صبا بانبهار ايه ده فين اساس الغرفه الغرفه اتبدلت تماما لدى السرير ولا ده الدولاب ولا ده الفرش حتى السجاد مش هو
وهيبه معلش يا بنتي انا خفت الصراحه ليكون في شيء في اي حاجه موجوده حبيت اتخلص منه كله علشان نكون في الامان وربنا يستر كمان هدومكم كلها امرت الخدم يغسلوها وينشروها في الشمس عشان تتعقم
صبا حبيبتي يا ماما بس ما كانش في داعي لكل ده.
وهيبه ربنا يستر يا بنتي ويكفينا شر الناس السوء اللي عاوزين يؤذونا باي طريقه.
صبا يا رب طيب اعمل ايه دلوقتي انا محتاجه اغير هدومي
ورد تعالي غيري عندي مش بتقولي في هدوم مقفوله لسه في الشنط
صبا اه بس ما استخدمتهاش قبل كده
ورد خلاص طلعي حاجه منهم وتعالي خدي شاور وغيري عندي
وهيبه روحي معاها يا بنتي على ما يكون جوزك جاء ونتغدى هيكون الاوضه 100 فل و 14 وكله تمام. وتكون الهدوم نشفت كمان.
صبا تمام.
وفعلا صبا راحت مع ورد وغيرت هدومها هناك ونزلت تستنى عيسى والجميع كمان اقترحت على ورد اقتراح حلو قوي
صبا بقول لك ايه يا ورد ايه رايك انادي على جميله وكمان صفا وندخل احنا الاربعه كده بربطه المعلم ونعمل احنا الغداء ويكون غدا جديد وعصري
ورد والله فكره حلوه بس هنعمل ايه
صبا ايه رايك نعمل بيتزا
ورد بتشجيع فكره جميله جدا بس ابوي وامي ممكن ما تعجبهمش لانهم متعودين على الاكل البلدي بتاعنا.
صبا عادي احنا هنعمل حسابهم معانا وكمان هنعمل لهم اكله بيحبوها جنب البيتزا لو البيتزا مش عجبتهم خلاص ياكلوا الثانيه
صبا بفرحه وهو كذلك هروح انادي صفا وجميله.وفعلا راحت ودقايق كانت جايه هي وجميله وصفا اللي فرحوا جدا وشجعوا الفكره ودخلوا هم الاربعه المطبخ يبدعوا وصبا هي اللي كانت بترشدهم على عمل مكونات البيتزا واغلب العمايل في تحضير الغداء هي اللي كانت بتعمله بنفسها وهم كانوا بيساعدوها ولما جه وقت الغداء كان مهران ويونس وعيسى جم من الشغل وقاعدين في غرفه الطعام وهم منتظرين بعد ما استقبلتهم وهيبه بالترحاب وعرفتهم ان النهارده الغداء باشراف صبا.
فرح جدا عيسى ان صبا بدات تتفاعل معاهم وكمان بدات تبقى طبيعيه بس كان خايف ومتوتر من اللي حصل قبل شويه وكان عارف ان اكيد دي البدايه ولسه في حاجات كثير هتحصل دقايق وكانت صبا وصفا وورد وجميله مدخلين الطعام على السفره بمساعده البنات اللي في البيت
صبا بفرحه السلام عليكم
الجميع وعليكم السلام ورحمه الله وبركاته
صبا حمد لله على سلامتك يا بابا حمد لله على سلامتكم جميعا يلا اتفضلوا الغداء جاهز
مهران بفرحه الله يسلمك يا بنتي انى عرفت انك انت اللي حضرتي الغداء النهارده بصراحه متشوق جدا اشوف اكلك وكنت عاوز اطلب منك من
زمان من ساعه ما اكلت اكلك وقت عزومه بيتكم بس كنت بقول اصبر عليها شويه.
صبا انا تحت امرك يا بابا واللي انت عاوزه اطلبه بس وانا هنفذ على طول
مهران ربنا يبارك فيك يا بنتي. عيسى حس بفرحه بصبا وبتغيرها انها بدات تتعود وجودها هنا وده كان مريحوا جدا. ولما دخلوا جميعا وشافوا البيتزا استغربوا مهران وهيبه بس يونس وعيسى كانوا عارفين ايه دي
وهيبه واه ايه ده يا بنات
صبا ببتسامه دي بيتزا يا ماما هتعجبك قوي جربيها ولو ما عجبتكيش انا عامله لك الاكله الحلوه دي.
