وضاح //الظاهر اني دلعتك زياده عن اللازم وانا دلوكيت اللي بدفع تمن الدلع ده قسما بالله ياشمس لو خطيتي خطوه واحده بره الدار لتبجي…… وضاااااح عزيزه //وضااااح اخرس خالص مش عايزه اسمع حسك وانتي دخلي الشنطه دي وغيري هدومك. شمس //سبيه ياعمه بتجطعيه ليه كتي خليه يرمي عليا يمين الطلاج عشان يرتاح ويريحني انا لا مدخله الشنطه ولا مغيره هدومي انا عمشي ومش راجعه اهنه تاني. عزيزه // بجي اكده ياشمس بتكسري كلمتي ومعيهمكيش زعلي.
شمس // انتي علي راسي ياعمه وانتي عارفه كده زين بس انا خلاص مالياش عيش اهنه بعد اللي عمله البيه واد اخوكي. وضاح //بردك عتجول اللي عمله انتي باين عليكي اتجنيتي. شمس //اتجنيت واتعميت وكل حاجه يعملوها ويخيلو زي مابيجولوا. عزيزه // بس جلت كفايه انتوا الاتنين. شمس معينفعش تروحي دلوكيت. شمس //عروح يعني عروح لو الفجر عروح ومحدش عيقدر يوحشني. عزيزه // كده ياشمس هي دي غلاوتي عنديكي بتكسري كلامي. شمس // سامحيني ياعمه انتي عارفه غلاوتك عندي بس مجدراش.
عزيزه // ماشي يالا بينا انا عوديكي لحد داركم. وضاح //لا خليكي انتي ياعمه وانا عوديها. شمس // لا معروحش معاك انا عروح مع عمتي. وضاح //ياااه للدرجه دي. شمس // انا اللي بيني وبينك خلاص. وضاح //ماشي ياشمس براحتك. انا رايح لبلال ياعمه عشان اشوفه وندور علي مياده ويمكن تكون راحت عنده. عزيزه //ماشي يابني خلي الغفير يطلعلنا العربيه التانيه. وضاح //حاضر. شمس//مالها مياده ياعمه. عزيزه //ماملهاش متشغليش بالك مش عايزه تمشي ياله. شمس // ياعمه انا مش…..
عزيزه // يالا قدامي بلا عمه بلا خاله.. ________________♡♡♡♡♡______اطياف راحله. حصل حصل ياماما حصل كل اللي خططتله حصل وخلاص غارت في داهيه راحت بيت ابوها ومعدتش ترجع تاني. ناديه // ايه اللي حصل فرحيني.
داليا //مش قلتلك متستهونيش بدماغ بنتك اول مارنتيلي وحسيت انها طالعه علي السلم قربت من وضاح وهو مش دريان باي حاجه واول هي متكلمت رشيت من الازازه الليكانت معايا عشان تفوقه ويبان الموضوع طبيعي وفعلا فاق وبدات تكلمه وهو مش فاهم اي حاجه لانه فعلا مكنش وا.عي لاي حاجه من اللي كنت بعملها بس برغم كده ياماما كان بيبعد.ني عنه زي مايكون كان حاسس انه انا دا فعلا بيحبها ياماما عرفت الزاي تملك قلبه المهم انهالت عليه بالاتهامات وهو ينكر وكانت هتتجنن لانها شافت كل حاجه بس متعرفش انه مكنش في وعيه وهو بينكر لانه فعلا مكنش واعي لاي حاجه من
اللي عملته شوفتي بقي دماغ بنتك بس للاسف كل حاجه كانت ماشيه تمام لحد ماجات العقربه اللي اسمها عزيزه وحاولت تصالحهم. ناديه // اه منها العقربه دي اللي هتبوظ كل اللي عملناه. داليا اطمني ياما ما هي بنتك بتلعب معرفتش طبعا وضاح في نظر شمس كداب وخا.ين لانها شافته بعنيها .
وهي في نظره متسلطه وبتتبلي عليه لانه مكنش حاسس باللي بيحصل وكمان مدتوش فرصه يدافع عن نفسه دلوقتي هو مجر.وح منها قوي لانها هانته قدام عزيزه وغلطت فيه كمان وهو واللي زود الطين بله انه ضربها والحكايه وسعت علي الاخر والست شمس صممت انها لازم تروح دلوقت والعقربه عزيزه راحت توصلها. ناديه //ووضاح راح فين. داليا //راح لصاحبه اللي اسمه بلال هيدوروا علي الزفته التانيه اللي خرجت ومرجعتش. تعرفي ياماما انه كان هيرمي عليها يمين الطلاق لولا العقربه اللي اسمها عزيزه منعته في اخر لحظه.
ناديه // وانتي بقي كنتي فين وسمعتي الكلام ده كله اوعي يكون حد شافك. داليا //انا اداريت تحت السلم وهماكانوا بيتكلمو قدام جناح وضاح. عارفه ياماما بالرغم من ان الزفته اللي اسمها شمس ضربتني بالقلم علي وشي بس كله يهون المهم ان اللي كنت عايزاه حصل. حصل ياماما وخلاص انا هبقي ست البيت واحكم وامر في الكبير والصغير هنا. ناديه //متقطعيش وقولي ان شاء الله ياحبيبتي.
هدي //ان شاء الله هو انتوا اللي زيكم يعرفوا ربنا اصلا انتوا عارفين انتو عملتوا ايه فرقتوا واحد عن مراته وخربتوا بيتهم ودا كله ليه علشان الست هانم داليا تداري علي عمايلها القذره مع سي حسام بتاعها قاعدين في بيتهم بتاكلو وتشربوا ومرتاحين اربعه وعشرين قيراط وبتخربوا بينهم انا مش عارفه انتوا ملتكم ايه بالضبط. داليا // اسمعي يابت انتي اقسم بالله ماهخلي حد يبوظلي اللي عملته لو هو مين حتي انا مصدقت انها غارت من البيت متجيش تعمليلي فيها ام قلب حنين كلمه تنطقي بيها هقطع لسانك وانتي عارفه انا مبهددش.
ناديه // لا اوعك كده سبيهالي بقي لما اشوف هي عايزه ايه الفقر اللي زي ابوها عاش فقري ومات فقري وهي كمان هتبقي زيه لمي هدومك ياله وهخلي وضاح يخلي السواق يوصلك لحد القطر وعلي عمتك طوالي تقعدي جنبها تندبي حظك زيها علشان انتوا الاتنين شبه بعض واياك اشوف وشك هنا تاني اشتغلي واصرفي علي نفسك.
