هيبه // عايز ايه ياسعفان انت مش وديت الفيديو لجابر عايز تسلم الفيديو للحكومه روح سلمه مفيش حاجه فارجه معايا. سعفان // عيب عليك ياراجل انا برده اعمل اكده دا انت عشره عمر واحنا كنا عايشين مع بعض علي الحلوه والمره ولا يمكن اعمل اكده. هيبه // لا من انت عملت وخليت رجالتك يراجبوني ويصوروني كمان وخدت الفيديو وبتهدد بيه جابر اخوي. سعفان // مش تهديد ولا حاجه ياهيبه الحكايه ومافيها اننا عايزين نعدي شويه حاجات في العربيات بتاعه اخوك جابر اللي محدش عيبصلها لا ولا وهي داخله ولا وهي طالعه بس اكده.
واخوك جابر وافج خلاص ومفيش مشكله والفيديو ده محدش عيشوفه المهم دلوكيت انا بكلمك في موضوع تاني خالص. هيبه // موضوع ايه مفيش مواضيع بيني وبينك غير ده. سعفان // لا في موضوع مهم خالص وانا طالبك عشان اكده. شوف الصوره اللي عبعتهالك دلوكيت. هيبه // دي مياده!! ايه اللي جايبه عنديك وهي نايمه اكده ليه واللي خلج الخلج لو مسيتها لكون مجطعك ياسعفان. رئيسه // مياده مالها ياهيبه رد عليا. هيبه // استني يارئيسه اوعاكي اكده.
رئيسه // رد عليا ياهيبه بجولك مياده مالها. سعفان // طول بالك ياواد عمي انا عجولك علي كل حاجه بس لما تاجي الاول في خير كتير ياواد عمي عيساع الكل وعيغرقنا في العز والهنا وعتيجي وتشوف بنفسك. هيبه // سيب البت ياسعفان وخليها تروح وبعدين نتفاهم. سعفان // ممنوش فايده ياهيبه الكلام دا جدر ونفذ خلاص دا نصيبها اللي مكتوب ليها ومحدش يجدر يخلصها الا لو جيت انت طبعا وخلصتها. هيبه // قدر ايه يامجنون عتجول ايه انت تقصد ايه.
سعفان // اللي انت فاهمته ياواد عمي المجبره معتفتخش الا بدم عروسه والعروسه موجوده. هيبه // عيكون اخر يوم في عمرك لو ده حصل وانت عارف ان مبجولش كلمه وارجع فيها حياه مياده جصاد حياتك لو ده عيكلفني عمري ياسعفان. رئيسه // بتي انا اللي ضيعتها مشيت وراك وسمعت كلامك وسبت بتي بتي ضاعت منك لله ياهيبه منك لله بتي زنبها ايه حرام عليكوا دي اللي فضلالي في الدنيا انا لازم انزل البلد دلوكيت لو ايه اللي عيحصل لازم اروح لبتي.
هيبه // اهدي يارئيسه متخافيش والله لجيبلك بتك لو ايه اللي عيحصل لوده عيكلفني حياتي متخافيش معيعملوش حاجه النهاره معينفش اللي عيعملوه غير مع تمام الجمر يعني عمره معيجدر ياذبها النهاره هو دلوكيت خايف عليها اكتر منينا اول يسال الشيخ عيجوله اكده. رئيسه // انا اللي ضيعت بتي انا اللي ضيعتها مشيت وراك عاميه ومش شايفه ووافجتك علي كل حاجه بتعملها ودي النتيجه. هيبه //جلتلك اهدي الله وكيلك ياشيخه ماعخلي حد يجرب ليها وعتشوفي انا جد كلمتي ولا لا.
_________♕♕♕♕♕♕______اطياف راحله. يعني ايه ابن الجديمه كان بيضحك عليا محمل العربيات تحف وانتيكات هي دي الحاجات اللي عيساوم عليها مجابل العشره مليون جنيه. مدير الامن // اهدي ياجابر احنا كنا متوقعين انه هيعمل كده علشلن كده مرضيناش نهاجم العربيات هو عمل كده علشان يختبرك ويشوف انت هتبلغ عنه ولا لا. والراجل بتاعنا اللي وسطيهم بلغنا لكل حاجه. جابر // طيب هو اكده استفاد ايه. مدير الامن // استفاد ان امن نفسه والمره اللي جايه هيحمل العربيات الممنوعات اللي عايز يحملها.
