هنا… لا كملت بشر… سيبها عليا انا. انا هعرف ازاي اردلها اللي عملته واللي كانت ناوية تعمله فيا بصتله وقالت… اسكت مش انا لاقيت علي تليفون الزفت ده بلاوي اصلا كريم… زي ايه هنا…. الحقير ده طلع اي بنت بتعمل معاه علاقة بيصورها .. بيعمل كده بيهددهم بالفيديوهات اكيد كريم… اوعي تكوني اتفرجتي علي الحجات دي هنا… لا طبعا. بس الفون كله مليان فيدوهات زبالة لبنات معاه. ومش هتصدق. منهم سيليا كمان كريم بشر …حلو اوي. الواد ده وقع تحت ايدي ومحدش سمي عليه.
هنا…. انت احلي حاجة انك جبتك فونه.. كده لو معاه اي نسخ من الصور هيخاف يطلعها. هيخاف عموما يفكر يعمل اي تصرف حقير معانا.. اما بقي سيليا ف دي عرفت انا هعمل معاها ايه وهي بتتوعدلها …….. بعد وقت كانت في الجامعة قربت علي سيليا اللي كانت واقفة حرفيا مصدومه وهي ماسكة تليفونها بسبب اللي وصلها عليه ابتسمت بتشفي وقالتلها..عجبتك هديتك اللي بعتهالك بصتلها سيليا.. ا انت.. هزت هنا راسها بتاكيد وقالت… ايوا انا.. مقولتليش رايك عجبتك صح..
كملت وقالت… وعلشان تعرفي انك غالية عندي بعت الفيدو لكل اللي معانا هنا في الجامعة. حتي بصي حواليكي كده بصت سيليا حواليها اتفاجات بكل الطلبة بيبصولها وواضح انهم بيتهامسو عليها هنا….ااه. في هدية تانية هتعجبك اكتر من دي كمان.. لولا اني رعيت مشاعر الطلبة كنت بعتلهم الفيديو التاني.. بس متقلقيش ده بقا هبعتو لاهلك علشان يعرفو بنتهم المحترمة بتعمل ايه من وراهم سيليا بجنون .. انتي جبتي الفيديوهات دي منين. وعملتي كده ليييه. حررام علييكي ياشيخة حرام عليكيي
هنا بجبروت… حقي وبردو سيليا بدموع…. حرام عليكي هنا…. وانتي لما بعتي صوري للحيوان اللي انتي مرافقاه علشان تتشككو جوزي فيا. كنتي ايه هاا. يعني اسلمك تليفوني واديكي الامان تعملي فيا كده ياز، بالة. اديكي وقعتي في شر اعمالك. اشربي بقا بالشفا ………. بعد مرور شهر حورية كانت بتحاول تتخطي الحزن وابتدت ترجع تاني شغلها في الفترة دي محمد حاول اكتر من مرة معاها تاني لكن هي مكانتش بتديلو فرصة لدرجة انو رجع يهددها تاني لو فكرت تدخل في حياتها راجل غيره
عاصم كمان حاول معاها كتير بس حورية قررت تمسحهم الاتنين من حياتها وابتدت تهتم بشغلها برغم حزنها علي اخوها واللي مكانش بيعدي عليها يوم من غير ما تبكي عليه ….. في اوضة قدرية : اظن كفاية كده بقا وتشوف حياتك محمد… مش فاهم قدرية : بقالك شهرين مطلق المحروسة، سيبتك المدة اللي فاتت دي بس مش هصبر اكتر من كده يابن بطني. انا حقي اشوف احفادي. لازم تتجوز محمد زاغ ببصره وقال… قولتلك مليون مرة متفتحيش الموضوع ده معايا ياما
قدرية…. ليه. تكونش عاوز تردها.. دا علي ج\ثتي.. انت لازم تتجوز واحدة غيرها تخلفلك. انا من حقي اشوف عيالك : اناا عقييم قالها بنفاذ صبر لتنصدم بشدة : انت بتقول ايه محمد .. بقول اللي سمعتيه. ثم اكمل بألم شديد وخزي … عرفتي بقا انا رافض اتجوز غيرها ليه.. عرفتي كنت رافض اطلقها من الاساس ليييييه قدرية بزهول قالت بعدم تصديق… ازاي يعني. ازاي يكون العيب منك. لا انت اكيد بتكذب عليا قالت اخر كلمة وهي بتقنع نفسها انه بيقول كده بس علشان تبطل تزن عليه انو يتجوز غير حورية
لكن محمد ابتسم بمرارة وقال… للاسف دي الحقيقة. ابنك عقيم.. طول فترة جوازي منها وانا بوهم فيها ان العيب منها. لكن الحقيقة انا اللي مبخلفش مش هي. قدرية بزهول… يعني ايه. وهي بتحاول تستوعب بصتله وقالت… دي لو اتجوزت تبقي مصيبة. كدة سرك هينكشف.. انت لازم تردها وفي اقرب وقت قبل ما تروح تتجوز محمد بيأس… صعب.. حورية مش هترجعلي قدرية….مفيش حاجة صعبة.. لازم ترجع..وبعدين متقلقش اللي كان مقوي قلبها خلاص مبقاش موجود. دا غير انها بتحبك يعني هتلين بكلمتين .. بص انت حاول معاها وادخلها بشويتين حنية وهتلين انا متاكده..
