ورد اللهم امين اتعشي كويس وخدي العلاج وارتاحي لان شكلك تعبانه.
صبا ان شاء الله يا حبيبتي ما تخافوش عليا.
نزلت ورد ومعها الخادمه. وجلس عيسى يطعم صبا بيده تحت اعتراضها ولكنه لم يبالي هذا الاعتراض فكل ما يريده ان تاكل جيدا حتى تقدر على استرداد صحتها.
صبا بعد فتره عيسى بالله عليك علشان خاطري انا خلاص مش قادره اكل حاجه تاني عشان خاطري لو سمحت.
عيسى لانك حلفتي عليا وعلشان خاطرك عندي بالدنيا ماشي مع اني مش مقتنع.
(زواج تحت التهديد بقلمي اسراء محمود لا اله الا انت سبحانك اني كنت من الظالمين سبحان الله وبحمده سبحان الله العظيم)
صبا شكرا جدا يا عيسى.
عيسى باستغراب شكرا على ايه
صبا على كل حاجه بتعملها معايا ومع اولادي. شكرا على تعبك معاهم ومعايا طول الفتره اللي فاتت دي سايب شغلك وحالك وفضلت معايا في المستشفى ده غير اهتمامك باولادي. اللى ماقلش بالعكس ده زاد. بتحاول كل الطرق تساعدهم وتفرحهم . لدرجه انهم بقوا ينادواك بابا. كمان شكرا على اهتمامك باهلى ومراعاتك ليهم واحترامك ليهم مش عارفه بجد اقول لك ايه.
عيسى اقترب منها وقال ما تقوليش حاجه نامي علشان ترتاحي انا مش بعمل كل ده علشان مستني انك تشكريني انا بعمل كده لاني حابب اعمل كده غيركده ما كنتش هعمل ومش بعمل شفقه او تكليف لا انا بعمل كده لان دول اهلي والعيال دي هم اولادي كل حاجه تخصك بقت تخصني وتهمني اكتر من اي حاجه في الدنيا. ابتسمت صبا على كلم,,اته ولم تعلق ولكن كان هناك شيء بداخلها سعيد على تلك الكلم,,ات الجميله.
عيسى ارتاحي لانك محتاجه تنامي شويه وانا هنا جنبك مش هروح في حته لو احتجت اي حاجه اهمسي باسمي وهتلاقيني جنبك
ابتسمت صبا وهزت راسها ووضعتها على المخده وذهبت في ثبات عميق. ظلت العلاقه بين صبا وعيسى على هذا الحد من الاهتمام والمراعاه من جانب عيسى لكل شيء يخص صبا. وهي بدات تتحسن بسبب اهتمام عيسى الزائد بها. فهو لم يتركها لحظه ودائما يطعمها ويعطيها الدواء بنفسه. بالاضافه الى انه لم يسمح لها بالحركه او عمل اى مجهود حتى لا يؤثر هذا عليها. وكل هذا اد ى الى تعافيها بسرعه.
وفي يوم كانت تجلس هي وعيسى في الغرفه
صبا عيسى لو سمحت ممكن اطلب منك طلب
عيسى اطلبي واتمني من غير ما تسالي.
صبا انا عايزه انزل تحت اقعد في الجنينه شويه مع الج,,ماعه وكمان افضل مع ماما والولاد وبابا قبل ما يمشوا انت عارف انهم هيسافروا النهارده لو سمحت.
عيسى بس اكده من عيوني حاضر بس غيري خلجاتك وننزل
هزت صبا راسها وهي فرحانه. فعلا بدلت ملابسها ولبست حجابها ونقابها وقامت علشان تنزل.
اقترب منها عيسى لكي يحملها وينزل بها الى اسفل
صبا انت هتعمل ايه
عيسى هشيلك
صبا لو سمحت يا عيسى والله انا بقيت كويسه واقدر امشي على رجلي كويس انت المفروض تساعدني علشان اقدر امشي على رجلي مش تعودني اني ابقى متشاله
عيسى مع اني مش تاعبني خالص انك تبقي مشتاله وفي حـ,ـضني بس ماشي. قامت صبا وهو اقترب منها وامسك يدها ونزلوا الى تحت وعندما راها من جميع فرحوا جدا بسبب تطور شفاء صبا والذي لم ياخذ كثير من الوقت بسبب مراعاه عيسى ليها.
