للعـ,ـشق وجوه كثيرة نورهان العشري ١٢ و ١٣

الثاني عشر كَطير صغير كُسِر جنَاحه عِند أول محاولة طيران له هذا هو الخُذلان .. نورهان العشري ✍️ 🍁🍁🍁🍁🍁🍁🍁🍁🍁🍁 من العبث ان نقف بحياتنا عند نقطه معينه ننتظر شخص لم يجبره احد علي الرحيل بل كان بملء إرادته . فالقلب يميل ثم يحب و يتعلق و أخيرًا يعش.ق فإن عش.ق لا يترك أبدًا حتى لو اجتمعت عليه الارض و السماء . و أما ما دون العش.ق لا يستحق أبدًا دقيقه إنتظار واحده ! نورهان العشري ✍️ 🍁🍁🍁🍁🍁🍁🍁🍁🍁 كانت كارما تتوسط سريرها محاوطه كتفاها بذراعيها تحاول احتواء ذلك الألم الرهيب الذي يعصف بكيانها و تترجمه عيونها على هيئة أنهار من الدموع لا تستطع إيقافها فجميع حواسها الآن تتركز على صوره واحده حبيبها مع آخري ...! لم يكن فقط حبيبها بل حلم طفولتها الذي انغرس بقلبها منذ ان كانت طفله صغيرة و أخذت ترعاه و تسقيه مياه الأمل بأن يعود فارسها و يختطفها مثلما وعدها لتجني ثمار عشقها و تتذوق حلاوة انتظارها له و لكن ماذا حدث ...؟ أصيبت زرعت حبها بفي.روس الخيا.نة الذي وحتى الآن لا يوجد أي دواء في هذا الحياه يمكن معالجة قلب أصا.به ذلك الأل.م الناجم عنه فهو القلب و لكن ببطء ...💔 ترى هل أخطأت بالانتظار ؟ و لكن لم يكن لدي حيلة مع قلب خلق له و به ! لم أكن أملك من أمري شيئا سوى انتظاره و إنتظار جزء من روحي قد انشق مني و رحل معه ... لقد سألته مرارا و تكرارا هل اقتح.مت حصونك انثي غيري فأقسم لي بأن قلبه لم يحوي سواي ... كذب ! نعم كذب علي و على قلبي الغبي الذي كان يصدقه حتى قبل ان يتحدث و كان يلتمس له العذر في كل مرة اذاقني فيها خذلانه فالغدر لم يأتيني منه فقط بل من قلبي الذي غدر بي اولا عندما سامحه مرارا و تكرارا و اخذ يختلق له الاعذار الواهيه و أعطاه الخنجر الذي طع.نني به اخذت تتذكر لقطات من سعادتها المز.عومة معه عودة لوقت سابق... - ها عايزة تعرفي عني ايه بقي يا سكرتي ؟ - انا مش سكرة حد دا اولا يعني .. ثانيا بقي قول اللي انت عندك استعداد اني اعرفه نظرلها مازن بتسليه و أجاب بمرح - عندك حق بلاش سكرتي دي .. دي لما كنتِ صغيرة بضفاير انما دلوقتي انتِ كبرتي يا كرملتي و بقيتي فرسه ..خجلت كارما كثيرا من غزله المبطن فقالت بغضب ممزوج بالخجل - مازن احترم نفسك و بطل استهبال و ان كنت عديتلك اللي عملته في العربيه دا فدا مش معناه اني موافقه عليه و لو حصل تاني ... قاطعها مازن بعشق و عينيه تغازلانها بما لا يتفوه به اللسان - هتعملي ايه يا روح قلبي ؟ - مش هتشوف وشي تاني قالتها بارتباك من نظراته التي تغازلها فابتسم على خجلها المُحبب و قال بهدوء - موضوع إني مشفش وشك تاني دا مش هيحصل عشان دا مش بمزاجك و لا بمزاجي .. - و دا ازاي بقي قالتها ساخرة فأجابها بنبرة تحمل العش.ق و الإصرار معًا - يعني مثلا لو قمت الصبح و قولت لنفسي يا واد يا مازن مش عايزين نشوف البت كارما دي تاني هلاقي قلبي بيعاندني و جايبني من قفايا و جاي يقولك وحشتيني نفس النظام بينطبق عليكِ قلبك هيعمل معاكي كدا بردو كارما بدلال - والله لو قلبي عمل معايا كدا هسيبه يتفلق و مش هسمحله يتحكم فيا اصلا ابتسم على طريقتها في الحديث و دلالها و أجابها بخشونة - الكلام دا عندك انتِ .. و الله يكون في عون قلبك بصراحه . انما انا بقى واحد قلبي دا اغلي حاجه عندي و مدلعه عالآخر و مبقدرش ارفض له طلب . كارما بتخابث - امممم وياترى بقي كنت بتدلعه ازاي وانا مش موجوده أجابها مازحًا - كارما انتِ الداخليه عندنا خسرتك صدقيني ... انتِ محدش يعرف يحور عليكِ أبدًا .. صاحت بانفعال - اديك اعترفت انك بتحور ... في ايه بقي خايف تحكيه و عمال تلف و تدور عشان تغلوش عالموضوع ؟ قهقه مازن بشده و قال من بين قهقهاته - خايف ...! انتِ متخيله بطولك دا ممكن تخو.فيني ! كارما بثقة راقت له كثيرًا - الموضوع مش بالطول يا سيادة الرائد دا بالعقل. و بعدين انا طولي مظبوط علي فكرة انت اللي طويل بزياده مازن بغزل - انتِ كل حاجه فيك مظبوطه يا قمر مش طولك بس أردف كلماته بغمزة اربكتها فتصنعت الغضب قائلة - ما قولنا احترم نفسك بقي .... كانت كل ذره من كيانها تنتفض طربًا لغزله الصريح بها و قد كان ذلك الماكر يعلم بذلك و يتجلى ذلك بوضوح في عينيه التي كانت تغوص في اعماقها و تكشف جميع أسرارها - كارمتي عايزك تعرفي اني في أقصى درجات الاحترام معاكِ والله و دي حاجه ضد طبيعتي نهرته بتهد.يد - مازن هقوم امشي والله . أجابها بثقة بعدما تحرك ليجلس براحة أكثر - وماله يا روحي امشي لحد آخر مكان في الدنيا هتلاقيني وراكي . اي مكان هتروحيه يا كارما هتلاقيني جمبك فيه. أطلقت العنان لمخاوفها في الظهور على السطح و أعلنتها ببساطه -خايفه أصدقك يا مازن . شاركها صراحتها و قام بفتح مغاليق قلبه ليعبر عن مكنوناته -عارفه يا كارما انا مكنتش قادر ارجع ليه طول المدة اللي فاتت دي ..؟ لم يتلق منها إجابه و لكن عيناها كانت تتوسله الا يجرحها فطمئنها بضغطه رقيقه علي كفها و أردف -عشان مكنتش هقدر اشوفك و مقربش منك. مكنتش هقدر اشوفك و ابعد عنك تاني و قبل ما تسألي . كنت خايف أأذيكي و اخنقك معايا بعقدة الذنب الي كانت ملفوفة حوالين رقبتي طول السنين دي و اللي يمكن بعدي عن ربنا هو كان السبب الرئيسي فيها . - تقصد إيه بسط إجابته و أطلق العنان لقلبه في بثها ما يحمله من أثقال و ما يشوبه من نقوصات - اقصد إني يوم ما روحت من عندكوا حسيت كإني كنت اعمي طول السنين اللي فاتت دي و فتحت لما شوفتك. لقيت قلبي بيقولي ازاي كنا مختارين نعيش في الضلمه طول حياتنا ؟ صمت لثوان وهو يتذكر تلك الليلة قبل أن يضيف بتنهيدة تعبر عن مشاعره حينها - فضلت طول الليل اتقلب عالسرير و مش عارف اخد قرار قلبي بيترجاني ارجعلك و محرمهوش من نور حبك و عقلي بيقولي اهرب احنا مش قد الوداع مرة تانيه ... لحد ما ربنا أراد انه ينور بصيرتي و هنا سمعت أذان الفجر و حسيت بصوت بيقولي قوم صلي و سيب كل حاجه لربنا و فعلا اتوضيت و لجأت لربنا اللي كنت بعيد اوي عنه في حين ان الراحه مبتجيش غير في القرب منه.. اخفض رأسه يتذكر خجله حينما كان يُقصر في حق ربه ثم تابع يسرد روعه ما حدث معه - قمت صليت و قولت يارب و مش قادر اوصفلك الراحه اللي حسيت بيها بعدها و في لمح البصر اول ما حطيت راسي عالمخده نمت و شفت ابويا و امي في الحلم لابسين ابيض و حواليهم اطفال صغيرين كتير بيضحكولي و بيشاورولي من مكانهم و المفاجأة بقي إن دي كانت اول مرة يجولي في الحلم من يوم وفاتهم تقريبا كدا كانوا بيعاقبوني عاللي كنت بعمله في نفسي . لاحظ تأثرها من حديثه فتابع وهو يخاطب عينيه أولًا - بعدها عرفت أن أهم حاجتين في حياتي هما . قربي من ربنا اللي بالرغم من بعدي عنه مبخلش عليا بيكِ و ردك ليا من تاني . هتف قلبها متسائلًا بلهفه - و السبب التاني ؟ - انتِ يا كارما . انتِ اغلي حاجه عندي في الدنيا فرحة قلبي اللي عمره ما داق ولا عرف طعم الفرح غير بيكِ لثمت كلماته جروحها فقد كانت كالبلسم لقلبها الذي ضاق ذرعًا من آلامه و حلقت روحها في السماء السابعه فها هو حلمها قد تحقق به و عاد لها فارسها الذي انتظرته لأعوام و من فرط الفرحه لم تشعر بجريان الدموع علي وجنتيها فاقترب منها محاوطا وجهها قائلا بعشق - مفيش حاجه ولا حد في الدنيا يستحق دموعك دي يا قلبي . دموعك دي غاليه عليا اوى يا كارما... انا بحبك و عارف اني جرحتك ببعدي بس صدقيني قلبي مبطلش يوم يحبك ... انا كنت بعاقب نفسي قبلك . أن تركنا العنان للقلوب فهي تعلم أكثر مما نظن و تشعر بما يخفيه اللسان و قد ألهمها قلبها بأن هناك الكثير مازال مدفوفنًا بصفحات عينيه فقالت بخفوت - امال ليه عنيك بتقول كلام كتير لسانك مقالهوش ؟ طاوع عقله و عاند قلبه مؤكدًا على حديثه - قلبي اللي بيتكلم يا كارما مش لساني.. لا يمكن للأنثى إلا أن تتصاع خلف شعورها فواصلت حديثها قائله - طب اصدق مين فيهم - صدقي قلبك و شوفي هيقولك ايه ؟ لم تكن الأمور عادله معها لذا قالت بتنهيدة حارقة - قلبي هييجي عليا معاك يا مازن . - قلبك حاسس بقلبي وعارف ايه جواه . تريد قطع بذور الشك من جذورها فقالت بإصرار - في حاجه معرفهاش؟ راوغ سؤالها بقنبلة تتفجر داخلها كلما ألقى تلك الكلمة على مسامعها - بحبك اوي تجاهلت ضجيج قلبها إثر سماعها كلمته و واصلت تريد العبور إلى أبعد ما يمكنه السماح لها - في حد دخل حياتك في غيابي ؟ - محدش دخل قلبي غيرك. - معرفتش حد بعدي ؟ ضاق ذرعًا من إصرارها فهتف بعناد - محبتش حد غيرك ... ليه مش قادره تصدقي؟ لا تتنحى الأنثى حين يتعلق الأمر بالغيرة و هي كانت تتألم بداخلها لسبب لا تعلمه لذا تابعت بقوة - اقنعني . - تتجوزيني ؟ ادارت وجهها عنه و اغمضت عيناها بشدة فهي تعشقه حتي النخاع و لكن هناك شئ يخبرها بأن لكل جنه شيطان وهي تخشى ان يظهر هذا الشيطان على هيئه امرأة قد استوطنت قلبه في غيابها و تحرمها من جنته التي لطالما حلمت بها معه - متخبيش عنيكِ مني كفايه اتحرمت منهم كل دا . هكذا تحدث بخفوت و لهجه معاتبه فأجابته بجفاء يوحي بمدى لوعتها و ما يعتريها من تخبط - خايفه اعرف اترجم اللي في عنيك يا مازن و يوجعني .. أجابها بصدق - عمري ما هوجعك ابدا . - يبقي متخبيش عني حاجه زفر بتعب من عنادها - عايزه تعرفي ايه ؟ - كل اللي معرفهوش .. أجابها بخشونة تتنافى مع عذوبة كلماته - اللي متعرفهوش اني مكنليش حد قبلك ولا هيكونلي حد بعدك .. تفاقم الغضب و طغى على كل شئ فحاولت كبحه في استفهام جاف صريح فلا طاقة لها في المراوغة وهو لا يستجيب - و انا مش موجوده مكنش في حد بيعوض غيابي ؟ شددت علي كلماتها بكل ما يعتمل بداخلها من خوف لم تتلق من شفتيه اي إجابه و لكن تولت عيناه مهمه الرد عليها فقد أخذت ترسل إليها شرارات من العشق الذي فاض به قلبه . و ارتوت به روحها فشعرت بالدفئ يتسرب إلى داخلها و لكن أبت ان تسلم رايتها فقالت - ساكت ليه ؟ - سيبت عيوني ترد عليكِ سيبتك تشوفي فيهم انتِ بالنسبالي ايه . لم تستطيع الصمود أمام عينيه أكثر فأدارت وجهها تقول بتململ - انت بتلجأ لطرق غير مشروعه علي فكرة .. ابتسم قبل ان يقول بخشونة - في الحب و الحرب كل شئ مباح . هتفت بحنق - بس دي حرب غير متكافئة استنكر حديثها قائلًا - حرب مش حب ! طب ليه مش متكافأه من وجهه نظرك ؟ أجابته بتذمر - عشان كل حاجه ضدي فيها . كل حاجه فيا بتحاربني معاك يا مازن . لم يهتم لأي شئ و قال بعذوبة - و كل حاجه فيا بتعشقك يا كارما . ليه راميه نفسك في الحيرة دي كلها و سايبه الظنون تاخدك و توديكي؟ اخرجت مكنوناتها في تنهيدة قويه اتبعتها بكلمات اقوى نابعه من خوف كبير يستوطن داخلها - عشان مش هقدر اترفع معاك لسابع سما و تيجي حاجه تخسف بيا سابع ارض. مش هقدر يا مازن لو وقعت مش هقوم تاني . - للدرجادي معندكيش ثقه فيا يا كارما ؟ قالها بحزن فأجابته بتعقل - مش قله ثقه بس انا و انت مش لسه متقابلين امبارح احنا متقابلين من زمان اوي و كان بينا وعد حافظت عليه بروحي و انا محصنه نفسي بريحتك اللي كانت ساكنه فيا من يوم فراقك و فضلت مصبرة قلبي بصوره قديمه لينا زمان كانت بتواسيني في بعدك . فمش هقدر اسامح علي حاجه حصلت في غيابي و مش هقبل اسكن مكان لمست جدرانه واحده غيري حتى لو كان وضع مؤقت .. كانت كلماتها و كأنها ضــ,,ـــــربات سوط تجلد قلبه العاشق لها و كان يصب عليها النــ,,ـــــار لتشتعل اكثر ضميره الذي كان يعنــ,,ـــــفه بشده على ما يخفيه عنها و يأمره بالإفصاح بما يخبئه في أعماق نفسه و لكن ما يخفف من عذابه و لو قليلا هو أنه لم يكذب بشأن قلبه الذي لم تمسه امرأة سواها و أخيرا قرر انهاء معاناتها و معاناتها فلا طاقة له بالعيش دونها ولن يترك الحياة تتلاعب به مرة أخرى و ترغمه عن التخلي عنها فقال بلهجة لا تقبل الشك - محدش سكن قلبي غيرك انتِ . قلبي كان مختوم بحبك اللي كان مخليه مش شايف اي بنت تانيه . محدش لمس جدرانه غيرك .. و مفيش حد هيقبل يسكن مكان كل ركن فيه مكتوب عليه اسمك. كلماته تحمل من الروعة ما جعل عينيه تتعلق به رغمًا عنها و خاصةً حين تابع بصدق - انتِ حبيبتي الاولى و الاخيره و قلبي محدش سكنه إلا انتِ اطمني .. عودة للوقت الحالي كداااب ... اكتر إنسان كداب في الدنيا قالتها بحــ,,ـــــرقه من بين دموعها و أخذت تلعن غبائها فهو كان يراوغها و هي بكل سذاجه صدقته . خدعها ولم يكن صريح معها و هي لن تلومه وحده بل تلوم قلبها الذي اوقعها في شراك رجل لا يعرف معنى الوفاء صدح رنين هاتفها برساله منه فهي تتجاهل مكالماته التي تخطت المائة مكالمة فائته ... امسكت بهاتفها تقرأ و داخلها يتمزق " ردي عليا يا كارما متحكميشش عليا بالإعدام من غير حتي ما اسمعيني و لو لمرة واحدة ارجوكِ ردي عليا " أخذت شهقاتها تعلو شيئا فشيئا فكتمتها بالوساده خوفًا من ان نستيقظ والدتها فهي تخشى عليها من أن تراها في تلك الحاله المزريه مفطورة القلب مكسورة الخاطر و ما هي إلا دقائق معدودة حتى سمعت جرس الباب فتعجبت فالوقت يشير الى الحادية عشر فمن سيأتيهم في هذا الوقت ؟ حاولت إصلاح هيئتها المزرية تلك وهمت بفتح الباب فصدمت مما رأته - أنت ..؟ ********** بكل ما أوتيت من عشق أتمني لو أنني لم ألتقي بك أبداً. " بدأت غرام بإسترداد وعيها شيئاً فشيئاً و أخذ رأسها يتحرك في جميع الاتجاهات تحاول معرفة أين هي فشعرت بيد تحتوي كفها بحنان لمس قلبها فالتفتت لتتفاجئ به يبتسم لها بوهن فبدأت تستعيد ذكرياتها المريرة معه فشعرت بألم حاد في صدرها بات يمنع عنها التنفس و علي الفور انتزعت كفها من تلك المتشبسه بها و وضعتها فوق قلبها واغمضت عينيها بشده بينما دموعها تنهمر على وجنتيها وكأنها جمرات مشتعله تسقط على قلبه فتحــ,,ـــــرقه .. أخذ الندم يقرضه من الداخل كونه المتسبب في ذلك العذاب الذي تعيشه الآن فود لو يرجع به الزمن عدة ساعات لكان الآن معها يخبرها انه يعشقها و أنها امرأة حياته و لكن سبق السيف العزل و لم يعد بيده شئ فهو أخطأ و الآن يجب عليه تحمل نتيجة افعاله النكراء .. - حتى الموـ,ـت استخسرته فيا ! قالتها بوجع انحفر بمعالم ووجهها فباتت كعجوز نجح الزمن في إمتصاص الحياة منها و طبع خيباته عليها .. وقعت كلماتها عليه كضــ,,ـــــربات السيف الذي شطر قلبه لنصفين فيا ليتها تعلم ان لا حياة لقلبه دونها وأنه لو كان بإمكانه ان يدفع عمره مقابل أن يعيد الزمن إلى الخلف بضعه ساعات فقط لكان وضعها بين الطيات قلبه و حماها من ذلك الشيطان اللعين الذي كان يتملكه و لكن هيهات أن يستطيع إنسان أن يعيد الزمن للحظه واحده .. فالندم كان ولا يزال لعنه البشرية التي لا يمكن التحرر منها فهو أشبه بابتلاع الإنسان جمرة من النــ,,ـــــار تحــ,,ـــــرقه من الداخل و لا يملك سلطة إرجاعها ليظل يكتوي بنــ,,ـــــارها الحارقه فرفاهيه إرجاع الزمن إلى الوراء لم تخلق بعد .... - متقوليش كدا ... انتِ لو كان جرالك حاجه مكنتش هسامح نفسي طول حياتي تحدث أدهم بعد أن جاهد كثيرًا ان يلملم شتات نفسه التي بعثرتها إمرأه أصبح يعشق الهواء الذي تتنفسه و أكثر ما كان انه لم يكن يكتشف مقدار عشقه لها سوى في تلك اللحظه التي أوشكت فيها على التخلي عن حياتها .. - و دلوقتي مسامح نفسك ؟! قالتها بوجع فلم تتلقى منه أي إجابة فباتت صورته في عينيها كمسخ مجرد من كل معالم الإنسانية فواصلت تحطيم ما تبقى من ثباته المصطنع - ياااه ... هو السؤال صعب اوي كدا ؟ " لا يليق بك الضعف و الإنحناء حتى و إن أخطأت فهي من دفعتك لذلك .." هكذا اخبره عقله فنصب عوده و حاول رسم جدار من اللامبالاة التي تجلت في كفيه الذان أخفاهم في جيوب بنطاله و قال بصوت جاهد ان يكون ثابت - مقدرش اشوف حد بيحاول يمـ,ـوت نفسه و اقف اتفرج عليه .. خرجت منها ضحكه ساخرة تحمل كل معاني الخذلان الذي يعتمل بداخلها و سرعان ما تحولت لبكاء تقطع نياط قلبه لأجله و نصبت عودها المحتي بخزي لتاقترب منه قائله بسخرية سرعان ما تحولت لوجع - متقدرش تشوف حد بيمـ,ـوت لكن تقدر تمـ,ـوته صح ؟! انا عملت فيك ايه عشان تعمل فيا كدا ؟ بلاش السؤال دا . قولي شفت مني ايه يخليك تفكر فيا التفكير القذر دا ؟ - شووفت ..... قالها ادهم بصراخ اهتزت له أرجاء الغرفة و دب الرعب في اوصالها عندما وجدته يقترب منها بإحدى يديه ويده الآخرى تلكم الحائط خلفها و هو يقول بغضب مميت و بنبرة مرعبة - شفتك و انتِ مع واحد في الكافيه و ضحكتك مسمعه اسكندرية كلها .. و شوفتك و انتِ مع واحد تاني قدام باب المستشفى بعد ما كنتي معايا بدقيقتين و سمعتك و انتِ بتكلمي واحد تالت في التليفون و بتوصفيله قد ايه مشتقاله و بتتكلمي عني معاه على إني مجرد واحد صاحب اخوكي! عايزاني اشوف ايه تاني عشان افكر فيكي كدا ؟ ردي علياااااا ؟ قالها بصراخ ارعبها فصار جسدها يرتعش و اخذت تردد دون وعي - انت مجنون ... اكيد مجنون ...استحاله تكون إنسان طبيعي . - احمدي ربنا ان المجنون دا في ساعتها . لإن النــ,,ـــــار اللي كانت جواه كفيله انها تحــ,,ـــــرق إسكندرية باللي فيها .. صرخت بكل ما تحمله من وجع و خزي - ابعد عني مبقتش عايزه اشوفك انت انسان ظالم و كداب و ملكش اي حق تحاسبني علي اي حاجه انت بتدور علي اى شماعه تعلق عليها جـ,ـريمتك . تمكن منه شيطانه الذي حوله لمسخ بنظرها حين هدر بعنــ,,ـــــف - جـ,ـريمتي دي كانت النهاية لأي واحده تفكر ترخص نفسها و تتنقل بين كل واحد شويه دوت صفعه مدويه علي خده بثته فيها كل ما تشعر به من قهر وألم حتى أخذ يتردد صداها في أرجاء الغرفة أغمضت عينيها بشدة تتوقع منه ان يحطم رأسها في اي وقت و هي حتي لن تعترض فقد كانت تتمنى لو تنتهي حياتها بتلك اللحظه و ينتهي كل ذلك الألم و لكنها فوجئت بذلك المجنون يحطم كل ما يحيط بهم و يزأر كأسد جريح فارتعبت من مظهره واتخذت ركن في آخر الغرفه وانزوت به محاوطه جسدها بذراعيها ترتجف بشدة حتى هدأ تماما من نوبه الجنون التي انتابته فهو إن لم يفعل ذلك و يخرج شحنه الغضب التي ولدتها فعلتها الخرقاء لكانت الآن في عداد الأموات .. اخذت خطواته تقترب منها فشعرت بثقلها علي قلبها اما هو فقد كان يود لو فصل رأسها عن جسدها لتلك الفعله الشنيعه والتي لم يتجرأ احد و يقدم عليها طوال حياته و لكن تلك النظرة التي رآها في عينيها ما أن رفعت رأسها تنظر إليه شلت تفكيره تماما فلم يشعر سوي و هو يقترب منها و يقارب جبهته من خاصتها حتى امتزجت عبراتهم ليقول بنبرة متحشرجة - كان نفسي تطلعي غيرهم . كان نفسي تبقي الملاك اللي هينقذني من الجحيم اللي عايش فيه … ليه طلعتي خاينه زيهم؟ حتي و إن مستها دموعه و انتفض لها قلبها فلن تسامحه على غدره بها و أيضا ظلــ,,ـــــمه لها إذن فليتجرع جزء من عذابها فانتفضت من جانبه قائله بغضب - عشان انت متستهلش غير واحده خاينه و غداره زيك … عارف ؟ أتمني تفضل عايش في الجحيم دا طول عمرك و تفضل متعذب و متشوفش يوم حلو أبدا في حياتك هو ده اللي تستاهله …. شعر أدهم بسريان النــ,,ـــــار بين أوردته فقد كان يود لو تخبره بأنه أخطأ بحقها و إنها الملاك الذي جاء لينتشله من عذابه فهو بعد ما رأي انهـ,ـيارها و محاولة انتـ,ـحارها يكاد يجزم بأنها أطهر مخلوق علي وجه الأرض ولكن لما تتفوه بهذه الترهات ؟ لتزيد من عذابه ؟ ألا يكفيه ما يعانيه من ألم و لوعه .؟فلم يشعر بنفسه و هو يقول بجمود - عشان كدا انا مش ندمان على اللي عملته معاكِ و لو رجع بيا الزمن هعمل كده تاني ألقى بقنبلته وغادر دون ان يلتفت ليري مدي الخسائر الذي تسببت بها و لا ذلك القلب الذي تفتت حزنا و وجعا و لكن ماذا كانت تنتظر من شخص مثله لا يمتلك قلبا من الأساس ؟ و لكن ألم يكن هذا ما تمنته أن يشبه حبيبها مصاصة الدماء ! فهو بالفعل يشبهها قولا و فعلا و لكن الإختلاف هنا بأنه امتص روحها و تركها مثل خرقه باليه لا تصلح للحياة ليته امتص دمائها أيضًا و أنهى حياتها التي أصبحت كالجحيم .. ************ دخل يوسف إلي شقته و هو يشعر بأنه يحمل هموم بثقل الجبال فوق كتفه فنظر إلى أثاثها المبعثر والمهشم تمامًا كما هو حال قلبه فأخذته قدماه تلقائيا إلى حيث الغرفة التي كانت تمكث بها يتلمس رائحتها التي يعشقها .. فتقدم يجلس علي فراشها و يحتضن وسادتها و انفلتت دمعه حارة منه تحكي مقدار الوجع الذي يشعر به فأخذ يتذكر كيف حطمه غيابها و ما تحمله من عذاب فقدها فبهروبها كأنها منعت عنه الهواء الذي يتنفس…. فتلك هي المرة الأولي التي يشعر بها بمثل هذا الضعف في حياته لطالما كان قويا صلبا لا يستطيع اي شئ ان يحرك ساكنا به . فهو مثال للرجل القوي الذي اعتاد أن يقف بمواجهه الحياه بكل عنــ,,ـــــفوان لم يأبه لأحد قط فقد كان بمثابة الصخرة التي يحتمي بها الجميع و الجدار الذي يتكأ عليه كل من حوله لم يعتد أبدا على الإنحناء للحياه فكان يناطحها و لم يجعلها يوما تخضعه لإرادتها بل لم يستطع شئ او شخص في هذه الحياه ان يهزمه سواه ! هي و فقط من استطاعت ان تحطمه . غيابها افقده عقله أشعر بالعجز لأول مرة في حياته ..