفرج علي التلفزيون بهدوء محمد قرب وبعد ما قعد قال.. قومي اعمليلي قهوة حورية اتعدلت ببرود وبصتله وقالت… قبل ما اعملك القهوة. عاوزاك في موضوع
محمد… موضوع ايه حورية … عاوزة اشتغل محمد باستهزاء… ياشيخة. تشتغلي مرة واحدة حورية …. وايه المشكله.. مكتب محمد مختار المحامي طالبين محامين حديثي التخرج. عاوزة اروح اقدم هناك. محمد…انسي.مفيش شغل. مش كفاية استحملت الكام سنة بتوع الجامعة وسبتك تكملي حورية…. و انا ماخدتش الشهادة علشان اقعد محمد وهو بينهي الموضوع…. ريحي نفسك لاني مش هخليكي تشتغلي ياحورية حورية بثقة وبنبرة مختلفة قالت… لا هتخليني وهتوافق علي كل اللي هتطلبه منك بصلها باستغراب من نبرتها الجديدة وطريقتها اللي بتتكلم بيها من وقت مادخل فقالت…. ايه مستغرب ليه
محمد…. اصل طريقتك متغيرة يعني حورية….قصدك يعني فين حورية اللي بتكش وبتخاف منك..لا انساها.مش هتبقي موجودة تاني محمد باستهزاء قال… وايه بقا اللي خلاكي بقيتي جامدة كده. بيري قال كده لانه عارف ان بيري دايما بتحاول تقويها عليه فقالت هي… لا متقلقش بيري ملهاش علاقة كملت بثقة وقالت… انت هتوافق علي شغلي علشان مفضحكش وقبل مايتكلم قامت دخلت جوا سحبت جونتي من المطبخ لبسته ورجعت ليه بعد ماجابت قطعة الملابس الحريمي اللي لاقيتها في الحمام وقالت…. تقدر تقولي ايه ده
محمد باستغراب… ايه ده حورية…. دا لاقيته في الحمام. نسيته الزبا،، لة اللي كنت جايبها شقتي ونا،، يم معاها علي سريري بلع ريقة بارتباك وقال …. انتي بتخرفي بتقولي ايه حورية… بقول انك بتخو.. ني..هو انا كنت عارفة من زمان انك بتخوني وبسكت.وانت علشان عارف اني بسكت اتماديت وبقيت بتعمل كده وحتي مبقاش يفرق معاك اني اعرف او لا.. بس توصل بيك البجا، حة انك تخو،، ني هنا. في شقتنا محمد … انتي شاربة ايه. البتاع ده تلاقيه بتاعك. انا معرفش حاجة عنو
حورية رمته في باسكت الز،، بالة بقرف وخلعت الجوانتي ورمته معاه وبصتله وقالت… لا البتاع ده بتاع رشا بلع ريقة بصدمة وقال بارتباك… مش فاهم. انتي بتقولي ايه حورية…. لا انت فاهم كويس.. تحب اثبتلك اني متاكدة فتحت تليفونها علي الفيديو وقالت وهي بتوريهولو .. ايه رايك. اتصدم اكتر ومقدرش ينطق حورية….. شكلكو لايق علي بعض. ما هما الز، بالة دايما بيشبهو بعض قفلت الفيديو و قالت… بص بقا انت هتوافق علي كل شروطي واللي اولها شقة الشيخ زايد
محمد بصلها والصدمة لسة ملجماه لكن بلع ريقه وقال باستغراب… مالها حورية…. عاوزاها باسمي يتبع……. #مأساة_حورية #البارت_التاسع #بقلم_فريدة_احمد بتخو،ن اخوك مع مراته!!!… انت ازاي كده؟. ازاي قدرت تعمل علا، قة مع مرات اخوك وتحط عينك بعينه عادي وانت بتبقي نايم مع مراته قبلها.. طب انا وعارفة انك مش بيهمك مشاعري.. بس ازاي اخوك قدرت تعمل فيه كده. ازاي. بصتله باستحقار وقالت… انا برغم اني شوفتكم بعيني في الفيديو مش قادرة لحد دلوقتي استوعب انكم بالقذا،، رة دي
