-فيا الحنية والطيبة، أنا مش شايفاكي وحشة بالعكس أنتِ أى راجل يتمناكي، وأنا لو كنت راجل كنت هتمنى أنى أتجوز دكتورة شاطرة وناجحة وجميلة وأنيقة ومتحضرة لكن رغم كل الجمال دا أنتِ اللى ناقصك الحنية، جبر الخاطر، يونس مريض بمرض نفسي مش كانسر لا قدر الله ولا مستنى المـ,ـوت، عكسي أنا لما بيطلع عليا شمس يوم جديد بقول الحمد لله وبدعي يطول فى عمرى أشوف شمس بكرة، واحدة عايشة على حافة المـ,ـوت وأحتمال المـ,ـوت يكون واقف وسطنا دلوقت مش هقولك برا الباب دا، بس المريضة دى بقي طبطبت عليه وجبرت بخاطر بخلافك أنتِ يا دكتورة ، أه أنتِ مش دكتورة نفسية
لكن تعرفي تتعاملي مع المريض ، أنا واثقة ومتأكدة لو كنت حنتي عليه شوية مكنش هيعشـ,ـق ولا هيحب غيرك، لأن فعلًا أنتِ ما شاء الله ربنا مديكي كل حاجة يتمناها أى راجل فى ست كانت “قدر” تستمع لحديثها وعقلها بدأ يستوعب كلمات “فلك” وربما التقصير من البداية كان منها هى أولًا فقالت بضيق:- -ههههههه تفتكري محاولتش أكون طيبة معاه وأحبه أجابتها “فلك” بنبرة خافتة هادئة:-
-يمكن حاولتي لكن زى مبتقولس مجرد محاولة واحدة، مأخدتيش بأيده وفضلتي معاه بالطريق، أنتِ أول واحدة سابت أيده فى طريقه الصعب، مستحملتيش وجود بنت فى خياله وبدأتي تحسسيه أنه بيخـ,ـونك بجد وبرغبته، بدل ما تقدمي له الحب قدمتي الإهانة والذُل، مين فى الدنيا ممكن يقبل بذُل حد له، أنتِ مثلًا ممكن تقبل أن حد يذلك ويهينك كل ما يشوفك، معقول تحبي حد كل ما يشوفك يوجعك بكلامه، ليه محطتيش نفسك مكانه مرة واحدة فى كل المرات اللى وجعتيه فيها…
بدأت الدموع تنهمر من عيني “فلك” مع كلماتها دليلًا على ألم قلبها علي مأساته وما مر به من وجع بصبحة هذه المرأة، رأت “قدر” دموعها المُنهمرة ولم تستوعب سبب دموعها وألمها حتى نبرتها الثابتة تبدلت بخافتة مُنكسرة، رفعت “فلك” يدها تجفف الدموع بسبابتها بلطف وقالت:-
-عارفة أنا مكرهتكش رغم كل الأذي الى أذيتى ليونس، لأنى حاولت أحط نفسي مكانك مرة بس فشلت، فشلت فى أن يكون قلبي المريض قاسي على حد مهما كانت جـ,ـريمته مع والله يونس ما أرتكبش أى جـ,ـريمة فى حقك، بس أنا عارفة أنك مجروحة وكل اللى بتعمليه دا من ألمك، لكن قوليلي على حاجة واحدة هتستفاديها بخطفك ليا أو أذيتك ليا بأى طريقة، يونس هيرجع لك!! ، بلاش دى أنتِ نفسك هترجعي قدر الدكتورة المحترمة اللى كل الناس بتحترمها ولا هتتحول لمجـ,ـرمة بتخـ,ـطفي وتقـ,ـتلي
