54 نزلت سهي في صباح اليوم التالي بعد ان اخبرت ليلي بأمر ذهابها الي الشركه و ما ان دخلت حتي وقف الجميع احتراما لها فتوجهت الي مكتب آدم حتي قامت بمهاتفته قائله: سهي:الو آدم(بسرعه):ايوه يا سهي ازيك عامله ايه سهي:تمام الحمدلله(ثم استطردت قائله) مالك بتتكلم بسرعه كده ليه آدم(بنفس سرعته في الكلام):معلش بس اصلي مستعجل شويه سهي:طيب كنت عايز……… لم تكمل سهي كلامها فقد دخلت عليها السكرتيره(هدي) الي المكتب و قالت لها: هدي(وهي تمد يدها لسهي بظرف):مدام سهي الظرف ده جاي لحضرتك
سهي(وهي تأخذه منها):طيب ماشي شكرا آدم:في ايه؟ سهي:لا مفيش حاجه ها قول كنت عايز ايه آدم:هاتيلي الملفات اللي في الدرج الاولاني كلها و اديها لاحمد سهي:طيب تمام آدم:ماشي سلام بقي
سهي:باي باي
•••••••••••••••••••••••••••••••••
عادت سهي الي القصر و اعطت لاحمد جميع الملفات التي طلبها منها آدم و ما ان صعدت غرفتها حتي تذكرت امر ذاك الظرف الذي اخذته من هدي فاخرجته من حقيبتها و قامت بفتحه لتجد كميه كبيره من صور آدم مع ابنه عمه كارمن تركتهم سهي علي الطاوله امامها و لم تعرهم اي انتباه الي ان تذكرت…منذ حوالي ثلاث اعوام عندما ارسل احدهم صور آدم مع سالي و لم تعرهم اي انتباه و كانت النتيجه ان بعدها بحوالي اسبوع تزوج آدم منها شعرت وقتها بالنيران تغلي في عروقها و قد قررت هذه المره انها لن تمرر هذا
الامر مرور الكرام و سوف تحاول ان تتأكد بنفسها من هذا الامر لكنها في نفس الوقت ستحكم عقلها فهي لن تخرب حياتها و تجعل الشك يتملك من قلبها خاصه من أجل ابنتها التي اصبحت شديده التعلق بوالدها
•••••••••••••••••••••••••••••••••
عاد آدم بعد مرور خمسه ايام من سفره استقبلته سهي استقبالا جافا الي حد ما و ما ان ارتاح من سفره حتي قال لها آدم: آدم(وهو يقرص وجنتي سهي):مالك يا سو سهي(بلهجه لا تحمل اي معني):مفيش آدم(بجديه):مالك بجد
سهي(دون ان تنظر له):آدم هو انت حدود علاقتك بكارمن ايه؟ آدم(باستغراب):و انتي بتسألي ليه؟ سهي:لا ابدا بس عمرك ما جبتلي سيرتها فبسأل يعني آدم:عادي يعني زيها زي سالي و جيرمين سهي(بابتسامه ساخره):اه يعني ممكن تجيبلي دره تاني آدم(باندهاش من طريقتها):في ايه يا سهي مالك بجد سهي(و قد بدأت تهدأ قليلاً):مفيش مفيش آدم(باستغراب):طيب براحتك (ثم استطرد قائلا) هي لوجي فين؟ سهي(بحماس):لسه مرجعتش من المدرسه بس اول ما ترجع هتتبسط اوي انك رجعت (ثم استطردت قائله)عارف يا آدم لوجي كانت زعلانه اوي ان انت سافرت و كانت كل يوم تقولي بابي وحشني هو بابي هو بابي مش هيجي
آدم(بخب\ث):طب و انا موحشتكيش سهي(وهي تلف ذراعها حول عنقه):وحشتني اوي
آدم(وهو يقبلها):و انتي وحشتيني جدا لوجي(وهي تقتحم الغرفه):بابييييي آدم(وهو يبتعد عن سهي بسرعه):لوجي وحشتيني
لوجي(وهي تحتضن والدها):و انت كمان وحشتني اوي و كنت هزعل اوي لو مكنتش رجعت تاني آدم(وهو يقبل وجنتيها):حبيبتي و انا اقدر مرجعش تاني سهي(وهي تأخذ الحقيبه من علي ظهر لوجي): لولو يلا غيري هدومك بسرعه عشان تتغدي و نقعد نذاكر اوكي؟ لوجي(وهي تنظر لامها):طب هو ممكن بابي يذاكرلي سهي:لا مش ممكن النهارده سيبي بابي يرتاح و بكره لو هو فاضي هيبقي يذاكرلك اوكي؟
لوجي(وهي تخرج من الغرفه):اوكي بس هنذاكر هنا سهي:طيب اوكي
•••••••••••••••••••••••••••••••••
كانت سهي تذاكر للوجي تحت انظار آدم حتي سمعا دقا علي الباب فاعت.دل آدم في جلسته كما لبست سهي اسدالها و سمحت للطارق بالدخول لتجد نيڤين تدخل وهي تمسك بيد سيف و تقول: نيڤين(لادم):حمدلله علي السلامه يا آدم آدم:الله يسلمك يا نيڤين انتي عامله ايه؟ نيڤين:تمام الحمدلله(ثم قالت لسهي)بصي انا عيزاكي في خدمه سهي:اؤموريني نيڤين(وهي تشير الي سيف):ده خليه يذاكر مع لوجي النهارده عشان مش فيقاله