برغم ان حورية دموعها كانت متحجرة في عيونها الا انها رفضت تسمحلها بالنزول،وحاولت علي قدر م\اتقدر تكون ثابتة ومتبينش ليه انها اتهزت،، قررت تقوي نفسها ومتظهرلوش ضعفها تاني برغم ك\سر، ة قلبها والوجع اللي حاسة بيه،، اتنهدت وقالت بقوة بعد ماقفلت الفديو… بص بقا انت هتنفذلي كل شروطي واللي اولها شقة الشيخ زايد بقلم فريدة احمد محمد الصدمة كانت لسه ملجماه وهو مش قادر يستوعب انها كشفته واتفضح امره قدامها، لكن بصلها باستغراب وقال…مالها حورية…عاوزاها بـ إسمي
: عاوزاها تعملي بيها ايه قالها بدون فهم لترد حورية وتقول… عاوزاها ليا.. تبقي مكلي.. باسمي محمد… انتي عارفة الشقة دي بكام؟ حورية ببساطة.. ب 4 مليون محمد… وانتي فاكرة اني هتنازلك عن حاجة ب 4 مليون بسهولة كده حورية… مش احسن ما تتفضح. انت كده كده هتتنازل ان مكانش بمزاجك هيبقي غصب عنك. لا ومش بس كده. انت هتطلقني كمان لاني اكيد مش هعيش مع واحد وس،، خ زيك هنا محمد مسكها من شعرها وقال… انتي نسيتي نفسك ياروح امك. دا انا افعصك تحت رجلي. فاكرة نفسك هتخوفيني. نسيتي الحزام ولا ايه
حررت حورية نفسها منو بغضب وقالت بدموع محبو\سة وحزن… لا منسيتوش كملت بالم وقالت… هنساه ازاي وهو لسه معلم علي جسمي محمد… شاطرة. عشان قبل ماشي.طانك يخيلك انك تقدري تعملي حاجة تفتكري انا اقدر اعمل فيكي ايه ياروح امك. دا انا ك واد.فنك مكانك بس حورية رجعت لقوتها تاني و ردت عليه و قالت بثقة…مش هتقدر. المرادي مش هتقدر تعمل حاجة صدقني. ولازم تخاف مني لاني هفضحك بالفيديو اللي معايا. فاهم يعني ايه هفضحك. محمد باستهزاء…وهو انا غلبان دلوقتي اخد منك التليفون ده واك\سره..
ضحكت حورية بشدة وبعدين قالت… وهو انت مفكرني بالسذاجة دي.. فاكر لما اجي اهددك بالفيديو مش هكون محتفظة بنسخة تانية منو.. خد الفون احر، قه لو عاوز بقلم فريدة احمد قامت قعدت علي الكرسي قدامه وحطت رجل علي رجل وقالت… الفيديو موجود منه نسخة تانية مع حد انت متعرفوش. في مكان بردو متعرفوش وعمرك ماهتعرف توصله.. ف احسلك تنفذلي شروطي بهدوء قبل ما افضحك قدام اخوك اللي اكيد هيقتـ،، لك انت والو\\سخة مراته من غير تفكير.. هااا. قولت ايه. تطلقني وتكتبلي الشقة باسمي ولا افرج ل امجد الفيديو. وبالمرة كمان افرجو لست الحبايب
: موافق قالها محمد بعد ماحس خلاص ان صباعه تحت ضرسها وان ممكن تتجنن وتفضحه قدام امه واخواته. دا غير ان امجد اكيد هيقت، له ف مكانش قدامه حل غير ينفذلها شروطها بس كمل وقال… انا موافق اكتبلك الشقة باسمك وموافق كمان تشتغلي.بس مش هطلقك ياحورية حورية…وانت متخيل اني هكمل معاك محمد…انا مقدرش اعيش من غيرك حورية…لا ماهو واضح علشان كده كل يوم كنت بتبات مع واحدة.واخرتها خو،، نتي مع مرات اخوك. كملت وقالت بوجع…كنت عارفة بـ خيا،، نتك كل يوم بس كنت بسكت وساعات كنت بشك انك متجوز عليا من ورايا علشان تخلف. كنت بقول حقه. ماهو انا مبخلفش.
