ـ غلطتي عشان محترمتيش الراجل اللي أنتِ شايله اسمه، و روحتي تقابلي واحد تاني أيًا كانت أسبابك. تعاتبيه ليه و عشان أيه! يخصك في أيه يشارك ميرهان ولا يولعوا اللتنين! كان مُحقًا في حديثه للحد الذي أشعرها برغبة قوية في التلاشي من فرط الحرج و الألم ليهتف خالد بشراسة أفزعتها:
ـ أنتِ و هما شبة بعض. لا أنتِ تستحقي زوج زي كمال، ولا هما يستحقوا أخ زيه، و النهاية أخويا مشي و مش عارف هو فين ولا حالته أيه بسبب ناس تافهه و أنانية زيكوا.
تعالت شهقاتها مما جعل أشجان تهرول إلى الداخل لتُصدم من مشهد آسيا التي انفجرت في بكاء مرير لم يردع خالد عن الحديث بجفاء:
ـ كمال قبل ما يمشي حب يحققلك أمنيتك، و كتبتلك شيك باتنين مليون جنية مهرك و مؤخرك، و قال للمحامي يديلك كل حقوقك. شوفتي بقى كمال اللي كرهتيه عشان فكرتيه زيهم فكر فيكِ ازاي! حتى و أنتِ دبحاه كان بيفكر فيكِ بردو. ارتجت الجدران إثر بكائها مما جعل أشجان تهتف بتوسل:
ـ خالد.
قمع باقي كلماته وهو يضغط على أسنانه بعُنف حتى كاد أن يطحنها، فأخذ يطلق أنفاسًا قوية تحــ,,ـــــرق جوفه من الداخل، قبل أن يلتفت مرة أخرى إلى آسيا قائلًا بجفاء:
ـ مبروك يا آسيا. خدتي حقك تالت و متلت و انتقمتي مننا كلنا. حقك تفرحي مش تعيطي. رفعت رأسها تناظره بألم، ولكن كلماته كانت تحمل معنًا مُستتر لتقول بلوعة:
ـ أنا منتقمتش غير من نفسي. خالد بشراسة:
ـ متقلقيش الكلاب الباقيين ربايتهم عندي أنا. فزعت أشجان من جملته و خاصةً عندما انطلق إلى الخارج لتهرول خلفه وهي تصرخ بفزع:
ـ خالد. استنى يا خالد هتعمل أيه؟
خالد بصراخ اهتز له جسدها:
ـ ورحمة أمي لا اللي هعمله فيهم ميتخيله عقل. بس الصبر. أشجان بذعر:
ـ طب أهدى. أهدى بس و خلينا نطمن على كمال الأول. عند ذكرها لاسم شقيقة اكتظت جفونه بالألم لتنفلت منهم دمعة غادرة غافلت كبريائه و ثباته كما جاءت نبرته جريحة حين قال:
ـ كمال ميستحقش حد فيهم. أخويا مش هيمشي كدا غير لو الأذى فاق قدرته على التحمل. اقتربت أشجان تعانقه بشفقة وهي تهمس بطمأنة:
ـ أن شاء الله هيرجع يا خالد. يوم ولا يومين وهيرجع هيروح فين.
ألقى بنفسه و بكل هذا الثقل الذي يرسو فوق صدره في أحضانها وهو يقول بنبرة تئن من فرط الألم:
ـ مش بالسهولة دي. آخر مرة كمال مشي فيها كانت بعد مــ,,ـــــوت بابا. فضل سنة غايب، و محدش يعرف هو فين. سنة كاملة واحنا بنتعذب من القلق و الخوف عليه.