آدم(مخاطبا سيف):مزعل مامتك ليه يا سيف سيف:و الله يا خالو مش مزعلها آدم(ضاحكا):ههههه لا انا مش خالو يا حبيبي انا عمو سيف:طيب سهي:خلاص يا نيڤين سيبيه و روحي انتي شوفي هتعملي ايه نيڤين(وهي تغلق الباب):طيب اوكي ميرسي يا سو سهي:العفو يا حبيبتي (ثم قالت لسيف)تعالي يا سيف اقعد هنا جنب لوجي سيف(جريا):حاضر آدم(بابتسامه):و مالك متصربع كده ليه سهي:متعطلناش يا آدم (ثم قالت لسيف)بص يا سيف انا سمعت دول للوجي اوكي انا هقول الكلمه و انت تقول هي اسمها ايه اوكي؟
سيف:اوكي سهي:عربيه؟ سيف:Car سهي:اسد؟ سيف:Lion سهي:ارنب؟ سيف:Rabbit سهي:تفاحه؟ سيف:Apple سهي(وهي تقرص وجنته):طب ما انت شطور اهو اومال تاعب مامي ليه؟ سيف:عشان كنت عايز اشوف لوجي لوجي(بخجل):بث(بس) بقي يا سيف آدم(و هو يقلدها):بث بقي يا سيف و انا قرطاس جوافه لوجي(وهي تقف في مواجهه والدها):بابي لو ثمحت(سمحت)متحرجنيس(متحرجنيش)قدام ثيف(سيف)
آدم(بسخ.ريه):حاضر ياختي(ثم قال مخاطبا سيف)و انت يا حبيبي اقعد ذاكر ملكش دعوه بيها
سيف:حاضر
•••••••••••••••••••••••••••••••••
في اليوم التالي استيقظت سهي و قامت بايقاظ لوجين و تجهيزها للذهاب الي المدرسه و ما هي الا دقائق حتي سمعا صوت الباص فنزلت لوجي مسرعه بينما توجهت مجددًا إلى غرفتها ، وجدت آدم قد استيقظ و ظل يدور بالغرفه و هو يعبث بهاتفه و ما ان خرجت سهي حتي قالت له: سهي:صباح الخير آدم(وهو يلتفت لها):صباح النور (ثم قال وهو يقترب منها)ايه القمر ده
سهي(مغيره الموضوع):هو انت مش هتروح الشغل النهارده آدم(وهو يقبلها):هو حد يسيب القمر ده و ينزل سهي(وهي تبتعد عنه):طيب آدم:هي لوجي نزلت سهي(باستغراب):اه نزلت بتسأل ليه آدم:لا عادي يعني سهي:اوكي آدم:سهي سهي:نعم؟ آدم:هو الظرف اللي جالك و انتي بتكلميني ده كان فيه ايه؟ سهي(بارتباك):ها لأ مفيش آدم(بشك):ماشي براحتك سهي(وهي تمسك يديه):هو احنا هنرجع بيتنا امتي
آدم:انتي عايزه نرجع امتي سهي(وهي تمط شفتيها):مش عارفه بس مش دلوقتي آدم:طيب اوكي (ثم تابع بخب\ث)طب ايه؟ سهي(بعدم فهم):ايه في ايه؟
آدم(بنفس نبرته):مفيش يعني لوجي مش موجوده و كده سهي(و قد فهمت ما يرمي اليه فقالت وهي تخرج من الغرفه):انا هنزل اشوف طنط آدم(ضاحكا): اهربي كالعاده
•••••••••••••••••••••••••••••••••
عادت لوجي من المدرسه و الابتسامه تشق وجهها و ظلت تجري بسعاده صعدت الي غرفه والديها فلم تجدهما بها فنزلت تبحث عنهما حتي وجدتهما جالسين بصحبه جدتها فتوجهت لهم راكضه وهي تقول: لوجي(وهي تجري بسرعه):مامي بابي آدم(وهو يجلسها علي قدمه و يقبلها):لولو حبيبتي عامله ايه؟ لوجي(بسرعه):الحمدلله سهي:في ايه يا لولو مالك
لوجي(وهي تنظر لجدتها):هقولوكو بث(بس) لما نانا تمسي(تمشي) ليلي(بزعل مصطنع):كده برضو يا لوجي لوجي:معلس(معلش)يا نانا بس الموضوع سخصي(شخصي) ليلي(ضاحكه): ماشي يا ستي (ثم قالت وهي تغادر الحديقه):بس بردو هعرف آدم:ها يا لوجي ادي نانا مشيت قولي بقي لوجي:بابي هو مس(مش)انتوا معندكوس(معندكوش)Kids غيلي(غيري)؟ آدم(باستغراب):ايوه طبعا يا لوجي لوجي:طيب هو مس(مش)انتوا بتحبوني و بتعملوا كل اللي انا عايساه(عايزاه) و لو قلتلكوا علي حاجه انا عايزاها هتعملوهالي آدم:ايوه طبعا يا لوجي لوجي:طيب بابي انا عايسه(عايزه)……………
•••••••••••••••••••••••••••••••••