وهيبه ايوه كده طاجن باميه باللحمه ومعاه رز معمر هو ده الوكل بتاعنا.
صبا بس لازم تذوقي البيتزا الاول انت وبابا وتقولوا لي رايكم
سلمى بنرفزه واه وانت هتوكلينا على كيفك اياك. اتضايقت جدا صبا من كلامها.
(زواج تحت التهديد بقلمي اسراء محمود لا حول ولا قوه الا بالله العلي العظيم).
عيسى لو مش عاجبك الاكل تقدري تقومي تعملي حاجه لنفسك
ورد وانا من راي اخوي برده احنا عملنا اللي عاوزين ناكله لو مش عاجبك قومي اعملي لحالك. اتضايقت جدا سلمى من تعليق عيسى وكمان ورد الا احرجها وخلاها تقوم من على الاكل.
مهران تسلم يدك يا بنتي هناكل وهنقول راينا بكل صراحه. اتبسطت صبا جدا وبدات تبص لهم وهي مستنيه رايهم والكل بدا ياكل من البيتزا اللي عجبتهم جدا طعمها وقوامها وريحتها خلت الجميع ما بصش لباقي الاكل واكلوا البيتزا كلها.
وهيبه حلوه قوي البتاعه دي اللي قلتي عليها يا بنتي سلم يدك
مهران فعلا حلوه قوي عجبتني جدا لازم تبقي تعمليها تاني
صبا فرحه بالهناء والشفاء حاضر من عينيا. ما قلتش رايك يا دكتور
يونس تسلم ايديكم فعلا تحفه زي بتاعه بره واحسن.
صبا بالهناء والشفاء
ورد وانت يا عيسى يعني ما حدش سمع صوتك اياك تكون البيتزا مش عاجباك
عيسى مين جالك ده ما شاء الله جميله جدا تسلم ايديك يا ام ساهر وعايزك على طول تاكليني من ايدك.
فرحه صبا بتعليق عيسى وقالت طبعا ان شاء الله
مهران يبقى كده الوكل هيكون من ايدك انت وباقي البنات بلاش تخلي الخدم هم اللي يعملوه
صبا بفرحه حاضر يا بابا . ولما خلصوا الاكل.
مهران بقول لك يا صبا يا بنتي
صبا خير يا بابا في حاجه
مهران كنت طمعان في كوبايه قهوه من ايدك الحلوه
صبا بابتسامه يا سلام بس كده من عينيا الاثنين. طيب حد محتاج يشرب حاجه ثانيه
وهيبه يبقى تقفى انت وورد وتعملوا لنا قهوه وشاي للي عاوز
صبا تمام تشرب ايه يا دكتور يونس
جميله قهوه مظبوطه. ضحك الجميع عليها وغمزت لها صبا
صبا خلاص كده عرفنا الدكتور بيحب ايه صبا وانت يا عيسى تشرب ايه.
سرح عيسى في اسمه ان كل ما يسمعه من صوت صبا يسرح فيه ويحس وكانه له معنى جديد ما كانش موجود قبل كده
صفا وهي تنده على عيسى
عيسى ها في حاجه يا صفا
صفا مرتك بتسالك تشرب ايه ايه ان انت سرحان فيه
عيسى لا مش سرحان اشرب من يدك قهوه مظبوطه
صبا تمام ثم سالت الجميع وقال كلا منهم ما يريد ان يشرب ودخلت هي وورد لتجهيز المشروبات وبعد فتره غير كبيره خرجوا معهم صنيه كبيره لتقديم المشروبات واخذ كل واحد مشروبه الذي طلبه جلسوا جميعا يتناولون المشروبات في سعاده وهم غير ساكتين عن
كلم,,ات الشكر لصبا. وده كان مفرحه جدا ومخليها سعيده ومبسوطه بس كانت هناك عيون اخرى تلمع بالغض,,ب والغدر تقف بعيدا وهي تنظر الى صبا التي تبتسم بحقد وشر كبير. ولكن جاءت في راسها خطه شيطانيه تاكدت انها عليها التنفيذ الان حتى تتخلص من تلك الصبا التي اصبحت تمثل خطرا كبيرا عليها. ثم عزمت على تنفيذ خطتها ولكن مهلا حتى ينسوا ما حدث اليوم وقررت ان تذهب الى رقيه لكي تعطيها المال وتخلص من ذنها وبعد ذلك تنفذ ما تريد بمفردها حتى لا ياتي احد ويخرب مخططها.