محمد… حورية انا بحبك واستحالة اطلقك ولا اتجوز عليكي حورية… بس تخو. ني عادي.. هو انت للدرجادي شايفني ساذجة هصدق انك بتحبني وانا شايفة خيانتك بعيني. ماعلينا كملت بتفكير وقالت… بس عموما تمام. متطلقنيش اتنهد محمد براحة لما قالت كده وده لانه ماكانش يعرف اللي هي ناوية عليه لان حورية كانت بتقول في نفسها… حلو. مش لازم طلاق دلوقتي. انا كده كده محتاجة اربي رشا وقدرية الاول بصتله بغموض وهي بتقول في نفسها.. صدقني هخلعك. بس اصبر عليا. لما اخد حقي كويس من كل واحد فيكم واشفي غليلي منكم وانت، قم
رجعت من شرودها و بصتله وقالت… امك محمد بصلها بمعني مالها حورية…. من النهاردة مش هخدمها تاني. كملت وقالت…. تاني حاجة. بصتله باستحقار وقالت…. اكيد طبعا مش محتاجة اقولك انك تنسي انك في يوم هتقرب مني او هتلمسني. تمام اتنهدت وقالت ببرود بعد ماقامت .. هدخل انام بقا علشان اقدر اصحي بدري علشان نروح الشهر العقاري تسجل الشقة باسمي وسابته ودخلت الاوضة وبعد ماقفلت بابها في وشه نامت علي السرير وهي بتتوعدلهم وكان اصرارها علي انتقامها منهم اكبر بكتير من انها تنهار بسبب خيا، نته اللي المفروض ك\سر، تها
….. تاني يوم نزلت هي ومحمد بعد ما لبست ناووين الخروج للشهر العقاري كانو متجمعين علي السفرة قدرية ورشا وسمر وهنا وكريم قدرية…. علي فين ان شالله ووجهت كلامها لحورية وقالت… وانتي ياختي منزلتيش بدري ليه تحضري الفطار حورية بعد ما قربت قعدت علي السفرة وابتدت تفطر بصت لمحمد وقالت… مش هتفطر ولا ايه ياحبيبي محمد قعد بهدوء وهو بيحاول يكون طبيعي وما يظهرش عليه اي علام\ات ارتباك و حورية بصت لقدرية وقالت… معلش ياحم\اتي لازم تتعودي بقا اني من النهاردة مش هينفع انزلك زي الاول
قدرية وهي بتبصلها بضيق قالت… ليه ياختي. قرار جديد ولا ايه حورية… بالظبط. فعلا قرار جديد. هو انا مقولتلكيش. اصلي هشتغل ف اكيد مش هكون فاضيالك يعني.. وانتي اكيد مش هتغلبي بصت لرشا بغل لكن قالت ببرود… عندك رشا اهو انتي بتحبيها وهي بتحبك. ربنا يهنيكو ببعض. هي تبقي تعملك وتخدمك ياحم\اتي قدرية بصت لمحمد وقالت بغضب… ايه الكلام ده. هو انت هتسيبها تشتغل بجد ولا ايه محمد بهدوء…. اه. وايه المشكلة. حورية من حقها تشوف مستقبلها وتعمل كارير لنفسها
قدرية بصتله بحاجب مرفوع وهي مش مصدقة ان دا ابنها فقالت.. لا والله. ودا من امتا دا كملت بنبرة قاطعة وقالت… اسمع مفيش شغل. مراتك هنا خدا محمد بغضب… امااااا في ايه. شيفاني عيل صغير. انا موافق انها تشتغل. خلص الكلام وبص لحورية بعد ماقام وقال… يلا حورية قامت وهي بتبص لقدرية بانتصار ول رشا اللي كانت قاعدة هتمو،، ت من الغل …. وبعد وقت كانو وصلو الشهر العقاري وفعلا سجلها الشقة ب اسمها وده حصل رغما عنو طبعا لانه يعتبر اول مرة حد يلوي دارعه لكن مقدرش يعارضها
اما هي كانت حاسة بانتصار وهي لسه بتتوعدلهم في اللي جاي .. عند امجد اللي كان واقف علي ن\ار في مركز صيانة المحمول بسبب ان فونه اللي اول ماوصل الغردقة ولسه بينزل من العربية وقع اتك\سر وبعتو يتصلح ولان الواقعة كانت جامدة فضل في مركز الصيانة يوم كامل بيتصلح امجد للمهندس… هاا تمام كده المهندس ادالو الفون وهو بيقول… تمام بقي زي الفل امجد خد الفون ودفع حسابه وخرج من المركز ركب عربيته وهو بيتنهد فتح الفون علشان يشوف الكاميرا اللي بيراقب بيها رشا ومحمد واللي كانت متابعتها من خلال موبايله فقط
امجد كان ملهوف علشان يتطمن وهو نفسه يرتاح من الشك فتح التطبيق الخاص بمتابعة الكاميرا واول ما شاف اللي عليه اتصدم يتبع….. #مأساة_حوريه #البارت_العاشر #بقلم_فريدة_احمد امجد فتح الفون علشان يشوف تسجيل الكاميرا اللي كان بيراقب بيها مراته واخوه لكنه اتصدم لما ملاقاش اي حاجة علي الفون،، الكاميرا فاصلة مش بتسجل امجد مسح علي وشه بغضب وهو هيتجنن.. ازاي!!! هو بنفسه كان متمم عليها قبل مايسافر،، يعني الكاميرا كانت شغالة وبتسجل ومفيش فيها اي عطل فضل يقلب في الفون وهو حرفيا هيتجنن لكن للاسف ملاقاش اي حاجة،
وطبيعي جي في دماغه انهم اكتشفوها و ان حد فيهم اكيد عطلها امجد خبط علي الدركسيون بغضب وعصبية وهو بيقول… ياولاد الكااااالب وبعد ما كان شاكك مجرد شك فيهم بقا متاكد انهم بيخو،، نوه فعلا،، لكن للاسف مفيش في ايده اي اثبات علي خيا، نتهم لا حول ولاقوة الابالله العلي العظيم امجد كان فاهم انهم عطلو الكاميرا لكن الحقيقة انهم مكتشفوهاش اساسا والكاميرا فعلا فصلت لوحدها وده اللي امجد متوقعوش لان مكانش فيه دماغ يفكر اساسا
……………. تاني يوم صباحا في شقة حورية كانت حورية بتلبس علشان تروح لـ بيري خلصت وخرجت من الاوضة قابلت جوزها اللي خارج هو كمان من اوضته واللي اول ماشافها قال… علي فين حورية وهي بتتجه لباب الشقة ومن غير م\اتبصله قالت… رايحة عند بيري ولسه بتفتح الباب محمد بحدة.. استني عندك حورية لفت بصتله و ببرود قالت… نعم محمد …. ريحالها ليه كمل بغضب… وازاي خارجة من غير متستأذنيني. حورية… وانا استاذنك ليه ان شاء الله..