بالاضافه الى فرح اهلها واحترامهم اللي ابتدى يزيد في عيسى واهله بسبب اهتمامهم وحبهم لبنتهم وخوفهم عليها وده خلاهم يطمنوا جدا عليها ويروح القلق اللى كان في قلوبهم من ناحيتها.
مهران حمد لله على سلامتك يا بنتي نورت الدار
صبا الله يسلم حضرتك يا بابا شكرا
اقترب منها فضل وحـ,ـضنها وقال الف حمد لله على السلامه يا حبيبه بابا اهو كده اروح انا وماما واحنا مطمنين عليك
صباربنا يبارك لي فيك يا بابا الله يسلمك. طيب خلوكم معايا شويه كمان.
فضل انت عارفه يا حبيبتي شغلي وانا هنا ليا فتره واخد اجازه كمان علشان اخوك ومدرسته علشان مدرسه الاولاد
هدى اه يا حبيبتي كان على عيني والله بس لازم نمشي علشان المدارس وشغل بابا وانت خلاص بقيتي كويسه انا كده مطمنه عليك وكمان بسبب الناس اللي زي العسل ان ربنا بعتهم ليكي.
صبا اه والله يا ماما ربنا يبارك لي فيكم وفيهم.
امن الجميع على كلامها
وهيبه ايوه كده انزل نور الدار. وبلاها الرقده دي
صبا حسيت اني مرتاحه وعايزه انزل اقعد وياكم كمان اقعد في الجنينه واشم هو كويس.
وهيبه يا سلام بس كده خلاص يبقى نفطره ونشرب الشاي في الجنينه كمان. ابتسامه صبا على ذلك وطلبت وهيبه من الخدم تجهيز كل شيء في الجنينه وخرجوا جميعا الى الجنينه وكان عيسى بجوار صبا لم يتركها.
جلسوا بعد ذلك في الجنينه فطره شرب المشروبات بتاعتهم كمان عيسى ادى لصبا لعلاج بتاعها.
فضل وقت كبير جدا مع بعض كمان اهل صباواولادها مشيوا سافروا بعد ما جهز لهم عيسى عربيه خاصه توديهم لحد البيت وده كان موقف مؤثر جدا بسبب تعلق اولاد صبا بيها ولكن عيسى اتكلم معاهم وحايلهم كمان ومشوا وهم مبسوطين وده فرح صبا جدا وبعد ما اهلها مشيوا فضلوا مع بعض هي واهله وهو كمان فين الجنينه.وفي الوقت ده اتكلمت بهمس بجوار اذن عيسى.
صبا ممكن اطلب طلب كمان
عيسى بابتسامه وبنفس الهمس انت تؤمري
صبا ممكن تجيب سلمى وتخرجها
غض,,ب عيسى و تبدلت ملامحهم فاقتربت صبا منه مره اخرى
صبا علشان خاطري ومن غير غض,,ب.
عيسى حاول يهدي نفسه.
عيسى هو ينادي على كبير الحرس. جاء ذلك الرجل وهو يهرول اليه
كبير الحرس امرك يا كبير
عيسى تروح تطلع سلمى من المخزن الغربي وتجيبها اهنه.
كبير الحرس تحت امرك يا كبير وذهب ينفذ ما طلب منه.
وفي هذه اللحظه ابتسم مهران سبب معرفته ان صبا من طلبت ذلك وهو كان يعلم ان ابنه لن يفعل لها شيء وسوف يطلب من صبا ان تاخذ حقها ولكن هو يعلم ان صبا لن تفعل لها شيء وهذا ما جعله لم يتحدث في الامر بالرغم من مجيء اخته اكثر من مره وهي تطلب العفو منهم حتى يسمحوا لها من رؤيه ابنتها والعفو عنها ولكن لم يقدروا على طلب هذا من عيسى وكانوا يحاولوا ان يطمنوها بانهم سوف يفعلون ما بوسعهم. دقائق وجاء الرجل ومعه سلمى التي تبدلت ملامحها الى الارهاق والتعب بالاضافه الى العديد من الكدم,,ات على وجهها ويدها الظاهرين.
بالاضافه الى انها كانت لم تقدر على الوقوف او السير
وقف عيسى وهو غض,,بان وكان يريد ان يخنقها ويتخلص منها ومن اذاها ولكن صبا
صبا برجاء لو سمحت يا عيسى. نظره لها ثم عاد مره اخرى وجلس مكانه.
وهيبه اطلبى السماح من مرت الكبير يا سلمى وتعلمي من الدرس ده كويس قوي. وادعي ربك انها تسامحك.
