كانت سارة تسمع لهذا الحوار فى بكاء صامت فلم تتوقع كل هذه المعاناة للعائلة البسيطة حتى يتحملوها بل وكيف لهم ان يتخلوا عن ابنهم فى سبيل راحتها لم تدرى ماذا تفعل حتى النقود لم تعد كافية بعد لأعطى جزء منها لام منى ام لادفع منها لام سعيد فى هذه اللحظة حينما كانت سارة تحا/دث نفسها افاقت منى منى ومازالت فى نعاس : بتعملى ايه يا سارة عندك ؟ مسحت سارة دموعها سريعا والتفت نحو منى قائلة : ها … لا مفيش دا انا كنت بدور على المنبه بس ومرضتش افتح عليكى
النور قلت افتح البلكونة عشان اشوفه منى : طيب تعالى المنبه جمبى اهو وامسكت منى بالمنبه لترى الساعة فكانت العاشرة مساءا منى : يااااااه دى الساعة 10 احنا نمنا كتير اوى قومى يلا ياسارة روحى اغسلى وشك عشان تذاكرى وبعدها نتعشى سارة : حاضر *****************************
فى صباح يوم ما ….. وفى شركة عاصم بيه كان يجلس عاصم بيه على مكتبه يراجع بعض الاوراق وهنا دخلت عليه سكرتيرته نهى : عاصم بيه ….. عاصم لم يرفع بصره : ايوة يا نهى
نهى : الاستاذ جمال بره وعاوز يقابل حضرتك عاصم : طيب دخليه ودخل الاستاذ جمال المحامى لمكتب عاصم بيه الذى خلع نظارته الطبية ووضعها على المكتب وقام من مكانه ليحتضن جمال بقوة فهو قبل ان يشغل وظيفة محامى الشركة فهو ايضا صديق عزيز له هو اخيه عاصم : يا اهلا يا اهلا فينك يا جمال واحشنى اوى جمال : انا اللى فينى بردو انت اللى مش عاوز تقعد فى البلد دى و كل يوم فى بلد شكل
ضحك عاصم : بغير جو يا عمنا ايه مش ناوى تغير انت كمان جمال : لا يا سيدى انا مش هغير ولا حاجة انا عاجبنى الوضع كدا اوى كان جمال هو صديق عاصم المقرب فكان يحا/دثه فى كل ما يخصه ليس فقط بشأن الاحكام القانونية الخاصة بالشركات ولكن ايضا فى احواله واستشارته فى كل ما يتخذه من قرارات جمال : المهم حمدلله ع سلامتك عاصم : الله يسلمك يا ابو جمال جمال : انا مش جاى اضيع من وقتك كتير انا عاوزك فى موضوع مهم اوى
عاصم : خير …… فى ايه جمال: لا الاول لازم ابنك عمرو يكون موجود عاصم وقد بدأ القلق يساوره : خير يا جمال فى ايه جمال : طيب اتصل بيه الاول يجى واحنا هنشرب قهوتنا لحد ما يوصل ووبالفعل اتصل عاصم بيه بعمرو الذى قلق ايضا من كلام عاصم بيه واتجه سريعا نحو مكتب ابيه اجتمع ثلاثتهم فى المكتب عاصم : ها يا جمال ادى عمرو جه اهو خير بقى جمال : الاول انا عاوز الكلام اللى انا هقوله دا محدش يقاط*عنى فيه ومحدش كمان يشكك فيه لانه كله موثق وكله بورق
رسمى
عاصم : يلا يا جمال انا قلقت اكتر جمال : طيب بص يا عاصم اخوك الله يرحمه زى ما انت عارف كان متجوز من زمان عاصم : ايوة عارف جمال : تمام ……. بس اللى متعرفوش بقى انه عنده بنت تسمر كل من عاصم وعمرو ونظر بعضهما الى بعض فى حالة من الصدمة **************************** الحلقة 9 صدم عاصم بيه وابنه عمرو مما قاله الاستاذ كمال عاصم : يعنى ايه …. يعنى ايه الكلام اللى انت بتقوله دا يا جمال
جمال : زى ما بقولك كدا
اخوك الله يرحمه كان بيحب مراته اوى ومخلف منها بنوتة بس عيشتهم كانت صعبة اوى