صبا بعد اذنكم هطلع فوق انا وورد عندها في الاوضه .
كنت عايزه اخذ رايها في حاجه
وهيبه اطلعوا يا بنتي
جميله ماشي اطلعوا عقبال ما اكون عملت لكم طقم عصير ولا اروع
صفا وانا كمان هاجي معاكي يا مرت اخوي.
وهيبه بفرحه ربنا يبارك فيكم يا بنات ويهدي سرنا جميعا
امن الجميع على كلامها وصعدت كلا من صبا وورد الى غرفه ورد
ورد تعالي بقى يا ستي قولي لي موضوع ايه ان انت عايزه تاخدي رايي فيه
صبا بصي يا ورد من غير لف ودوران انا هعتبر نفسي صديقتك وهسالك سؤال
ورده اسال يا مرت اخويا والله انا بحبك جدا واعتبرتك اختي وصديقتي.
صبا بابتسامه طبعا يا حبيبتي. طيب ايه رايك في محمد ابن عمك
ورد بخجل رايي كيف يعني
صبا احنا قلنا احنا صحاب بنتكلم بصراحه مع بعض ما فيش حد معانا انه احنا نتكسف او نخجل منه وتاكدي اني هكون معاكي وفي ظهرك وهحاول اساعدك علشان تكوني سعيده ومبسوطه
ورد ربنا ما يحرمني منك يا حبيبه قلبي
صبا ولا منك يا روحي. بس قولي لي ايه رايك فيه بجد
ورد يعني من ناحيه ايه.
صبا من كل حاجه يعني تقبلي محمد كزوج
ورد بصراحه كده يعني محمد راجل واني بحبه لانه بيفكرني بعيسى اخويا شويه.
صبا اعتبر دي اجابه غير صريحه باعجابك بيه
ورد الصراحه انا معجبه بيه من زمان بس هو ولا معبرني
صبا بابتسامه مين قال بقى انه مش معبرك.
ورد يعني انا حاسه كده. هو في حد قال لك حاجه ولا انا اللي باين عليا ومفضوحه قوي
صبا بضحك لا يا حبيبتي مش باين عليكى ولا حاجه انا بس اللي اخذت بالي من نظراتك المخطوفه عليه لما كنا في الفرح كمان نظراته ليكي كانت كلها اعجاب وحب وبصراحه كده عيسى اخوك كلمني اسالك رايك ايه فيه لان محمد اتقدم لك وطالب ايديك.
ورده بفرحه جد بتتكلمي جد يعني محمد طلب يدي من عيسى
صبا اه يا حبيبتي وعيسى كمان قال لي ان الراجل هيمـ,ـوت عليك من زمان وبيحبك قوي بس كان منتظر انك تخلصي تعليم علشان تكوني حققتي هدفك بس هو مش قادر يستنى اكتر من كده وكان خايف ترفضي طلبه فحب يعرف رايك الاول قبل ما يكلم بابا مهران واللي عرفته او حسيته من كلام عيسى انه شكله بيحبك قوي من زمان
ورد بفرحه بجد يعني محمد بيحبني كيف ما انا بحبه
صبا سيدي يا سيدي على اللي اعترفت بحبها ليا
ورد انا بحبك قوي يا صبا بصراحه
حسيتك اختي بجد.
صبا بفرحه حبيبتي يا ورده ربنا يسعدك ويتمم لك على خير هبلغ عيسى علشان يطفي الناــ,,ـر العاشق الولهان.
ورد بكسوف وبعدها لك يا مرت اخوي
صبا انت هتتكسفي مني وعشان الكلمتين دول ماشي يا ستي . امال هتعملي ايه في ليله الدخله غمزت لها.