تلك المرأه فعلت به ما لم يستطع ايًا أعداؤه فعله حتى أنها جعلته يتخلى عن الكثير من مبادؤه لأجلها و لكن لم يعد يستطيع أن يتحدى كبرياؤه أكثر فلتتحمل نتيجة خياراتها .. أخيرا قرر عدم الاستسلام لأحزانه أكثر من ذلك و قرر أنه لن يتراجع عما انتواه لها فقام بالبحث عن حقيبتها ليجدها مخبأة في الخزانة فراوده الشك حول هذا الأمر فقرر معرفة ما تحتويه فقام بفتحها و لكنه صُدِم مما رآه ************* - أنت … ! انت ايه اللي جابك ليك عين تيجي هنا - ارجوكِ يا كارما لازم تسمعيني قالها مازن بقهر فصاحت بألم - كداب … كداب من قبل ما اسمعك يا مازن و لو قعدت تتكلم من هنا لبكرة مش هصدقك تابع يحاول جعلها تستمع إليه - ارجوكِ اديني فرصه ادافع بيها عن نفسي صاحت بغضب - فرصتك خلصت خلاص و معدش ليك جوايا اللي يخليني اقدر حتى اسمعلك مازن بقهر - يعني إيه ؟ - يعني رصيدك جوايا خلص يا مازن . إنساني و ابعد عني انا حتي مبقتش طايقه اشوفه قدامي همت بإغلاق الباب في وجهه فوضع قدمه مانعا إغلاقه و قال بغضب - بلاش تعندي انا عارف اني لسه جواكِ اللي خلاكِ تستنيني السنين دي كلها مش هيخليكِ تقدري تشيليني من قلبك بالسهولة دي قالت صارخه من بين دموعها - و انت قدرت صح ؟ قدرت واحده حبتك و استنتك كل السنين دي و مسمحتش لحد يقرب من حاجه تخصك . كتبت قلبها علي اسمك و مخلتش حد يقرب منه . قضت طفولتها و مراهقتها وشبابها بتحلم بيك و انت في المقابل عملت ايه؟ روحت رميت نفسك في حب واحدة تانية لا و كمان كانت هتبقى مراتك يعني انا اصلا ماليش وجود … امشي يا مازن مش عايزة اشوفك تاني سردت أخطاءه و وجعها بكل ما تحمل من ألم كان اضعافه بقلبه الذي يشتهي فرصة واحده فقط ليخبرها بحقيقه جـ,ـريمته تلك لذا تحدث بإصرار - والله انتِ فاهمه غلط البنت دي متهمنيش أبدا و الخطوبه دي لها قصه لو سمعتيها هتعذريني .. كارما بقهر - كان ممكن أصدقك لو مكنتش شفتها بعيني وهي جنبك ومعاك و كأنها متعودة على كدا و كأن دا مكانها . - ارجوكِ… قاطعته بغضب - اسكت.... اوعي تترجاني عشان لو عملت المستحيل عمري ما هرجعلك تاني انا بقيت بقرف منك . ألقت جملتها في وجهه و اغلقت الباب و هي تبكي بلوعة فكم تود أن ترتمي بقربه تشكو له عذابها معه تشكو ضعفها تشكو خيبتها تشكو كل ما يجعلها تتألم بهذا الشكل المريع صدح هاتفها معلنا عن اتصال من مجهول فلم تلق بال فيكفيها ما تعانيه ليتكرر الاتصال عدة مرات فتجيب ليلتها صوت غرام الباكي - كارما انا في المستشفى تعالي خديني انتفض قلبها ذعرًا على شقيقتها - مستشفى ايه ؟انتِ كويسه ؟ - متقلقيش انا كويسه بس تعالي من غير ما تقولي لماما حاجه انا بكلمك من رقم ممرضه هنا تليفوني ضاع مني - حاضر يا قلبي مسافه السكه هكون عندك لملمت أشياؤها سريعا وقامت بالاطمئنان علي والدتها خوفا من أن تستيقظ فوجدتها تغط في نوم عميق بفعل الأدويه التي تناولتها فخرجت سريعا و ما أن فتحت باب المنزل حتي تفاجأت به يجلس على الأرض يضع رأسه بين قدميه في حاله يرثى لها فخفق قلبها بشده و ودت لو أقتربت تخففف عنه و عن قلبها و تزيل كل هذا الألم الذي يشعران به ... انتفض مازن عندما وجدها تخرج من باب الشقه ترى هل رأفت بحالته و قررت أن تمنح له فرصه أخيرة للحياه بإنصاتها إليه ؟ فاقترب منها قائلا بلهفه - كنت عارف إني مش ههون عليكِ عاجلته قائلة - غرام في المستشفي معرفش حصلها ايه ؟ كلمتني بتعيط و انا ريحالها اقترب منها قائلًا بحنان بالغ - إن شاء الله خير يا حبيبتي متقلقيش. نست كل شئ للحظة و بثته قلقها و لوعتها - خايفه عليها اوي يا مازن فما كان منه إلا أن يلبي دعوه قلبها المنفطر ألما و أخذها يطمئنها و يطمئن قلبه بها .... أشعر بأنه يوجد خيط خفي يربط قلوبنا ببعضها البعض فكلما هممنا بالابتعاد أجده يعيدنا مرة ثانيه ... فبالرغم من عذابي و معاناتي معك إلا أنني لا أشعر بالإطمئنان و الأمان سوي بين يديك و أشعر بقلبك أيضا ينتفض عشقا عندما يكن معي فلا أدري ماذا تخبئه الحياة لنا و لكن حقا أشعر بصوت في اعماق قلبي يتوسل لي بالا افلت يدك مجددا ......! ************ فتح يوسف باب غرفتها بعدما تحدث مع الطبيب الذي اخبره بأنه يجب عرضها علي طبيب نفسي لمتابعة حالتها حتي لا تسوء أكثر و بأنها نامت بفعل المنوم و لن تستيقظ حتي الصباح فسبقه قلبه بلهفه إلي مكانها و اقترب منها بخطوات بطيئه و أخذ ينظر إلي ملامحها الجميله و شعرها المنثور حولها كأشعه الشمس يعطيها جمالا فوق جمالها فقد كانت نائمه كملاك برئ فتمدد بقربها ليجعلها في مكانها الصحيح بجانبه و أخذ يتذكر لقطات من سعادته معها فلاااش بااك كان منهمك في عمله كثيرًا إلى أن سمع طرقه رقيقه علي الباب تردد صداها في قلبه على الفور فعرف صاحبتها قبل ان تشرق بنورها عليه فابتسم ابتسامة خافتة وأغلق الملف الذي بيده و اقترب من الباب و فتحه بسرعه ساحبا إياها لتصبح أمامه بعد ان اغلقه خلفها فأصبحت محاصرة بينه و باب الغرفه فشهقت بصدمة و قالت بخفوت - يوسف خضتني لم تتلق منه رد فقد كان مشغولا بأن يُملي عينيها منها و يعبئ داخله من عبيرها الفاتن و يروي ظمأ عشقه منها فقد أسكره وجودها ظلا على هذه الحالة وقت ليس بقليل إلى أن شعر بها تتململ بخجل فقال بهمس - قلب و روح يوسف توترت من كلماته و زاد خجلها ففعلت تلك الحركة المعتادة و قامت بأسر كريزيتها بتوتر فكانت فعلتها هذه كافية بإشعال براكين عشقه الممزوج برغبة كبيرة من قلبه في قربها فأخر يحرر أسرهم وهو يقول بخشونه.. - قولتلك مليون مرة متقسيش عليهم أنا بس اللي مسموحلي اعمل كدا و علي الفور قام بإثبات ملكيته لها فهي حبيبته منبع عشقه و إرتواءه الذي لا يمل منه أبدًا فقد كان وجودها بجانبه هو الجنة بعينها التي دائما ما تجذبه بقوة و لكن هذه المرة كانت مختلفة فهذه المرة أصبحت ملكه فبات اسمها مقرونا باسمه مدى الحياة فاليوم أصبحت زوجته .... تركها علي مضض و هو يشعر بأنها لم تعد قادرة علي التنفس و كان صدره يعلو و يهبط من فرط المشاعر التي عصفت به فكان يلهث كما لو أنه في سباق للعدو ... ماذا تمتلك تلك المرأه لتجعله يشعر بكل تلك المشاعر التي تجتاحه كفيضان و هو غير قادر علي السيطرة عليها ؟ هكذا حدثه عقله قام برفع رأسها ليجعلها تنظر إليه فقال بعشق و هو يتأمل خجلها المحبب إلي قلبه - هو انا لو كلتك دلوقتي هيجري إيه ؟ - يوسف ابعد انا همشي .. يوسف بمكر - هو دخول الحمام زي خروجه و لا ايه ؟ - تقصد إيه قالتها بخوف قهقه يوسف علي ملامحها التي انتابها الذعر فقال - هو ينفع تبقي مرات يوسف الحسيني و تخافي كدا ؟ كاميليا بعدم تصديق - هو دا بجد ؟ انا بقيت مراتك فعلا ؟ يوسف بحنو - طبعا بجد يا حبيبتي و جد الجد كمان .. - خايفه اصدق يا يوسف. يوسف بطمأنه - قولتلك متخافيش طول مانا معاكِ مش واثقه فيا و لا ايه ؟ - طبعا واثقه فيك بس انت مشوفتش ردود افعال الناس حوالينا كانت عامله ازاي ؟ تقريبا محدش باركلنا خالص غير روفان و بعد ما اخدت وقت عشان تستوعب الصدمه. يوسف بخشونة - أنتِ قولتيها صدمه . يبقي لازم نديهم وقت يستوعبوها كاميليا بتيه - حاسه اني متلخبطه .. يعرف الطريق الى قلبها جيدًا و يعرف كيف يهذب ثورته و يطمئن خوفه فهمس بعذوبة - بحبك أخفضت رأسها خجلًا أضفى روعته على نظيرتها حين قالت - انت قاصد تلخبطني أكتر .. تابع هجومه على ثباتها قائلًا - بمـ,ـوت فيكِ - يوووسف قالتها بدلال - عيونه قالها بحب و لكن سرعان ما برقت عينيها و كأنها تذكرت شئ فصاحت بغضب - صحيييح .. تعلالي هنا حضرتك فتحت الباب و شدتني كدا افرض بقي كان في حد تاني غيري كان هيبقي إيه الوضع دلوقتي ؟ كانت غيرتها تتحكم بها وهي تمسكه من أعلى قميصه فأجابها بوعيد يبطنه المزاح - عارفه يا كاميليا لو حد من الناس اللي بره دول شافك و انتِ مسكاني كدا هيبقي شكلي عامل ازاي ؟ شاطرته المزاح قائلة - هبقي انا دخلت التاريخ من اوسع ابوابه يا روحي . المهم دلوقتي جاوب عليا يا يوسف لو حد تاني دخل كان زمانه مكاني صح ؟ باغتتها روعه كلماته ونبرته المُشبعة بالصدق - مفيش حد ينفع يبقي مكانك يا كاميليا .. صمت لثوان ثم اكمل ليجعل عشقها له يتضاعف بداخل قلبها ... - و بعدين لو اي حد تاني غيرك مكنش قلبي هيدق اوي كدا . قلبي بيبعرف صوت خطوتك يا كاميليا . كاميليا بعشق - قلبك دا اغلى حاجه في حياتي.. يوسف بلهجته الخشنة التي تدغدغ حواسها - قلبي دا مفيش حد سكنه غيرك ولا حد قدر يوصله قبلك. انتِ عشقي يا كاميليا عشق يوسف . ذابت من حلاوة كلماته و ارتمت بين ضفاف جنتها و حصنها المنيع غير مصدقه بأن تلك السعاده لها وحدها فهطلت دموعها من فرط التأثر و تسلل بعض الخوف إلي داخلها من ان يحدث ما يعكر صفوها فشعرت بع يتصلب و زادت وتيرة أنفاسه فعلمت انه غاضب فغزى قلبها الخوف فهي تعلم كم غضبه مرعب فشدد من احتواءه لها و قال بخشونة - عارفه يا كاميليا كام واحد هنا بيمشي رافع راسه و عارف ان محدش هيقدر يرفع عيني فيه عشان هو تحت حمايتي ؟ ضيقت عينيها بعدم فهم فهذا الرجل بالرغم من عشقه لها و هيامها به إلا أنه مليئ بالغموض و الأسرار فهو كـ اللوغريتمات بالنسبة لها لا تقدر علي ترجمتها - تخيلي يا كاميليا ان في الآفات من الناس هنا و في العزبه و في كل مكان انا بملكه كلهم حاسين بالامان عشان تحت حمايتي و الانسانه الوحيده اللي بعشقها و ممكن اهد الدنيا لو اتمست شعره واحدة منها خايفه وهي معايا ! - انا مش خاي.... أوقف استرسالها في الحديث بوضع إصبعه أمامها و قال بحزم - متكذبيش يا كاميليا عشان انا مابحبش الكذب و عشان انتي مش مضطرة لدا انا بفهمك من عنيكِ انتِ مرعوبة يا كاميليا مش خايفه بس . تنهيده قويه خرجت من أعماقها و تحركت في أنحاء الغرفة بحركه عشوائيه تحت شعاع نظراته المسلط على كل حركه بسيطه تخرج منها فقالت بخفوت - انا مش مكتوبلي السعاده يا يوسف. مفيش مرة كملت فرحتي. شعرت به يقترب منها فأدفأ قلبها الذي أثلجته بروده الحياة القاسية التي عاشتها فأردفت بعد ما اسكرها عشقًا - انت الحاجه الوحيده الكامله اللي في حياتي . الحاجه الوحيده الحلوه اللي بمتلكها .د. لو حصلت حاجه خلتني اخسرك يبقي مفيش حاجه اسمها عوض في الدنيا بالنسبالي خسارتها يعني الحياة و أي حياة خاليه منها تعني هلاكه و لأنه رجل لا يعرف معنى المستحيل ولا يعطي لتلك الكلمة و لو حيز بسيط من قاموسه اختار أن يبثها الأمان على طريقته - عارفه يا كاميليا الحب دا درجات اول درجه فيه الاعجاب و آخر درجة فيه العشق .