عيسى بصوت غليظ ايوه اهم حاجه تسامحك لانها لو ما سمحتكيش صدقيني مش هرحمك وانا اتمنى ده ونفسي فيه.
جلس سلمى تحت رجل صبا
سلمى وهي تقترب على قدمها لكي تقبلها ابـ,ـوس يدك ارحميني وخليهم يرحموني واوعدك ما هجيش هنا تاني واصل ولا كانكم تعرفوني
ولكن صبا رفعتها ولم تجعلها تقبل قدمها
صبا اطمني ما حدش هيعمل لك حاجه بس طبعا ده بعد اذن بابا وعيسى بس اللي انا عايزه اعرفه انت عملت كده ليه
سلمى غباء وغيره عاميه وحقد وشر ربنا يكفيك شر كل ده لما يتجمع جوه انسان بس الدرس اللي علمهونى عيسى في الكم يومين اللي فاتوا دول خلاني فوقت وعرفت انا فين ومين ايوه هو ما جاش ناحيتي ولا حتى لامسنى بس
بعتلى لي اللي تربيني. ابـ,ـوس يدك خليهم يهملوني وانت مش هتشوفي وشي ثاني
نظرت صبا الى عيسى بتوسل. فهزه راسه اليها موافقا.
ابتسمت صبا تقدري تروحي وما حدش هيجي جنبك تاني طول ما انت مش هتاذي حد. بس المره الجايه اوعدك اني مش هقدر اساعدك.
هزت سلمى راسها عده مرات بفرحه فهي لم تكن تصدق ان يعفو عنها خصوصا صبا التي توقعت ان تسقيها من كؤوس العذاب والمرار ما يجعلها تمـ,ـوت وهي حيه وقامت وركدت وهي تخرج بعيد عنهم
مهران لكبير الحرس ابعت حد من الرجاله معاها يروحها لحد الدار ويجي على طول من غير اي حوار مع اي حد
كبير الحرس امرك يا كبير. انصرف ينفذ ما طلب منها.
صفا قلبك طيب وابيض يا مرت اخوي. حد تاني غيرك كان ولع فيها وهي حيه
صبا ليه يعني كفايه عليها عقاب ربنا.
ورد عندك حق يا مرت اخوي بس ده ما يمنعش انك قلبك كيف البفته البيضاء
جميله اي والله تحسك ده انك نقيه كيف من جوه وجميله ورقيقه وحنينه واحنا فعلا ربنا بيحبنا انه هدانا بيكي
صبا ربنا بيحبني انا عشان رزقني باهله كويسين وحنين زيكم.
وهيبه ربنا يبارك فيك يا بنتي وان شاء الله ربنا يتم شفاك على خير وعايزين في اسرع وقت يكون عندنا حفيد منك.
اتكسفت صبا جدا ما قدرتش تعلق ولكن هزت راسها . في اللحظه دي عيسى بص عليها. وابتسم على كسوفها الواضح
ورد واه وبعدين معاكي ياما كسفت البنيه.
عيسى تعالي قومي ارتاحي كفايه عليك كده النهارده.
وهيبه ايوه يا بنتي اطلعي ارتاحي كفايه قاعده من بدري
صبا فعلا حاسه اني محتاجه ارتاح.
وهيبه خلاص اطلعي مع جوزك عقبال ما يحضر الغداء بس هننتظرك تنزلي تتغدي ويانا
(زواج تحت التهديد قلمي اسراء محمود لا حول ولا قوه الا بالله العلي العظيم)
صبا اكيد يا ماما. ثم قامت اخذها عيسى وصعدوا الى الغرفه ودخلتها وبدلت ملابسها وجلست على السرير.
عيسى ارتاحي شويه وانا هخرج هروح عند محمد في حاجات في الشغل لازم ابص عليها وكمان هو عاوزني في موضوع.
صبا تمام ربنا يقويك
عيسى اللهم امين بس قولي لي انت عملت ايه في موضوع ورد اني كنت حكيت لك عنه قبل ما نسافر ساعه فرح فريده. محمد اكيد هيسالني عن الموضوع وهو مش على بعضه وكل التاخير ده خليه قارفني وهيجنني.
صبا بابتسامه انا كلمت ورد وهي موافقه طبعا بعد موافقه باباك وموافقتك وشكلها كده يعني في قبول ومحبه كمان بس البنت مكسوفه ومش مبينه اي حاجه.