صاحت “قدر” بها بانفعال شديد قائلة:- -على الأقل هيتوجع زى ما أنا أتوجع تبسمت “فلك” لها بعيني حزينة مُنكسرة تحمل الإشفاق عليها لتقول بلطف:- -صدقينى يا قدر أى حاجة بتخسريها ممكن تتعوض، ربنا ممكن يعوضك براجل يحبك أحسن من يونس مية مرة ويحطك تاج على رأسه، أى حاجة بتتعوض إلا حاجة واحدة لو خسرتيها مستحيل تتعوض، أنتِ يا قدر… لو خسرتي نفسك ونقاك وأحترامك لنفسك مش هتعرف تعوضي نفسك
غادرت “قدر” الغرفة غاضبة ومُنفعلة بحدة لتغلق الباب بقوة وكأنها تكسره بقبضتها وبعد أن أغلقت أنهارت فى البكاء بحزن على ما ألت إليها الأمور وما أرتكبته بحق نفسها، فى بداية الأمور أتفقت مع مجرمين لقـ,ـتل “فلك” والآن خطفتها، جاءت الخادمة إليها لتراها على الأرض تبكي بأنهيار شديد فجلست بجوارها وبدأت تربت عليها بحنان…… ********************* كان “يونس” جالسًا بمكتبه حتى رن هاتفه برقم “فلك” فأتسعت عينيه على مصراعيها بصدمة من رؤية اسمها وهاتفها بشقتهما، استقبل الأتصال بقلق ويدي مُرتعشة وهمس بنبرة خافتة قائلة:-
-ألو.. أتاه صوتها وهى تقول:- -يونس وقف من مقعده مُسرعًا وبجواره “غزل” تضع يديها على أكتافه ليقول:- -فلك! أنتِ فين؟ أجابته بنبرة غليظة حادة ولم تنسي نهائيًا ما بدر منه قبل أختطافها قائلة:- -أنا فى البيت، قدر رجعتني وقولت أطمنك رغم أن واضح أنك مش قلقان ولا حاجة كاد أن يتحدث لكنها أنهت الأتصال بغضب وأسرع فى خطواته ليرحل لكنه صمع صوت صراخ “غزل” من الخلف فأستدار ليراها تقف بزواية الغرفة وتصرخ بهلع وقد بدأت فى التلاشي ليسرع نحوها بذعر خوفًا عليها وهو يراها تبكى بهلع شديد، بدأت تتحدث بأرتجاف شديد:-
-يونس، أنا مالي، فيا أيه يا يونس…. لمسها “يونس” بيديه بخوف من أن يكن هذا هو الوداع وتكن هذه مرته الأخيرة فى رؤيتها وقال:- -متخافيش يا غزل أنا معاكي أهو ومش هسيبك رغم تلاشي قدميها الأثنين إلا أنها تشبثت بيديه وقالت بعينى باكية:- -قولي بحبك خليها أخر كلمة أسمعها منك، أنت خلاص أستغنيت عني وقررت تقتـ,ـلني ضمها إليه بقوة وهو يقول بحب شديد:- -لا مقدرش والله، أنا بحبك يا غزل بحبك ومقدرش أعيش من غيرك، أنتِ حبيبتى وروحى وعقلي وصاحبتى وكل حاجة ليا
بدأت تشعر بأرتياح وقدميها تحملها جيدًا لتقول بلطف:- -متسبنيش يا يونس متقـ,ـتلنيش بأيدك قبل جبينها بحب وهو يحدق بها بإمتنان وشغف، أبتلعت ريقها بصعوبة بالغة توترًا من قُربه منها، رفعت عينيها به بخجل لتتقابل أعينهما فى نظرة مطولة، حدق بها ووجنتيها تتورد كحبتي الفراولة من شدة خجلها وهو يحاصرها فى الحائط بيده وتشعر بيديه تتسلل إلى خصرها كأنه لم يكتفى بربكتها وأرتفاع درجة حرارة جسدها فيزيدها خجلًا لاعبًا على أوتار قلبها العازف لضـ,ـربات مُتسارعة أوشكت على قـ,ـتل صاحبتها، أغمضت عينيها بهدوء وتمتمت بصوت خافت:-