جابر // طيب وبعدين يابيه. مدير الامن // كده يبقي هو لعب اللعبه زي ما احنا عايزين احنا كنا ماوقعين انه هيعمل اكده والمره الجايه هنقبض عليه متلبس هو واللي معاه. وكمان احنا عرفنا ان هيبه اخوك هيرجع البلد. جابر // هيرجع كييف يعني اتجبض عليه. مدير الامن // لا متقبضش عليه وده اللي كنت عايز اقولهولك وطلبتك علشانه سعفان خطف بت عزام وطبعا رئيسه لما تعرف ان بنتها اتخطفت هتيجي علي ملا وشها وطبعا هيبه مش هيسيبها تيجي لسعفان.
جابر // ابن المحروج حصلت كمان لخطف البنته. مدير الامن // اومال لو تعرف هو خاطفها ليه. جابر // عيكون خاطفها ليه يعني واحد قذر عيخطف البنته ليه. مدير الامن // هو اينعم قذر بس مش اللي في دماغك. سعفان خاطف البنت علشان يدبحها علي باب المقبره علشان تفتح لان الشيح قاله ان المقبره عشان تفتح عايزه دم عروسه وهو مكدبش خبر. جابر // واااه عتجول ايه حضرتك عيدبح مين هي فروجه عيدبحها دي بني ادمه والبت دي كانت عند وضاح في بيته خطفها الزاي.
مدير الامن // مش مهم الزاي المهم انه خطفها وخلاص. جابر // طيب وجنابك سيبهم ليه لما يخلصوا علي البت. مدير الامن // الموضوع ده متاجل كام يوم لما القمر يكتمل زي الدجال ماقالهم. جابر // عشان كده حضرتك مستني يتلموا كلهم عشان تقبض عليهم. مدير الامن // ربنا يسهل نفسي قبل ما مشي من البلد دي انضفها من المافيا دي الحيوان ده بيتحكم في مافيا كبيره لتجاره السلاح والمخدرات والدعاره حتي في تجاره البشر مخلاش حاجه قذره الا وعملها وللاسف ياجابر اخوك مشترك معاهةفي كل الحاجات دي.انا مش عارف ياجابر هيبه ده اخوك الزاي.
جابر // متستغربش يابيه صوابعك مش زي بعضيها هي دي اخرت المشي العوج وانا سبب اساسي في اللي هيبه فيه ده كل غلطه كان بيغلطها هيبه وهو صغير مكنتش بحاسبه عليه وكنت ماشي اصلح واسوي وراه لما تعود علي الغلط وهو عارف كويس ان في حد عيصلح وراه ومبجاش يهمه حد وبجي يعمل اللي هو عايزه وميعملش حساب لحد. مدير الامن // لا جابر متحملش نفسك ذنب انت معملتهوش هو اللي غلط وهو اللي لازم ياخد جزاءه.
جابر //بردك اخوي يابيه والدم عمره مايبجي ميه وصعبان عليه اكتر مرته وولاده مالهمش ذنب في اي حاجه. مدير الامن // ربنا يقويك ياجابر علي اللي انت فيه مش اي حد فعلا يستحمل اللي حصل ده ولا اللي لسه حيحصل انت فعلاجبل. جابر // ربنا يستر يابيه اهم حاجه عندي دلوكيت البت الغلبانه اللي هتضيع في الرجلين دي اوعاك تسيبها يابيه او اديني الاذن الم البلد كلياتها واهجم عليه ونخلص عليهم كلياتهم ونريح الناس من شرهم.
مدير الامن // جابر اوعي تخليني اندم علي اني قلتك علي كل حاجه انا متحكم في زمام الامور كلها ومسيطر علي كل حاجه. جابر // متخافش يابيه انا مش ممكن اهد كل اللي حضرتك عملته الشهور اللي فاتت ولا عخطي خطوه واحده الا بامر جنابك انت لازم تتاكد من اكده. مدير الامن // انا عارف ياجابر و متاكد من كده وعارف انا معتمد علي مين كويس. الفصل التاسع عشر………غيوم الشمس.