كملت بقوة وقالت… بقولك ايه. انا اه موجودة معاك هنا. بس انت ملكش اي علاقة بيا. سامع محمد بغضب مسكها من دارعها ….. اقسم بالله ياحورية لو ما تعدلتي لكو.. قاطعته حورية بغضب وقالت… هو انت ليك عين. وبتحذير…. اااسمع انت ملكش اي علاقة بيا.فاهم. انا اعمل اللي انا عاوزاه واروح المكان اللي علي مزاجي يا كده ياتطلقني.. كملت بتهديد… و متفتكرش انك ممكن ترجع لتحكم\اتك لان اقسم بالله ما تنسي نفسك لكون مفرجة الفيديو لاخوك وعليا وعلي اعدائي
محمد بغضب وهو بيحاول مايمدش ايده عليها وده طبعا خوف منها لكن غضبو منها خلاه يرجع لطبيعته الهمجية و قال …. وانتي فاكرة نفسك لما تهدديني هخاف يابت اقسم بالله اقتـ لك واد\فنـ ك مكانك. فوقي ياروح امك حورية …والله يوم م\اتقـ تلني النسخة التانية من الفيديو هتظهر.. واكيد بعدها هتحصلني طبعا و بصتله باستهزاء و سابته وخرجت وهو مسح علي وشه بغضب وقال بتوعد.. ماشي ماشي ياحوريه استغفر الله العظيم واتوب اليه ..
اما قدرية ورشا اللي كانو قاعدين تحت وحورية عدت من قدامهم وخرجت ولا كأنها شايفاهم بصو لبعض بتعجب وقدرية قالت بشك… هي البت دي مالها كده بقالها يومين معووجة علينا.. لا وبقت ترد ولا هاممها حد رشا هي كمان بشك.. مش عارفة ياخالتي. فعلا طريقتها بقت متغيرة. وتحسي ان في حاجة مقوية قلبها كده. كملت بضيق وقالت… ما هو كلو من ابنك اكيد. قال ايه هخليها تشتغل. هيركبها علينا شكلو قدرية بغيظ منه… انا مش عارفة جرالو ايه لا امبارح بيعلي صوته عليا بسببها
كملت بتفكير وشهقت مرة واحدة وقالت… تكونش عملتله عمل رشا لسه هترد عليها قاطعهم محمد اللي نزل هو كمان وخرج من غير ولا كلمة قدرية بصتلها وقالت…شوفتي. انا متاكدة ان في حاجة. في حاجة احنا منعرفهاش. والبت دي اكيد عملتلو عمل. دا اول مرة يخرج من غير مايصبح عليا رشا بفرحة قالت وهي بتبص علي اثره بشرود… دول شكلهم متخانقين ياخالتي. مش شايفة نازل مش طايق نفسه ازاي …………… عند بيري بعد ماحورية راحتلها حورية وهي قاعدة معاها… ها عملتي ايه شوفتي حد يعملي cv كويس
بيري…اتطمني انا اتواصلت مع ورشة عمل من اللي بيكتبو السيرة الذاتية بطريقة محترفة وكلموني من شوية وقالولي هيسلموهالك بكرة الصبح . متقلقيش هيكون معاكي احسن cv بروفيشنال تقدري تروحي بيه الانترفيو وانتي متطمنه…. وبعدين كده كده هتتقبلي انتي كنتي دايما بتجيبي امتياز ياحورية كملت وقالتها… ها قوليلي بس انتي عاملة ايه وعملتي مع اللي مايتسمو ايه حورية ابتسمت بتشفي وقالت… بشتغلهم في الازرق كملت بتوعد وقالت.. وربنا لاخليهم كلهم يبقو تحت رجلي. و حاليا بستعد ل رشا
بيري بقلق عليها… خلي بالك اهم حاجه. دول ممكن يأذوكي حورية بثقة… متقلقيش. مش هيقدرو يعملو حاجة بعد وقت قامت وهي بتقول… همشي بقا وسلمت علي بيري واتجهت للباب ولسه بتفتحه اتفاجأت ب مامتها اللي كانت جاية هي كمان ل بيري بما انهم صحاب. لان سهام مامت حورية هي وبيري صحاب بردو سهام… حورية. ازيك حورية بصتلها بجمود لكن ردت عليها بسخرية وقالت… اهلا ياسهام هانم وعدت من جمبها ومشيت من غير م\اتديها اي اهتمام
سهام دخلت وهي بتقول باستغراب لبيري اللي كانت واقفة شايفة الموقف… هي مالها بترد عليا ليه كده. دي حتي مقالتش ليا ياماما بيري قربت قعدت علي الكنبة وسهام هي كمان قعدت علي الكنبة اللي قصادها بيري… وانتي مستغربة ليه ياسهام. هو انتي تعرفي عنها حاجة اساسا ولا بتسألي عليها سهام… في ايه يابيري مالك انتي كمان بيري… اصلي مستغرباكي بصراحة. فارق معاكي انها مقالتلكيش ياماما. هو انتي ام ازاي اصلا ياسهام سهام … اااه. قولي بقا ان الهانم كانت بتشتكيلك مني