-يونس وضع أصابعه على شـ,ـفتيها فور لفظها لأسمه لتفتح عينيها وترفعهما به ليقول هامسًا لها:- -اللعنة على سحرك يا غزل تبسمت “غزل” بغفوية على هذا العاشق لها رغم أنه يجهل هويتها وحقيقتها فرفعت يدها للأعلى تلفهما حول عنقه وقالت بهمس:- -أنا معملتش حاجة غير لفظ أسمك يا حبيب قلبى تبسم بسخرية على مكر هذه الثعلبة الجميلة ويرفع يديه إلى وجنتها يزيح شعرها عن أكتافها ويعود به لخلف ظهرها هائمًا فى عشـ,ـق هذه الجميلة الساحرة وقال:-
-اسم وحده من بين شفايفك كفيل بإسقاط اللعنة عليا، لكن قوليلى يا غزل أى تعويذة حطتيها فى قلبى تبسمت وهى تضع يدها على مؤخرة رأسه وجذبته إليها بقوة ليتلصق بها ثم همست فى أذنيه بنبرة مُثيرة:- -العشـ,ـق.. تعويذة عـ,ـشقى يا يونس أبتعد قليلًا عنها لينظر إليها لتتابع “غزل” بنبرة قوية رغم نعومتها:- -أوعدك بأن قلبك مش هيعرف يعشـ,ـقي غيرى يا يونس وهتعبر جسور وأزمنة عشان غزل مسكت لياقة قميصه لتجذبه بقوة إليه ثم قالت:- -أنت ملكي أنا
كان غارقًا عشـ,ـقًا بها فى هذه اللحظة وكأنها أسقطت به تعويذة العشـ,ـق حقًا، لم يقاومها أو يمنعها من الحديث بل جذبها من خصرها بقوة لتلتصق به فوضع قبلة على عينيها، فُتح باب المكتب ودلفت “قدر” زوجته ورأته يقف هناك فى زواية الغرفة فقالت:- -بتعمل أيه يا يونس ألتف لها غاضبًا من دخولها دون أذن منه وقال بحدة:- -أنا كام مرة هفضل أقولك خبطى قبل ما تدخلى جلست “قدر” على المقعد بغرور وتجيبه:- -أنا مراتك يا حبيبي مش موظفة عندك
ضـ,ـربته “غزل” على ظهره بقوة والغيرة تشتعل بها لتقول:- -قول لست دى تحترم وجودى ومتقولكش يا حبيبي بدل ما أسخطها قرد ألتف إليها بقلق وهمس إليها:- -أنتِ شايفة كلامك معقول يعنى، أقولها قدر لو سمحتى متثيرش غضب عفريتة محدش شايفاها غيري هتأخدنى على مستشفى المجانين حضرتك عقدت “غزل” يديها أمام صدرها بغرور وقالت:- -قولت جنية ومفيش حاجة اسمها عفريت وبعدين مش ذنبى أنى محدش بيشوفنى ولا يسمعنى غيرك قطعته “قدر” بنبرة حادة تقول:- -أنت بتكلم الحيط يا يونس، مش عيب عليك يا ابن القصور وسيد المال تكون مجنون
كادت “غزل” أن تذهب إليها ليمنعها “يونس” قائلًا:- -غزل… دى مراتى رفعت نظرها به بصدمة ألجمتها فهل منعها الآن وأختار صف هذه الزوجة الماكرة، تتطلع بنظرت غضبها بخوف وشعر بفراغ فى يديه لينظر إلى يده الماسكة بيديها وصُدم عندما رأى يدها تتبعثر فى الهواء كالدخان ويبث منها اللون البرتقالي كالنار وكأنها تحترق فرفع نظره بهلع إلى وجهها لكنها تبعثرت فى الهواء قبل أن يرأها…… نظر إلى “قدر” ولم ينسي نهائيًا ما فعلته ليقول:- -جاية ليه؟