كيف أنسى ٣

57 عادت الي منزلها و قد احمرت عيناها و انتفخت من شده البكاء و ما ان صعدت الي غرفتها حتي ارتمت علي السرير و احتضنت وسادتها و ظلت تبكي بغزاره و بعد نصف ساعه هدأت قليلاً و عزمت علي مواجهته عندما يأتي ابدلت ملابسها و جلست بانتظاره و ما هي الا ربع ساعه حتي وجدته يدخل من باب الغرفه و عليه علاما\ت الاعياء و التعب و قال لها: آدم(بتعب):مساء الخير سهي(محاوله رسم ابتسامه):مساء النور يا حبيبي (ثم قالت باهتمام)كنت فين كل ده

آدم(وهو يخرج ملابسه من الدولاب):كنت عند كارمن سهي(باندهاش من صراحته التي لم تتوقعها): نعم؟ آدم:اتصلت بيا قالتلي ان في حرامي في الفيلا و هي مش عارفه تعمل ايه فنزلت روحتلها و علي ما وصلت لقيتها بتقولي لأ دي كانت قطه سهي(بمكر):و كل ده بتقولك الكلمتين دول آدم(وهو ينظر لها):لأ ما هي مسكت فيا اقعد شويه فقعدت ربع ساعه و جيت علي طول سهي(بغموض):امم طيب (ثم استطردت قائله)تحب احضرلك حاجه

آدم(وهو يدخل الحمام):لأ شكرا
•••••••••••••••••••••••••••••••••
توجهت سهي الي السرير بعد دخول آدم للحمام حاولت النوم لكنها لم تستطع فقضت ليلتها و هي تفكر في كل ما يحدث من حولها الصور الرسائل كارمن و ربما خيانه آدم تعجبت سهي كثيرا من ذكره لذهابه لكارمن فقد توقعت ان يخفي عنها امر ذهابه لها افاقت من تفكيرها علي صوت آدم وهو يقول لها: آدم(بصوت عال):سهي سهي(وهي تلتفت له):في ايه حد ينادي حد كده آدم:انا بندهلك من الصبح بس انتي مش واخده بالك (ثم استطرد قائلا باهتمام)مالك؟

سهي(وهي تنظر له):يهمك اوي آدم:اكيد سهي(بتنهيده):هو انت ليه قلتلي انك رحت عند كارمن آدم(باستغراب):مش فاهمك يعني ايه انا ليه قولتلك اني رحت عند كارمن عشان انتي سألتي سهي:ايوه بس انت كراجل يعني كان المفروض تخبي عليا آدم:لأ مش مفروض و بعدين انا من اول يوم في جوازنا و انا قررت اني مخبيش عليكي حاجه طب اقولك علي حاجه سهي(بابتسامه):قول آدم:فاكره يوم ما نزلت بسرعه و قولتلك ان انا عندي شغل سهي:اممم لا مش فاكره آدم:نفس اليوم اللي اتبعتتلك فيه صوري مع سالي

سهي(بحنق):اه افتكرت آدم:اليوم ده كان اكتر يوم كنت مضايق فيه في حياتي سهي(باستغراب):اشمعنا؟ آدم:عشان اليوم ده قلتلك ان انا عندي شغل و انا كنت نازل اقابل سالي و من اليوم ده فعلا قررت ان انا مكدبش و لا اخبي عليكي اي حاجه ابدا سهي(و هي تنظر له بتأمل):انت ازاي كده انا بحبك اوي

آدم(وهو يقبلها):و انا بمـ,ـوت فيكي يا سو
•••••••••••••••••••••••••••••••••
استيقظت سهي من نومها هي تشعر بمدي ظلمها لادم فقد اثرت كلما\ته الي حد كبير علي عقلها و قلبها فزاد حبها له و تقديرها و قد اختفت تقريبا فكره ان يخونها آدم من عقلها فكيف له ان يخونها و هو يتعامل معها بكل هذه الصراحه لكن كان هناك شئ يقلقها شئ لم تستطع اكتشافه بعد يسبب لها القلق و الخوف و في بعض الاحيان الاكتئاب خرجت من الحمام بعد ان استحمت خرجت لتوقظ لوجين لتجدها استيقظت و ابدلت ملابسها فعادت لتوقظ آدم ليذهب الي عمله اقتربت منه لتجده يتمتم ببعض الكلما\ت

الغير مسموعه و حبات عرق تتساقط علي جبهته وضعت يدها تتحسس جبهته لتجد حرارته مرتفعه بشده فقامت بتناول هاتفه الموضوع بجانب السرير و هاتفت الطبيب الذي اتي علي الفور و قال لها: الطبيب(وهو يناولها ورقه):خير يا مدام سهي هو بس ارهق نفسه فجتله زي حمي كده انتي بس جيبيله الادويه دي و اعمليله كمادات ميه ساقعه وهو هيبقي كويس سهي(بقلق):يعني هيبقي كويس الطبيب:ايوه يا بنتي متقلقيش انا همشي دلوقتي و إذا احتجتي اي حاجه او حصل اي حاجه اتصلي بيا