لم ترغم قلوبنا علي البقاء مع من نحب بل استلمت بكل حصونها طائعه بكامل ارادتها احبت الاسر في قرب محبيها وابت ان تنال الحريه في بعدهم ايققنت تماما ان البعد عن من تحب هو موت حتمي وان الحياه بدونهم لاتعني اي شئ. وجودهم حياه ولوكان فيه اسر وفراقهم موت ولو كان مطلق الحريه نعم نابي تحرير قلوبنا من قيود حبهم. ____________♡♡♡♡♡____________اطياف راحله. ادخلي يابتي وهاتيلي حبوب الصداع الله يرضي عنيكي معحبش المستشفيات ريحه المستشفي معطيجهاش عتخلي دماغي عتنفجر وعتجيبلي صداع شديد جوي.
شمس // حاضر ياعمه دجيجه واحده عجيبلك الحبوب. ناديه // حمد الله علي السلامه صالحه عامله ايه. عزيزه // زينه ياختي كان عيجري ايه ياعني لو مليتي رجليكي تراب وروحتي طليتي عليها كتي عتخسي يعني ولا كنتي عتخسي مش دي بت اختك بردك. ناديه //هو انا قلت حاجه ياحاجه ولا انتم قولتولي اجي معاكم. عزيزه // وهو انتي عايزه عزومه. ناديه // عامه انا هروح لها الصبح اطمن عليها وابارك لها. عزيزه // تروحي متروحيش براحتك.
شمس // اتفضلي ياعمه الحبوب اهي. عزيزه // تسلميلي ياجلب عمتك. شمش // عايزه مني حاجه ياعمه انا طالعه تصبحي علي خير. عزيزه //وانتي من اهل الخير ياجلبي. ناديه // علي فكره ياشمس وضاح مش في الاوضه دا طلع الغيه وطلب سماح تطلعله القهوه. شمس // هو من بدري اهنه كان عيجول انه عيروح المزرعه الاول. ناديه // لا ماهو جه وقال عدنان هيبات هناك عشان هو تعبان وعنده صداع. شمس // اه يعني هو من بدري اهنه.
ناديه // يعني من ساعتين تقريبا. شمس // اه اومال داليا فينها مش باينه يعني وهدي كمان فين. ناديه // فوق في اوضتهم عيروحوا فين يعني. عزيزه // يالا ياحبيبتي اطلعي شوفي جوزك وخدي الحبوب معاكي اديلي حبه منيها لوكان عنده صداع. شمس //حاضر تصبحوا علي خير. عزيزه// وانتي من اهل الخير ياجلبي.انا كمان داخله انام عشان ميته من التعب. ناديه // وانا كمان طالعه تصبحوا علي خير وهي طالعه علي السلم بتطلع التليفون وترن علي داليا وتنبها ان شمس طالعه.
________________♕♕♕♕________اطياف راحله. وضاح نايم علي كرسي مريح قدام الغيه بس مش رايحةفي النوم بيحس بحد طالع فبيفتح عنيه. داليا ايه اللي مطلعك اهنه دلوكت كده ميصحش تطلعي اهنه وانا لوحدي. داليا // هو انا اول مره اطلع هنا وانت لوحدك وبعدين لقيت سماح نايمه مردتش اصحيها تعملك القهوه وعماتهالك بايدي الحق عليا يعني. وضاح //لا كتر خيرك طبعا بس بردك ميصحش. داليا ميصحش ميصحش هو ايه اللي ميصحش ما انت عارف اللي فيها وعارف اني مقدرش ابعد عنك واني مش هسيبك لواحده غيري تتهني بيك.
داليا // داليا الموضوع ده احنا اتكلمنا فيه جبل اكده وخلصنا منيه خلاص. داليا // لا ياوضاح مخلصناش ومنتهناش انا مش هتنازل عن حقي فيك لو اخر يوم في عمري ومش هسيب غيري تتهني بيك انت من حقي ياوضاح من حقي انا وانت عارف كده من الاول ولا نسيت اللي كان بينا. وضاح // ايوه نسيت كل حاجه ونسيت الماضي وبحب مرتي ومجدرش استغني عنيها ومتحاوليش معايا ياداليا عشان كل محاولاتك دي ممنهاش فايده معتجبش نتيجه بالعكس ممكن نتيجيتها تكون سلبيه واضطر امشيكي من البيت عشان متسببليش مشاكل.
