عانقت رماد الذكريات ٢

…………………………. أخبره وليد ان ابنه الروحي انتقل إلي غرفه أخري وأنه بحاجة إليه
ذهب مسرعاً إليه لكن تجمد أمامه فهو شاحب مثل المـ,ـوتي ينظر بشرود إلي الامام لا يشعر بأحد
اقترب منه بهدوء وقام باحتضانه : ليه عملت كده إيه اللي حصل قولي وانا هساعدك
لمعت الدموع في عيون الأخير :

هو انا ليه كل حاجه بحبها بتروح مني عارف لما عرفت ان نور حامل جبت ورقه وقلم وكتبت الأيام فيها كان نفسي اشوفه كان نفسي يكون ليه حد بس دلوقتي خلاص كل حاجه راحت وهرجع لوحدي تاني انا هبعد عن نور مش هينفع اشوفها تاني ومش عايز اتعالج خلاص هتعالج ليه وانا ضيعت كل حاجه
إجابه حسام بشفقه : مفيش حاجه ضاعت انت كويس واتقدمت اووووي في العلاج بس انت استعجلت كان لازم تصبر
أجابه بقهر :

انا تعبان مش لاقي حد جمبي غيرك ونور خلاص ضاعت مني انا مكنتش عايز أعمل فيها كده بس هي فضلت تتكلم وتقول كلام يوجع خلتني مش شايف غير سواد واصوات كتير اوووي كنت زي المجنون كنت شايفها وهي بتنزف بس مكنتش قادر اتحرك انا اللي كلمت شهاب التليفون كان جمبي حاولت لحد ما رد عليه بس مكنتش عارف اتكلم وبعدها مش فاكر حاجه انا هسافر يا حسام
نظر إليه بصدمه : هتسافر
نظر أمامه بشرود وأجاب بضياع :

اه انا كده كده ميت امـ,ـوت وانا بعيد أحسن انا هطلق نور وهكتبلها كل حاجه عايزك بعد ما سافر تقولها كل حاجه وتخليها تسامحني دخل عليهم وليد ومعه طبيب أخر أخبره بطريقه عمليه : دلوقتي معاد جلسه الكهرباء
تحرك معهم بهدوء فهو فقد الأمل يطلب المـ,ـوت في كل ثانيه فهو الراحة بالنسبة لهم
……………………………..

تقف معه شارده في عالم آخر لا تشعر بالفرحة مثل غيرها توافق بهدوء تمنح ابتسامة هادئة
اقتربت منها كريمة بفرحه : إيه رأيك يا جوجو الأوضة ديه تحفه كبيره كده وحلوه
نظرت إليها بهدوء : لأ انا عايزه الأوضة ديه
شهقت امها بخضه : ليه السواد ده أسود في أسود ليه كده
بلامبالاة : عجباني
نظر مروان إليها ابتسامة : وانا حبيت الأوضة جداً موافق عليها
وجدت انها الفرصة المناسبة فالجميع حولها اخبرتهم بهدوء : وحده صحبتي ابوها صاحب دار مناسبات يعني وهديه الجواز هتخلي الفرح عندها في القاعة
ابتسمت كريمة ومروان :

ياااااه يا حبيبتي ده انا كنت خايف من الحته ديه خلاص موافق أعملي اللي يريحك
بعد دفع الحساب أخبرتهم ان لديها موعد هام
رحلت وتركتهم وهناك أمام قاعه ضخمه قابلت صديقه لها
رنا : عجبتك يا جني
جني : اه يا رنا حلوه
أشفقت رنا عليها : ليه بتعملي كده يا جني
اخبرتها ببرود :

عشان انتِ وانا عرفين الحكاية وان كل ده فركش في الأخر مش عايزه حد يقول صرف عليها وهي …
صمتت فهي لا تستطيع التكملة واحترمت رنا صمتها فهي اعلم بها وتعرف كم تعاني وتتعذب لا تريد تكلفته لا تريد الخسارة له تريد ان تكون ذكرى سيئة في حياته حتي لا يتذكرها
…………………………..