الإعجاب دا ميعتبرش حب عشان بيبقي بالعين و بس . لكن لو اتكتبله عمر بيمر بمراحل كتير زي التعلق و اللهفة والتعود لحد ما يوصل لآخر مرحلة اللي هي العشق .. قال كلمته الأخيرة و هو يديرها لينظر داخل عينيها بقوة و هو يكمل - اللي بيعشق دا بيبقي لا شايف و لا سامع و لا حاسس بأي حاجه غير باللي ساكن و معشش في قلبه .. روعه كلماته جعلت العبرات تترقرق في مقلتيها فتابع بخشونة اذابتها - العشق دا يجري في الدم . يعني متعرفيش تتخلصي منه و لا تعيشي من غيره و أنا عشقتك . أوشكت على الحديث ولكنه تابع بصدق أثلج جروحها و أجلى الخوف الساكن بأعماق عينيها - عشقتك لدرجه مخلياني مش عايز حياتي دي لو مش هتكوني فيها . اوعي تخافي و لو للحظة و انا موجود. لو حد فكر بس مجرد تفكير انه يأذيكي او يبعدنا عن بعض انا همحيه من علي وش الدنيا حتي لو كان هو مين . - بس يا يوسف… قاطعها يريد أن يمحي ذيول الخوف بقلبها - لو حطوكي في كفه و العالم دا كله في كفه كفتك تربح .. انا مش عايز من دنيتي غيرك. ذابت عشقًا من روعة كلماته و دفئها فهمست بحب - و لا انا عايزه غيرك ضاعف من جرعات عشقه قاصدًا تعزيز ثقتها به و بنفسها أكثر بقليل بخشونة - عايزك بس تحطي ايدك في ايدي و تنسي اي حاجه في الدنيا غيري . مش عايز حد يكسرني بيكِ أبدا و انا هدوس علي كل حاجه في الدنيا ممكن تبعدني عنك .. أطلقت العنان لقلبها الذي همس بعذوبة - بعشقك يا يوسف .. بادلها العشق عشقها بأضعافه حين همس - بعشقك يا قلب يوسف تدللت برقة - ممكن اقعد معاك هنا مش عايزه اشوف حد غيرك ؟ - دا ممكن و ممكن و ممكن ... تعالي جذبها لتستقر فوق المكتب بجواره و أخذ ينظر إلي عينيها بعشق فشعرت بالخجل منه و قالت - هتفضل تبصلي كدا كتير و مش هتشتغل مازحها قائلًا - يعني بذمتك حد يكون قدامه القمر دا و يبص علي حاجه تانيه ! ابتسمت بخجل قبل أن تجيبه برقة - بسيطه هقوم من قدامك عشان تعرف تشتغل .. تسلل المكر من بين أمواج بحره الأزرق و تخلل لهجته حين قال - عيزاني اعرف اشتغل ..؟ - اكيد اسكنها بين جنبات قلبه مشددًا على احتوائه مستمتعًا بدفء وجودها بجانبه - خليكِ جنب قلبي كدا و انتِ هتشوفي مني احلي شغل .. اردف كلامه بغمزة اربكتها فأخفضت رأسها بخجل قائلة - انت بتستهبل يا يوسف فقهقه بشدة قائلًا - والله يا قلبي كان نفسي اوريكِ الاستهبال اللي على حق بس للأسف مضطر استني اسبوعين لحد ميعاد الفرح . لكزته في كتفه قائله ووجهها يتوهج من فرط الحب و الخجل معًا - لو مبطلتش هقوم و اسيبك أجابها بثقة - آخرك هتمشي خطوتين و هترجعي تاني يا حبيبتي - و دا ليه بقى؟ تحمحم بخشونة قبل أن بجيبها بثقة - حاجه من الاتنين يا قلبك هيرجعك بما يرضي الله.. يا إما هقوم اجيبك انا من شعرك و ارجعك بما لا يرضي الله ها يا روحي تختاري إيه ؟ أضاءت وجهها ابتسامة مرحه وهي تقول باستسلام - لا انا اخليني هنا احسن بكرامتي .. - انا بقول كدا بردو قالها بمرح فهمست بتساؤل - يوسف انت ممكن تضــ,,ـــــربني بجد لو زعلتك ؟ أجابها بسلاسة - اللي يضــ,,ـــــرب واحده ست دي يبقي غبي و مش راجل يا كامي.. بس في أنواع عقاب كتير ممكن يعاقبها بيها و تقريبًا الضــ,,ـــــرب دا اهون حاجه فيهم . همست بتوجس - متخوفنيش منك يا يوسف أجابها بابتسامة هادئة - ليه بس يا قلب يوسف ؟ أجابته بخفوت - عشان انت صعب مع الناس كلها و كلهم بيخافوا منك و بيعملولك الف حساب و اكيد دا مش من فراغ تفنن في سكب رخات عشقه بتمهُل حين أجابها - انتِ غير الناس كلها يا كاميليا انا مقدرش أأذيكي أبدًا حتى لو اضطريت اني اعاقبك في يوم تأكدي اني عمري ما هأذيكِ بردو حاوطت خوفها بذراعيها وقد طمأنتها كلماته و بثتها الأمان الذي لا تشعر به مطلقًا سوي معه و قالت بحب - ربنا يخليك ليا يا حبيبي و ميحرمنيش منك أبدًا .... شدد من قربهما و طبع شهد عشقه فوق معالمها و قال بحنو - و يخليكِ ليا يا حبييتي بعد وقت قليل وجدها قد غفت بين جنبات عشقه فابتسم بداخله على هذا الملاك الجميل الذي هبط من السماء ليُنير حياته و يجعلها جنه ... عودة للوقت الحالي تنهد يوسف بحزن و هو ينظر الي تلك النائمه بسلام و يتمنى لو ان الحياة توقفت عند تلك اللحظه عندما غفت بقربه ليته لم يتركها أبدًا ... لو يعلم أنها ستغادره بعدها لم يتوانى عن البقاء بجانبها الباقي من عمره و لكن ما حدث قد حدث وهي الآن معه حتى ولو لوقت قصير فيكفيه ان تكون امام عينيه ارتسمت ابتسامة مريرة ساخرة على شفتيه من حلمه الجميل الذي تبدل في لمح البصر و لأول مرة في حياته يخاف مما يخبئه له القدر .... بدأ النوم يداعب جفونه و سرعان ما استسلم له يسرق من الزمن لحظات ينعم فيها بجنه أنفاسها .... وما حيلة قلب قد أوقعه القدر في حيرة بين الحنين لحلمه الجميل و السخرية من واقعه الأليم ********* - غرام حبيبتي مالك فيكِ ايه ؟ كان ذلك صوت كارما التي دخلت مندفعة نحو غرام المستلقيه علي سريرها و كل شئ مبعثر حولها - كارما .... قالتها غرام ببكاء وهي تتشبس بذراعي شقيقتها تنشُد السكــ,,ـــــينه و الراحه فهمست كارما بخوف - مالك يا قلبي حصلك ايه ؟ ارتبكت غرام كثيرًا ماذا تقول ؟ و كيف تستطيع أن تقص عليها تلك الكارثة التي وقعت فيها جراء غبائها و تهورها و ثقتها في ذلك الذئب وعندما لمحت مازن امام الباب اخفضت رأسها بحزن قائله - عملت حـ,ـادثة دخل مازن الذي تفاجئ كثيرًا من حاله غرام فشعر بأن الأمر يتخطى بكثير الحـ,ـادث فاقترب منها يربت على ظهرها فهو لطالما كان يحبها مثل اخته الصغيره فقد تربت ايضا على يديه - غرام ... حصل ايه يا حبيبتي عرفيني و متخافيش انا جمبك مفيش حد و لا حاجه هتقدر تأذيكي أبدًا و انا موجود . - في ايه بيحصل هنا ؟ كان هذا صوت أدهم الذي تفاجئ من وجود كُلًا من مازن و كارما في الداخل وقد غضب عندما رأي مازن قريب منها هكذا - أدهم انت ايه اللي جابك هنا ؟ قالتها كارما باندهاش ثم ما لبست ان نظرت لغرام بشك و أردفت - هو حصل ايه يا غرام ؟ قالتها بنبرة حادة فتحدث أدهم بهدوء - كارما كلميني انا و انا هفهمك. التفتت كارما تناظره شذرًا قبل أن تقول بحدة - بصفتك ايه هتفهمني ؟ أدهم بغلظة - مانتي لو اديني نفسك فرصه تسكتي هتفهمي - تمام اتفضل فهمني - ممكن نتكلم برة هكذا تحدث أدهم بنفاذ صبر فتدخلت غرام قائلة بلهفة - انا عملت حـ,ـادثة و هو لحقني و جابني هنا المستشفي كانت قد ارتعبت مما قد يخبر كارما به فهي لا تثق به مطلقا فنظر إليها أدهم بغموض فقد انتابه غضب مُطعم بالحُزن حين وجدها ترتجف كورقه في مهب الريح فلعن نفسه للمرة المليون علي ما فعله بها فهي لا تثق به أبدًا و لهذا اختلقت تلك الكذبة خوفا مما قد يخبر اختها به و لكنها لا تعلم بأنه لن يقدر على أذيتها مرة أخرى … - و هو عرف منين موضوع الحـ,ـادثه دا ؟ تحدثت كارما بريبة فتدخل مازن الذي تأكد انه حتمًا يوجد شئ بين غرام و أدهم و أن أدهم له علاقة بما حدث لها فقد اكتشف ذلك من خلال نظرات غرام الحزينه له - خلاص يا كارما انتِ مش شايفه حالتها عاملة ازاي خلينا نشوف الدكتور و نطمن عليها الأول و بعدين ابقي اعرفي كل اللي انتي عايزاه بعدين . جلست كارما بجانب اختها و عاتقتها قائلة من بين دموعها - طب قوليلي الحـ,ـادثه دي حصلت ازاي ؟ - كنت بعدي الطريق و عدةى واحد خبطني بالعربيه و جري و بعدها اغمى عليا و صحيت لقيت نفسي هنا تقريبا هو جابني علي هنا .. كانت تُشير عليه بعينيها ولكنه لم تستطع ان تذكر اسمه خوفا من ان تهتز نبرة صوتها عشقا و وجعا .... يكفيها ذلك الحزن الكبير علي حالها و علي اضطرارها للكذب علي شقيقتها و لكن ليس بيدها شئ شهقت كارما بذعر و شددت من احتضانها قائله - يا قلبي سلامتك.. و الحيوان دا ازاي يعني يخبطك و يجري كدا هو للدرجادي الناس معدش عندهم رحمه في قلوبهم ؟ تدحرجت العبرات من مقلتيها وهي تقول بأسى - فعلا يا كارما الناس بقوا وحشين اوي و معدش عندهم رحمه في قلوبهم تمزقت اوتار قلبه فهو يعلم بأنها تقصده بحديثها ولكنه بقى على حالته من الجمود فهبت كارما قائلة بلهفة _ أنا لازم اشوف الدكتور و اطمن عليكِ مزق ثوب الجمود قائلًا - انا لسه كنت عند الدكتور و هو طمني عليها بس هيحتاج انها تبات هنا النهاردة عشان يطمن عليها اكتر لم تلتفت إليه بل طالعت شقيقتها برجاء - انا عايزة امشي من هنا يا كارما مش هقعد هنا و لا دقيقه واحده - يالا يا كارما عشان اوصلكم تحدث مازن أخيرًا بعد ما كان يراقب الموقف في صمت حتي تأكدت له شكوكه و لكنه أقسم بداخله ان يعاقب أدهم أشد العقاب ان تأكد من ظنونه اقترب من غرام يساعدها مع كارما علي النهوض و لكن ما أوشك علي الإمساك بيدها حتي فاجأته يد أدهم الذي كان ينظر إليه بغضب جحيم وقال من بين أسنانه - أنت رايح فين ؟ فابتسم مازن ساخرًا و أراد أن يضايقه قليلا فقال بهدوء - هشيلها عشان اكيد مش هتقدر تمشي تبلور الجنون بنظراته وهو يقول بهسيس مُرعب - فكر بس تلمسها و وقتها هنسي انك اخويا الكبير و هنسي اي حاجه بتربطني بيك كانت كارما مُنشغلة بغرامة فلم تلحظ ذلك الحديث الدائر بينهم و خاصةً ٠ملو مازن الساخرة ‐ و ماله يا روميو … توقف أمام السرير وقال بجفاء - انا هوصل غرام لحد البيت عشان عايز اتكلم معاها في موضوع صاحت الفتاتان معًا - لا طبعًا تجاهل ذهولهم و قال بفظاظة - غرام عايز اتكلم معاكِ في موضوع مهم شدد على جملته الأخيرة بغضب مكتوم من عنادها واصلت عنادها قائلة بحنق - و انا تعبانه و مش عايزة اتكلم مع حد قالتها دون ان تنظر إليه خوفا من ان تقع في فخ عينيه مجددا ولكنه ضاق ذرعًا بكل شئ فصاح غاضبًا - تمام اوي مازن لو سمحت وصل كارما و انا هوصل غرام أنهى جملته و اقترب منها يقربها منه ليحملها بين كفوف عشقه الذي لايزال ينكره و خرج من الغرفه في وسط ذهول تام من كارما و مازن و حتي غرام التي لم تستفق الا عندما سمعت بابا السيارة يغلق بعنــ,,ـــــف فالتفتت له قائله بصراخ - أنت إنسان مش طبيعي انت اكيد مجنون … ايه اللي انت عملته دا ؟ تعاظم غضبه حتى بدأ جحيميًا - ماهو انتِ لو مكنتيش عاندتي مكنتش عملت كدا ! لم تكترث كثيرا لغضبه بل أجابته بغضب مماثل - هو بالعافيه مش طايقه اتكلم معاك ! فاجئها جموده حين قال - بس انا عايز اتكلم معاكِ. لم تعُد قادرة على احتمال غطرسته و ألمها فصاحت بتقريع - تصدق ان انت بجح . و تمشي في جنازته عايز مني إيه تاني ؟ مش كفايه اللي عملته فيا ؟ - معملتش ! قالها بصر.اخ يصم الآذان مما جعلها تندفع للخلف خائفة ليتابع بق.هر يمز.ق أحشاءه من الداخل - معملتش .. مقدرتش أأذيكِ أبدًا قال جملته الأخيرة بضع.