داليا // انا دلوقت بسبب لك مشاكل انا دلوقت اللي معدش ليا لازمه نسيت اللي كان بينا نسيت مكلماتك ليا بعدمتجوزت وان ابوك اجبرك علي االجوازه وانك مش طايق الست شمس نسيت كل ده. وضاح // نسيت كل حاجه ومش عايز افتكر اللي فاكر ه اني بحب مرتي ومجدرش استغني عنيها افهمي بجي. داليا // بقي كده ياوضاح علي العموم انا همشي ومعدش هتشوف وشي تاني همشي يا وضاح وانت اللي هتيجي تتحايل عليا وتترجاني علشان ارجعلك وضاح فيه ايه مالك.
وضاح // معرفش دماغي بتلف وعيني مزغلله مش عارف فيه ايه والجهوه دي كان طعمها غريب. داليا // القهوه عاديه ومفيهاش حاجه انت اللي مرهق بس وبعدين بتبص في التليفون وبتبتسم وبتقرب منه مالك بس لسه الصداع. وضاح بيبصلها بدون تركيز معرفش فيه ايه. داليا//بتقرب منه اكتر وبتقعد علي رجله ووبتحط ايدها علي دماغه وبتبدا تدلك راسه. وضاح // عتعملي ايه انتي. داليا // هعمل ايه يعني بدلكلك دماغك. وضاح // طيب جومي مجدرش اتكلم وحاس بدوخه والدنيا بتلف بيا جومي ميصحش اكد اللي انتي بتعمليه.
داليا // وانا بعمل ايه يعني انا بحبك يا وضاح بحبك وضاح // بيحاول يبع.دها عنه الا انه فاقد التركيز و وحاسس بدوار ومش قادر يعمل حاجه وفي اللحظه دي شمس بتطلع وبتشوف المنظر ده. بتتسمر مكانها من المنظر اللي هيا شايفاه. داليا بتشوفها بتمثل انها مر.تبكه وتعدل في هدومها وتقفل زاير البجامه شمس انتي فاهمه غلط محصلش حاجه. شمس //بتنزل علي وش داليا مدويه هزت كيانها عتكدبي عنيا بس العيب مش عليكي العيب علي المحترم اللي مسكنك في البيت من غير لازمه عشان يستغل عدم وجودي ويعمل كده.
وضاح // واقف بيترنح ومش قادر يقف بس للاسف شمس مش شايفه انه فاقد اتزانه كل اللي هي شايفاه الغ.ضب اللي م ماليها وعامي عنيها انها تشوف حقيقه الموقف. شمس قالها وضاح مناديا عليها استني واسمعيني عجولك ايه واللهي ماحصل….. شمس // بس اسكت خالص مش عايزه اسمع حسك ومش عايزه اشوف وشك تاني خلاص كده جبرت يا وضاح انا فيتهالك مخد.ره تبرطع فيها انت السنيوره اللي انت مش جادر علي بعدها واستغليت فرصه عدم وجودي وتخو.ني معاها.
وضاح // اقسم بالله ماحصل حاجه ولاعمري خ.نتك انا عحبك ياشمس وعمري ماعحب حد غيرك ولا افكر في حد تاني انا كنت عايز جهوه وفج.اه تذكر واخذ يحك مقدمه جبينه بيده ويتذكر الجهوه كان فيها حاجه ياشمس من ساعه مشربتها وانا مش مركز. شمس // ههههههه ياشيخ جول كلام غير ده فاكرني عيله صغيره عتضح عليها بكلمتين خلاص باوضاح خلصت دا اخر يو م ليا اهنه وعطلجني. وضاح // معتمشيش ياشمس ومعطلجبش لو اخر يوم في عمري انا معملتش حاجه لازم تصدجيني لو بتحبيني لازم تصدجيني.
شمس // ههههههه اصدجك واكدب عنيه اللي شافتها . وضاح // محصلش محصلش. شمس // حصل يا وضاح ومتكدبش كفايه بجي كفايه وبتزل وبتسيبه وبتدخل تلم هدومها. مازال وضاح تنتابه حالهةعدم التوازن ولكنه حاول جاهدا النزول الي اسفل وقبل ان يدخل من باب غرفته فو.جئ بعمته عزيزه تصعد السلم بسرعه الحق ياوضاح الحق . وضاح // خير ياعمه فيه ايه. عزيزه // مياده مش لجياها في اوضتها ومش عارفه هي راحت فين. وضاح //ايييييييه عتجولي ايه ياعمه مش موجوده في البيت.