لم تنم ليلتها تتعذب بسببه كيف رحلت وتركته
وفي الصباح الباكر أخدت الصغيرين إلي حماتها وبالطبع لم تخبرها شيء ذهبت مسرعة إليه
هناك وجدته مثل ملك زمانه حوله كثير من الممرضات
واحدة تطعمه
واخري تهذب شعره
واخري تسليه
واخري تتدلل عليه
وهو جالس مستمتع وأمامه ريهام جالسه
دخولها كان مفاجئ جعل الجميع ينظر إليها اقتربت منه ببرود : هو انتوا بتعملوا إيه مع جوزي
نظرت أحد الممرضات اليها بجفاء : ده شغلنا يا أنسه
ضحكت بسخريه :

أنسه اممممممممم
طيب ياله يا حبيبتي منك ليها انا هعمله كل اللي هو عايزه
وبعدها نظرت إليه برومانسية : ولا إيه يا دومدوم
اتسعت عيناه بخضه : دومدوم لا وحشه عارفه
أشار الي أحدهم : ناني بتقولي يا دومي
واخري : ودولي بتقولي يا ادهومتي
ضحكت بأستفزاز : اه وانت عرفت اللاسامي والدلع كمان
اقتربت من أذنه بهس : ده انت ليلتك سوده يا دومي
وبعدها نظرت للطاقم المراقب :

مع السلامة يا حبيبي
خرج الجميع وبقيت هو وريهام
نظرت إليها
بطريقه ناريه فهي لا تتقبل وجودها في حياته
أستغل الأخر الفرصة اصطنع الوجع : اه ريري تعالي اعدلي المخدة واكليني أصلي جعان اوووي
اقتربت منه ريهام والأخير يتدلل عليها أكثر من عشر دقائق والأخرى تتابع في صمت
لكن هي ماكره وسريعة أخذت الطعام واقتربت منه بحب : تعبتك معايا يا ريهام روحي انتِ وانا هفضل معاه
وبعدها نظرت للجالس : خد يا حبيبي بالهنا علي قلبك
أحمر وجهها خجلاً قالت بهدوء :

طيب انا همشي لو أحتجك حاجه يا ادهم كلمني
خرجت من هنا ودفعت الأخرى الطعام في فمه بعن،، ف : اطفح
………………………. تنتظره علي نار أحر من الجمر الانتقام الفكرة الأولي والأخيرة
نظر إليها صلاح بجمود : انا بعت الرجالة يجبوها والدكتور موجود مالك قلقانه ليه الحكاية مش بتاخد وقت كتير
نظرت إليه بحقد : بعد ما تخدوا كل حاجه تترمي قدام باب بيته نظر إليها صلاح بمكر : وانتِ هتمـ,ـوتي منها عشان خدت منك اخو جوزك
نظرت اليه ببرود : انا محدش ياخد حاجه بتاعتي احمد كان زي الخاتم في صباعي
أجابها بعمليه :

اه زي الخاتك الكيف بيحكم من غير الخلطة مكنتيش هتاخدي منه لا حق ولا باطل ده انتِ أكبر منه بعشر سنين عارفه ناس كتير بتشبه الراجل بالحيوان عشان شهواني بس طبعاً مش كده والصوابع مش زي بعضها بس أنك تشوف ست بحالتك ديه الصراحة غريبه
قاطع حديثهم دخول أحد رجاله عليهم أخبرهم بنبره قويه جامده : الرجالة وصلوا وكل حاجه جاهزة … (35)

(يا خارجه من باب الحمام وكل خد عليه خوخه)
نظرت إليهم بضيق : خوخه إيه وبلح إيه خليكوا عالم راقيه
شهقت مروه بخضه : الحقي يا ماما جني بتتكلم زي ام حسني
كريمة : يختي أرتقي علي ابونا وخلي الست تيجي تعملك مساج ده انتِ مش عايزه تستحمي يا بت ده النهارده فرحك
نظرت إليهم بلا مبالاة : انا ليه معاد محدد استحمي فيه وبعدين
انتوا قاعدين هنا ليه ما تقومي تحضري اكل وانتي يا ست مروه روحي اتشخلعي عند الكوافير
غادرت كريمة وعلامات الحزن بادية علي وجهها : اه الواد ده صعبان عليه خد خازوق محترم
………………………….

