عزيزه // ايوه ياولدي وسالت ناديه جالت انها طلعت من البيت وجالت انها عتشتري حاجه من الصيدليه وهي فكرتها رجعت ومشفتهاش من ساعتها. وضاح // والبهايم اللي علي البوابه اللي سابوها تفوت وانا منبهه عليهم محدش يخرج ولا يدخل الا لما يبلغوني ازاي سابوها دا انا عسود عشيتهم.بس عتكون راحت فين دي. عزيزه //طيب مانسال بلال يمكن تكون عنديه. وضاح //مش عارف خا.يف اطلبه اساله تكون مش عنديه مش عارف ساعتها اعمل ايه. عزيزه طيب فين شمس نسالها يمكن تكون عارفه حاجه ولاهي جالت لها حاجه. فين شمس ياوضاح.
شمس // الباب بيتفتح وشمس بتطلع شايله في ايدها شنطه خير ياعمه عايزاني في حاجه. عزيزه // خير يابتي واخده الشنطه دي ورايحه علي فين. شمس // انا ماشيه ياعمه رايحه دار ابوي. عزيزه // خير ياشمس فيه ايه. شمس //مفيش ياعمه عجعد مع صالحه لحد ماتجوم بالسلامه. عزيزه // طيب اصبري للصبح النهار ليه عنين. شمس // لاه عمشي دلوكيت معستناش هنا ولا دجيجه. عزيزه// انا عايزه اعرف فيه ايه ايه اللي حوصل. شمس //مفيش ياعمه مفيش.
عزيزه // شمس لما اكلمك تردي عليا زين. شمس //اساليه ايه اللي حوصل ياعمه وخليه يرد عليكي. عزيزه //لا ياشمس انا بسالك انتي وانتي اللي عتجولي. شمس //الله يرضي عنيكي ياعمه سبيني امشي واهو عنديكي خليه يجولك ان كان يجدر يجول. وضاح // اقسم بالله ياعمه محصل حاجه هي فهمانه غلط. شمس //متحلفش بالله كدب انا شيفاكم بعيني. عزيزه //شيفاهم!!! ميم هما اللي شيفاهم ياشمس. شمس // هو والست داليا ياعمتي. عزيزه // اه هي الحكايه فيها بت ناديه ما انا عارفه زين ان ناديه وبتها معيمشوش من اهنه الا لما يجيبوا ضلفها.
وضاح //متعوميش علي عومها ياعمه اومال. شمس //كدب عنيه عاد. عزيزه //فهموني ايه اللي حوصل انتوا الاتنين. وضاح //محصولش جاجه شربت الجهوه وكان عندي صداع هي جات تجرب مني تحط ايدها علي راسي بعدتها وانا كنت مش مركزولا شايف حتي جدامي. شمس // انت كمان بتكدب في اللي انا شفته بعنيه ياعين يا جبايرك. وضاح //شمس كفايه غلط انا مجدر اللي انتي فيه بس مش مسموح ليكي بغلط تاني انتي فاهمه. شمس //لا هغلط وهغلط كمان وكمان انت كداب وستين كداب وانا لايمكن اعيش معاك وعطلجني عصب عنيك.
صفعه مدويه علي خد شمس من وضاح بعد اهانتها له امام عمته جعلتها تترنح من شده الصفعه والمها. وضاح //الواحده المتربيه بنت الاوصول متهينش راجلها جدام حد جلتلك معكدبش برده مصممه تجلي ادبك وتغلطي هو انا عشان بحبك وباجي عليكي عسمحلك تغلطي فيا.
شمس //بدموع وحرقه من الساعه دي لاغلط فيك ولاتغلط فيا خلاص كل واحد فينا يروح لحال سبيله انا ماشيه ورايحه دار ابوي ورجه طلاجي تجيلي ياوضاح لو عتعيشني معاك في الجنه ياوضاح مش عايشه معاك كده خلاص جبرت وانا كنت فكراك اتغيرت بس انت اللي فيك فيك يبجي خلاص شيل ده من ده يرتاح دا عنده عايزه اطلج ارمي عليا اليمين دلوكيت.