اتكسفت ورده جدا لدرجه ان وشها بقى زي الدم
صبا يا نهار ابيض محمد لو شافك وانت زي حبايات الفراوله كده هياكلهم اكل
ورد وبعدها لك عاد عماله تكسفيني. حـ,ـضنتها ورتبت على كتفها
صبا ربنا يتمم لك على خير يا حبيبتي.
ورد اللهم امين ويبارك فيك لينا يا مرات اخويا وعقبال ما اشوف عوض اخوي منك
اتكسفت صبا وقالت اللهم امين. الوقت ده الباب خبط ودخلت جميله وصفا اللي كانوا شايلين كوبايات عصير
صفا احنا قلنا ناجي نشرب معاكم العصير اهنه
جميله ايوه وبالمره نسهر مع بعض.
صبا بفرحه تمام وانا معايا حته فيلم هفتحه ونتفرج عليه.
ورد طب وعيالك منك ليها
صفا احنا طلبنا من سعديه وهنادي يخلوا بالهم من الولاد وهم اصلا ناموا وكمان يونس راح المستشفى وسعد رجع الشغل ويا ابويا وكمان عيسى راح المكتب مع محمد وامي قالت هتدخل تنام فقلنا فرصه نسهر سوا
صبا بحماس اوكي ثواني هطلع الموبايل ونشوف الفيلم مع بعض وفعلا بعد ما جميله نزلت طلبت من البنات يحضروا شويه تسالي وطلعت كانت صبا شغلت الفيلم بعد ما وصلت التليفون بالشاشه وبدا يشتغل وقاعده هم الاربعه هم عمالين يتفرجوا على الفيلم وبعد كده خلص الفيلم وفضلوا يضحكوا ويهزروا ويحكوا لدرجه ان صوتهم كان عالي جدا وفي الوقت ده
جاء يونس دور على جميله مش لقاها وسعد دور على صفا مش لقاها وعيسى دور على صبا مش لقاها فتقابله هم الثلاثه في بهوالمنزل.
عيسى انا مش لاقي صبا
يونس ولا انا لاقي جميله
سعد ولا انا لاقي صفا هم ايه حد خطفهم. ضحك الرجال
عيسى اكيد عنده ورد في الاوضه تعالوا نطلع نشوف في ايه وفعلا طلعوا ناحيه جناح ورد وسمعوا صوت ضحكهم العالي جدا.
يونس ايه رايكم نرجع امجاد زمان ونعمل فيهم زي ما كنا بنعمل زمان
سعد والله فكره جميله واهو يخليهم كل واحده فيهم تخرج تروح اوضتها بنفسها.
عيسى بس اكيد هم قاعدين براحتهم فلازم نكون حريصين
يونس اطمن ما فيش حد فيهم هيبقى براحته غير مراتك يعني تبقى تدخل انت الاول وهم اللي جوه اخواتك ومراتي بتبقى دايما مغطيه شعرها حتى وهي قاعده مع حد وبعدين اول ما يسمعوا الصوت كل واحده فيهم هتحط الحجاب على راسها الوحيده اللي ممكن تتلخبط وتتاخد وما تقدرش تتصرف هي مراتك فهنخليك انت اللي تدخل الاول
عيسى ماشي ربنا يستر بس كده هتخلونا نرجع ايام امجدنا الجميله
ضحكوا جميعا وفي هذه اللحظه دخل محمد مواقف معهم
محمد واه واقفين اكده ليه.
يونس الحريم كلهم جوه واحنا هنرجع امجاد الزمن الجميل
محمد يا سلام وانا راشق معاكم
سعد يبقى يلا بينا استعنا على الشقه بالله.
البارت السابع عشر
بعد ما اتفق الرجال على اعطاء الحريم درسا لن ينسى ابدا
عيسى تعالوا ندخل الاوضه بتاعتنا اللي كنا بنتجمع فيها ايام زمان فيها الحاجه
محمد تمام اكده عقبال ما تكونوا جهزتوا حالكم اكون فصلت الكهرباء عن الدور كله
عيسى ماشي وانت يا يونس جهز الجهاز اللي معاك بتاع الصوت
يونس ماشي يا اخويا واستمروا هكذا لعده دقائق يجهز ون ويرتبوا كل ما ينوا فعله.
نسيبهم يجهزوا نفسهم ونروح نشوف الحربايه سلمى بتعمل ايه عند رقيه