كانت تعد وجبه الافطار لهم لكن الرائحة مقززه
حاولت الابتعاد لكن الدوار مصاحب لها ولحسن الحظ أنه دخل عليها : إيه يا ساره انتِ بتخترعي وبعد كل ده هتطلعي بعلبه الجبنة والفينو نفسي تدخلي عليه ببيضه مسلوقة
نظرت إليه بتوهان : ادهم انا علي أخري ومش هعرف اتخانق أصبر عليه أفطر
اقترب منها بخوف : مالك يا ساره
وضعت رأسها علي كتفه : تعبانة ودايخه
حاوط خصرها بقلق : وده من أمته الحكاية ديه
دفـ,ـنت رأسها في عنقه :

من فتره مش قادرة كل لما بشم حاجه برجع ومش طايقة أشوف وشك
نظر إليها بغيظ : تصدقي غلطان أني عبرتك وعارفه مش خارجه من المطبخ غير لما تسلقي البيض
أمسكت يده تمنعه من الخروج : استني يا ادهم بقولك دايخة
وضع يد أسفل ركبتها واليد الأخرى أسفل رأسها وحملها بحنو
: شيال ابوكي انا هديتي حيلي
ضحكت بحب : ومين هيشيل غيرك يا دومي
وضعها علي الفراش بحنو وقبل رأسها :

خليكي وانا هحضر الفطار
ابتسمت له و أرسلت إليه قبله طائره
بعد ذهابه وضعت رأسها علي الوسادة تطلب الراحة لكن الصغير حمزة قطع عليها اللحظة جاء مسرعاً وبنبره طفولية محببه : مامي بابي دهم ولع
رغم الدوار هبت واقفه ذهبت مسرعة في اتجاه المطبخ وهناك وجدته أخرب الكثير والكثير
ساره بصدمه : إيه ده
ادهم باستغراب : مش عارف حاولت اقلي بيض بس كل بيضه بتتحرق
ضحكت بسخريه :

طبعاً ما حضرتك مش حاطط زيت في الطاسة
فطبيعي تلزق وتتحرق إيه ده انت عملت كام بيضه إيه ده خلصت العلبة
بحثت بجانبها لم تجد سوي سكين حاد مسكته بغل واقتربت : عارف لو دخلت المطبخ تاني هعمل فيك إيه
ابتسم بتوتر : ساره السلاح يطول وبعدين ما انا اللي بجيب البيض
صرخت في وجهه : أمشي من هنا
حمل حمزة وخرج مسرعاً : أجري يا حمزة امك خلاص اتهبلت
ذهب بالصغير إلي غرفته وضعه وسط الالعاب :

بص هنلعب سلطح جاهز بس أوعي تغش اهو بربيك علي قيم ومبادئ
قبل بدأ اللعبة دخل حازم بفرحه : مامي ماتت زي ماريو
…………………………..

نائمة علي الفراش لا حول لها ولا قوه أمامها واحده تنظر اليها بحقد شديد
داليا : فين الدكتور
صلاح : بيشوفوا نتيجة التحليل
داليا : نعم تحليل ليه
صلاح : الحاجات ديه بتخرج بره ومش هياخدوا وحده عندها مرض
جاء إليهم الطبيب : مينفعش نعمل العملية
نظرت إليه بغضب : ليه
أجابها الطبيب بهدوء : هي اجهدت وتقريباً كده حصلها نزيف ده غير ان جسمها ضعيف فسبب فقر دم يعني العملية ديه خسرانه لازم تتعالج الأول وتاخد فيتامين عشان نقدر نقوم بعمليه زي ديه
نظرت لصلاح بغل :

قول ليه يعمل العملية ومش مهم
صلاح بجديه : توء توء توء مينفعش العملية ديه انا باخد مكسب 50% والباقي للدكتور والرجالة بتوعي اعمل ليه عمليه خسرانه واضيع وقت دكتور
نظر إلي الدكتور : روح يا شادي الأوضة اللي جمب ديه دكتور التخدير قام بالواجب جيه دورك
بعد ذهاب الطبيب نظرت إليه بغضب : انا هوديك في داهيه
وقبل ان تكمل كان امسكها من شعرها :

انا مفيش وحده تقولي الكلمتين دول انتِ عبده عندي وعشان أضمن الجزء بتاع الاخلاص عملت فيكي زي ما عملتي في اخو جوزك عايزه تمشي يا حلوه مع السلامة بس هتدوري علي شمه فين عقلك في راسك تعرفي خلاصك
دفعها لتسقط علي الارض تنظر له بهلع فهي ضاعت
…………………………….