محمد…مبقاش ينفع جربت معاها راكبة دماغها قدرية… جرب تاني كملت بتفكير… هروحلها انا وهعتذر منها كمان.. ماهي لازم ترجع. انا مش هسمح يتقال عليك معيوب يتبع….. #مأساة_حورية #البارت_ال30 #بقلم_فريده_احمد : اسمع انت لازم ترد حورية لعصمتك قبل م\اتروح تتجوز حد تاني والمستور ينكشف. لازم لازم تردها بأي شكل. كملت بتفكير… بص انا كمان هروحلها ولو حكمت اعتذر منها هعتذر المهم ترجع. انا مش هسمح ابدا يتقال عليك معيوب بصلها محمد نظرة حارقة ف ادركت صعوبة الكلمة و قالت بسرعة واسف… يقطع\ني. انت سيد الرجالة يانور عيني
زفر انفاسه بضيق وهم وبدون ولا كلمة فتح الباب وخرج وقدرية فضلت مكانها تبص علي طيفه بحزن وهي بتقول في نفسها بإصرار.. هعمل المستحيل عشان ارجعهالك. كملت بقوتها المعتادة… مش هقبل تبان مكسور قدام حد ابدا. وغلاوتك عندي لاهجبهالك تاني تحت رجليك ….. عاصم قاعد علي الكنبة بيدخن بشرود.. خرج من شروده علي صوت امه اللي كانت عملالو فنجان القهوة اللي طلبه منها وهي بتقوله… خد ياحبيبي عاصم باس ايدها وقال… تسلم ايدك ياما قعدت قصاده وهي بتقول
: مش ناوي تفرحني بيك بقا وتتجوز ياعاصم عاصم بصلها ورجع بص قدامه بشرود وقال… قريب ان شاء الله بس حورية تلين بهيرة بضيق وعصبية… حتي لو وافقت. انا مش موافقة بقولك ايه انت تشيل حورية من دماغك خالص. سامع عاصم بصلها وقالها … مش فاهم. مالها حورية بهيرة…. ملهاش. زي الفل وبحبها كمان. بس متنفعكش يابني.. حورية مبتخلفش وانا ابقي مجنونة لو وافقتك تتجوزها. ازاي عاوز تتجوز واحدة مبتخلفش . انت طبيعي!! عاصم… انا حر. مش عاوز خلفة. انا مش عاوز غير حورية. وهعمل المستحيل لحد ما توافق اتجوزها
بهيرة… مش هيحصل يابن بطني. علي ج\ثتي تتجوزها اتنهدت وقالت بنبرة قاطعة… اسمع انت هتشيلها من دماغك عشان حتي لو هي وافقت لا انا ولا ابوك استحالة هنوافق تتجوزها . الموضوع ده مفهوش نقاش. حورية لا.
حاولت تكلمه بنبرة هادية شوية يمكن يقتنع وقالت… ياحبيبي احنا من حقنا نشوف عيالك. لازم لما تتجوز.. تتجوز واحدة تجيب عيال عشان اسم ابوك يفضل موجود ميتقتطش وده عمره ما هيتحقق لو اتجوزت حورية..وبعدين بقا محمد اساسا مش هيسمحلك تتجوزها. من الاخر حورية متحرمة عليك يا عاصم اقصر الشر و طلعها من دماغك يابني. ادي نفسك فرصة تشوف واحدة غيرها احنا محتاجين احفاد ومحلتناش غيرك عاصم فضل يسمعها بهدوء وبعدها قال … سامحيني ياما. انا مش هتجوز غير حورية.