بيري… هايفرق معاكي. ولا هتراجعي نفسك وهتحسي انك مقصرة معاها هزت راسها ب لا وقالت… اكيد لأ سهام بضيق…. وانتي عاوزاني اعملها ايه. اوافقها علي اللي عاوزة تعمله.. ولما تطلق هتعرف تتجوز تاني. اكيد لا بيري… علشان مبتخلفش. صح. يعني علشان كده تستحمل العيشة دي.. انا ساعات بحس انك معندكيش قلب. دي بنتك.. ازاي مش بتصعب عليكي.. سيبتيها و روحتي اتجوزتي ولا فكرتي فيها. طول عمرك بتفكري في نفسك بس سهام… وهي طفلة علشان كنت هاقعد بيها.!!!!
بيري… اه..اه كانت طفلة وقتها. كانت في اكتر وقت محتجاكي فيه. بس انتي عملتي ايه. سبتيها لاخواتها اللي انتي عارفة هما بيعاملوها ازاي سهام… والله انا معملتش حاجة عيب ولا حرام. كان من حقي اشوف حياتي واعيش.ماجرمتش يعني.وبعدين انا لسه صغيرة بيري بسخرية… صغيرة اه. دا انتي جده ولا دي مش واخده بالك منها سهام بصتلها بضيق وغيظ وبيري ضحكت وقالت…. الحقيقة مرة صح عليه افضل الصلاة والسلام ………… تاني يوم قامت حورية جهزت نفسها للانترفيوه بس الاول راحت اخدت ال cv وبعدها طلعت علي مكتب المحامي
وصلت وقربت علي السكرتيره وقالت…صباح الخير السكرتيرة… صباح النور حورية… عندي مقابلة مع المتر السكرتيرة…. اه تمام هدخل ابلغو ودخلت وبعد ثواني خرجت قالتلها اتفضلي هزت حورية راسها ودخلت وهي حرفيا قلبها بيدق بعنف وكانت متوترة جدا محمد مختار وده من اكبر المحامين في البلد اول ما دخلت بصلها ولاحظ تورترها لكن قال ببتسامة وهو بيشاورلها علي الكرسي قدامه.. اتفضلي قربت حورية وقعدت وهي بتقدم له الcv وقالت.. ال cv بتاعي اخده وابتدي يقلب فيه والحقيقة انبهر بيه جدا لان حورية يعتبر علي مدار ال 4 سنين بتوع الجامعة كانت بتجيب امتياز
وهو بيبص فيه قال… دا انتي مشتغلتيش قبل كده حورية.. اه. اول مرة لاني لسه متخرجة السنة اللي فاتت المحامي… اه واضح.. بصلها وقال… ولا دخلتي تدريب قبل كده حورية بلعت ريقها وخافت يرفض شغلها وقالت.. احم لا للاسف لكن المحامي طمنها لما رد عليها وقال… متقلقيش انتي هتتدربي هنا. ولان ال cv بتاعك كويس وواضح جدا انك كنتي متفوقة ف انا اللي بقولك. انا محتاجك معايا هنا ابتسمت حورية وقالت بفرحة وهي مش مصدقة … بجد
هز راسه ببتسامة وقال… طبعا، بس هتتدربي فترة الاول بعدين نبقي نبتدي شغل كمل وقال… هتبدأي تيجي من بكرة. معادك الساعة 8 قامت وقالت بفرحة… انا بشكر حضرتك جدا لقبولك اني اتدرب واشتغل في مكتب كبير زي مكتب حضرتك هز راسه وقال.. باذن الله ربنا يوفقك وتكوني اكبر محامية …. خرجت حورية من عند المحامي بس مرجعتش البيت راحت ل بيري وهي مبسوطة جدا استغفر الله العظيم واتوب اليه .. عند محمد اللي كان طالع شقته اتفاجا ب رشا اللي خارجة من شقتها واللي اول ماشافته قالت.. محمد
محمد وهو مكمل طلوع قال … خير رشا … استني وقربت ليه وقالت… هو فيه ايه. مالها مراتك.. وانت عادي كده سايبها تشتغل. ما انت كنت رافض. ايه اللي حصل محمد بصلها شوية وبعدين قال… وانتي مالك يارشا رشا بضيق وغيرة… مالي ازاي. انا شايفاك متغير معايا وشايفاك بردو بقيت تعاملها كويس. ايه بقا محمد بهدوء .. انزلي يارشا شوفي وراكي ايه وراح يطلع لكن رشا وقفت قدامه وقالت … افهم الاول محمد… عاوزة تفهمي. تمام.. حورية عرفت بكل حاجة.
