ربنا كرم وعد و معتز من ناحية تانية بقا عندهم أكبر مستشفى في القاهره من مجهودهم ،الاتنين أكبر دكاترة في البلد. رغم أن حالتهم المادية تسمح يعيشوا في ارقي الإمكان ، لكن رفضوا و عايشين معنا في نفس البيت. حتي أدهم بقا صاحب منصب عالي في الجيش و رفض نسيب البيت و نفضل مع العيلة. الناس مش مبطل كلام علينا و على غيرنا ،في نوعية كده من الناس الشغل بتاعهم يتكلموا على الناس. طالما انت بترضي ربنا في تصرفاتك انسي الناس.
الحمد لله عايشة في سعادة و حب ////////////// تنهدة تنيهدة طويلة و قالت: دي حكايتي يا بنات. نغم: حكاية صعب اوي، أصعب من حكايتي. نور: كل واحدة حكايته صعبة حسب ظروفها. نغم بغناء: الدور على مين يحكيلوا. نور و نجاة : يا بنتي صوتك مش حلو بطلي تغني. زفرت بضيق و قالت: محط_مين أحلامي. بصت نجاة و قالت: يلا يا نور. نور بسخ.رية : احم، احم، احم، لازم يعني. نغم : أيوة طبعا. أبتسمت و قالت: حكايتي صعبة.
بصت نجاة و نغم لبعض و قالوا: كلنا هذا الشخص. كانت بتضحك و قالت: أنا أصعب يا بنات. نغم بعصبية: انطقي بقا. عدلت حجابها بغرور و قالت: اختكم رد س_جون فتحوا عيونها بصدمة و قالوا: نهار ابيض يا نور. أبتسمت و قالت: اهدي يا بنت منك ليه. نجاة: ده هزار صح. : لا و الله حقيقي، أنا رد سجون. نغم: تهمة ايه ،سر_قة. : نعم يا اختي، سر_قة ايه الته_مة الهب_لــة دي. نجاة بصوت عالي: انطقي.
:قت_ل. قالت الكلمة بلا مبالاة ، هي دي طبيعية نور هادئة إلى حد البرود، لو نغم شجاعة فا نور تفوق شجاعة نغم بمراحل. لو نجاة روحها حلوة ، فا نور تخطت نجاة بكتير. سألت نغم بتوتر: بتقولي ايه يا نور، قت_ل ليه و ازاي. نجاة بحزن: يا بنتي اتكلمي أحنا على اعصابنا، حصل ايه في حياتك. بصت بابتسامة و قالت: ليه الحزن و التوتر، أنا بقول كنت في الس_جن ،مش لسه أدخل. زفروا الاتنين بضيق منها بسبب البرود، بصت لجرسون و قالت: لو سمحت قهوة هنا علشان أعرف أحكي حكايتي مع الزمان.
قالتها بسخ.رية، و نغم و نجاة على أعصابهم. ربعت ايدها على الطاولة و قالت: صلوا على الحبيب. = عليه افضل الصلاه والسلام. : الحكاية بدأت وووووو و للحديث بقية بعد ما خلصت حكاية نغم و نجاة رايكم ايه بصراحة فضلا يلي متابع طول الرواية في صمت تام و يللي تخبط لايك و تجري قول رايك. و توقعتكم لحكاية نور #الفصل_السابع_عشر #نجاة #روايات_بقلم_منال_كريم