ثم اكمل بنبرة خطرة… هتجوزها غصب عن اي حد. غصب عنها هي شخصيا وساب القهوة اللي في ايده وقام اخد مفاتيحه وخرج وبهيرة فضلت تبص علي اثره بحزن وهي بتتنهد بتعب وبتقول..قااادر ربنا يشيل حبها من قلبك يابني ….. عند حورية : انا جيتلك بنفسي اطلب منك ترجعي لابني قالتها قدرية لحورية بكبريائها اللي غصب عنها مقدرتش تتخلي عنه لتقول حورية ببرود…. وايه جبرك علي كده. جاية علي نفسك ليه وجيالي قدرية….علشان ابني بيحبك ياحورية ومش عارف يعيش من غيرك
كملت وقالت بطيبة وندم مزيفين ….وعشان اطلب منك كمان تسامحيني.. انا بعترف اني ضايقتك كتير وعاملتك بطريقة مش كويسة. حقك تبقي كرهاني.. بس انا ندمت علي كل حاجه وحشة عملتها فيكي. انا جيالك وعشمي كبير انك تسامحيني يابنتي حورية وهي مش داخل عليها دخلة الطيبة دي قالت بسخرية… وايه اللي حصل فجأة علشان قدرية بجلالة قدرها تيجي لحدي وتطلب السماح
قدرية بدموع مزيفة… ندمت. لما راجعت نفسي ندمت وعرفت قد ايه كنت بظل\مك وانتي مالكيش اي ذنب. اصل الخلفة دي حاجة بإيد ربنا. اعذريني انا كان من حقي اشوف عيال لابني. علشان كده غصب عني كنت باجي عليكي. ودا كان جهل مني. بس دلوقتي فهمت لما راجعت نفسي.. وجيالك لحدك ابو.س علي راسك. اتمني تقبلي اعتذاري وتسامحيني يابنتي وتوافقي ترجعي. انا خلاص رضيت بقسمة ربنا. وعمري ما هحملك ذنب انك مبتخلفيش..ومادام ابني مش قادر يستغني عنك. انا ميهمنيش غير سعادة ابني. ارجعي ياحورية كلنا عايزينك. وصدقيني هتشوفي معاملة تانية خالص محدش هيدوسلك غلي طرف.احنا كلنا حسينا بقيمتك بعد ماخسرناكي..
انتي متعرفيش محمد عامل ايه من غيرك.. انتي عارفة انه بيحبك والدليل اهو مفكرش في مرة يتجوز عليكي ومتنازل عن الخلفة. مستعد يكمل باقي حياته من غير مايكون عندو ابن يشيل اسمه بس علشانك.علشان بيحبك وعايزك.. طب قوليلي انتي في حد بيحب حد كده. ابني بيع\شقك ياحورية… قولتي ايه يابنتي حورية… قولت تقومي تمشي تطلعي برا. انا مش فاضيالك كفاية انك عطلتيني في كلام ملوش لازمة. قدرية بصتلها بصدمة وحورية تابعت كلامها.. م\اتقومي ياوليه توريني عرض اكتافك
قدرية قامت وهي بتقول بزهول… انتي بتطرديني حورية… اه ياختي بطردك وكل التمثيل بتاعك والكلام اللي هريتيه ده مادخلش ذمتي ببصلة. ……. كانت حور قاعدة في سريرها ساندة ظهرها علي ظهر السرير،، مغمضة عيونها ودموعها بتنزل وهي حاضنة صورة يوسف اللي مبقتش تسيبها من ايدها زادت دموعها وهي بتفتكر يوم ما كان راجع الجيش فلاش باك كانت عمالة بتحض\ن فيه وهي بتبكي ومش عاوزة تسيبه ولا تفارق حض\نه يوسف …انا مش فاهم ليه محسساني اني رايح امو،
حطت ايدها علي بوقه وقالت بدموع… بعد الشر عليك. اوعي تنطقها.. حض\نت وشه بكفوفها وهي بتقوله.. اوعدني انك هترجعلي يايوسف يوسف مسح دموعها وباس راسها وقالها… الاعمار بإيد ربنا ياحبيبتي حور بدموع… ونعم بالله. بصتله وقالت بترجي وخوف متملك من قلبها… متروحش الجيش يايوسف. متسبنيش. انا خايفة عليك يوسف بهزار… يابت انتي عمالة تفولي عليا كده. باس خدها وقال… هرجعلك. ان شاء الله هرجع. انا عندي امل ان ربنا مش هيفرقنا. وهنتجوز ونجيب عيال. بس بطلي انتي تفولي عليا
فضلت تحض\ن فيه بدموع.. وهي بتقول ربنا يرجعك ليا بالسلامة يارب يارب بااك فتحت عيونها وهي بتمسك سلسلتها اللي عليها صورته وبترفعها تبو.سها وهي بتبكي بحزن شديد وبتقول.. وحشتني اووي. اوووي ياحبيبي. وهي بتبص لصورته وبتكلمه بعتاب… هونت عليك تسيبني الفتره دي كلها.. ارجع بقا علشان خاطري ……. تاني يوم فتحت حورية الباب لتتفاجأ بـ رجل يظهر عليه اثار الشيب يبدو في الستين من عمره بمجرد ما شافته قدامها شهقت بعدم تصديق بصلها باشتياق وقال بحنين …. عاملة ايه يابنتي
………….. عند محمد كان في شقة خاصة بيه كان فارد جسمه علي الكنبة وباصص للسقف بشرود لحد ما قاطعه جرس الباب قام فتح وكانت واحدة في اواخر العشرينات