رشا بعدم فهم… عرفت ايه محمد ابتسم بسخرية علي نفسه وقال… كانت بتراقبنا ومصورانا فيديو صوت وصورة واحنا مع بعض. ايه رايك رشا اتصدمت جدا وقالت بزهول… انت بتقول ايه محمد… اللي سمعتيه رشا وهي بتلطلم علي خدودها …. يالهوي. يالهوي. برقت بصدمة وقالت… دي هتقول ل امجد اكيد. هتقولو. يالهوي. وهو اكيد ه ي بصتله برعب وقالت. هنعمل ايه. هتتصرف معاها ازاي.. حطت ايدها على راسها وبعدين قالتله بتفكير… انت لازم تاخد منها الفيدو ده. وتمسحه. خد منها تليفونها واحر\قه
وهي بعد كده لو اتكلمت محدش هيصدقها محمد… هه..وهي اللي تجيب كاميرا وتراقبنا بيها هتبقا بالسذاجة دي بردو .اكيد لما تيجي تهددنا هتكون معاها نسخ تانية. وهي فعلا بتقول كده رشا…. ينهااار اسود. يانهار اسود.. طب هنعمل ايه. هنتصرف ازاي في المصيبة دي محمد بضيق وغضب. انتي هتقعدي تندبيلي. انا هتصرف رشا… ط. طب هتعمل ايه يعني فهمني وقبل ما محمد يتكلم قالت هي علطول بعد ما خطرت فكرة في دماغها… مفيش غير حل واحد… اننا نقتـ لها.. ايوا لازم حورية تمو.. ت قبل م\اتفضحنا.و قبل ما امجد يعرف ويقتـ لنا احنا الاتنين
كملت بشر…. لازم. لازم تمو،، ت يتبع… #ماساة_حورية #البارت_ال11 #بقلم_فريدة_احمد : مفيش غير حل واحد… اننا نقتـ لها.. ايوا لازم حورية تمو.. ت قبل م\اتفضحنا. و قبل ما امجد يعرف ويقتـ لنا احنا الاتنين كملت بشر…. لازم. لازم تمو،، ت مسكها محمد من شعرها بغضب وقال بشر…. اقسم بالله م\اتقربي منها او تفكري انك ممكن تاذيها لكون قا،، تلك انا وبنظرة مرعبة.. سامعة رشا بالم من مسكته قالت… ا. امال يعني نسيبها تفضحنا. انت مش مستوعب المصيبة اللي بقينا فيها. دي ممكن في اي وقت تفرج امجد علي الفيديو. وساعتها مش هيسمي علينا
ساب شعرها وقال… انا عارف هتصرف معاها ازاي. ملكيش انتي دعوة بصلها وكمل بتحذير… اقسم بالله م\اتفكري تاذيها ماهرحمك رشا بضيق وغيرة…. خايف عليها.. هو انت بتحبها؟؟ اتجاهلها وقال… انا حذرتك وطلع ورشا فضلت في مكانها وهي بتقول في نفسها بحيرة.. ماهو مش معقول بتحبها وبتخو، نها مع طوب الارض ابتسمت علي نفسها بسخرية وقالت… واولهم انا كملت بضيق… امال خايف عليها ليه رجعت لخوفها تاني لما افتكرت المصيبة اللي بقيت فيها وقالت…. يامصيبتي هتقول لأمجد.. لااا انا مش لازم استني ايوا لازم اتصرف قبل تفضحني.
