كزت على اسنانها بغضب فلولا الذى ارسلها الى هنا وانها تحتاج الى المال ،ما كانت تتحمل هذه الاهانه ابدا . التفتت اليها مها ،قائله بهدوء :
-ها فهمتى ولا اكرر كلامى تانى؟ اجابت عليها منه باقتضاب :
-فهمت . لوت مها فمها بتهكم ،قائله :
-طيب اتفضلى بقى اقعدى على مكتبك ،علشان خلاص انا همشى . تقدمت منه الى مكتبها ،ثم جلست خلفه بغرور واراحت ظهرها عليه ،قائله بتكبر :
-اوك كورت مها قبضتها بغيظ منها ، ثم تمتمت بخفوت :
-يارب سيف يطلع عينك زى ما كان مطلع عينى .
نظرت اليها منه بتعجب ،قائله بنفاذ صبر :
-بتبرطمى تقولى ايه . اتسعت عينا مها بزهول من تلك الوقحه واسلوبها ،ثم صرخت بها :
-احترمى نفسك يا بت انتى ،من ساعه ماجيتى وانتى بتتكلمى بوقاحه . نهضت منه من مقعدها بعنف ،وصرخت بها هى الاخرى :
-لاء بقى انت احترمى نفسك ،انا محترمه غصب عنك ،فاهمه ولا لاء. كانت مها سوف ترد عليها ،ولكن قطع كلامها دخول سيف عليهم ،
وزع سيف نظره بينهم ،ثم قال بحده :
-فى ايه صوتكم عالى ليه ؟
ردت عليه مها بهدوء :
-اللى حصل يا بشمهند… قطعت كلامها منه ،وهى تتصنع البكاء :
-اللى حصل انى اتهنت هنا ،وهى شتمتنى وقللت من قمتى كل ده علشان قلتلها مش فاهمه وكررى كلامك تانى . اتسعت عينا مها بزهول وغضب من تلك المحتاله ،ثم اقتربت من سيف قائله بغضب :
-والله يا بشمهندس انا مش جيت جمبها هى اللى اتكلمت معايا باسلوب وقح جدا . نظر سيف الى مها ،واستشعر الصدق فى كلامها ،فهى تعمل لديه منذ ثلاث سنوات ،ولم تفعل اى مشكله على الاطلاق .
بعد صمت طويل ،تحدث سيف بهوء :
-خلاص يا مدام مها اتفضلى انتى ،قبل ما تسافرى لازم تيجيلى هنا الاول . ردت عليه مها بخفوت : -حاضر بعد اذنك .
-اتفضلى . ذهبت مها الى الخارج ،بينما نظر سيف الى منه نظره اربكتها ،ثم قال بحده :
-تعالى وراى يا آنسه . دلف سيف سريعا الى الداخل ، بينما منه ابتلعت ريقها بخوف ، واخذت تجر ساقيها ببطئ الداخل وجدته جالسا خلف مكتبه باريحه ،تقدمت اليه بضع خطوات حتى جلست على المقعد الامامى للمكتب .
نظر اليها سيف بقوه ،ثم تحدث بهدوء :
-انا اذنتلك تقعدى ؟!!
-ها !!! قالتها منه بزهول ،بينما اشار هو لها بيده ،قائلا بجديه :
-قومى . حرجت منه كثيرا منه ،واستقامت واقفه ،ولكنها سريعا ما ذهب هذا الاحراج وحل محله القوه والتحدى ردت عليه منه بهدوء مصطنع :
-امرك . لوى سيف فمه بتهكم من تلك العنيده التى تقف امامه ،والتى يبدو عليها القوه والمشاغبه فى آن واحد . تحدث سيف بحده :
-اللى حصل بره ده اياكى يتكرر تانى فاهمه ولا لاء ؟!
جاءت منه لترد عليه ولكنه اشار لها بكفه لتصمت ،قائلا بجديه :
-لازم تفهمى انا مشغلك هنا بس علشان خاطر احمد ،غير كده انا مكنتش فكرت اشغل عندى عيله لسه بتدرس اظن فهمتينى .