سهي:ميرسي يا دوكتور الطبيب(وهو يغادر الغرفه):العفو يا بنتي
•••••••••••••••••••••••••••••••••
ظلت سهي جالسه بجانب آدم وهي تقوم بعمل كمادات المياه البارده له لاحظت عندها ان آدم قد بدأ يفيق و قال لها: آدم(بصوت يكاد يكون مسموعا):سهي سهي(وهي تقترب منه قائله بلهفه):آدم انت كويس حاسس بايه؟ آدم(وهو ينظر لها):مفيش انا كويس (ثم قال وهو ينظر حوله)هي الساعه كام؟ سهي(وهي تنظر في ساعتها):الساعه حداشر آدم(بسرعه و هو يزيح الغطاء عنه):ايه و سيبتيني نايم كل ده ليه انتي مش عارفه ان عندي شغل

سهي(وهي تقف امامه و تمسك ذراعيه):اقعد مفيش مرواح للشركه الاسبوع ده انت تعبت نفسك و حرارتك عليت و تعبت اقعد بقي آدم(وهو يجلس علي السرير):طب و الشغل ده مين اللي هيعمله سهي(وهي تجلس بجانبه):اي حد يا سيدي احمد آسر مش مشكله يعني آدم(وهو ينام علي السرير):طيب (ثم قال وهو ينظر لها)يعني مفيش شغل الاسبوع ده سهي(وهي تضع الفوطه علي جبهته):لأ مفيش و هتاخد ادويتك كلها و مفيش تكيف هيشتغل آدم(بمرح):انتي شكلك عايزه تعذبيني سهي(وهي تقوم من علي السرير):اه فعلا

آدم(وهو يمسك يدها):رايحه فين طيب سهي(وهي تنظر له):هشوف طنط ليلي آدم(بخب\ث):طب و ابن طنط ليلي هتسيبيه كده ده حتي يزعل سهي(وهي تجلس بجانبه):خلاص اهو آدم(بتنهيده):لوجي وحشتني اوي بقالي يومين مشوفتهاش سهي:اممم ما انت ما بتصدق تهرب مننا و تروح الشركه آدم(معتذرا):مش قصدي و الله بس الايام دي في ضغط رهييب سهي:عادي يعني يا آدم مفيش حاجه آدم(وهو يمسك يدها بقوه):تعرفي اني بحبك اوي سهي:ايه ده بجد آدم(بابتسامه):مش مصدقه سهي:لا مصدقه اوي آدم:حاسك بتتريقي سهي(ضاحكه):و الله ابدا (ثم استطردت قائله) بس تعرف ان انا كمان بحبك اوي

آدم:يا شيخه سهي:اه و الل… ليلي(وهي تدخل الغرفه بسرعه قاطعه حديثهم): آدم سلامتك يا حبيبي آدم:متخافيش يا ماما انا كويس ليلي(بعصبيه خفيفه):ماهو كله من اللي انت بتعمله في نفسك في الشغل ده سهي(مهدئه):خلاص يا لولا هو مش هيعمل كده تاني ليلي:ما هو انتي لو متخليهوش ينزل عمال علي بطال كده مكنش هيحصل اللي حصل ده آدم(بضيق):خلاص بقي يا ماما منا كويس اهو ليلي(وهي تغادر الغرفه):انا ماشيه بدل ما دمي يتح/رق هنا سهي(و هي تغلق باب الغرفه):نام انت دلوقتي و انا هبقي اصحيك تاخد الدوا

آدم:طيب ماشي اوكي
•••••••••••••••••••••••••••••••••
عادت لوجي من المدرسه صعدت الي غرفتها و ابدلت ملابسها ثم نزلت لتبحث عن امها فوجدت جدتها جالسه في الحديقه فسألتها لتقول لها ان امها في غرفتها و ان والدها مريض فصعدت الي الغرفه بسرعه و دخلت قائله: لوجي(وهي تتوجه لوالدها):بابي (ثم قالت وهي تقبل وجنته)ثلامتك(سلامتك) آدم(وهو يجلس لوجي علي قدمه):الله يسلمك يا لولو عامله ايه يا روحي لوجي:الحمدلله (ثم قالت بعبو/س)وحستني(وحشتني) اوي يا بابي آدم(وهو يقبل وجنتها):و انتي كمان يا لوجي (ثم قال محاولا اسعادها)طيب بصي قولي اي حاجه انتي عايزاها و انا هعملهاك

لوجي:اي حاجه اي حاجه آدم(بابتسامه):اي حاجه اي حاجه لوجي:اممم عايزه اروح عند فريده آدم:بس كده من عنيا يا ستي لوجي(وهي تقبل والدها):هيييييه ميرسي يا بابي آدم:العفو يا روحي سهي:اتغديتي يا لوجي لوجي(وهي تغادر الغرفه):لأ لسه هروح اهو سهي:طيب بسرعه عشان نقعد نذاكر لوجي(وهي تغلق الباب خلفها):حاضر
••••••••••••••••••••••••••••••••