ف اذهلها فظلت جامده بلا حراك فلم يستطع عقلها ان يستوعب كلامه فاقترب هو منها ما ان لاحظ حاله الجمود التي اعترتها مستندا جبهته علي خاصتها قائلًا بحزن - مقدرتش .. والله ما قدرت المسك او أأذيكِ .. انا كنت بس عايز اعملك قرصه ودن عشان تبطلي اللي انتِ بتعمليه دا و تحافظي علي نفسك اكتر من كدا ماذا … ماذا .. ماذا هل حقا لم يفعل بها شئ ..؟ هل تركها تعاني كل تلك الآلام و تتجرع كل ذلك الخزلان و تشعر بهذا الخزي ليعاقبها علي هذا الهراء الذي خيله له عقله المريض ....؟ لم تشعر سوي و هي تنهال عليه باللكمات و تسبه بكل أنواع السباب الذي تعرفه فلم يفكر بمقاومتها حتي و تركها تفرغ كل شحنات غض.بها منه حتي هدأت أخيرا و قالت من بين دموعها - أنت أحقر إنسان شفته في حياتي … انا عمري ما هسامحك حتى لو بتمـ,ـوت … قالت جملتها التي استقرت بمنتصف قلبه و لكنها فاجأته بفتحها باب السيارة و هروبها إلي ذراعي شقيقتها التي كانت تقف مذهوله من الحاله التي فيها غرام ! علي الفور هرول خارج السيارة و توجه إليها يود لو يصرخ بها أمام الجميع بأنه يعشقها و لكنه تفاجئ بلكمه باغتته و ألقت به أرضًا في وسط زهول تام منهم جميعًا ….. ********* - عمي ممكن اتكلم مع حضرتك شويه قالتها صفيه بعد ما طرقت باب الغرفه علي رحيم الذي سمح لها بالدخول - طبعا يا صفيه اتفضلي .. في حاجه و لا ايه ؟ - لا أبدًا مفيش حاجه لو هتنام أأجلها لوقت تاني - يا ستي مش هنام و لا حاجه بس استغربت عشان الوقت اتأخر و دي مش عوايدك تكوني صاحيه لحد دلوقتي . صفيه بخفوت - اصل حصلت حاجه كدا و كنت حابه اقولك عليها ... حضرتك عارف اني متعودتش اخبي عنك حاجه أيقظت جيوش فضوله فقال باستفهام - حاجه ايه دي اللي متستناش لحد الصبح ؟ اخذت صفيه تقص عليه ما حدث بدأً من إخبار نيفين لها بخروج روفان لمقابله علي وحتي تلك المكالمة التي أتتها من يوسف عودة لوقت سابق - يوسف ..! حبيبي يا ابني انت فين طمني عليك بقالي اسبوع هتجنن معرفش عنك اي حاجه هكذا صرخت صفية بخوف فأجابها يوسف بنبرة مُطمئنة - يا أمي اهدي انا كويس اديني فرصه اتكلم صفية بعتب - كاميليا معاك يا يوسف صح ؟ اوعى تأذيها يا ابني ورحمه ابوك الغالي . يوسف بغلظه - مين قالك ان كاميليا معايا ؟ تلعثمت صفيه و احتارت ماذا تخبره و لكنها فضلت ان تخبره الحقيقه فالصدق دائما منجي - ابن خالت كاميليا جه عندنا القصر و سأل عليها و قالنا انك ..يعني - يعني ايه يا امي قولي متجننيش قالها بغضب - انك خطفتها و اتخانق مع جدك ! تجمعت ذرات الغضب فوق جبهته و اسودت عروقه و كذلك نبرته حين قال - شكل الهانم مقالتش لابن خالتها انها مراتي ! أجابته صفية بلهفة - لا يا ابني هو عارف والله بس اصل خالتها يا عيني تعبت و دخلت المستشفي لما عرفت انها اتخطفت و وصته انه يدور علي بنت خالته .. أنهى النقاش قائلًا بجفاء - ماشي يا ماما انا هتصرف ... المهم بكرة نيجي انتِ و روفان عشان تشوفوا كاميليا هي في مستشفي (..... ) اندلعت حرائق الخوف بقلبها جراء حديثه - كاميليا مالها يا يوسف ؟ مستشفي ايه ؟ يوسف بجمود - اطمني هي كويسه شويه هبوط بس عشان مكنتش بتاكل حلو .. استفهمت بجزع - يوسف انت مبتكذبش عليا صح ؟ - و انا من امتى كذبت عليكِ يا صفية ؟ همست بتعب - ربنا يريح قلبك يا ابني . طب مش ممكن نيجي نشوف كاميليا دلوقتي دي وحشاني اوي ؟ يوسف باختصار - الوقت اتأخر يا امي خليكوا بكرة . - ما احنا كدا كدا بره قالتها صفيه بلهفه فقال بخشونة - و انتوا بتعملوا ايه بره في الوقت دا انتِ و روفان يا ماما ؟ تلعثمت صفيه و فضلت تأجيل الحديث لحين الإطمئنان علي كاميليا و حتي لا تزيد غضيه من علي الذي شعرت به من نبرة صوته فقالت كاذبة - كنا بنشتري شويه حاجات يا حبيبي و بعدين قولنا نقعد في اي كافيه نرتاح شويه و نشرب حاجه و بعدين نروح شعر يوسف باهتزاز نبرة صوتها و لكنه فضل الصمت علي ان يعرف ما اربكها في وقت لاحق - ماشي يا ماما هستناكوا بكرة تيجوا تشوفوها و بعدها نتكلم براحتنا سلام دلوقتي.. عودة للوقت الحالي - و دا اللي حصل يا عمي و انا بصراحه متعودتش اخبي علي حضرتك حاجه و كمان مققدرتش استني لحد بكرة الصبح .. ابتسم رحيم بهدوء قبل أن يقول - عارفه يا صفية انتِ فيكِ حاجات كتير اوي حلوة بس احلي حاجه فيكِ انك نقيه متعرفيش اللوع و لا الخداع . يعني بالرغم من انك عارفه انك ممكن اعاقب روفان عاللي عملته بس انتِ اختارتي انك تكوني صادقه معايا و تعرفيني بيحصل ايه من ورا ضهري .. صفية بهدوء - يا عمي انا شاكرة لذوقك و شهادتك دي اعتز بيها بس روفان لسه صغيره و خافت علي اخوها مكنتش تقصد تكذب علينا او تخبي أومأ برأسه قائلًا بتفهم - فاهم يا صفيه و عارف كلامك دا من قبل ما تقوليه و عارف اللي حصل دا من قبل ما تيجي تحكي صُدمت صفيه مما تفوه به و برقت عيناها و قالت بزهول - تقصد ان حضرتك كنت عارف ان روفان قابلت علي؟ - تقصدي بتقابل علي انا عارف من و هي هناك معاه ! اغتاظت ولكنها كظمت غيظها حين قالت بهدوء -و طبعا اكيد سميرة اللي قالت لحضرتك ؟ - مش مهم مين قالي يا صفيه المهم اللي حصل و الواد اللي اتجرأ دا و فكر يهدد روفان عشان تقابله لازم يتعاقب صفية بهدوء - يا عمي صدقني الولد دا كويس جدا و محترم هو بس قلقان علي بنت خالته كمان والدته دخلت المستشفي من الزعل استنكر دفاعها عنه فقال باندهاش - انتِ غريبه يا صفيه بتدافعي عنه بعد ما هدد انه يمـ,ـوت ابنك ؟ صفية باتزان - عشان عارفه هو عمل كدا ليه و له مبرره . - انتِ كمان بتبرريله يا صفيه ؟ - مش ببرلله يا عمي بس هو عاارف هو داخل بيت مين و كان لازم يبين انه مش خايف مننا و قال كدا عشان يوسف ميفكرش يأذي كاميليا . رحيم بسخرية - دا اقنعك بقي ! قاومت ذلك الاتجاه الذي يأخذه منحنى كلماته و قالت - مأقنعنيش و لا حاجه بس انا مش صغيره و اقدر افهم الناس كويس وكمان انا عارفه تربية فاطمه هتبقي عامله ازاي - قصدك اصله يا صفية هو اللي هيمنعه يعمل حاجه وحشه فاطمه دي زيها زي أختها . كلماته كانت تحمل طابع الاحتقار و البغض الذي اغضبها لذا قالت مؤكدة على كلماتها - فعلًا فاطمه زيها زي زهرة الله يرحمها و الاتنين احسن من بعض حتي لو حضرتك رفضت تصدق دا . تشدق ساخرًا - تحبي افكرك بالعذاب اللي اتسببولك فيه ؟ رفضت أن تخطو كلماته إلى غرفتها السوداء بجراحها الدامية فقالت بلهجة حاسمة -مش هما يا عمي . و حتي الشخص اللي حضرتك تقصده مكنش يقصد يعذبني أبدا ! رحيم بقهر لم يفلح في اخفاءه - بس كان يقصد يعذب ابنى يأست من عناده فقالت بلهجة اهدأ - ارجوك يا عمي بلاش نفتح فاللي راح كل واحد بياخد نصيبه و الماضي مات و اندفــ,,ـــــن ... انا كنت عايزه اعرف حضرتك ناوي تعمل ايه مع علي ؟ رحيم بجفاء - اللي مانعني عنه ان هاشم كان بيعمل عملية كبيرة في قلبه مش هيستحمل اي حاجه دلوقتي تتعبه خصوصًا انه عمل المستحيل عشان يخليهم يروحوا يعيشوا معاه من بعد مـ,ـوت سالم الله يرحمه صفيه بسخرية - لا تقصد شرط عليهم انه مش عايز امهم في حياته عايزهم بس من غيرها ! اندفع يًدافع عن صديقه - حقه بعد ما اتسببت ببعد ابنه عنه و مات زعلان منه لم تستطيع الصمت عن تزييف الحقائق فقالت مُصححه - قصد حضرتك ابنه هو اللي بعد عنه لما لقاه واقف قدام سعادته معاها تشدق ساخرًا - عرفت تضحك عليه و توقعه في حبها و تاخده من اهله و كل دا عشان فلوسه و فلوس عيلته . صفيه بتقريع خفي - و لما انقذت حياة عمرو حفيده كام عشان فلوسه لمارضعته مع بنتها و اهتمت بيه بعد ما الدكاترة كلها قالوا هيمـ,ـوت خدته في حـ,ـضنها و حافظت عليه لحد ما وفاء خرجت من المستشفى بالرغم من كره وفاء الفظيع ليها ! تجاهل صخب تلك الحقائق الذي يزعجه وقال - عشان كان المفروض سالم بيحب وفاء و هيتجوزها - سالم عمره ما كان هيتجوز وفاء ابدًا حتي من قبل ما يقابل فاطمه و حضرتك فاهم انا بتكلم عن ايه ضاق ذرعًا من حصارها فصاح غاضبًا - و هاشم عمل كل اللي عليه معاها كفايه اوي انه مرضيش يقول لعلي ان............. قاطع حديثهم صوت طرقات علي الباب ووووووووو يتبع . الوجه الثالث عشر للعشق أُحِبُك . بالرغم من أنك لست معي و بالرغم من أني لا أراك و لم استطع عناقك و لكني أُحِبُك . كيف لا أفعل و قد كانت كتاباتي الأولى لك . و قرأتي الأولى لأجلك . و ضحكاتي العميقة معك و عبراتي الغزيرة بسببك . تغيرت من أجلك ! و تبدلت معالم حياتي رهن عينيك . حتى ذلك البُعد الدامي الذي يؤلمني تعودته معك . و ذلك الخذلان الذي نلته منك لم يردعني عن حُبك و تتسائل لما أحبك ؟ ألا يكفيك كل هذا يا هذا ؟ نورهان العشري ✍️ 🍁🍁🍁🍁🍁🍁🍁🍁🍁🍁🍁 استيقظت كاميليا من حلمها الجميل الذي كانت تتخلله رائحة تعشقها و يستوطنه رجل كل خلية من جسدها تنطق باسمه و اخذت تنظر حولها و شئ بداخلها يخبرها لقد كان هنا . لا يوجد أثر له ظاهريًا و لكن تلك الرجفة التي انتابتها و ذلك الدفء الذي يغمرها و تلك النيران التي تجري في شراييني كل هذه الأشياء تثبت وجوده .. نعم لقد كان هنا ..! فهي لم تنم بمثل هذا العمق منذ ذلك اليوم عندما غفيت بجانبه فذلك الأمان لا تشعر به أبدا سوى في كنفه .. ذلك الرجل أو رجل التناقضات كما تسميه يستطيع بنظره واحده ان يصب أطنانا من الثلج في قلبها و بنفس النظرة قادر على إذابتها لدرجة تجعلها ينصهر عشقًا نصب عينيه. تُرى هل كل ما تشعر به الآن من جراء ذلك الحلم الجميل الذي كانت فيه تنعم بدفئ وجوده ! أم أنه جراء عشقه المستوطن ثنايا قلبها و لم تشتهي في هذه الحياة سواه … تنهيدة حارقة ألهبت جوفها وحالها يروي معاناتها حقًا لا تعلم و لكنها شعرت بأنها تُحلِق في السماء السابعة بل لقد كانت الجنة .. تلك الجنة التي حُرٍمت عليها بملئ إرادتها … تألن قلبها كثيرًا و استفهم بحزن إن كان الحلم معه بهذه الروعه فكيف تكون الحقيقة ؟ انفتح باب الغرفه فجأه و تقابلت نظراتهم فشعرت بقلبها يود لو يخرج من بين ضلوعي يرجوه و يبكي لوعه غيابه يخبره كم تهيم به عشقا ؟ ولكن مهلًا فهي تكاد تقسم بأنه شعر بما يدور بداخلها و قد انتقل اليه عمق جراحها فقد استشعرت بنظراته تخبرها بأن ما يحمله لها أضعاف ما تشعر به نحوه .. لم تتعانق منابع ارتوائهم و لكن تعانقت قلوبهم فقد كان عشقها له يتجلى بوضوح بعينيها و تجلى عشقه لها في رعشة شفاهه و ارتجافة يديه التي ضغطت علي مقبــ,,ـــــض الباب و كأنه يمنعها من الوصول إلها و عينيه التي تحول لونها إلى الأزرق القاتم كانت تبدو و كأنها تقطف ثمار حسنها ... وجدت نفسها تهمس باسمه دون وعي وهو ينطق باسمها و كأنه يتذوقه فبادلته النداء بنفس النبرة التي تقطر عشقا و داخلها يهفو لترتمي بين جنبات عشقه ضاربه بعرض الحائط كل تلك العوائق التي تقف بينهم و لكن ما أن حملتها قدماها لتركض نحوه تفاجئت بدخول صفيه التي ما لبثت أن رأتها حتي عانقتها بشده وهي تقول من بين دموعها - كاميليا ..... يا روحي وحشتيني اوي لم تكد تجيبها حتى اختطفتها يد روفان التي كانت تعانقها بشوف بالغ وهي تقول _ وحشتيني اوي يا جزمة كدا تقلقيني عليكِ بالشكل دا بادلتها العناق و مازالت نظراتها معلقه به فرأت الغضب يتجلى بوضوح داخل عينيه من عناق روفان لها بتبك الطريقة فهي تعلم كم يغار فقد كان يعض علي شفتيه من فرط الغضب الذي أشعرها بأن قلبها يتراقص فرحًا من غيرته تلك و تضاعفت سعادتها حين قال بغضب حاول مداراته - ما خلاص بقي هتفضلوا ساعة حاضنين بعض؟ و هنا تذكرت موقف مماثل لغيرته التي اعشقها عودة لوقت سابق - ابيه يوسف ممكن ادخل ؟ تحدثت روفان بعد ان دخلت إليه وهو يقوم بممارسة تمارينه الرياضية فقال بسخرية - ما انتِ دخلتي خلاص يا اوزعه . روفان بمزاح - احم .. دا شكل الغزاله رايقه و لا ايه ؟ - انجزي يا روفان ورايا ميعاد كمان ساعتين و مش فاضيلك.. تحدثت بتلعثم - اص.. اصل احنا كنا عايزين ننزل نشتري شوية حاجات من برة جاءها صوته الحاسم - لا مفيش خروج روفان برجاء - طب مش تسمع عايزين نجيب ايه ؟ يوسف بملل - من قبل ما اسمع قولتلك مفيش خروج - يا ابيه بالله عليك انا و كاميليا هنمـ,ـوت و نخرج . خفق قلبه عند سماع اسمها و قام بالالتفات إلى روفان و قد انصبت جميع حواسه للإنصات باهتمام _ كاميليا! - اه كاميليا … يعني لفتلي دلوقتي مانا بقالي ساعه بكلمك مديني ضهرك و مصدرلي الطارشه قالتها روفان بغيظ فاشتدت لهجته وهو يقول بتحذير - اتعدلي احسن مخرجكيش من البيت لمدة شهر روفان بلهفة - لا لا و علي ايه يا كبير الطيب احسن - انجزي عايزين تخرجوا ليه ؟ روفان وهي تلهو بأصابعها تحاول تبسيط الأمور قدر الإمكان - بص يا ابيه الموضوع يخص كاميليا في الأساس و انا عايزه اساعدها مش اكتر كان الخــ,,ـــــبث في نظراتها يقلقه لذا قال بفظاظة - مالها كاميليا يا روفان ؟ انطقي قبل ما اتغابى عليكِ . انتفضت اثر لهجته الحادة و قالت بلهفة - خلاص والله هقول اصل صاحبه كاميليا خطوبتها بعد بكرة و هي كانت هتموـ,ـت و تحضر و عارفه ان محدش هيوافق تروح لوحدها فاتطوعت و قولتلها خلاص هروح معاكِ فأيه بقي معندناش فساتين تنفع لخطوبه و كدا فكنا عايزين نخرج عشان نشتري و بس يوسف بتهكم - و انتوا بقى عايزيني أوافق تروحوا تشتروا علي اعتبار اني اساسًا وافقت انكوا تروحوا الخطوبه دي ! اندفعت قائلة بقهر - و ايه يعني يا ابيه ؟ ما كل أصحابنا هيروحوا و بيتخطبوا اهم كمان و احنا ممنوع علينا نبص من البلكونه حتى دي مش عيشه دي قالت جملتها الأخيرة بصوت عالي نسبيا فارتفع إحدى حاجبيها وهو يقول بوعيد - روفان انتِ تقريبًا صوتك علي ولا انا بيتهيألي تراجعت على الفور قائلة بلهفة - لا والمصحف بتهيألك .. انا اعلي صوتي عليك أبدا يا ابيه دانا اتخرس قبل ما اعملها . يوسف بوعيد - متقلقيش إن شاء الله هخرسك قريب.. - بس متقاطعش يا هندسه قالتها بسماجه اغاظته تجاهل مزاجها و قال بفظاظة - بطلي لماضه و خلينا نتكلم في المهم كاميليا مجتش معاكِ ليه ؟ روفان بخــ,,ـــــبث - قالتلي انها مش هتطلب منك حاجه . استنكر حديثها و قال بحدة طفيفة - و دا ليه إن شاء الله ؟ - تقريبا كدا زعلانه منك ! - طب هي فين دلوقتي ؟ اندفعت قائلة بلهفة - ورا الباب و زمانها سامعه كل حاجه ..ثواني هجبهالك من قفاها تسمرت كاميليا في مكانها عندما سمعت جملة روفان الأخيرة و عندما تنبهت للهرب كانت روفان تُمسِك بها من يدها وتجرها و تلقيها أمامه و تفر هاربة … حاولت كاميليا اللحاق بها و لكن هيهات فهي وقعت في عرين الأسد شعرت بقبــ,,ـــــضته التي كانت كالفولاذ توقفها لتجد نفسها في مواجهته التي لم تكُن عادلة فقوته و عشقها له قوة لا يُستهان بها ولا تستطيع التصدي لها خاصةً وهي بهذا القرب الذي يروق لها بالقدر الذي يُخيفها فلم يعُد هناك مجال للهرب فاخفضت رأسها كي لا تقع بفخ عينيه فهي غاضبه منه و بشده .. رفعت أنامله ذقنا لتناظره فاصطدمت بزرقاوتيه الفاتنتين نبرته العميقة بتلك البحه الرجوليه في صوته - سامع إن حبيبي زعلان مني ؟ جف حلقها من لهجته الحانيه و نظراته المربكة و لكنها حاولت التماسك امام سحره وارتداء قناع اللامبالاة قائله - و انا مالي روح أسأله - هو مين - حبيبك ! - مانا بسألك اهوة استنكرت اضطراب قلبها في حضرته وقالت مُدعيه الغباء - أنا يعني ؟ جاءت لهجته حانية كنظراته لها - هو في غيرك حبيبي ؟ حاولت الصمود أمام هجمات عشقه التي تضــ,,ـــــرب ثباتها في قالت بتبرم - والله لو حبيبك مكنتش زعلتني ! - مقدرش - بتقدر - والله ما بقدر دغدغت نبرته ثنايا قلبها فرقت لهجتها حين قالت - لا بتقدر ابتسم يوسف علي طريقتها الطفوليه التي يعشقها و قال بصوت اجش - حقك عليا .. قوليلي عملت ايه زعلك و انا معملهوش تاني لم تستطيع منع اندفاعها وهي تقول بغضب يشوبه الحزن - كنت قاعد تضحك وتهزر مع ست نيفين في الجنينه ولا همك حد احمرار وجهها و تلك الغيرة التي تبلورت في نظراتها و انتفاضتها لهذا الشكل شكلوا لوحة رائعة اهتز له ثباتها فقال يشاكسها - انتِ بتزعقيلي يا كامي ؟ بدت شهية كثيرًا حين قالت وهي تربع يديها حول نفسها - لا مبزعقش بس انت مبتحترمنيش ولا بتخاف علي زعلي أرتج قلبه لحزنها الجلي و لظنها البعيد كل البعد عن الحقيقة فحاوطتها كفوفه لتضعها على أحد الأجهزة الموجودة بالغرفة و كمم حزنها بألسنة عشقه التي انبعثت من أنامله فوق وجهها - أنا مبخفش علي زعل حد في الدنيا غيرك - يا سلام ؟ استفهمت وهي تحاول منع تدفق عبراتها فجاءتها نبرته المُعاتبة - معقول مش مصدقاني ؟ و بعدين العيله كلها كانت قاعده و كلنا كنا بنتكلم و بنضحك . صححت بعنــ,,ـــــف اذهله - قصدك بتبصلها و ضحكت و بعدين وانت من امتى بتضحك اصلًا ؟ انت لا بتضحك و لا بتحب الضحك اشمعنا يومها حبك عليك الضحك اوي ؟ كان يود لو يقتتصها بين طيات قلبه من فرط حُسنها الذي كان يجعل كل خلية به تتوسل مطالبة بها و لكنه كان يُمني نفسه بأنه سيحدث قريبا فحاول التماسك قائلا - قصدك إن انا كئيب و نكدي و لا ايه ؟ اندفعت بلهفة - لا طبعا مقصدش كده بس انت بالعادة مبتضحكش كتير و كمان مينفعش تضحك ضحكتك الحلوة دي غير ليا انا و بس - انتِ بتعاكسيني بقي ؟ حاولت تجاوز لكنه صوته المربكة وهي تقول بدلال - متغيرش الموضوع انا زعلانه بجد . لم يبخل عليها بعشقه حين قال يسترضيها - و انا مقدرش علي زعلك يا قمري … شوفي ايه اللي يرضيك و انا هعمله - امممم يعني لو طلبت منك اي حاجه هتعملها .. قالتها بدلال وهي تحوي عنقه بين كفوفها فأذابه قربها ليهمس بخفوت - اي حاجه يا روح قلبي هتطلبيها هعملها .. استغلت الفرصة لصالحها فقالت بجدية زائفة - طبعًا انك متفكرش تضحك مع حد غيري دا شئ مفروغ منه و خصوصًا زفته صحح كلماتها قاصدًا إستفهامها - تقصدي نيفين ؟ هبت باندفاع - لا اسمها زفته يا يوسف . أيد حديثها بنبرة عاشقة - زفته يا قلب يوسف ارتسمت ابتسامة نصر على ملامحها قبل أن تقول - ايوا كدا …. نيجي بقي للطلب عيزاك توافق ان انا و روفان نروح حفلت صحبتنا و توافق كماان نروح نشتري الفساتين كانت تتحدث بدلال أرهق قلبه كثيرا فقال بخشونة - بس دول طلبين مش طلب واحد ! - لا دول طلب واحد بس مترتبين علي بعض ماهو احنا هنجيب الفساتين عشان تحضر الحفله لو مفيش فساتين مفيش حفله صح و لا ايه ؟ اتسعت ضحكته وهو يقول مازحًا - انتِ اتعلمتي المكر دا امتى ؟ قالها بمداعبه لتجيبه بسلاسه ادهشته - دا مكر حوا يا قلبي حاجه كدا كل الستات بيتولدوا بيها متشغلش بالك انت المهم قولي بقي هتوافق و لا ايه تحدثت بطريقه طفوليه محببه الي قلبه كثيرا فأجابها بنبرة يرهقها ما تحمله من عشق - كاميليا هو انتِ هتكبري امتى بقى؟ أجابته بنبرة شابها الحزن - ليه هو انت شايفني صغيرة ؟ ترك العنان لقلبه ليروي زهورها من عذب هواه - شايفك احلى واحدة في الدنيا… وردتي اللي كبرت و فتحت علي ايدي .. التمعت نجوم الحب بسماء عينيها حين تابع حديثه الذي يُذيب عظامها عشقًا _ انتِ بنتي قبل ما تكوني حبيبتي كل حاجه و احلى حاجه في الدنيا دي... اختتم كلماته ناثرًا عشقه على قسمات وجهها فهمست من بين غيمات السعادة التي تتمايل بها - اد كدا بتحبني ؟ - أكتر من كدا بكتير .. أطلقت العنان لمشاعرها في الانسياب برقة من بين شفاهها - عارف يا يوسف ؟ انا بعتبرك بيتي . لمكان الوحيد اللي بحس فيه بالأمان... انت العيله بدفاها و حنيتها اللي عمري ما حستها غير وانا معاك ." لامست وقع كلماتها على ملامحه و في بحره الواسع الذي يتراوح به العشق مع كل حرف تتفوه به _ اول يوم قلتلي انك بتحبني فيه وقتها بس حسيت اني مش يتيمه و ان ربنا خد مني بابا و ماما و عوضني بيك و انا راضية اوي بالعوض دا و بحمد ربنا ليل نهار عليه ... لم تخلق تلك الكلمات التي تصف شعوره في تلك اللحظة ولا تفي سعادته التي جعلته يغرسها بجانب قلبه لتعي مدى تأثيرها به وكأن قربها كهرباء أصابت اوتاره فانتفضت بعنــ,,ـــــف شعرت هي به فرفعت رأسها تناظره بهيام كان شئ متبادل بينهم فقد أصبح يتنفس وجودها و كذلك كان حالها فقد احتل عشقه كل ذره من كيانها ذراعيه حدودها و أسوارها التي تمنع عنها أي غزو خارجي ... قاطع لحظتهم صوت الطرق علي الباب الذي اتفتح بعدها و أطلت روفان برأسها من خلفه و لحسن الحظ سارع يوسف بالتحرر من قربعا و لكن لم يفلح قلبه بالتحرر منها فقد كبلته اصفاد عشقها حتى شعر و كأن العالم أجمع يتلخص في وجودها ..... قام بالتقاط زجاجة مياه من الثلاجه علها تطفئ من نيران عشقه التي اشعلتها حوريته الصغيره فتجاهل كلمات روفان الممتعضة - كل دا لسه مأقنعتيهوش يا كاميليا ؟ كانت بعالم آخر و كل ذرة منها تنتفض من فرط المشاعر التي عصفت بها فلم تستطع الرد فأخذت روفان تنقل بصرها بين كاميليا المبعثره و يوسف الذي يقف مُعطيا كلاهما ظهره لا تعلم ما بهما و لكن أخيرًا جاء صوته خشنًا بعد ان نجح في السيطرة علي مشاعره - مين صحبتكوا دي ؟ اندفعت روفان قائلة - دي زميله لينا في الكليه - الحفله دي امتى و فين د تولت روفان الإجابة مرة ثانيه - بعد بكرة يا ابيه في نادي (...) أجابها بخشونة - تمام هبعت معاكوا السواق كمان شويه يوديكم تشتروا اللي انتوا عايزينه بس طبعا مش عايز افكركوا ان في حدود في اللبس .. تنبهت كاميليا لحديثه و سألت بعدم تصديق - أنت بجد وافقت ؟ - اه وافقت قالها بابتسامه جميله لا تخرج سوي لها فسرعان ما وجدها تحتضن روفان بشدة و الآخرى تبادلها فغضب بشده و اشتعلت غيرته فمد يده يفصل بينهم و يده تمسك بمحبوبته من رسغها قائلا بغضب - بتهببوا ايه يا هانم منك ليها ؟ - ايه يا ابيه هنكون بنعمل ايه بنحـ,ـضن بعض و فرحانين قالتها روفان باندهاش - قدامي عادي يعني ؟ قالها باستنكار فأجابته كاميليا باندهاش - و في ايه يعني يا ابيه ؟ تحدث ناظرًا لروفان بحنق - روفان روحي هاتيلي موبايلي من الاوضه عشان عايزة تذمرت روفان قائلة - ما تبعت اي حد من الخدامين يجبهولك يا ابيه و لا تخلي كاميليا اشمعنا روفان يعني ؟ زمجر غاضبًا - روحي يا زفته هاتي اللي قولتلك عليه .. - حاضر قالتها روفان بقهر و أخذت تضــ,,ـــــرب قدمها بالأرض وهي تردد بغضب طفولي - ماهي روفان دي المرمطونه بتاعتكوا روحي يا روفان تعالي يا روفان ودي يا روفان هاتي يا روفان ناقص اشتغلكوا بواب كمان همت بالتحدث فتفاجأت به يجذبها لتصطدم بباب الغرفة قبل أن يقول بتخذير - عارفه لو الموقف دا اتكرر تاني هعمل فيكِ ايه ؟ - موقف ايه مش فاهمه ؟ استنكر عفويتها في الحديث و قال ساخطًا - موقف ايه ؟ المرقعه اللي كانت من شويه . بتحـ,ـضني روفان ليه ؟ - طب و ايه المشكله ؟ روفان بنت زيي و عادي لما احضـ,ـنها مانا بحـ,ـضن البنات زمايلي و الموضوع إيزي يعني قالتها باندهاش فزمجر غاضبًا - مانتي ايه ياختي ؟ عارفه لو عرفت و لا شفت انك عملتي كدا تاني مع اي حد غيري هعمل فيكِ ايه ؟ حوت كفوفها ملامحه و قالت غير مصدقه لما تسمعه و تراه من غضبه الواضح علي محياه - أنت بتغير عليا من روفان ؟ احتواها بتملك مستجيبًا لرغبة قلبه بالقرب قبل أن يقول بحب - بغير عليكِ من الهوى الطاير .. مبتحملش حد يقرب منك أو حتى يفكر يبصلك .. عايزك ليا لوحدي .. انتِ بتاعتي يا كاميليا .. بتاعتي انا لوحدي .. كل حاجه فيكِ حصري ليا انا و بس محدش يسكن حدودك غيري فاهمه ؟ - للدرجادي يا يوسف؟ صُدمت من حديثه فهي حتى في أحلامها لم تكن تتخيل ان يعشقها و يغار عليها لهذا الحد و لم تكن أجابته لتدهشها اكثر حين تحدث بنبرة قوية - اكتر من ما خيالك يصورك بمراحل .. انا غيرتي وحشه اوي يا كاميليا اوعي في يوم تفكري تستفزيني او تخليني اغير عليكِ عشان وقتها ممكن احــ,,ـــــرق الدنيا باللي فيها - حاضر يا حبيبي اوعدك مش هفكر اعمل حاجه تضايقك اصلا هم ان يتحدث و لكن قاطعه طرق روفان على الباب فسمعته يسب و يلعن بصوت خافت فانفلتت ضحكه رقيقه منها جعلت حاله يتبدل و قال بتخابث اخجلها - كنتي اضحكِ الضحكه دي من خمس دقايق بس و وقتها كنت هعرف اسكتها ازاي .. بس حظك ان القرده دي جت و انقذتك سرق من كريزتها نبيذ العشق وهو يقول بتخابث - دي تصبيرة صغيرة ثم غمز لها غمزه اربكتها و جعلت قلبها يدق بعنــ,,ـــــف وشعرت بالخجل يغمرها من المعنى المبطن لكلماته فلم تشعر و هو يفتح الباب لروفان التي تحدثت بغضب - ملقتش الفون في اوضتك قلبت عليه الدنيا والله . يوسف بسلاسة أثارت جنون روفان - لا ما خلاص انا لقيته هنا يالا اتفضلي قدامي انتِ و هي عشان تلحقوا تروحوا مشواركوا تحركت روفان امامه و تبعتها كاميليا التي شعرت به يهمس بالقرب منها - هستناكِ تيجي توريني جبتي ايه ارفق حديثه بنفحه عشق خاطفه فوق عنقها و غمزة اربكتها كثيرًا ثم تقدمهما صاعدًا إلى غرفته مختطفًا معه قلبها الذي كان ينتفض عشقا له... عودة للوقت الحالي ابتسمت كاميليا بوهن فهي قد اضاعت من يدها أثمن وأغلى ما يمكن ان تمتلك في حياتها و لكن ليس باليد حيله أخيرًا تنبهت لحديثهم إثر صوت روفان المدهش - و ايه المشكله يا ابيه ؟ اهتزت نبرة صوته قليلًا و حاول إخفاء حرجه من سؤالها و قال - مش فاضي انا لدلع البنات دا أجابته روفان بعفوية أثارت حنقه - طب ما تمشي احنا كدا كدا قاعدين مع كاميليا عشان وحشتنا روح شوف انت وراك ايه اغتاظ يوسف كثيرا من حديثها الذي احرجه خاصةً عندما شاهد تلك الابتسامه الخبيثه تزين وجه والدته فقال بغضب موجهًا حديثه لروفان - لسانك دا هقطعهولك قريب إن شاء الله .. ثم وجه حديثه لوالدته متجاهلا تلك التي تسرق النوم من عينيه و تتحكم في الهواء الذي يتنفسه - انا هروح الشركه يا امي في شغل كتير متعطل لو احتاجتي اي حاجه عم عبده بره ابعتيله هيجبلك اللي عايزاه اولاهم ظهره سريعًا خوفًا من ان يستجيب لنداء عينيها الذي يُحطِم إرادته و ثباته أمامها - يوسف .... أوقفه ندائها المُتلهف باسمه و استفهامها الذي جاء في أكثر توقيت خاطئ _ هو انت مش هتيجي تاني ؟ لم تستطع إخفاء تلك اللهفة في صوتها التي لامست قلبه و لكنه ابى أن يسمح لتيار عش.قها ان يجرفه من جديد فاستخدم سلاح التجاهل الذي فتك بقلبها و خرج دون ان يتفوه بكلمه واحده ... - ايه يا ست كاميليا مش وحشناكِ و لا ايه ؟ هكذا تحدثت روفان بعد ان شاهدت ماحدث وقد آلمها قلبها كثيرًا علي ما يحدث لأقرب اثنين إلى قلبها فحاولت إضفاء جو من المرح علها تخفف و لو قليل من ذلك العذاب المرتسم بعيون صديقتها .... اما عن صفيه والتي كانت تشاهد بصمت فعلمت من مظهره ان القادم سئ و علي الرغم من غضبها الكبير من كاميليا الا انها اشفقت عليها مما هي مقبله عليه وأخيرا تحدثت عندما وجدت الدموع تقطر من عينيها فتقدمت منها تربت علي ظهرها قائلة بحنو - تعالي يا كاميليا يا حبيبتي اقعدي و ارتاحي التفتت لها كاميليا و ودت لو ترتمي بين ذراعيها تبكي كل ما يرهقها و لكن خوفها من خذلان قد تتلقاه من قلب أم انفطر علي فلذة كبدها و مما فعلته بهروبها في كل من يحيطون بها نظرت إليها بحزن شديد و لم تقدر علي التفوة بحرف واحد ... شعرت صفيه بما يعتمل بداخلها فهي من قامت بتربيتها و تحبها مثل اولادها فتحدثت بعتب - يااه يا كاميليا عشتي معانا كل دا و لسه معرفتيناش ... طب محستيش إحنا بنحبك قد ايه ؟ - انا آسفه ... قالتها بخفوت و الشعور بالذنب يقرضها من الداخل يتحالف مع نيران الصمت التي تُمزقها - مش بقولك كدا عشان تقوليلي انك اسفه لأنه باين في عنيكِ ... انا بقولك كدا عشان مينفعش تترددي لحظة قبل ما تترمي في حضـ,ـني يا كاميليا ما ان تفوهت بآخر حرف حتي ارتمت بين احضانها تبكي و تنتــ,,ـــــحب و قد أدمى صوت بُكائها ذلك العاشق الذي لم يطاوعه قلبه على تركها خوفا من أن يجرحها ايه منهما ... و علي الرغم من انه شدد علي والدته عدم التحدث معها بشئ و لكن هيهات ان يستمع له قلبه فعندما يتعلق الامر بها تتمرد عليه جميع حواسه و لا يعُد قادرا علي السيطره علي شئ ... - انا تعبانه اوي يا ماما صفيه انا بمووت من الوجع قالتها بإنهيار احدث صدوع بمنتصف قلبه فاشتدت قبــ,,ـــــضه يده علي مقبــ,,ـــــض الباب حتي كادت ان تخلعه من مكانه و كم كان يود لو يدخل و يمحي ذلك الوجع الذي يقطر من بين كلماتها و يمتص منها كل ما شعور قد يؤذيها و يسبب لها كل هذا الألم و لكن منعه كبرياؤه الجريح من الإقدام على مثل هذه الخطوة فيكفيه مرارة ما جعلته يعيشه بسبب هجرها له و اخبره عقله بأن هذا ما اقترفته يداها فاندفع إلى خارج المشفى تاركًا خلفه قلبها المحطم و قلبه الذي تعلق بمعذبته و آبي تركها ....... أحيانًا يجعلنا العشق في اقصى درجات القوة و أحيانًا أخرى يجعلنا مُهشمين من فرط الوهن ، و لكن في كلا الحالتين لم تستطع قلوبنا يومًا ان تتمرد عليه او ترفض وجوده بل أنها تظل تبحث عنه حتى لو كلفها البحث الكثير من المعاناة و الألم نورهان العشري ✍️ ********* توقفت كارما بسيارتها امام الجامعه و اخذت تنظر امامها مطولًا تشعر بألم شديد ينهش في قلبها وهي غير قادره علي البوح به حتى دموعها ابت ان تريحها و تسقط بل انها جامده و كأن انهار دموعها جفت . تشعر بها كأحجار مدببه تقف على اعتاب جفونها فكلما حاولت ان تبكي انغرزت اكثر بقلبها لتزيد من عذابها .... أخيرًا قررت انها لن تنحني او تضعف ابدا وانها ستواجه الحياة بمفردها مرة أخرى كما اعتادت دائما .. ترجلت من سيارتها بوجه يحمل جميع خيبات العالم خاصةً ذلك الثقل الرهيب في قلبها و لكنها حاولت التماسك فالتقت بأصدقائها و اخذوا يتبادلون الحديث حتي تفاجأت بذلك الذي يقف خلفها و يتحدث بلهجة آمرة - آنسه كارما احنا لازم نتكلم . التفتت كارما بسخط فلم يكن ينقصها سوي ذلك المعتوه فقالت بملل - دكتور ماجد انا معنديش كلام اقوله لحضرتك فلو سمحت تسبني في حالي - ارجوكِ يا كارما احنا محتاجين نتكلم قالها ماجد باستعطاف بادلته بنفاذ صبر - و انا صدقنى حالتي دلوقتي متسمحليش اني اتكلم مع حد - كارما انتِ عارفه اني بحبك و محتاج منك فرصه واحده متبخليش عليا بيها . ضاق صدرها من اصراره فقالت بغضب و صوت عالي نسبيا - و انا معنديش فرص اديها لحد ارجوك سيبني في حالي همت بالمغادره فوجدته يوقفها قائلًا بشر - و انا مش زي البيه اللي كنتي بتتسرمح...... لم ينهي جملته فتفاجئ بلكمه قويه سقطت علي فكه فالقت به ارضا و ذلك الوحش الهائج الذي انقض عليه يضــ,,ـــــربه بكل عنــ,,ـــــف و شراسه و هو يقول بغضب جحيمي - هو انا مش قولتلك تبعد عنها و متقربش منها تاني يا حيوان ثم أخذ يضــ,,ـــــربه و يركله في اماكن متفرقة في جسده حتي تدخل من حولهم يحاولون إنقاذ ماجد من بين براثنه إلى أن نجحوا اخيرا . فاخذ يلتفت حوله و هو يلهث باحثًا عنها فوجدها تركض إلى خارج الحرم الجامعي فهرول خلفها دافعًا كل من يقف في طريقه فلم يكن يهمه سواها ولكنه صُدم عندما وجدها تقطع الطريق غير عابئة بتلك السيارة التي كادت ان تدهسها لولا ان انقذتها ذراعيه في آخر لحظة ... حاوطها بشده وكأنه غير مصدق انها آمنه بين جنبات صدره فقد كان قاب قوسين او ادني من خسارتها اما هي فكانت ترتجف غير مستوعبه لما حدث في ثوان معدودة فقد كانت علي وشك المـ,ـوت و هو انقذها ... مرت لحظات لم تتحرك من جانبه و كأنها تخشى الانسلاخ عنه تود لو تظل هكذا إلى الأبد .