كملت بتفكير… اعمل ايه. ماهو يا اقتـ لها يا امسك عليها حاجة زي ماهي ماسكة عليا. بس اعملها ازاي خطرت في بالها فكرة جهنمية وقالت… هو ده. الواد عاصم بيمو*ت فيها. اشتغل علي الموضوع ده بقا. لازم اخليه يقرب منها بأي شكل ابتسمت بشر وقالت… وساعتها انت اللي هتقتـ لها بإيدك يامحمد ……….. عند امجد اللي كان قاعد قصاد البحر وهو بيدخن بشراهة كان محتار ون\ار الشك بتاكل فيه اتفاجأ ب من\ار اللي جات وقعدت جمبه وهي بتبص علي البحر وبتقول… مع اني زعلانة منك بس مش بقدر ابعد عنك. انا قولتلك اني مش بعرف اتنفس غير بوجودك
بصتله وقالت…. هو انت مش هتصالحني برغم الهم اللي هو فيه بصلها وغصب عنه ابتسم قالت…. ايوا انت المفروض تصالحني علي فكرة كملت بزعل وقالت… انت ضر،، بتني.. هونت عليك تمد ايدك عليا لفت خدها ناحيته وهي بتوريهولو وبتقول … شوف خدي وكان خدها القلم لسه معلم عليه لانه كان جامد بص امجد عليه بحزن وندم لكن قال… كان لازم افوقك يامن\ار وقرب راسها ليه وباسها عليها وقال…. حقك عليا ياصغنن ابتسمت وقالت… الكلمة دي كانت وحشاني مع اني كنت بتضايق لما تقولهالي. علشان مكنتش حابة انك لسه بتشوفني صغيرة
امجد… هتفضلي في نظري اختي الصغيرة اللي بخاف عليها حتي من نفسي وقام وقال… يلا علشان تطلعي تنامي مدت ايدها ليه وقامت وطلعت علي شقتها وهو كمان طلع علي شقته ………… عند حورية اللي كانت عند بيري كانت حورية واقفة شاردة في البلكونة جات بيري من وراها وهي بتقول…. الجميل سرحان في ايه لفت حورية ليها وبيري ادتلها النسكافية وقالت بتوجس… مالك ياحورية لان كانت ملاحظة الحزن عليها حورية بصت قدامها وهي بتاخد نفس وبتخرجه وهي حاسة بضيق في صدرها
رجعت بصتلها وقالت بدموع متجمّعة في عيونها… هو انا وحشة يابيري.. ي يعني استاهل انو يخو،، ني بيري… مين دي اللي وحشة انتي!!. ولما انتي تبقي وحشة امال مين تبقي حلوة.. دا انتي مزة ياحوور دا مفيش راجل بيشوفك غير ويتهبل عليكي حورية… امال هو ليه بيخو.. ني بيري… طفاسة. جوزك طفس ياحورية.. طب اقولك علي حاجة.. برغم اني مش طايقاه وهاين عليا او، لعلك فيه. بس متاكده انو بيحبك وبيم*وت فيكي كمان. ومفيش واحدة من الز، بالة اللي بيعرفهم تملي عينه زيك.. بالعكس انا متاكدة انو بيحتقرهم
كملت بضحك… مع انه احقر منهم اصلا قربت باستها وقالت…. اوعي تزعلي نفسك. وافضلي زي ماانتي قوية خدي حقك ومتتهزيش ياحورية. اوعي تحزني هو ميستاهلش. لان ده ميزعلش عليه. اخره يتتف عليه بس ويتنسي بعدها حورية…. انا حزينة علي نفسي يابيري. موجوعة اوي بيري…. انا حاسة بيكي وعارفة انك بتحبيه.بس مبقاش ينفع ياحورية قاطعتها حورية وقالت… لا صدقيني بقيت بكرهه.. انا بس موجوعة شوية بيري… حاسة بيكي والله… بس هو ميستاهلش. انتي مش لازم تحزني خالص ياحورية. لازم تكملي وتفضلي قوية.. خدي حقك منه وندميه وبعدها اتطلقي منه.