عيسى بابتسامه خلاص يبقى على بركه الله وخير البر عاجله. هروح ابل ريقه. وكمان اكلم ابويا وربنا يقدم اللي فيه الخير
صبا ان شاء الله .
عيسى طيب انا خارج محتاجه حاجه من بره
صبا شكرا سلامتك
عيسى بغض النظر عن شكرا بس ماشي ارتاحي انت لحد ما اروح واجي تمام ولو احتاجتي حاجه رني علي على طول او كلمي صفا او ورد او جميله.
صبا حاضر..
البارت الواحد والعشرون
خرج عيسى لكي يقابل محمد. وترك صبا وهي رقدت على السرير وذهبت في ثبات عميق اما عند عيسى فعندما دخل المكتب عند محمد
عيسى السلام عليكم ورحمه الله وبركاته كيفك يا ولد عمي
محمد وعليكم السلام ورحمه الله وبركاته انا مش مصدق نفسي معقول عيسى باشا جه والله وحشتني دخلتك المكتب.يا وحش.
عيسى حبيبي يا محمد معلش انا عارف اني سايب كل حاجه فوق راسك الفتره اللي فاتت دي بس انت عارف الظروف.
واهو اول ما حسيت ان صبا اتحسنت والحمد لله جيت علشان اشوف الشغل اخباره ايه وكمان اشوف موضوع ايه ان انت عايز تكلمني فيه.
محمد وهي عامله ايه مرت اخوي
عيسى بخير والله الحمد لله في تحسن
محمد وهتعمل ايه ويا سلمى
عيسى خلاص افرجت عنها ومشيت وانتهى الموضوع.
محمد واه كيف ده انا كنت متخيل انك هتفطسها بيدك.
كمان كنت عارف ان اكيد هيبقى ليها عقاب شديد قوي لاني عارف اللي بيقع في طريقك
عيسى بغض,,ب دفين والله كنت عايز اربيها من اول وجديد بس صبا طلبت مني اني اعفو عنها وقالت ان هي سامحتها وخلاص وبتقول كفايه عليها عقاب ربنا
محمد واه ومن امتى بقى ان شاء الله وانت بتسمعني كلام حد في حاجه زي دي
(زواج تحت التهديد بقلمي اسراء محمود اللهم صل وسلم وزد وبارك عليك يا حبيبي يا رسول الله)
عيسى ما تنساش ان صبا هي اللي اتاذت من سلمى ومن حقها هي اللي تتكلم
محمد اه بس ما انكرش
برده ان مرت اخوي ليها تاثير كبير قوي عليك انت بتحبها يا عيسى
عيسى بتنهيده بحبها قوي ومش عارف انا كنت عايش قبلك ده كيف بس اهو ربنا رضي عني وجمعني باللي قلبي دق عشانها.
محمد ربنا يهنيك يا ولد عمي وان شاء الله نسمع عن قدوم ولي العهد
عيسى بابتسامه ان شاء الله قريب قوي
محمد بابتسامه معنى اكده ان كل حاجه تمام
عيسى لا لسه بس كل حاجه هتبقى تمام في اقرب وقت
محمد لا دي متاكد منها ربنا يهنيك يا اخويا ويسعدك ان شاء الله بس قولى عاد مش ناوي تسعدني انا كمان وتهنيني انا خلاص يا اخويا ما بقتش قادر استحمل اكثر من اكده انا قولتلك قبل أكده. ولولا كل الظروف اللي كانت حاصله ما كنتش قدرت اصبر لحد دلوقتي بس خلاص صبري نفد.
عيسى بابتسامه اعمل ايه يعني اغصب عليها
محمد بتوتر وصدمه واه هي مش عاوزنى
عيسى والله يعني يا محمد انا مش عارف اقولك ايه
محمد بحزن ما تقولش حاجه يلا قدرى اكده.
عيسى اهو يلا بقول كنت هكلم ابوي انه يخلي كتب الكتاب والدخله الشهر الجاي
محمد بحزن كتب كتاب مين
عيسى ورد اختي
محمد بصدمه وحزن واه هو في حد تاني
عيسى لا في حد اولاني
محمد بعصبيه قول لي مين ده وانا اشرب من دمه
عيسى بضحك يا ساتر يا رب ايه يا ابني هتشرب من دمه ماشي.
والله انا كنت ناوي العب عليك شويه بس صعبت عليا كتب كتابك انت وورد يا ابني.