وهو كان اكثر من مُرحب بقربها الذي يعشقه فصار يقربها اكثر حتى تهدأ و يهدأ هو بعطر أنفاسها التي تُثلج صدره. اخيرًا استطاعت ان ترفع رأسها وتنظر إلى عينيه التي كانت تحكي مقدار الوجع الذي خلفه غيابها فقال لها برجاء - انا بحبك اوي يا كارما ارجوكِ تسمعيني . همست بلوعة - لو وعدتني ان اللي هتقوله مش هيجرحني يا مازن هسمعك . أجابها بنبرة محشوه بالوجع - لو سمعتيني للآخر هتعرفي اني عمري ما اقدر اجرحك ابدًا انتِ حبيبتي و روح قلبي و عمري ما حبيت ولا هحب حد غيرك .... لانت ملامحها و رق قلبها الذي استشعر الصدق في حديثه فهمت بالرد عليه و لكن سبقها ذلك الصوت الملئ بالحقد و هو يقول - متصدقيهوووش . دا بيكذب عليكِ ! ********* هلاكِ .....! كانت هذه آخر كلمه انطبعت في مذكراتها عنه بل كانت هذه الكلمة هي إجابة سؤالها الذي لطالما كان يرهقها ... فالآن اصبحت الرؤيا واضحه و تبينت معالم صورته المشوشه بداخلها و تفسرت جميع كوابيسها التي لاطالما ايقظتها في منتصف نومها ليصح حدثها بأنها كانت رسائل ربانيه و لكن قلبها الغبي ابى ان يستمع لها جلست غرام بمنتصف مخدعها و دموعها تجري كأنهار علي خديها تبكي خيبتها و تبكي وجعها و تبكي قلبها الذي اعطته بملئ إرادتها لرجل لم يعرف الحب يومًا بل لم تمس الشفقه و الرحمه جدار قلبه ... فبالرغم من إعترافه بأنه لم يمس جسدها بسوء و لكنها مس قلبها بل قام بإزلالها و التحقير من مشاعرها نحوه فقد كان منذ البدء يراها ساقطة يريد الإنتقام منها .... حقًا لا تعرف علي ماذا تبكي ؟ اتبكي علي خيبتها منه او اذلاله لها ؟ ام تبكي علي وصفه لها بكل ذلك السوء ؟ أخذت تتذكر آخر لقطات جمعتها به عودة لوقت سابق هربت من سيارته ركضًا و القت بنفسها بداخل أحضان شقيقتها تبكي ذلك الألم الناجم عن ما فعله بها و تبكي ذلك الوجع الذي لا يُطاق بداخل قلبها فسمعت صراخه و هو يتوسلها بأن تسمعه و فجأه شعرت بشئ ارتطم بالارض بشده فالتفتت و صدمت من مظهره و هو ملقي علي الارض بفعل تلك اللكمه التي تلقاها من مازن الذي فهم بعضا من صراخهم بالسياره و قد تخيل ما قد فعله معها فقام بتكوير يده و لكمه بكل قوته لفعلته الحمقاء تلك فجن جنونه لما فعله به و بادله بلكمه آخرى لم تكن أقل قوة من سابقتها التي تركت علاماتها علي وجهه وظلا يتبادلا اللكمات و كأن كلا منهما كانا ينفث عن غضبه الداخلي بالآخر فكان الموقف اشبه بحرب الشوارع التي قطعتها كارما صارخة - بطلوا بقي ايه اللي بتعملوه دا ... انتوا اجننتوا ؟ فنظر إليها هذان الوحشان و كلا منهما يلهث من جراء تلك المعركه الداميه التي دارت بينهم فألقت عليهم نظره محترمه و قالت بحزم - مش عايزين نشوف حد فيكوا تاني لا انا ولا اختي آلمتها كلماته و كأنها خنجر انغرز بقلبه فاقترب منها خطوتين ثم مالبثت ان اوقفته كارما بيدها قائله بغضب - خليك عندك متقربش مني .. فتحرك الآخر الذي لم تفارق عيناه حبيبته قائلا بلوعه - غرام نهرته كارما بغضل _ و انت كمان ابعد عنها .. اكملت بقهر - من يوم ما دخلتوا حياتنا و انتوا دمرتوها انا و غرام و حتى كاميليا اللي ابن خالتك و اخوه خطفها و منعرفش وداها فين ؟ اوقفته كلماتها التي آلمت كبرياؤه المريض فقال ببرود - انا كدا كدا كنت هبعد انا بس كنت حابب اقول لغرام تنسي كل اللي حصل بينا و تعتبر اني مدخلتش حياتها اصلًا و انا عن نفسي نسيته . إن كانت الكلمات لكانت الآن في عداد الاموات بفعل كلمات رجل قد اعمته القسوه للحد الذي يجعله دون أن يرف له جفن من الرحمه عودة للوقت الحالي شعرت بيد قويه تعتصر قلبها فقد وصل الالم بها للحد الذي لا يُحتمل فأخذت شهقاتها تعلو شيئا فشيئا غير قادرة على منعها فانفتح باب الغرفه ودخلت كارما مُهروله تحتضنها بلهفه حتى انها اخذت بالبكاء معها وهي تبثها بالعبارات المطمئنه إلي أن هدأت قليلا فقالت من بين دموعها - انا بموـ,ـت يا كارما . حاسه بروحي بتتسحب مني .... في ألم فظيع هنا واشارت الي قلبها فشددت كارما من احتضانها و حاولت ان تخفف عنها قائله - اهدي يا حبيبتي دا ميستهلكيش والله - ياريتني ما قابلته و لا حتي شفته قالتها بلوعة والم - مفيش حاجه اسمها ياريتني يا غرام كل حاجه في حياتنا بتحصل عشان ربنا رايدلها تحصل و بيكون ليها سبب ربنا عمره مابيعملنا حاجه وحشه هبت مستنكرة - و بردو ربنا مبيرضاش بالظلــ,,ـــــم يا كارما - يا حبيبتي ربنا عادل و هيجبلك حقك من اللي ظلــ,,ـــــمك ... بس لو تقوليلي الحيوان دا عمل فيكِ ايه ؟ ذرفت أوجاعها على هيئة عبرات و كلمات ممزقة كحال قلبها - كسر قلبي يا كارما . وجعني اوي بالرغم من اني حبيته اوي والله قالت جملتها الأخيرة. بحــ,,ـــــرقه انتفض لها قلب كارما التي هدرت بعنــ,,ـــــف - دا حيوان و ميستاهلش دمعه واحده من دموعك دي .... انا اول مرة اشوفك ضعيفه كدا . انتِ طول عمرك قوية يا غرام ..انتِ اللي كنتي بتقويني يوم مـ,ـوت بابا الله يرحمه .. - يمكن عشان عمري ما حبيت حد قده في الدنيا ! كان اعترافها مريرًا له وقع السوط على كرامتها ولكنها لم تستطيع الصمت فآذرتها شقيقتها قائلة بحزن - و هو ميستاهلش حبك دا و ميستاهلش تعملي في نفسك كدا عشانه ... دا اول قلم الحياة تديهولك لازم تبقي اقوي من كدا عشان لسه ياما هتقابلي في حياتك ، و خليكِ فاكرة ان الضــ,,ـــــربه اللي مبتمـ,ـوتش بتقوي و انتِ لازم تبقي قويه عشان انتي مش اي حد . انتِ غرام سالم هاشم الرفاعي … صمتت تستشعر وقع حديثها على ملامح غرام ثم تابعت باعتزاز _ بابا ربانا طول عمرنا راسنا مرفوعه و مفيش حاجه تقدر تهزمنا كان واثق ان كل واحده فينا بميت راجل و حتى لو وقعت تقدر تقف تاني نجحت في غرس بذور الحياة في قلبها وتذكيرها بماهية طبيعتها التي تجاوزت حزنها قائلة بقوة - عندك حق انا مش لازم ابقي ضعيفه ابدا هو ميستاهلش مني اي ذرة حزن واحدة تحدثت غرام بتصميم علي لملمه شتات قلبها الذي بعثره عشق ذلك القاسي الذي لم يحرك دفئها ساكنا في برودة قلبه.... كانت كارما تتحدث ولم تكن تدري اتواسي شقيقتها أم تواسي نفسها فهي في أمس الحاجة لكتفين تضمانها و يد تربت علي كتفها و تخبرها بأن كل شئ سيكون علي مايرام فهي الأخرى تعاني آلام الفقد و الخذلان معا والحقيقة أن كلا كان يعاني بطريقته فلا يوجد قلب في هذه الحياة لم يكتوي بنيران العشق ... و لم تطال قلبه مرارة الخذلان و لكن هذا هو العشق مثلما نتجرع آلامه و مرارته نتذوق أيضًا حلاوته و روعته . فجمال الأشياء يكمن دائمًا في صعوبتها فكلما كانت اصعب كانت لذة الوصول اجمل و اشهى ... نورهان العشري ✍️ 🍁🍁🍁🍁🍁🍁🍁🍁🍁 تفاجئ ادهم النائم بإهمال فوق مخدعه بزجاجه من المياه المثلجه تسكب فوقه فاستيقظ مفزوعًا و هب بغضب - انت غبي يا مازن في حد يصحي حد كدا ؟ صاح به مازن بغضب مُريع - و انت لسه شفت غباء و كمان ليك عين تنام ؟ تصدق انك بجح . تململ بضيق تجلى في نبرته حين قال - و انت مالك انت و جاي عايز ايه عالصبح كدا ؟ مازن بسخرية - صبح ايه؟ انت مش عايش في الدنيا احنا داخلين عالمغرب يا بيه . أدهم بنفاذ صبر - و انت مالك اصحي وقت ما اصحى انت جاي تحاسبني ! زجره مازن بعنــ,,ـــــف - قصدك جاي اطلع عين اهلك .. متفكرش اني عشان سيبتك امبارح بمزاجي يبقى الموضوع انتهى لا ... انا عايز اعرف دلوقتي عملت ايه في غرام خلاها منهاره بالشكل دا ؟ فاجئه حين أجاب بجمود - معملتش حاجه ! أيقظ جموده نيران حارقة بأحشاؤه فصاح موبخًا - انت هتستهبل امال هي كانت منهاره منها لنفسها كدا ؟! صاح غاضبًا يحاول التملص من نيران ذنبه - قولتلك معملتش حاجه اتسلينا مع بعض شويه و كل واحد راح لحاله عشان كدا هي زعلت . اقترب منه مازن و امسك به من تلابيبه و قال بغضب - اوعي تكون قليت معاها يا ادهم هدبحك فاهم ! - قولتلك محصلش حاجه خلاص بقى قالها ادهم بصراخ قبل أن يتابع بخسة _ هي كانت راسمه على حب و غرام و دي مش سكتي عشان كدا انهارت لما قولتلها اني مش بتاع كدا .. شيعه مازن بنظرات الخسة قبل أن يقول باحتقار - تصدق اول مرة اشوفك واطي كدا يا ادهم صمت لثوان قبل أن يتابع ليجلد ما تبقي له من كبرياء و أردف - انا كنت قاصد اخليك تشوف غرام عشان انا اكتر واحد كنت حاسس بيك و شاف معاناتك مع الزباله الي كنت تعرفها قبل كدا حتي لو كنت بتداري ... قولت دي اللي هتنور حياتك تاني و هترجعك ادهم بتاع زمان . بس انت دلوقتي اثبتلي انك متستهلش غير واحده زي مرام . هي دي اللي تليق بيك .... انا مبقتش عايز اعرفك تاني . خرج مازن بعد ما القي برصاصات كلماته وأردفها بنظره احتقار زادت من معاناة ذلك الذي يقرضه الندم حتي افقده صوابه فصار يدمر كل ما تقع عيناه عليه و هو يصرخ و دموعه تتساقط من فرط الألم... بعد وقت ليس بقليل انهكه التعب و خانه جسده فسقط علي الارضيه يلهث من فرط العذاب الذي يعتمل بداخله و صار يبكي كطفل صغير فقد ابويه فها هو خسر صديقه و أخيه الاكبر و ايضًا خسر حبيبته الوحيده والاصعب من ذلك كله خسر إنسانيته التي فقدها عند اول صفعة تلقتها منه ملامح ملاكه البرئ في ذلك اليوم المشؤوم .... اخرجه من معاناته صوت هاتفه الذي ظل يرن قرابه الساعه فالتقطه في وهو ينوي اغلاقه و لكنه تفاجأ بأن الاتصال من اخيه الاكبر و الاب الروحي له فأجاب على الفور قائلا بلهفه - يوسف - عايزك في ظرف ساعه تكون قدامي كان يوسف يتحدث بغضب شديد فأجابه أدهم بلهفه - حاضر مسافه الطريق هكون عندك قالها بصوت معذب علي الفور لمس قلب يوسف الذي تحدث باهتمام و قد نسي ما كان يغضبه منه قبل قليل - انت كويس ؟ - متقلقش عليا انا كويس - صوتك مش عاجبني انت فين ؟ انا جايلك . هكذا تحدث يوسف بحزم فقاطعه أدهم مؤكدًا على حديثه - متقلقش عليا يا يوسف انا لسه في اسكندريه و هلم حاجتي و هاجي النهارده . - طب بما انك في اسكندريه عايزك تعدي علي فاطمه خاله كاميليا ام علي و تطمن عليها عشان سمعت انها تعبانه و في المستشفي كلمات يوسف كانت أسوأ ما يُقال في هذا التوقيت لذا سارع بالتملص من الأمر - متقلقش بقت كويسه الحمد لله و خرجت من المستشفى امبارح بس قلقانه و هتتجنن علي كاميليا ... صحيح هو حصل بينكوا ايه ؟ اجابه باختصار - بعدين هبقي احكيلك. أدهم بتنبيه - اوعى تكون اذيتها يا يوسف كاميليا متستهلش منك حاجه وحشه .. اكيد هروبها دا له سبب افهم منها و اعرف ليه عملت كدا متعملش حاجه تندم عليها .. لو ضاعت منك هتندم ندم عمرك صدقني كانت كلماته تخرج من جوفه المُحترق فشعر يوسف بشي خاطئ فاستفهم قائلًا - ادهم انت بتكلمني انا؟ كانت لهجته تحمل ما يعانيه مع قلبه و ايضا فهو شقيقه الأكبر و أكثر من يعلمه حتمًا يوجد خطب ما ليتحدث بتلك الطريقة و قد صدق حدثه فهو يوجه الحديث لنفسه التي لو كانت طاوعت قلبه لم يكن يقع أبدا في ذلك العذاب لم يستطع الإجابة علي أخيه فما كان من الاخر انه اغلق الخط و لملم أشياؤه سريعا ليؤاذر شقيقه فهو تأكد تماما بانه يحتاجه و لكنه يأبى التصريح بذلك و لكنه لبى نداء قلبه الذي طالبه بالاطمئنان على معذبته اولًا فانصاع له وتوجه إلي المشفي في الحال بعد وقت قليل وصل يوسف و قلبه يسبقه إلى غرفة كاميليا و لكنه صدم مما سمعه و رآه ووووووو

مقالات ذات صلة

انتقام خاطيء نيفين بكر ١

جاسم و سيرين٢

ابني رجع البيت

رغم فرق السن هاجر جمال ١

اترك تعليقاً إلغاء الرد