حورية مسحت دموعها وقالت بغل… انا فعلا هعمل كده ادتها المج وقالت… همشي بقي علشان اتأخرت. لازم انام بدري علشان الشغل بيري… ربنا يوفقك ياعمري حورية دخلت من البلكونة وهي بتقول… يارب واخدت طرحتها اللي علي الكنبة وحطتها علي شعرها واتجهت للباب وهي بتقولها..سلام بيري…. خلي بالك علي نفسك. خلي عينك في وسط راسك حورية…. حاضر متقلقيش ومشيت …………………….. عند امجد امجد فتح شقته ودخل في اللحظة دي رن تليفونه وكانت رشا واللي بمجرد ما رد عليها قالت.. حبيبي عامل ايه
امجد… تمام رشا… اخبار الشغل ايه دلوقتي. المشاكل اتحلت امجد… اه بقا تمام.. الولاد كويسين رشا… اه كويسين امجد…. محتاجة فلوس ابعتلكم رشا… لا ما انت كنت سايبلي فلوس كتير اخر مرة كملت بضيق وقالت.. المهم مقصوفة الرقبة اللي عندك دي اخبارها معاك ايه. امجد… تقصدي مين رشا بضيق… هي في غيرها.. من\ار. اللي لازقة فيك زي ما تكون امها.. انا عارفة ان البت عينها منك يا امجد. مش بستريح لحركاتها معاك وسهوكتها.. م\اتبعتها لاعمامها ولا لاهل امها
امجد بهدوء غريب… متقلقيش يارشا. انا مبخو، نش رشا بلعت ريقها بتوتر بمجرد ما قال كده لان حست انه يقصدها لكن قالت علطول في نفسها وهو هيعرف منين رشا كانت بتطمن نفسها مكانتش تعرف انو شاكك فيها وانه فعلا يقصدها بالكلمة وردت عليه وقالت… انا واثقة فيك طبعا بس بغير عليك عادي …………………… عند حورية كانت حورية بتكلم مرات اخوها علي الفون اللي اتصلت بيها تطمن عليها لانها بتعتبر حورية اختها عكس مرات اخوها التانيه
حورية…. كويسة والله ياعليا. انتي عاملة ايه والولاد عليا… كويسين والله ياقلبي. طمنيني عليكي انتي.. معلش عارفة انك زعلانة من طارق وعماد حورية…. لا مش زعلانة لاني اتعودت منهم علي كده. مبقوش يشغلو دماغي يا عليا ولا بقيت ازعل منهم ولا عليهم. مبقتش اعتبرهم اهلي خلاص.فكك عليا… هما مهما كان اخواتك واكيد بيحبوكي ياحورية بس انتي عارفة طبعهم بقا حورية ابتسمت بسخرية وقالت… بيحبوني اه كملت بلامبالاة وقالت… صدقيني ياعليا مبقتش محتاجة حبهم.. المهم انتي وحشاني اوي ونفسي اشوفك انتي والعيال. ابقي تعالي
عليا… هجيلك. حورية… هستناكي. سلام.. …. تاني يوم في الصباح قامت لبست وجهزت نفسها لاول يوم شغل لكن قبل م\اتخرج دخلت الاوضة علي جوزها واللي كان يدوب لسه صاحي مقامش من السرير وهو بيبص علي السقف بشرود وبيفكر ازاي هيتصرف معاها قاطع شروده لما دخلت وقالت …. عاوزة فلوس محمد قام اتعدل وهو بيولع سيجارة وقال…. ليه حورية… بعد ما اخلص شغل هعدي علي المول اجيب لبس محمد….. عاوزة كام حورية…. خمسين الف محمد…. عندك الكريدت في الدرج
حورية قربت وفتحت درج الكومود واخدت الكريدت وخرجت ……. تاني يوم كانت في شقة حم\اتها قاعدة علي الكنبة هي وهنا وهنا بتقلب في الفون وبتفرجها صور اكسسوارات وهي بشاورلها علي سلسلة معينة و بتقولها… ايه رايك اطلب السلسلة دي حورية…. الفراشة احلي هنا…. طب اطلب الجولد ولا الفضي. محتارة بصراحة بين اللونين حورية… الفضي حلوة هنا… خلاص هطلب الفضي حورية… اطبيلي واحدة معاكي هنا…. اشطا
كانت رشا واقفة بتكنس في الرسيبشن وهي سمعاهم ومغلولة منهم. لان حورية مبقتش تشتغل في البيت ورشا طبعا مش قادرة تتكلم لان من وقت ماعرفت ان حورية كشفتهم بقت مرعوبة من حورية اصلا وهنا طبعا مبتعملش حاجة يعني كل شغل البيت بقا علي رشا هنا…. هقوم اعمل شاي.اعملك معايا حورية…. اعملي ياختي. محسساني انك هتعملي كوكتيل وضحكت هنا بضحك… مبعرفش اعمل غير الشاي وبالعافية كمان وراحت تعمل وحورية مسكت مبرد الضوافر وبقت تبرد ضوافرها ببرود
وهي لسه بتبرد ضوافرها وبتبص عليهم تشوفهم مظبوطين ولا لا قالت… تفتكري لو الفيديو نزل علي النت يجيب مشاهدات قد ايه.. انا متاكدة انو هيطلع ترند في دقايق رشا بلعت ريقا برعب وحورية قالت… ايه رأيك نذيع الاول ولا افرج امجد الاول رشا قربت عليها بخوف وقالت بترجي…. لا ياحورية ابو.س ايدك. ابو.س ايدك اوعي تعملي كده.علشان خاطر عيالي. ابو.س ايدك في اللحظة دي امجد دخل واللي اتفاجأو بيه لانه مش معاده يرجع من السفر
رشا بصتله بصدمة وبقت مرع.وبة اكتر وحورية علطول قربت عليه وقالت.. امجد كويس انك جيت. بصت لرشا وقالت.. اصلي كنت عاوزاك في حاجة رشا كانت بتبصلها بترجي متقولش وهي حرفيا هيغمي عليها من الرعب يتبع….. #مأساة_حورية #البارت_ال12 #بقلم_فريدة_احمد