وقرر انه يرجع تانى لاهله ويسيبها عشان يقدر يصرف عليها هى وبنته عاصم : وانت عارف كل دا منين جمال : ايه اللى عارف منين !!! ما احنا من زمان اوى ومش بنخبى حاجة عن بعض سواء انت او اخوك عاصم وقد صدم المكتب بيده بقوة دلالة على غ/ضبه : بس انت خبيت اهو يا جمال ……. خبيت علينا كلنا
امسك عمرو بمعصم اباه وحاول تهدئته ثم وجه كلامه نحو الاستاذ جمال عمرو : طيب انا ممكن اسألأ سؤال يا استاذ جمال جمال : اتفضل يا ابنى عمرو :عمى م/ات من سنيتن ……….ليه مقلتش الكلام دا من ساعتها
وليه جاى تقوله فى الوقت دا بالذات؟؟؟؟ جمال : انا فعلا يا ابنى كنت ناوى اقول على حاجة ليكوا بعد ما م/ات المرحوم
بس مراته هى اللى اصرت انى مقلش حاجة دلوقتى
عشان مصلحة بنتها ………لان بنتها اصلا مكنتش تعرف ان ابوها عايش غير قبل ما والدتها تتوفى بفترة صغيرة اوى
عاصم وصدم للمرة الثانية : هى كمان مراته الاولى م/اتت ؟؟؟ جمال : ايوة تعيش انت …….م/اتت من 3 شهور عاصم : وبنتها دلوقتى مع مين ؟؟؟؟ جمال : قاعدة فى الشقة بتاعتها
انا رحتلها الكلية بتاعتها وكلمتها والبنت رافضة حكاية الورث خالص عاصم : انت كمان رحتلها الكلية ……… انت بتتصرف من دماغك يا جمال
المفروض كنت تقولى يا اخى جمال وقد بدأ يغ/ضب : انا مبتصرفش من دماغى يا عاصم اولا انت كنت فين كل الفترة اللى فاتت دى عشان اقولك على اى حاجة بتحصل
دا انا كنت بشوفك صدف ويوم ما اقولك عاوزك فى موضوع تقولى بعدين وابنك جمبك اهو اسأله كدا انا جيت سألت عليك كام مرة وأاكد عليه لما ابوك يرجع يا عمرو عرفنى عشان عاوزكوا فى موضوع مهم وبعدين ثانيا الكلام دا كله خاص بالمرحوم وكان موصينى عليه يعنى انا مش بتصرف من دماغى زى ما بتقول يا عاصم حاول عمرو تهدئة الحوار قليلا فبادر بالحديث عمرو : صلوا عالنبى يا جماعة مينفعش الكلام يبقى كدا
: عليه افضل الصلاة والسلام جمال : انا جيت اقول الكلام دا دلوقتى لان البنت بقت لوحدها ومبقاش ليها حد خالص عاصم : طيب وجدها وجدتها ؟؟ جمال : لااااا دول فى محافظة تانية خالص ومحدش يعرف عنهم حاجة ودلوقتى سارة قاعدة لوحدها فى شقة والدتها واظن ان من الاصول ان مينفعش بنت تقعد لوحدها وكمان فى حارة
كلام الناس مبيرحمش ولا ايه يا عاصم بيه عاصم : هى اسمها سارة ؟؟ جمال : ايوة …… وفى كلية صيدلة كمان
عمرو : طيب هى هنا فى القاهرة ؟ جمال : لا فى اسكندرية ……. اظن ان انتوا اهلها ولازم تقفوا جمبها فى محنتها وخلوا بالكوا كمان ان ليها هنا النص بالظبط خاصة كمان ان زوجة المرحوم التانية م/اتت هى كمان يبقى الورث كله لسارة والورق دا كله يثبت ان سارة تبقى بنت المرحوم وكمان الورق دا بتاع الورث بتاعها وتنازلات امها عن ورثها لبنتها لان المرحوم كان كاتب جزء للأم وجزء للبنت ودى الامضا بتاعته كمان
تمهل عاصم فى الكلام وفكر عمرو هو الاخر فلم يفكروا فى ان لها نصف مجموعة شركات السعيد كاملة اتصل عمرو بسكرتيرة والده عمرو : نهى لو سمحتى اطلبى تلاتة ليمون هنا نهى : حاضر يا عمرو بيه شرب ثلاثتهم الليمونادة واخذوا يفكروا بهدوء تام فى شأن سارة